أسرة المنتدى ..أدخلوا هنا بسرعة

[أحمد اسماعيل]

السلام عليكم .. اهل المنتدى الغاليين

بداية كلامى .. اشكر الله اللى جمعنا سوا فى هذا المكان وجعلنا قادرين على
منفعة الناس ومحبة بعضنا والقدرة على العطاء وأفادة انفسنا وغيرنا
الموضوع يا جماعة اليوم هو فضفة و شوية دردشة مع بعض ...
النقطة الاساسية للحوار .. لين ننسخ لما ممكن نتميز ويكون لنا بصمة
نعرف كلنا ان المنتديات اغلبها نسخ ولصق .. طيب ليه ما نكون غير الناس ؟؟
ليه ما كل واحد فينا يطلع مواهبه ويكون عنده الجراءة فى ان يقول للجميع
بافعاله انا ليا بصمة والموضوع ده حتى وان كان منقول .. لكن ليا تعليق عليه
او اخترت له صورة .. او نسقته بطريقة جميلة .. .
مش مهم انزل فى اليوم 20 موضوع .. الاهم . هل ليا بصمة فى 5 منهم او
حتى واحد .. ده المعنى اخوانى واخواتى ..
راح أخد مثال انا .. واقول لكم انى انسخ مواضيع وانقلها هنا
لكن حتى تفيد الناس .. ممكن اختار الصورة على ذوقى وارفعها على تحميل
صور المنتدى .. علشان اضمن استمرارها ويكون الموضوع كامل
حتى لو الامر اخد منى دقائق .. مهم اعمل شىء احس ليا فيه مجهود
حتى الردود والمشاركات .. نحاول نغير من طريقتنا ونتناقش ونقول رأينا
بصراحة .. لاجل نرتقى بالفكر ويكون لنا بصمة

وجهة نظرى .. انشر موضوع واكون ضامن صوره هنا ولو حتى صورة وحدة فيه
أفضل ما انشر 5 مواضيع وممكن بعد يومين مركز التحميل اللى كانوا عليه يقفل
ممكن انقل موضوع فى العام .. وبدل ما انسخ والصق بس .. اختار له على ذوقى
ابعد عن الصور اللى فيها لمعة واللى تكون متحركة ومتعة للعيون .. اختار
صورة ثابتة تناسب الموضوع وتكون ماشية مع المضمون ..

التنسيق جميل .. والاجمل انك تستمتع بنشر شىء تعبت فيه
لعلمكم .. كلنا نقدر نتميز ونقدر نعطى ونقدر نظهر مواهبنا .. بس نتجراء
علشان كده .. خلونا نقول احنا غير بقية المنتديات ونقدم شىء جميل راقى
ونخلص الفضفضة والدردشة فى هذه النقاط :-

1- أنسخ وأنقل .. لكن أترك لك بصمة سوء تنسيق او صورة من اختياركِ
2- حمل صور مواضيعك على مركز تحميل المنتدى .. علشان نضمن على طول
موجودة
3- لو عندك موضوع من ذوقك واختيارك وتجميعك .. راسل المشرف علشان
يضع اسمك عليه ويكون حصرى ليك

4– خلى مواضيعك بالصور خفيفة يعنى لو تقوم بتجمسع 5 صور وترفعهم
على مركز تحميل المنتدى .. أفضل ما يكون 20 صورة وبعد كام يوم يختفوا
لو مركز تحميل اخر

5- مش مهم ترد على جميع المواضيع كل يوم .. المهم ردك يكون له معنى وقيمة

6– ليه نهمل مواضيع النقاش وهى اللى تطور افكارنا ؟؟ لازم نقول رأينا
حتى لو اختلفنا مع صاحب الموضوع .. المهم يكون لنا رأى وشخصية بالرد

7- تميز فى مواضيعك علشان لما حد يشوف اسمك يجرى يدخل على
مواضيعك ويشوف جديدك وابداعك وتميزك فيه .

8- لا تبخس حق أحد ومجهوده ولا تنظر الى جنسيه ولا شخصيته
أنظر الى تعبه وما يقدمه و كن قدوة له بالرد والمتابعة .

الموضوع مفتوح للجميع ولكل واحد عاوز يقول شىء نتقبلوه بصدر رحب
كلنا هنا اسرة وحدة ويهمنا النقاش والتعاون .
واى رد فيه شكر والسلام فقط .. اعتذر راح يتحذف من الموضوع ..عاوزين أراء
وتفاهم وتعاون وبصمة حقيقة .

[marmer]

اكيد

لو كلنا

حاولنا نفذ

الكلام دة

انشاء الله
شبكة صدفة

هتنتشر اكتر واكتر

فى جوجل


وهنبقى عالميين

اكتر من ويلكيس

نفسة هههههههههه

تسلم احمد


ويارب دايما

صدفة فى تقدم

[ضوء خافت]

