ذكـــرتـــــــك
*صباحكم / مساؤكم شعر
*
ذكرتك طعنةٍ تذبح وحبٍ بيح أعقوقه =وشعرٍ كاذبن حرفه وصدقي لك يواسيني
ذكرتك ليت مالي خافقٍ سكنّك بعروقه =ولا خليت لي ذكرى ولا همِ يبكيني
ولا نبضي دلة ضامي ولا أرويتها اعذوقه=وليته عمي احساسه ولا غربلي اسنيني
ذكرتك لعنها الذكرى تحد القلب وتسوقه =توقفنّي على بابك وصدك عابثٍ فيني
توقفني كسيرة حال خطوي يدفعه شوقه=جراحي أدمت احساسي ونبضي معميٍ عيني
تسامرني طيوفك حلم وحلمي ضيع شروقه =وأصدق من حكاوي الحب طيفٍ لك يسليني
ياغبن العمر ياغبنه شعورن ليتك اتذوقه =مرارن سل لي سيفه وحده قام يفنيني
وياكذب الحب ياكذبه يغش بعذب منطوقه =سلبني زهرة أيامي وصدقي بس يكفيني
:01:
شكراً لكل من مر من هنا
أرق التحايا
م0ن
05-23-2011, 08:56 PM
ذكرتك 00
