.•°•. شقتك صغيرة و ضيقة .... تعالى ننظمها و نظبطها .•°•.

[همس الليل]

هل سبق و صادف معاكى ان شقتك مساحتها ضيقة او حتى اى غرفة فيها مساحتها صغيرة
طبعا دى مشكلة ممكن تكون قابلت كتير مننا
فان شاء الله فى الموضوع هنقدم بعض الافكار نتمنى ان تكون حلول ناجحة لمشكلة الغرف الضيقة
و معلش سوف تجدون صعوبة بسيطة فى تصفح الموضوع نظرا لكثرة الصور





غرفة النوم





طبعا اول حاجة هنفكر فيها ولابد من تنفيذها هى
وضع القليل من الاثاث داخل الغرفة و طبعا بيكون الاثاث الضرورى و الذى لابد من وجوده
و عدم تكدس الغرفة بالاثاث غير المرغوب فيه
و كمان مراعاة حجم الاثاث مع مساحة الغرفة
فليس من اللائق ان تكون الغرفة ضيقة و ان نضع فيها سرير كبير او دولاب كبير على سبيل المثال
فذلك سوف يسبب ضيق حجم الغرفة اكتر





لنبدأ الحلول


طبعا السرير قطعة اساسية داخل غرفة النوم
فلابد وان يكون بسيط حتى يتلائم مع الغرفة
اذا كان راس السرير حجمها ضخم و كبير
فيمكن الاسغناء عنها





اما اذا كان حجمها مناسب فمن الممكن تواجدها سواء كانت من الخشب او المعدن





او استخدام السرير المودرن نظرا لبساطته و رقته





ممكن استخدام السرير الذى يمكن تخزينه بداخل الحائط wall bed





او الـ daybed
عبارة عن سرير و كنبة فى نفس الوقت





الدواليب و الخزائن

استعمال الدولاب و الخزائن الطولية( الافقية )











و ممكن عمل خزائن و ادراج داخل السرير

[همس الليل]

التسريحة
لو كان يوجد فى الغرفة دولاب بالعرض
ممكن تضعى عليه مراّة و بذلك تصبح تسريحة





الكومدينو
يمكنك وضع كومدينو صغير بجانب السرير
و اذا كان فى مساحة تسمح ممكن تضعى 2 كومدينو على جانبى السرير





لو فى الغرفة شباك او بلكونة
ضعى عليها ستارة بسيطة





الاضاءة فى غرفة النوم
يفضل ان تكون خافتة و هادئة

و بتتمثل فى


الاباجورات على الكومدينو





ابلكيات على الحائط





و ممكن اسبوتات فوق السرير





كلمة اخيرة عن غرفة النوم
مش معنى ان غرفة النوم ضيقة يبقى مينفعش تزيينها
فانتى ممكن بلمسات بسيطة تحققى دة
من خلال اختيارك لالوان متناسقة لمفروشات تتلائم مع ديكور الغرفة





وضعك للخدديات بشكل جديد





وزعى فى الغرفة زهريات الورد الملون و الزرع الاخضر و الشموع





تابعونا

[همس الليل]

غرفة المعيشة/ الجلوس (الليفنج)





طبعا كلنا متنفقين على شئ اساسى خاص بالغرف الصغيرة
و هو عدم تكدس الاثاث داخل الغرفة
و اختيار الاثاث الاساسى و الضرورى
و بيتمثل ذلك فى غرفة المعيشة فى








كماهو موضح فى الصورتين السابقتين
ان و جود الكنب و الكراسى شئ اساسى
و لكن وجد على حالتين
اما كنبة و كرسيين
او اما كنبة و معاها كنبة اصغر و يطلق عليها اسم الــ (Love seat)





و عشان نعمل تناسب فى الليفنج
يبقى هنكتفى بكدة ( كنبة و كرسيين او كنبتين بحجم متوسط)











او ممكن كنبة واحدة





ومن الممكن ايضا ان نوزع فى الغرفة الـ (ottoman )ويطلق عليه اسم بف او فوتيه او بنش وهو ذات احجام واشكال مختلفه

