تيجي نهرب

[ساجده]

كتب على سلامة ....



تيجي نهرب ...
م الحقيقة ..
م الصور ..
من خبر عاجل يخض ..
تيجي …
لا نفهم ..
ولا نعرف ..
ولا نقدر نرد ...
تيجي ….
نتعلم سخافة ..
بشويش كده ..
بصنعة لطافة ..
وتبقي بياع الكنافة ..
وأبقي بياع الكلام ...
تيجي نهرب ...
م الألم ..
م الحزن ..
م الأحلام ....
تيجي نتعلم ننام ..
تيجي نتباع بكام ..
تيجي ….
نعمل عملية تجميل ..
و نشيل .....
ولا حرام .......
تيجي ….
نبقي طوب .. خشب .. إزاز
بلاطة جنب بلاطة ....
تيجي ….
ننسي بعض ببساطة ....
وتبقي بياع البطاطا ....
وأبقي بياع الهوا ...
تيجي ….
سوا … سوا
نهرب …
م الأمل ....
نطلع بطاقة ...
بدون عمل ...
نأجر عجل ..
نركب جمل ...
تيجي …
نبقي ف اللذاذة ..
وأجيب مصاصة ..
تجيب بزازة ....
تيجي نبقي ...
ملناش عازة ...
زي كل شئ جميل .....
تيجي ….
مستحيل …..
هي كده ....
وملهاش بديل .....
تيجي رجلك ...
تيجي …
تهرب بجلدك تنجرح .....
يوجعك قلبك بجد .......
لا تقبل أي حاجة ...
ولا تبقي أي حد ....
تيجي …..

[نور]

حقيقى سهل نهرب من الامل
بعد ان كنا نبحث عنه
سلمت غاليتى
ساجدة
كلما معبرة عن واقع مر
كل الشكر لك

[طارق سرور]

كلمات غاية فى الإتقان والجمال

شكرى وتقديرى اختى ساجده

[sillant]

ياريت الهروب بيفيد لاكننا نهرب من الصعب للاصعب تسلمى على طرحك دمتى بخير

[نوبى]

برافــو

فكرتينى

ب المدونة الآنـسة نــوارة

بنت الملتهب

عم / احمد فؤاد نجم

واغانى رآب ابو شعر كانيش احمد .. ايه ؟؟