علامة النصر
علامة النصر حركة بنعملها بايدينا
بتعبر عن احلامنا وامانينا
بتلهب مشاعرنا وترهب اعادينا
بنعملها فى فرحنا وشدتنا
اصلنا متعودين فوق دايما رايتنا
بنحب بلدنا ونحافظ على كرامتنا
حالفين يانصر يالجنة تكون بيتنا
حندخلها برضى ربنا وبشهادتنا
بكرة 6اكتوبر يافرحتنا
يوم مارفعنا راسنا بعد كسرتنا
رجعنا ترابك وسجدنا على رملتنا
مننا عاش نصرنا وعزتنا
ومننا مات ودمة غرق رملتنا
روى الارض بدمة ريحتة عطرتنا
الارض شربت دمة طلعت ثرواتنا
عرفتوا لية دايما بنرفع علامتنا
بنرفعا لولادنا وهم فى البلكونة واحنا رايحين وحدتنا
بنرفعا بابتسامة جايز ميشموش تانى ريحتنا
فى كل مرة بنقبل رؤس امهاتنا
جايز مرجعش تانى واوصل بيتنا
هو دة قدرنا وهيا دى شغلتنا
شغلة بنصون بيها كرامتنا
كرامة شعب اصيل هو بيتنا
وقف معانا فى محنتنا
ساعدنا وكان طهر نتسند بيها فى زنقتنا
عرفتوا لية دايما رافعين شارتنا
شكرا لكل شخص عاش اكتوبر وفرحة وجعل لنا كرامة نتباهى بها بين الامم
شكرا لكل عربى ساندنا فى شدتنا من النكسة الى النصر
شكرا الى عدونا فقد عرفنا قيمتك الحقيقية
شكرا رجال القوات المسلحة البواسل العظام
شكرا قادة نصرنا الاحياء
شكرا ارواح الشهداء
شكرا اسر الشهداء
عاشت مصر
عاش شعب مصر
عاشت قواتة المسلحة درعا وسيفا
نقيب /احمد خضر
عرايشى