طبعا الكلام جميل
وموضوع النقاش غني
ويتقال فيه كلام كتير
وانا راي ثابت من الاول
الكيف وليس الكم
انا هنا بشوف موضوعات من ناس جديد
ولكن هي هادفة وفيها فكرة
ويمكن متكنش في اي منتدى اخر
ولكن احيانا تقابل باستخفاف
وعدم تركير في الرد
ومن الرد تفهم جيدا ان من مر على الموضوع لم يقرأه
والقدامى منا هنا هم من ينسخون اكثر الاعمال
وفي سرعة متناهية يا بختهم بسرعة تصفحهم
نحن ليسنا بسباق في كمية المشاركات
ولكن ارجو السباق في كيفية المشاركات
وان يتقبل كل منا نصيحة الاخر
وانا ابدأ بنفسي
ولو وجهت لي اي نصيحة او لفته
فاكون اول المبادرين بالاصلاح
ونتمنى الخير لصدفة والتميز الدائم
تحيتي لكم جميعاً

[ملكة بإحساسي]

لكن فيه ناس تقول نفس الكلام دائما لكن دون تطبيق
فقط بتشير للاعضاء الاخريين بانهم غير كفوئيين
والله ماعدنا فهميين شئ ابداا

اذا كنا نقدر نستمر اولا اذا
دائما نناقش بنفس الكلام دون تطبيقه

اما فيما يخص المشاركات انا اقدر اشار ك 5 مشاركات باليوم 3 ردود و موضوعيين

وهذا يسعدني كثير جداا
والا احس اننى مقصرة اتجاه المنتدي
كلنا قادرين نتكلم الانه ما فيه اسهل من الكلام

انا ماعندي اي كلام بعد هذا

ان شاء لله يكون هناك تفاعل

وتكون الاقتراحات تاخذ بعين الاعتبار

من اجل منتديا فضل و مميز

وليس كباقي المنتديات

يجب ان تكون صدفة مثال يقتدي بيه

شكراا احمد اسماعيل

وان شاء الله الكل يتعاون على التعليمات

وربنا يوفق الجميع

[اميرة صدفة]

نصائح واقتراحات راائعه

وان شاء الله انه الكل يحاول يطبق هذا الشي

وحتى لو الموضوع منقول يجب ان يكون منسق اكثر ومميز اكثر

لكي نرتقي في صدفه

وانا ساقول سابدا من جديد بتنسيق كل مواضيعي

لذالك بدأت بتنسيق ورود لبنات صدفه على الاقل خلي ردودنا مميزه كل بنت لها ورده وعليها اسمها

ونقدر طبعا ننسقها بالمواضيع كمان

وباذن الله سننجح

ونرتقي

دمتم بخير

[اكرم شكرى]

السلام عليكم ورحمة الله وبركاتة

اخوانى واخواتى

ادارة ومشرفين واعضاء

الكلام جميل اوى

بس متأخر جدا طبعا

قلنا من زمان وماحد سمع ولا وقف جنبنا احد

وبعد ما بدأت الامور تظهر بوضوح الان نقول الكلام دة


طب السكر واضغط اللى جالنا نعمل فية اية

ههههههه

طبعا جلنا احباط


على العموم كتبت كلام كتير ومسحتة

فكرت ما فائدة اكتب بعد ما العدى عدى

ونقول الحصل حصل

اهم شىء نكتب ونقول اللى هنعملة ونقدر ننفذة

نبدأ من جديد ونصارح انفسنا ونبعد عن المجاملات

ونلتقى لنرتقى

انا متأكد ان كل من هنا يحب صدفة

ومهما طال الغياب يرجع بشوق وحنين للمكان

علشان كدة متأكد ان الجميع هيبدى المصلحة العامة للمكان

عن المصلحة الشخصية وعدد المشاركات

فقط شوية تركيزمننا وكل شىء هيبقى تمام

تحياااااتى للجميع

والتوفيق لكل مجتهد

بأذن الرحمن

[ساجده]

طيب بما انه موضوع نقاش

الحكاية مش بس نسخ ولصق لمواضيع وردود بهدف اللى يسبق يكسب

كمان مواضيع لما اقراها ابقى هاموت واعرف اللى نزلها عاوز منها ايه

تقرا الموضوع ( وخاصة بالاسلامى) ولا تفهم منه اى شئ ولا تعرف كان ايه قصد اللى نزلها

اكيد مافى مانع من النقل او النسخ

ولكن انسخ وانقلنا اللى استفتده وقررت انه تفيدنا معاك

وزى ما استاذ اكرم قال شوية تركيز وكله يبقى تمام

وسلام

[ba7ria_egy]

السلام عليكم ورحمة الله وبركاتة

موضوع جميل وفكرة متميزة ياأحمــــد

جميل أوي إن الواحد هو إللي يفكر يعمل موضوع من وحيه

علي الأقل كلنا هانبدأ نشتغل ونشغل تفكيرنا وهاننمي نفسنا من الناحية اللغوية كمان

هو مفيش أسهل من نقل المواضيع .. لكن .. مفيش أحسن من إبتكار المواضيع

تقبلوا مروري

[جنة]

السلام عليكم ورحمة الله وبركاته
يسعد مساءكم أحبة صدفة
أخي أحمد
مقترح كان نفسي من زمان انه يتحقق
فكل ما ابتعدنا عن المنقول فقط لاجل النقل
وبدأنا بطرح مواضيعنا بأقلامنا
تقدمنا
ومن الممكن طبعاً نقل بعض المواضيع
ولكـــن
التنسيق والتعديل مطلوب
بمعنى أن نعطي الموضوع لمسات أقلامنا الكيبورديه
بالتوفيق لنا جمعيــآ
ويـارب صدفة دايماً متألقه بحضوركم