الفرق بين بابا وجوزك &#&

[زهـ دمعه الم ـرة]

مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديه وفوقيها بوسه ..
لكن مع جوزك .. بيقول انت خلاص كبرتى على الحاجات دى

مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا

باباكى .. كلمه حلوه ترضيه ..
وجوزك .. طول الليل تحايلى فيه

باباكى وانتى عيانه .. سهران جنبك طول اليوم
انما جوزك بيروح ينام فى الاوضه التانيه.

بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه

باباكى.. لما تقولى له .. ده حصل كذا وكذا .. بيهتم ويصدقك
انما جوزك .. بيقولك .. الموضوع دا وراه ان .. ويشك فى كلامك

بابا .. لو شافك بتعيطى ها يمسح دمعتك
انما جوزك .. ها يقولك يادى النكد

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد

مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟

بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه







لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره .. يا ميلودى

بابا لو نازل مشوار .. بيعمل ليكى اعتبار ويديكى خبر
لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو جالك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دا

لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

باباكى لو لاحظ انك متخانقه مع اختك .. ها يصالحكوا على بعض
لكن جوك هيقولك خليهم يولعوا دول عيله عجب

مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى

[أحمد اسماعيل]

باباكى.. لما تقولى له .. ده حصل كذا وكذا .. بيهتم ويصدقك
انما جوزك .. بيقولك .. الموضوع دا وراهان .. ويشك فى كلامك



.....

هههههههههههههههههههه


حلوة جدا يا شذى هذه المقارنة

بس كده الستات تحس أنها مظلومة مع أنهم حبسوا الجن

ربنا يستر عليكم يا رجالة ههههههههههههه


يسلموووا على الفكرة الحلوة

دعواتى لكى بكل الخير

[منى القلب]

صدقتي اختي شذى

وخصوصا
بابا .. لو شافك بتعيطى ها يمسح دمعتك
انما جوزك .. ها يقولك يادى النكد

[زهـ دمعه الم ـرة]

شكرا عالمرور العطر

اثابكم الله

[شهد الحياه]

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى


ده اذا ما خدهاش كلها وشفطها لوحده وانتى تتفرجي ههههههههههه

هم الأزواج كده يقولولك اذا عايزة تتدلعي روحي لأبوكى يدلعك

هو عايز مين يدلعو ولازم تكون الزوجة بالنسبة للرجل تعامله زي والدته

يعني تعمل كل حاجة من غير ما تنتظر المقابل

شكرا لك يا احلى شذي على الموضوع اللطيف جدا

وعلى فكرة اكتر الكلام واقعي جدا رغم انه بطريقة مزح بس هو صحيح

جزاك الله كل الخير يا غالية

[sara87]

yslaaaaaaaamo

[زهـ دمعه الم ـرة]

شهودة

يسلمو يا قمراية

والله معاكي حق

نورتيني

[جنة]

ههههههههههههههههههههههههه هه
عسل انتي يا زوزو
بس هي بجد الحاجت ديه بتحصل
وموجوده
ربنا يسعدك ياارب

[ام معاذ]

السلام عليكم ورحمة الله

ههههههههههههه

زهرة الواحد لازم يبحث فى مواضيعك

تجنن

مقارنه الغلب فيها صحيح

بس ده لا يمنع اننا برده

بنزودها فى حاجات

يسلمو حبيبتى

الله يعطيكى الزوج الصالح
امييييييييييييييين

[نوبى]

اكيد الموضوع ده نكته صح ...!
لانك لو صمتى يوم سنه لازم اذن الزوج


ده كلام الحبيب صلى الله عليه وسلم

طيب ليه ن لوك لوك كتير

هههههههههههههه


ضحكت كتير قوى