حبيــب الملآيـــن

[الحب الصامت]

حبايبنا

أهديكم إحـدى روآئــع الشاعر الكبير الخال / عبد الرحمن الأبنودي

وهو يُحيي ويُثني على الزعيم الرآحل / جمال عبد النــاصر

نعم عندما يتحدث

الخال عن الزعيم جمال عبد الناصر ويلتقيا الإثنان فلزم عليا الصمت لكي

أستمتع بلقاء العملاقة ويالهآ من مفارقه جميله الأثنان من أبناء الصعيد الجواني

وهذا شرف لي فـ أنا فخور إني صعيدي وأنتمي لأصل وعراقة هؤلاء العملاقة

ويلا بينا نستمتع مع الخال وهو يتحدث عن الزعيم جمال عبد النـاصر ...

من يمدحه يطلع خاسر
ويشبروله ايامه
يعيش جمال عبد الناصر
يعيش بصوته واحلامه

فى قلوب شعب عبد الناصر

مش ناصرى ولا كنت فى يوم
بالذات وف زمنه وف حينه
لكن العفن وفساد القوم
نسانى حتى زنازينه

فى سجون عبد الناصر

ازاى ينسينا الحاضر
طعم الاصالة اللى فى صوته
يعيش جمال عبد الناصر
يعيش جمال حتى فى موته

ماهو مات وعاش عبد الناصر

اسمه جمال وجميل فعلا
ياما شجعان خوافة
عظيم وكان انسان طبعا
المجد مش شغل صحافة

عشان ده عاش عبد الناصر

اعداؤه كرهوه ودى نعمة
من كرهه اعداؤه صادق
فى قلبه كان حاضن امه
وضمير وهمة ومبادئ

ساكنين فى صوت عبد الناصر

ملامحنا رجعت بعد غياب
دلوقتى بس اللى فهمناه
لا كان حرامى ولا كان كداب
ولا نهبنا مع اللى معاه

انا باحكى عن عبد الناصر

عشنا وياه الحياة كالحلم
فلا فساد ولا رهن بلاد
يومها انتشينا ثقافة وعلم
وف زمنه ما عشناش احاد

كنا جموع فى زمن عبد الناصر

كان الامل فى خضرته بكر
ومافيش للقوت والمال
ومصر ابطال ورجال فكر
ومثقفين ستات ورجال

جيوش عبد الناصر

كان الهلال فى قلبه صليب
ولا شفنا حزازات فى بلادنا
زلا شفنا ديب بيطارد ديب
ولا جرس خاصم مدنة

وحدنا صوت عبد الناصر

دفعنا تمن الحرية
مش بدينار ودولار
يوم وقفته فى المنشية
خلى الرصاص يهرب من عار

اعداء عبد الناصر

رغم الحصار كنا احرار
وفى الهزيمة الشعب ما جاعش
كان اسمها بلد الثوار
وقرار زعيمها ما بيرجعش

قرار جمال عبد الناصر

خلى بلاده اعز بلاد
ليها احترام فى الكون مخصوص
لا شفنا وسط رجاله فساد
ولا خطط سمسرة ولصوص

كان الجميع عبد الناصر

لولاه ما كنت اتعلمتم
ولا بقيتوا دراكولا
ياللى انتوا زعما وانجازكوا
دخلتوا مصر الكوكاكولا

وبتشتموا فى عبد الناصر

عمر ما جاع فى زمنه فقير
وما التقاش دوا للعلة
دلوقتى لعبة " اخطف طير "
والامة فى خدمة شله

وبتكره جمال عبد الناصر

يتريقوا على طوابيره
علشان فراخ الجمعية
شوفوا غيره دلوقتى وخيره
حتى الرغيف بقى امنية

يرحم جمال عبد الناصر

فى ناس بتنهب وتسوف
ولايهمها مين عاش ومين مات
واحنا العدو عنا يخوف
معناه اكيد اننا قفوات

من يوم ما مات عبد الناصر

الارض رجعت للاقطاع
وقالو رجعت لاصحابها
وصاحبك الفلاح تانى ضاع
ضاعت العقود واللى كتبها

وخط ايد عبد الناصر

انا اذكرك من غير ذكرى
والناس بتفتكر بخشوع
والامس واليوم وده وبكره
يبكوك بعظمة مش بدموع

كفاية نقول عبد الناصر

دلوقتى رجعوا الفقرا خلاص
سكنوا جحورهم من تانى
رحل معاك زمن الاخلاص
وجه زمان غير انسانى

