مواطن صف تانى

[أبو عبد الرحمن]

السلام عليكم ورحمة الله وبركاته

كيف أحوالكم أحبابى

أترككم مع هذه القصيدة عن بلدنا الجميلة

أمى الحبيبة ( مصر الغالية )

بعنوان ....

( مواطن صف تانى )

يا بلدنا يا عزيزة
فيكى حاجة محيرانى
تشترى الذمة بريزة
تبقى شاطر فهلوانى

إمتى يتحرك ضميرنا
نفسى يتحرر لسانى
إمتى ألقى لصوتى سامع
نفسى أصرخ من جنانى

نفسى أبنيلك مصانع
نفسى ارمِّملك مبانى
نفسى أزرعلك مزارع
نفسى احققلك أمانى

نفس أغزِلِّـك بدمى
توب يعبر عن حنانى
نفسى أوهب لك حياتى
بس عمرى يا أمى فانى

نفسى أحفظ لك مكانتك
حتى لو سهمك رمانى
قلت اطبّق شرع ربى
وسنة الهادى فزمانى

أمنك المأمور بأمنى
افتكرنى ظواهرى تانى
رحت اجدد إذن سفرى
قالى عاوزينك ثوانى

للأمانة فيه إهانة
مسخرة بكل المعانى
صار طموح الشاب فينا
إنه يصبح أمريكانى

يعنى ينفع أبقى مصرى
ومصر بلدى الأولانى
أتشتم فى حضن أمى
والمعاملة كأنى جانى

كل ده عشان سيبت دقنى
وقلت سيبك مـ الأغانى
يعنى اغنى وعرض أمى
ينهشه صعلوك إيرانى

صعب أوصف لك شعورى
بـس متلجـم عنـانى
صعب آكل صعب أشرب
قد إيه قولهـــم أذانـى

مصر أمى وهِيَّه أمى
عرضهم جزء فكيانى
مهما حاولوا يفرقونا
لازم أرجع ليكى تانى

بس يرضيكى يا أمى
يبقى لِيَّا أب تانى ؟!!
يعنى يرضيكم فى بلدى
أبقى مصرى ..
صف تانى ؟!

مع أرق تحياتى
أبو عبد الرحمن

[أحمد اسماعيل]

مشاء الله ابو عبد الرحمن



أثرت جدا جدات فى نفسى

كلمات من صميم القلب

من غيور على بلده وعلى اهلها واحوالها


نسأل الله الخير لها ولكل بلاد المسلمين


اسعدك الله ويسر امورك

دعواتى لك بالصحة والعافية

[أبو عبد الرحمن]

تسلم يا مصرى

جزاك الله خير حبيبى

نسأل الله تعالى أن يوفق الجميع

ويصلح أحوالنا وأحوال بلدنا

تقبل تحياتى

[marmer]

بس يرضيكى يا أمى
يبقى لِيَّا أب تانى ؟!!
يعنى يرضيكم فى بلدى
أبقى مصرى ..
صف تانى ؟!


المصرى زمان كان صف اول وبلكون كمان

لكن دلوقتى عليه العوض

ومنه العوض

عاد المصرى ولا محصل صف تانى ولا تالت

وعجبى


تسلم ابو عبدة

للطرح المر

ولو مصر اتغيرت

هحط المر التانية من اسمى

وهيبقى طرح مرمرى ههههههه

[أبو عبد الرحمن]

المشاركة الأصلية كتبت بواسطة marmer

بس يرضيكى يا أمى

يبقى لِيَّا أب تانى ؟!!
يعنى يرضيكم فى بلدى
أبقى مصرى ..
صف تانى ؟!

المصرى زمان كان صف اول وبلكون كمان

لكن دلوقتى عليه العوض

ومنه العوض

عاد المصرى ولا محصل صف تانى ولا تالت

وعجبى

تسلم ابو عبدة

للطرح المر

ولو مصر اتغيرت

هحط المر التانية من اسمى

وهيبقى طرح مرمرى ههههههه

ههههههههههههههههههههه

تسلمى مرمرمرمرمر مر ية

يعنى شاربين المر لكعانا

هههههههههههههههه

أشكر مرورك رغم كثرة المطبات بالمشاركة

تقبلى تقديرى

[نور]

