الساكت عن الحق شيطان أخرس

[أحمد اسماعيل]

اتعلمت من صغري إن الساكت عن الحق شيطان أخرس .. وعشان كده نفسي أزعق بعلو صوتي في كل حتة في البلد : كفاية بقى !

كفاية إعلام بايظ ، وبرامج تافهة سخيفة مفيهاش أي روح ، ومسلسلات سطحية ممطوطة مفيهاش أي عمق ، وأفلام مفيهاش روحنا ولا ملامحنا ولا قيمنا ولا مشاكلنا واهتماماتنا ..

كفاية بناطيل مرقّعة ، و(سبايكي) ، وهدوم الـ... اللي بتتلبس دلوقت من غير حجاب أو معاه عادي ..

كفاية تحرش في الأماكن العامة والميكروباصات والجامعة .. ارحموا أهالينا من إيقاع الحياة الغربي الباهت الغبي اللي احنا عايشينه وفرحانين بيه وطالعين بيه السما ع الفاضي وخلانا مشوهين وملامحنا ضايعة ! .. لا طايلين سما (شرقيتنا) ولا أرض (غربيتهم) ..

كفاية حظّاظات ، ودباديب الفالنتاين ، ولوجوهات الـ (بلاي بوي) اللي غرقت الدنيا .. خلونا نحترم نفسنا بقى ونرفع البنطلون !! كفاية الكلام اللي تلات أرباعه انجليزي .. !

كفاية الغرب يشتم فينا ويهيننا علناً بعد ما يستورد منا منهجنا العبقري اللي احنا رميناه ؛ ويصدر لنا إباحيته وقذاراته ! .. كفاية يشوهوا صورتنا قدام العالم واحنا بنتمسّح في موضاتهم ونجومهم وأنماط حياتهم

ويا مثقفين كفاية شذوذ فكري وإلحاد وفذلكة ملهاش أول من آخر .. كفاية إباحية .. كفاية سم في العسل وصحفيين مش عارفين هم عاوزين ايه ! .. نبطل بقى (ننسلخ) من جلدنا ومن هويتنا !

كفاية رمضانات فقدت روحانيتها ، وأعياد ماسخة ملهاش طعم ! .. كفاية بُعد عن الدين والقيم اللي كانت زمان مقدسة قبل ما العملية تبقى فوضى ! ..

كفاية شوارع قذرة وكفاية نفوس وألسنة أقذر! ..

كفاية تجاهل للفن المحترم والنجوم اللي عاوزين فعلاً يعملوا حاجة ! .. كفاية نوم وكسل عن إنك تعمل أي حاجة تفيد ولو كانت بسيطة !

كفاية تليفزيون أبوس إيديكو لو هيبقى بالشكل ده !!! .. بتعذبونا بيه كده ليه ؟ احنا عملنا ايه بس !! .. كفاية أفلام المعاقين ذهنيأ ، وأفلام العيال الروشة اللي بيمثلها ممثلين عندهم أربعين سنة !

كفاية نجيب أي حد يتكلم في أي حاجة .. وعلى أي أساس نسمع لأئمة الفُجر لما يتكلموا في الدين ؟

كفاية يبقى عقلنا مغيّب ، وضميرنا نايم ، وخيبتنا تقيلة .

كفاية تصنع وتكلف وتخلف وغباء وحياة باردة جافة خشنة مفيهاش دفا زمان ! ..

بقول إيه ! انا مش كتير بطلب ده .. بس لو حاسس إن موضوعى ده بيعبر عنك وموافق عليه مرره فوراً لكل اللي تعرفهم .. وقبل ما تمرره الله يخليك اثبتها بتصرفاتك كمان ..

عشان نشوف إحنا - اللي لسه بيفكروا بالشكل ده - لسه كتير ولنا تأثيرنا فنفرح ؟ وللا خلاص بقينا أقلية وهننقرض على سنة 2030 فناكل في نفسنا ونموت بقهرنا ؟

[اكرم شكرى]

اه يا عم احمد

فتحت جروح كتير اصلا ما ليها دواء

وعلى رأى مشجعين الكورة

كفاية حرام .... كفاية حرام

بس للاسف لا حد بيكفى ولا حد بيحرم

المشكلة اخى الفاضل فى المجتمعات والثقافات ودور والدوله

فى الحفاظ على هويتنا وديننا ومبادئنا واخلاقنا وشبابنا وبناتنا وشيوخنا وعلمائنا

طمست الدولة هويتنا فصرنا بلا كرامة فى دول نعمل بها عندما تقع لك مشكلة ولا تجد سفيرفى مكتبة وتسأل عنة يقولوا لك معزوم فى حفلة

