السلام عليكم
أهلا وسهلا بيكم ... مشاهدينا الأعزاء
مع الفصل الأول من المسرحية الكوميدية
أحمد ونور ... على صفيح ساخن
بتمنى تنال إعجابكم
ومن خلال ردودكم هنقرر نكمل تصوير باقى الفصول
أم نكتفى بالفصل الأول
والآن مع المسرحية
الفصل الأول
طبعا زى ما احنا عارفيين الجهد الكبير اللى بيبذله الثنائى أحمد ونور فى الإرتقاء بصدفة
فكان بينهم هذا الحوار
أحمد المصرى :
استعنا ع الشقا بالله
نووووووووووووووووور .... رشى شوية ميه قدام المنتدى خلى الزوار يكتروا ...
يا فتاح يا عليم يا رزاق يا كريم
نور :
نهارك أبيض يا مصرى ... عندى إحساس اننا هنسبق كل المنتديات اللى جنبنا مش عارفه ليه ..
قال إيه شفت فى المنام امبارح إن خمسة مليون عضو مشاركين فى صدفة ...
مش كده وبس ... لفت نظرى ان كبارات البلد كلهم مشاركين ... حتى العمده سباعى وشيخ الغفر جربوع
المصرى :
يعنى هنبقى أغنيا قريب .... يابوووووووووووووووووووووى
دى اللحظة اللى كنت منتظرها من زمان
يعنى الإعلانات هتكتر .... ونأجر المتر بألف دينار
أحمدك يارب
هتجوز البت (فجلة ) اللى جزورها معششة ف أرض قلبى من سنين
وشك حلو عليه يا نور
نور :
بس فيه خطر علينا يا مصرى ...
المصرى :
خير !؟
نور :
بيقولوا فيه شوية مشاكل فى غزة
و احتمال كبير يطلبوا البت أميرة ورقة الإحساس للتجنيد
وفيه مشاكل عندكم فى الكويت بسبب وحش خيطان
واحتمال يسفروك انت وأبو عبدالرحمن وكل المصريين عشان يفضوا البلد ويخففوا الضغط على السكة الحديد ..... والمترو
والحوثيين مش ساكتين على حدود المملكة وانت عارف الأستاذ أكرم مش بيسكت
يعنى ممكن ياخد الكلاشينكوف ويرابط على الحدود مع فقير
وطبعا أم بسملة مش هتسيبهم ..... ومنون أكيد هتاخد ليهم الأكل والزمزامية
واسكندرية والبحيرة بتحتفل بجدو زى ما انت عارف
وفيها مظاهرات ..... يعنى عمى نوبى ممكن يروح فى الرجلين وياخدوه اخوانا بتوع أمن الدولة
بتهمة الإعتداء على الكورة الكفر وتحريضها على الإسلام
وساجدة زى ما انت عارف مش هتسيبه .... ابن بلدها طبعا ولما يشوفوها بالنقاب يبقى ربنا يعوض علينا .... والموقف ده طبعا مش هتفوته الصحفيه المخضرمه زهرة ..... وتقوم الرأى العام ع الحكومه
وتبقى كملت ..... وفى النهاية كلهم هيشرفوا سجن مرمرية المفترية فى أبو زعبل المحطة .
والحاج بو تفليقة فى الجزائر عنده انتخابات قريب
وبيقول اللى مش هينتخبه وقعته ما يعلم بيها غير ربنا
وبصراحة مش عارفة أمل هترشحه ولا هتدى صوتها للبرادعى
والمراسل بتعاعنا فى الخليج مش قادر يتكلم من البرد
يعنى احتمال عاشقة أبو ظبى وجنة وفاضل ..... يتجمدوا وجنة تبقى مشرفة الإسكيمو
أحمد :
ياااااااااااااااااااااااا ااااااااااااااااااااااه
كل دا حصل وانا بشرب كوباية الشاى
لا حول ولا قوة إلا بالله
والعمل يا نور ؟؟؟؟
احنا لازم نستدعى قوات أمن المنتدى والحرس الوطنى والقوات الخاصة والكوماندوز والضفادع البشرية اللى مش لاقية تاكل فى الترع والمصارف ..... ونغذيهم كويس ونعمل جيش قوى ..... جيش فاهم .... جيش واعى
يقدر يجمع شملنا من تانى .... وأى حد يفكر ياخد عضو من أعضائنا .... ناكله بسنانا
المصرى :
معاكى حق
يالله بينا ..... نبنى بإدينا مستقبلنا
نعمر وما نخربش
نبنى وما نهدمش
لو حد فينا غلط .... ننصحه .... لو أصر ... نأدبه ونقومه ..... بأسلوب راقى
محتاجين نكون إيد واحدة
محتاجين يكون منتدانا ..... أكبر منتدى .... وبلدنا أكبر بلد .... إدينا ف إيدين بعض ....
نعمل الولايات المتحدة الإسلامية
ودا كان آخر مشهد من الفصل الأول
من المسرحية الهزلية
أحمد ونور .... على صفيح ساخن .
أرجوا من أحمد ونور تقبل المداعبة
ولولا أن وعدت المصرى بمفاجأة
لأرسلتها فى رسالة لأخذ رأيهم فى النشر
لكنى أعلم أن صدرهم واااااااااااااااااسع
مع أرق تحياتى
أبو عبد الرحمن
02-07-2010, 01:27 PM
أحمـــــــد ونــــــــور .... على صفيح ساخن !!
