الشاات وآآآه من الشااات

[حسن الهلالي]

بدايةً لا أخص أحداً بعينه بكلامي
لكني أصف ما رأيته أمامي
الشاات وآآآآه من الشاات
وجع راس حتى الممات
دخلت الشاات صدفة
وكانت أسوأ صدفة
سمعت عن الشاات كتير
لكن إل شفته أكتر بكتير
دخلت على الرومات
هناك شفت كل الحاجات
كدب وغش وخداع
وأي شيء يشتري ويباع
ماعلينا
في الشات لقيت 3 انواع
أهونهم إل قاعد في الروم
وبيجامل على طول
قاعد يمكن عامل ميوت
لو حد طلع مايك يقول ذوق بعلو الصوت
يأخي عجبك الاهداء علق
ماعجبكش إلزم السكوت
يقول كبر دماغك
كدبه بيضه وهتفوت
والتاني
قاعد لكل بنت يقولها إنتي أختي
ومسئولة مني
ولازم تسمعي نصيحتي
خدي بالك من فلان وعلان
دا لدعته زي لدعة التعبان
أنا ليكي ناصح أمين
وعليكي من الخايفين
طب أسألك بالله ياأمين
ترضي تدخل اختك وسط الموجودين
جوابه بدون تردد لا وألف لا إنت مجنون
أدخل أختي فين
ربنا يهدينا أجمعين

والثالث
ياسادة ياكرام
أكثر الناس مرضاً وإنفصام
بالبرايفت يلعب على كل البنات
يقسم لكل واحده منهم إنتي ست الستات
فيكي شيء شدني غير كل البنات
عاقلة هادية راسيه مش بتاعة إشتغالات
حبيتك وهأحبك حتي الممات
بس إعذريني مش هأحب خيالات
ايه رايك ندي لبعض الايميلات
ونفتح الكامات
وأي بنت محتاجة تسمع كلمة حلوة
تصدقه بس مش علشان صدقه
لأنها عارفة انه كداب وواضح كدبه
متهيألي كفايه كده
لأن أكتر من كده بهدله
ربنا يرحمنا جميعاً

[نور]

متهيألي كفايه كده
لأن أكتر من كده بهدله
ربنا يرحمنا جميعاً

رائع انت حسن
قمة الصدق فى التعبير عن الشات
احمد الله انى لااعرفه
فمما سمعت عنه يخيفنى
ويجعل كل فتاة عاقلة تبتعد عنه
واسال الله ان يهدينا للخير
ننتظرك وكل حرف مبدع من محبرتك الراقية
لك منى باقات من الشكر والتقدير

[همس الحب]

اخي الفاضل حسن
تمام كده الكلام
ربنا يكملها بالستر ويبعد عنا كل مؤذي

وانا اعتبر الشات كلام في كلام ليس له صفه ولا صدق ولا محل من الاعراب
شكرا لموضوعك الرائع

[marmer]

اكيد كل شئ فية الكويس والوحش

ولكن الشات اضرارة انفع من نفعة

تسلم

حسن على هذا الطرح الواقعى

[طارق سرور]

كلام فى الصميم

روعة طرحك أخى حسن

فائق شكرى وتقديرى

[ملكة بإحساسي]

كلام جدا ومعبر
تسلم الايادى استاذ حسن الهلالي
قلم رائع يشق الابداع بكل تميز
لك شكر بحجم الكون