نفسى اصرخ اقول بحبك

[ابوعثمان]

نفسي أصرخ
أقول بحبك
وأحكي عنك
في النوادي
وفي البوادي
وفي الشوارع
وكل شافع
يرد إسمك
نفسي كل الناس تعرفك
أصلي من جواي بعزك
أسألي الطير لما يرقص
مين غرس جواه لحنك
والزهور الفايحه جمبك
كيف بقت تشتاق لبلك
عايني في عيني بتلقي
جواها رسمك
وفي دواخلي
بتلقي حسك
والقوافي الفي غناي
شايلاهو حرفك
وأصلي من جواي بعزك
وأصلي من جواي بعزك
وإنتي زايده
علي في صدك
وإنتي حارمه
قليبي ودك
ما خلاص
سيبيهو دلك
وأرمي ضلك
وما يغرك
إلتفافم حولي حولك
ده البجيك
سايق عواطف
والبعاكس
والبلاطف
كلهم راجنو حنك
وما أظنك
عارفه إنك
في دواخلي
ومافي زول
بشغل محلك

[أحمد اسماعيل]

وما فيه زوول يشغل محلك


حلوووووة وجميلة وخفيفة

ابو عثمان .. تسلم يا زووووول


اسعدك الله على جمال طرحك

دعواتى لك بكل الخير

[طارق سرور]

شكرى وتقديرى اخى أبو عثمان على هذا الطرح الرائع

[نور]

ابوعثمان
سلمت على حروفك الجميلة
ننتظرك مع بوحك الرائع الصادق
كل الشكر لك