مدينة الاحزان
مشيت وعيّت الخطوة تساعدني علـى فرقـاك
وقفت وملّـت السكـة تصيـح ابعـد تعدانـي
صفنت وصاحت العبرة تبي لدموعهـا يمنـاك
شهقت وطاحت الدمعة وطاح القلب واعيانـي
صرخت واّخر اللي أذكره ياصاحبي عينـاك
صحيت ولا لقيتك وانلجم من خوفـي لسانـي
ناديتك أحسب انك تبّسـم لـي بعيـد هنـاك
وعرفت انك سراب ومااصعبك ي فراق خلاني
حلفت بصدت عيونك ولو طال البعد ماانسـاك
أنا وشلون أنسى اّللي ربى مع نبض وجدانـي
تغيب الشمس بعيوني تهذري الروح في طرياك
وتشرق هالشمس والقلب يبكي خاف تنسانـي
سواليف الشجر للريح تسافر بي على ذكـراك
واطرد بالصحاري وحشتك وتشـح غدرانـي
تخّيلني اليا هبت عواصف وافتقـدت اخطـاك
وحيد{ن}والرعد وغيوم سودا برقهـا اعمانـي
وتمنيتـك قصيـدة نرجسيـة غرّهـا لامـاك
أسايرها وعصافير القصيد بلادهـا اغصانـي
عسى هاك الشفق يللي أخذ من وجنته واعطاك
يسافرلك...
يحكيلـك طريقـي ويـن ودّانـي
أنا وشلون باكر أنتخيـك بغربتـي وماالقـاك
وانا مسافر بلا عيونك على مدينـة احزانـي
م0ن
11-05-2008, 10:02 PM
مدينة الاحزان
