أمثال شعبيه في صدفة - الجزء الثامن عشر

[جنة]

قاضى العيال اشتكى روحه



قال الأبقى الأخ و لا الصاحب قال الأنفع فيهم

قال إه اللى أحلى أحلى من العسل قال المش اللى ببلاش

قال ادخل الزربية نقى لك كلب قال كلهم كلاب ولاد كلاب

قال لها أرقصى قالت حزمونى و مسكونى عصاية

قال ما تعيبوا يا قوم إلا على الصلاة و الصوم

قال بابا شرفنى قال لما يموت اللى يعرفنى

قال يا جحا عد غنمك قال واحدة نايمة و واحدة قايمة

قال يا جحا حماتك بتحبك قال علشان بحب بنتها

قال يا جحا عد موج البحر قال الجايات أكتر من الرايحات

قال يا غراب ارمى لى بلحة رد الغراب و قال : كل شئ نصيب قال : طيب نصيب ليه و كل شئ بين ايديك ؟

قالت يا بت مالك صفرة كده قالت : مش حبلت قالت لها : يا بت مالك صفرة كده قالت : مش ولدت ، قالت لها : طول عمرك كده حتى و انت بت

قالوا الجنازة حارة كل واحد بينعى همه

قالوا الجمل طلع النخلة أدى الجمل و أدى النخلة

قالوا : حماتك تحبك قلت : دا كان زمان و بنتها عندها يا ما شيعت نسوان لما جرى اللى جرى و المقدر كان صبحوا يقولوا عليه دا حرامى و بيسرق الكتان

قالوا للديك صيح قال : كل شئ فى أوانه مليح

قالوا للقرد هيسخطوك قال هيعملونى غزال

قالوا ياللى ابوك مات من الجوع قلت هو كان لقى و ما كلش

قالوا للمسمار مالك نازل تزن قال من كتر الدق على دماغى

قالع راسه عادم ناسه

قامت الحمارة و قعدت الشرارة

قد الزر و تعب السر

قبل ما أقول يا أهلى يكون الجيران غاتونى

قبل ما أقولك لك قلت لى و من فنك غلبتنى

[marmer]

قال ادخل الزربية نقى لك كلب قال كلهم كلاب ولاد كلاب

هههههههههههههه

يا عينى على الامثال

تسلمى يا قمر

[جنة]

قدم الخير لجارك تلقاه فى دارك


القرد فى عين امه غزال



القديم يحلى لو كان وحلة



قرد موافق و لا غزال شارد



قرد يصافينى و لا غزال يغمنى



قرشك فى جيبك ساتر عيبك و خيره عليك



قرعة بتتباها بشعر بنت أختها



قصقصى طيرك ليلوف بغيرك



قطع الندل و ان كان حى و لا حد يحسب حسابه



قعاد الخزانه ولا الجواز الندامة




القعدة على الكوم و لا الحوجة للعدو يوم




القلب الأسود اللى يشيل و يحوش كتير عمره قصير

قلبى على ولدى انفطر و قلب ولدى على حجر

قلوب الرجال صناديق مقفولة

قليل البخت يلقى العضم فى الكرشة

قلوب عليها دروب و قلوب من الهم تدوب

قليل البخت يعضه الكلب فى المولد

قليل الطبع دخل على الجمع طفى الشمع يا باى

قولة حاه تلم الحمير

قول له فى وشه و لا تغشه

قومى من تربتك امحى كتبتك

قومى لها جارية و اقعدى لها ست

قيراط بخت و لا فدان شطارة

[جنة]

ههههههههههههههههههههههههه هه
اه اووومال اييه
ده احنــا بنختار الامثال بتمعن لاجل عنييكم
تسلمي يا غاليه على المرور

[اميرة صدفة]

قال ادخل الزربية نقى لك كلب قال كلهم كلاب ولاد كلاب
قالوا للديك صيح قال : كل شئ فى أوانه مليح

ههههههههههههههههههههه
جنونه الحنونه
تسلمين يا قمر على روعه الامثال
ودي ووردي

[أحمد اسماعيل]

ههههههههههههههه



جنة




يسلمووا على الطرح الرائع



دعواتى لكى بكل الخير

موسوعة متميزة منك

دعواتى لكى بالصحة والعافية

[جنة]

ميروووو//باشاااااا
يسلمووو على مروركم الجمييل
ربنا يحفظكم يااارب