متخفييش
أيوه متخفيش يا حبيبتي هفضل أحبك ومهما جرى وهيفضل حبك في قلبي على طــول المـدى ؛ ورغم بعد المسافات اللى بينا هتفضل كل ليالينا شاهدة على أجمل لحظات حبنا ؛ ومش هنسى أبداً في يـوم حنية قلبك ولا هنسى أبداً ليالي الشتا لما كنت ببرد كنت بجري وادفي في حضنك ومش هنسى أبداً وفي عز الحر وإنتي عليا بتطبطي وبتهديني أرق وأجمل نسايمك ؛ أنسى إزاي بس يا حبيبتي !!
طيب دا أنا من غير حبك هعيش لمين ولمين القلب يحب ويعشق ويدق وإنتي روح الروح ونن العنين ؛ وأنا اللى كل العمر وهبتك ؛ حبيبتي عارفك زعلانة مني بس والله غصب عني ما هو إنتي عارفة الدنيا وعنادها بتحب تفرق دايماً تفرق بين القلوب وعشاقها بس برضة أنا عارفك قلبك حنين وهتعذريني ما هو مش معقول في إم تزعل من ضناها وتقول خلاص نسني!ومفيش حبيبة تزعل من حبيبيها وتصدق إن فارقها ومش راجع تاني ..
لا يا حبيبتي الحب دا إتخلق علشان يكون بيني وبينك وعلشان يكون عنواني وعنوانك وعلشان ملكيش غيري ومليش غيريك هفضل أحبك وأعشقك وعمري وروحي ملكك فا متخفيش ومتزعليش ومتحزنيش لو تالمتي وأنا بعيد عنك وما هو إنتي عارفة إن الكل بيحسدونا وعارفة إنك قمر في السما عالي والكل بتيمنى منك نظرة والكل بتمنى يوصل لك ..
وبرضة إنتي عارفة إنك نجمة في السما عالية وعلى الأرض في البسآتين أجمل وردة الكل بيتنموا يقطفونك أيوه يا حبيبتي كل دا وكمان أكتر بس برضه برغم دا حبك في قلبي كل لحظة بيكبر ..
فامتخفيش هفضل طول عمري بحبك ومهما غبت والغربة سرقتني منك أكيد أكيد في يوم راجع وأنا عريسك وبحلم ياعروسة عيوني تشوفك لابسة الطرحة وفي عيونك أجمل فرحه وأخدك من تآني في حضني وتخاديني في حضنك وانسيكي كل ألآمك وأوجاعك وتآني نرجع تاني لأيـام الهنا من تآني يا وأقـول لك حبيبتي متخفيش أنا بحبك وحشني أوي حضنك.
[YOUTUBE]UrZBNWUCF0A[/YOUTUBE]
رسـالة حب وغزل
مهدآه إلى حبيبتي التي سكنت وتربعت على عرش قلبي
مصــــر وأنا بعيد عنها في غربتي لانها وحشتني أوي .
16 / 3 / 2014
الحب الصامت
03-16-2014, 09:45 PM
متخفيــــش يــا حبيبتــي