نفسى أحفظ لك مكانتك
حتى لو سهمك رمانى
قلت اطبّق شرع ربى
وسنة الهادى فزمانى
لن يخيب املك
لن يضيعك ربك
مصر حصن الامان
عشنا فيها طول الزمان
ارضها عطشى
تحتاج ترتوى من نبع حنانك
عايزة الايادى السمرا
تشق ارضها البور
ترجع خضرها
وتعمر مدنها
عايزة قلب مخلص
قلب 00 يعرف قيمتها
يرفع رايتها
ويعيد مجد اجدادها
عايزة قلب نابض
يحبها بكل عيوبها
ينادى 00 مصر بلادى
يهتف 00 انا مش مواطن عادى
انا بعشق ترابك يابلادى
بعشق نيلك
وارضك 00 وسماءك
بعشق لون سمارك
لون ولادك الطيبين
آآه يامصر
انت امى 00 انت قوية
رغم عيونك الحزينة
لما يشتكى ابنك
لما يضيع فى معالمك
وتختفى شمسك
متزعليش لما اعاتبك
ده عتاب حبى ليك
ده عتاب الابن اللى حبك
عايزك اصيلة زى نخلك
لانه لايحب يبيع وطنه
مايقدر ينسى اصله
يحب وطنه00 زى ولده
لانك الماضى والحاضر والآت
يحلم يشوفك نبض الامة
يحلم يشوفك نجمة
يحلم بحضنك يضمه
لاجل يرجع بك مفاخر

اخى ابوعبد الرحمن
اتمنى يكون ردى مسايرا لنبضك
يعبر عن مشاعرك
يساير قلمك الراقى المعبر الصارخ
كم هى جميلة قوية مؤثرة
صادقة من قلب اصدق
لكن عذرا لى لوقصرت
بعض الهذيان لقلمى
ربما لايرقى لمحبرة قلمك
دمت رائع ومميز تظل لك بصمة مختلفة
ننتظرك مع الاجمل من عطر فكرك الجميل
دمت بسعادة وراحة بال

[أبو عبد الرحمن]

الله الله

أختى نور

دعينى أعيد ترتيب المشاركات فى هذا الموضوع

فأضع قصيدتى المتواضعة

ردا على ملحمتك الجميلة

العذبة

ونبضاتك المعبرة عما بداخلنا من مشاعر

تقبلى تقديرى الملتصق بحرارة شكرى

لك كل الشكر وكل العرفان

لما سطرتيه هنا

[لمسة دفء]

إمتى يتحرك ضميرنا
نفسى يتحرر لسانى
إمتى ألقى لصوتى سامع
نفسى أصرخ من جنانى

وسيبقى داخلى أمل بأن يتحرك الضمير داخلنا

أبوعبدالرحمن

سطرت هنا أحاسيس كل مصرى

صرخاتنا المكتومة

وربما يوما نجد من يسمع لنا


أخى

لك تنحنى الكلمات

مبدع

سلمت أخى

لك تحياتى

[أبو عبد الرحمن]

المشاركة الأصلية كتبت بواسطة salwa

إمتى يتحرك ضميرنا

نفسى يتحرر لسانى
إمتى ألقى لصوتى سامع
نفسى أصرخ من جنانى

وسيبقى داخلى أمل بأن يتحرك الضمير داخلنا

أبوعبدالرحمن

سطرت هنا أحاسيس كل مصرى

صرخاتنا المكتومة

وربما يوما نجد من يسمع لنا

أخى

لك تنحنى الكلمات

مبدع

سلمت أخى

لك تحياتى

كل الشكر والتقدير لكلماتك الرقيقة

أختى سلوى

بل أنت من تنحنى لكلماتها أقلامنا ودفاترنا

تقبلى تقديرى أختى الكريمة
دمت فى حفظ الرحمن

[الدره العصماء]

ماشاء الله ...كلمات رااائعه وتعبر عن حالنا كمصريين
وأيضا سب أمنا عائشه حضرتكم تكلمتم عنه ...بارك
الله فيكم وزادكم علما وفنا بالحروف ..فنحن نتعلم منكم
هذا الفن الراقى ...جميل أن يستطيع الإنسان أن يعبر عما
يجيش فى صدره بهذه المعانى الرقراقه العذبه ..وأكيد من
لايعرف أن يكتب ...لايستطيع البوح وسيشعر بالضيق ..
ففن الكتابه معالج بحق لأنفسنا ..بوركتم وأثابكم الله الجنه .