ماهوش زمن عبد الناصر

صحينا على زمن الالغاز
يحكمنا فيه اهل الاعمال
وللعدو صدرنا الغاز
بفرح وبكل استهبال

نكاية فى عبد الناصر

بنمدها بغاز الاجيال
تحويشة الزمن القادم
اتوحشوا فى جمع الاموال
ورجعنا سادة وخوادم

ضد اتجاه عبد الناصر

يا جمال نجيب زيك من فين
يا نار يا ثورة يا ندهة ناى
البوسطجى اللى اسمه حسين
ابوك منين جابك وازاى؟؟

عمل جمال عبد الناصر

لو هاكتبك ما تساع اقلام
ولا كلام غالى واوراق
الامر كله ومافيه.. انا مشتاق
فقلت اسلم عليك وانام

نومة جمال عبد الناصر

تحية مني ليك أنا يا خال على روعة وجمال ورُقي قصيدتك
وكل قصائدك وتحية للزعيم الراحل جمال عبد الناصر .. بس خلاص.

28 / 11 / 2013

الحب الصامت

[الحب الصامت]

يا جمال نجيب زيك من فين
يا نار يا ثورة يا ندهة ناى
البوسطجى اللى اسمه حسين
ابوك منين جابك وازاى؟؟

عمل جمال عبد الناصر

[طارق سرور]

روعة الطرح واكثر من رائع

تحية من القلب للزعيم الراحل /

جمال عبد الناصر

شكراااااااااا على الطرح القيم أخى الحب الصامت

[الحب الصامت]

رحم الله الزعيم / جمال عبد الناصر

طارق الشكر لا يكفي على مرورك الطيب يا طيب .. بارك الله فيك .

[ندى الورد]

الزعيم الراحل جمال عبد الناصر من افضل ما انجبت مصر عاش بطلا ومات بطلا حبيب الملايين

مهما غبت عن ناظرنا فلسوف تبقى طيب الذكر والثناء بتاريخك المشرف لكل عربى غيور على أمته وعروبيته جزاك الله عنا خير ا ونساله ان يجمعنا بك فى الجنه ان شاء الله
ألف تحية للشاعر الكبير الخال / عبد الرحمن الأبنودي
وألف تحية للاستاذ الفاضل الحب الصامت
على رووعة الاختيار الجميل
ربى يعطيك الف عافيه ويسعدك فى حياتك
زى ماأسعدتنا بمواضيعك القيمه
بارك الله فيك وحفظك من كل سووووء

[الحب الصامت]

الفاضلة / نـــدى الـــورد .. وردة صــدفــه

نعم إنه الزعيم الرآحل حبيب الملايين جمال عبد الناصر سيظل ويبقي رمزاً

للوطنية ورمزاً للإخلاص وأنا شخصياً قلت إنه محبوب الفقراء كم يعشوقنه

أبائنا وإمهاتنا ياله كان من زعيم إستحق أن يتربع على عرش قلوب الملايين

ومرة ثانيه تحيه للخال الذي أعشقه وتربيت على قصائده الخال / عبد الرحمن الأبنودي

وتحية وسلآماً ليكي أيتها الفاضلة نــدى الورد على كل كلمه وعلى كل حرف

وعلى حضورك المميز الـرآئع ولا حرمنا الله منك وكل الشكر على المرور الكرم

وعلى تقييمك للموضوع ويارب يرزقك زيارة بيته الحرام

ويسترك دنيآ وآخره .. آمين يـــارب العآلمين .

[توتى العمدة]

بصراحه حاولت الاقتباس .. فوجدت انه موضوع رااائع ومميز ..
من بدايته الى نهايته .. اخذتنا برحلة جميلة راائعة ومفيدة ..
لنعيش كل لحظة مع روائع الكلمات
...
لنعيش بالايمان ..بالحب .. بالكفاح .. بالصبر ..
..
..
مااروعك وما اروع مواضيعك ..
لاحرمنا هالتواجد الرااائع
اسجل احترامي لك
والموضيع المميزة يافارس المنتدى
لك فائق احترامي وتقديري

[الحب الصامت]

توتي العمدة .. فرآشــة صــدفــة

دائماً أنتي فرآشه تحلَقي في سمـاء صدفة

وتآتي لنا بأعذب وأروع الكلمات وهكذا أنتي

رآآآآئعه .. كل الشكر على كرم المرور .