اذا احترق الاكل او زاد الملح شو تسوي
--------------------------------------------------------------------------------
السلام عليكم ورحمه الله وبركاته
هذي نبذه بسيطه عن طرق تفادي طعم الاكل المحترق في الاكل
و زيادة الملح بعد
اذا انت في البيت او انت في البر وهذي تنفع للي في البر اكثر
لانه ما خذ اكل على قد الطلعه ولا يقدر يييييب غير الاكل اذا احترق او زاد ملحه(هذي الطريقه مفيده للشباب اذا طلعوا البر )
اولا:اذا انت طبخت وقايل لربعك راح تا كلون اصابعكم ورا الاكله وما تفطن
الا والاكل قد احترق شو حيلتك جدام ربعك علشان ما يعلقون عليك
اكيد انت طابخ بقدر اذا احترق الاكل وصار للاكل طعم محترق ما عليك الا انك
تا خذ رغيف خبز وتحطه فوق الاكل طبعا بعد ما تشيله من النار رغيف الخبز راح يمتص طعم الحرق الي في الاكل
وبهذي الطريقه الاكله تيي على كيف كيفك
ثانيا:اذا زاد الملح في الاكل شو بتسوي تزيد الماي شي اكيد لا لانك
بتخرب طعم الاكل
في هذه الحاله ما لك الاانك تاخذ حبة بطاطس مقشره وتحطها وسط الاكل
لان البطاطس يمتص الملوحه بنسبه كثيره