فهو يعتبر قطعه اثاث فريدة داخل المنزل فمنها ما يستخدم للجلوس فقط ومنها ذات روحين فيستخدم للجلوس ولتخزين بداخلها
ومع كل هذا فهى قطعه تستحق ان تقتنيها داخل منزلك





ونأتى الان لحل عملى وبسيط ويعتبر ثورة فى عالم الديكور الا وهو الsectional sofa
ويطلق عليها اسم الكنبة الزاوية او الركنه
فميزتها تكمن فى وضعها باى زاوية فلا تشكل مساحة كبيرة وتجمع العديد من الاشخاص للجلوس عليها
فهى قطعه ديكوريه مميزة جدا










تابعونا

[همس الليل]

التليفزيون و مكتبة التليفزيون

عند توافر المال من الممكن استبدال التلفزيون العادى
بالبلازما لانه رقيق و بسيط ولا يحتل مساحة ووايضا فى اغلب الاوقات لا يحتاج الى مكتبه لكى يوضع بداخله فهو يعتبر فى حد ذاته قطعه ديكور فخمه





عند استخدام التلفاز العادى من الممكن بل من الافضل الاستغناء عن المكتبه العاديه بطاوله بسيطه لا تاخد حيذا كبيرا من المساحه
ومن الممكن صنع اررفف خشبيه على جانبيها لكى تعطى شعور بانها مكتبه متكامله

او الاستعانه باى موديل بسيط للمكتبه صغيرة الحجم




ونأتى الان لحل شائع الاستخدام بل هو الحل الامثل لمشكله المساحات الضيقه

الا وهو المرايا







اضافة الاكسسوارات و تزيين الليفنج
و دة بلمسات هادية و ناعمة


وضع ارفف على الحائط
و عليها الاكسسوارات





البراويز و الابليكات على الحائط


[IMG][/IMG]





و استخدام ستاير بسيطة





و الزرع الصناعى





ممكن عمل ركن كديكور جميل


ممكن الدفاية هكذا





او الكونسول هكذا








وضع الخدديات باشكالها و الوانها المختلفة على الارض و بطرق متنوعة





ملحوظة اخيرة
فى هذين الصورتتين









نجد ان قطع الاثاث كتيرة و حجمها كبير
بس فى نفس الوقت لا نشعر بضيق فى المكان
فباسلوبك و طريقتك فى اختيارك كل قطعة و تناغمها مع الاخرى
و تكتمل اللوحة بالالوان و الاكسسوارات
ليصبح الشكل النهائى متميز و رائع


تابعونا

[همس الليل]

السفرة


السفرة هيبقى حلها بسيط و سهل

انا ليا تصورين
فى حالة اذا كانت الغرفة اللى هيتم وضع فيها اثاث السفرة مربعة او اذا كانت الغرفة مستطيلة


فى حالة الغرفة المربعة

اما ان تكون طاولة السفرة مربعة الشكل او دائرية
و انا بفضل انها تكون دائرية











و فى حالة الغرفة المستطيلة

تكون طاولة السفرة مستطيلة الشكل او بيضاوية
و انا افضل الشكل البيضاوى











فكلا من الشكلين الدائى و البيضاوى سوف لا يشغل مساحة كبيرة فلا يساعد على ضيق المكان


اما عن النيش و البوفيه
فطبعا هيبقى من الصعب تواجدهم هما الاتنين مع بعض

ممكن وضع قطعة واحدة منهم











او ممكن عمل ديكور كدة














وكمان ماننساش دور الاضاءة
و هنا فى الصورة و انعاكسها على المراّة





ملحوظة
فى بعض الاحيان بيتم وضع طاولة السفرة و كراسيها مع الليفنج
نظرا لعدم وجود غرفة فارغة للسفرة لوحدها
فى الحالة دى بتختارة حجم الطاولة ليتناسب مع المكان الموجود
و فى الغالب هتكون بسيطة و حجمها صغير











تابعونا

[همس الليل]