عندما طمست الدوله ديننا وعقيدتنا لتفصل الدولة عن الدين وانت حر عشان المعونات وحقوق الانسان

عندما طمست الدولة مبادئنا تحت مسمى التحرر الفكرى وكل واحد يقول ما بدى له

وسمحت للعرى والعراة والغرائز والمحرمات وهتك الاعراض والفجور

يعرض على شاشات دولة اسلامية ومهرجان سينمائى يعرض افلام جنسية ونقول ثقافة

عندما طمسط الدولة مبادئنا كرمت كل مختل عقليا يتحفنا فأفكار قزرة جعلت من التخلف شعار واغلقت افواة كل
من يقول اتقوا الله فهو الان ارهابى مطترف ويمنع حتى من الخروج من بيتة لانة يتسبب فى التفاف الشباب حول افكارة المناهضة للحكومات اما الفاجر فهو طبعا حر ديمقراطى
عندما طمست الدولة اخلاقنا بمناقشة الاباحية والدعارة وجعلتها قضايا قومية تحت مسمى حل المشاكل

وجعلت من مخرجين السينما رموز للدولة بفكرهم العالى وجعلت من اامة المسلمين عبرة بفكرهم المتخلف

وسمحت لمن تقول الحجاب تخلف ولم تحرك ساكنة وسجنت من يقول عيب حرام فهو قزف وسب وازدراء للاديان

عندما طمست الدولة عقول الشباب وغيبت قدراتهم واقعدتهم عاجزين فى وقت قوتهم وتركتهم فرائس

للمخدرات والتحرشات لافراغ ما بداخلهم من طاقات ولم تستثمر 1/10 من قوتهم تركت من ينهب قوتهم

ويهرب بملياراتهم فى بنوك سويسرا ليصرفوها على ملزاتهم ليحبط الشباب ويقاتل لاجل اربع جدران

يحتمى بغريزته او حتى قرش يعول به اسرة او يفتح بة باب فيسرق ليجلب ما يذهب عقلة لينسى واقعة

عندما طمست الدولة انوثة البنت وعفتها وشرفها وجعلتها سلعة يفتح بها اماكن الشيطان ليأتى لها من كل

مكان من يرى لحمها يتمايل امام الاعين فى لحظات السكر تحت مسمى السياحة والموارد

عندما طمست وقار الشيخ وكبار السن وجعلت منهم خردة ملقاة فى الشوارع او على ابواب المحاكم

يتسولون معاش بعد خدمة افنى فيها عمرة وولد لا يقدر ان يراعية لضيق اليد فالان يتمنى الموت

عندما طمست الدولة عقول العلماء والقت بهم فى احضان الغرب يستنفزون عقولهم وقدراتهم العلمية

ويعطوهم ما يريدون من امكانيات ليصبحوا علماء للاسف بجنسيات الدول الراعية لهم ونتفاخر كذبا بأنتمائهم لنا .....

حسبى الله

والله انا اكتب واسترسل ولا اعلم ماذا كتبت ولكن هذا ما حضرنى عندما قرأت هذا الموضوع

واقول كما قال الكاتب

كفاية حرام

تسلم احمد على الموضوع المستفز ...رفعت ضغطى يا راجل

[ملكة بإحساسي]

اأأحمد المصري
أبدعت بطرحكَ ..
تسلم ديآتكَ على رووعة الطرح..
وختيار المميز الله يعطيك العافية
لآتحرمنآ من روعـة جديدك ..
تقبل مروري وتحياتي

[اميرة صدفة]

كلامك واقعي 100%

دي تفاهات اخر زمن

زمن البكاء بلا دموع ..

زمن المهانة والخضوع ..

هذا الزمن ..

حقاً يهان به الوطن ..

حقاً يباع به الوطن ..

اخي احمد المصري

تسلم على روعه الطرح الهام

دمت بصحه وعافيه

[wssam]

يسلمووووووالايادي
بارك الله فيك على التميز في الطرح والاختيار
و جعله في ميزان حسناتك
كل الشكر لك لاعدمناك
وودي قبل ردي