بضم صــدرك لين تصبــح على خيـــــــــر
إفتح شبابيك الهوى جيتك اليوم
بإحساس من زود الوله عده يطير
جيتك مثل طفلن له أيام محروم
عن حضن أمه أبعدته المقادير
وجيتك حضن عاشق وهايم ومغروم
وده يضمك لين تصبح على خير
متى تحس إن الهوى شي مقسوم
من قسمة الخالق على خلقه يصير
لي في هواك أحلام وأمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسب إنك شي عابر ومعدوم
وتاريخ حبك فاق كل الأساطير
من ماضي الأيام لايومك اليوم
وغلاك عندي ماحصل فيه تغيير
لاْني الوحيد إللي على بحرك يعوم
وإللي عرف مرساه في رحلة السير
؛
؛
لحظه حبيبي قبل يسبقني النوم
بضم صدرك لين تصبح على خير
م0ن
08-16-2008, 11:03 AM
بضم صــدرك لين تصبــح على خيـــــــــر