المطبخ





ونأتى الان الى حل مشكلة المطبخ الضيق

فبيتمثل فى نقطتين معتمدتين على بعض و مكملين لبعض
و هما
حسن ترتيبك و تنظيمك لمطبخك
و الخزائن و الارفف و دورهم فى تنسيق المطبخ و تنظيم ادواته





سواء كانت خزائن علوية او خزائن سفلية











فمن خلال هذه الخزائن
يمكنك وضع فيها كل شئ
و بذلك توفرى المساحة خارجها











و ممكن بينها تضعى البوتجاز و الاجهزة الكهربائية











و الارفف كمان لها دور كبير فى الترتيب








و يمكنك استغلال المساحة اسفل الحوض
لوضع و تخزين ادوات النظافة مثلا
و بوضع ستارة بسيطة يمكنك اخفاء هذا المكان





و اذا كان فى مساحة باقية
ممكن تعملى فيها جلسة بسيطة








و فى رأى ان التصميم دة مناسب جدا للمطابخ الضيقة





تابعونا

[همس الليل]

الحمام





اهم الحاجه نركز عليها فى الحمام الصغير

هو المرايا لازم حجمها يكون كبير اذا توافرت لها المساحه لانها بتعطى احساس بالاتساع اكثر من المساحه الفعليه








الاهتمام بالارفف وتكون معلقه على الحائط حتى لا تاخد حيزا كبيرا





ايضا العلاقات ممكن توفر لنا المساحه
نعلقها على باب الحمام او على حائط غير مستغل





و كمان الخزائن





الاهتمام بمساحه الحوض

لابد من توافق حجم الحوض مع الحمام نسبيا





ويمكن الاستفادة من اسفل الحوض بطرق مختلفه وعمليه جدا








منطقة الشاور






و دى بعض التصاميم





تابعونا

[همس الليل]

فى النهايه نحب نقول بعض النصائح الهامه التى تساعد على جعل المنزل يبدو اكثر اتساعا


اولا


اختيار الالوان الفاتحه والمشرقه مثل الابيض والاصفر والوردى لجعل الغرفه تبدو اكبر حجما والابتاعد عن الالوان الغامقه فى الحوائط

او من الممكن المزج بين اللونين الغامق والفاتح على ان يكون الفاتح هو الغالب
فمثلا مممكن المزج بين اللون الابيض او السكرى بحائط اخر مثل الاورنج او النبيتى على ان يكون اللون الفاتح هو الاعم حتى لا نشعر بالرتابه والملل

ونفس النظريه ممكن تطبيقها فى كل ارجاء المنزل
المطبخ , غرفه المعيشه , الحمام وهكذا


ثانيا


اختيارك لديكور الحوائط

اختاري اللوحات والتابسرى وغيرها من الأعمال الفنية للحوائط

ذات بعد ثالث لكى تعزز من كبر المساحة فهذه الخدعة البصرية

تعطى نتائج مبهرة في الديكور لكى تعطى بعد أخر للغرفة مما يعطيها مساحه أكبر ، ومن الممكن

عمل ارفف خشبية على الحائط للقطع التى تود أن تقتنيها داخل غرفة معيشتك مثل: الكتب والقطع الديكورية البسيطة

أما المرآة مع أشكالها وأحجامها المختلفة تشكل الحل الأمثل

للضيق فهى تعطى إحساس بالفخامة والرقى ، وتعطى إحساس بكبر المساحة


ثالثا


عدم تكديس الغرفه بالاثاث ذا الحجم الكبير

حتى يعطى مساحه افضل للتحرك داخل المنزل


نتمنى من الله عز وجل ان يكون الموضوع نال اعجابكم







منقووووول لاهميته

[ahmed]

تسلمي
اختي
همس الليل
على مجهودك الرائع
والمعلومات المهمة

[أحمد اسماعيل]

همس الليل .. رووووعة شرحك والصور التوضيحة



تسلمى على موضوعك الهام لكل من يبحث عن الاستفادة من مساحة شقته



دعواتى لكى بكل الخير