قبل ما تشرق شموسك
فى طريقنا
غالطنى احساس فى جواى
اصلو ما ممكن تعودى
ما النسيم الكان بجيبك
من زمان فارق فريقنا
والمداين الكان بتغرق
فى غنانا
وشايله احلامنا وشجونى
راجياك بى اخر نفس
عشان تجيب خبرك بشاره
ولما طول انتظاره
انفجر فيها السكون
وانجرح فيهاالتطلع لى رؤانا
والطيور الراجيه جيتك
عشان تحضنك بى غناها
الفراق نشف قلوبه
ولما طال بيها الحزن
والالم عسكر جواها
ما لقت غير انو ترحل
وتسيبنى منتظرك براى
وعندى منها ليك رساله
كم وصيه وكم حكايه
وبختصر جملة كلامه
فى اشاره
وقبله فى ساعة رجوعك
وانو نرجع زى زمان
وترسى فى اليابس خطانا
وقبل ما تشرق شموسك
فى طريقنا
كنت حاسس بخطاك
كنت عارف انو يوم
الشوق بجيبك
وفجأة طلت من بعيد
بين ظلام الموج مراكبك
شايلة لينا معاها فرحة
والنسيم جاب البشارة
فرحت النجمات معانا
وغرد الطير بهوانا
حتى زهرات الاماسى
لبست البسمات وشاح
وبين دموعك وإعتزارك
نظرة تترجى السماح
خايفة من كلمة صدود
خايفة ريدك تلقيهو راح
بعد الدموع والاعتزار
كيف احاول اعصىامرك
حتى لو فكرت انسى
كيف اقاوم طيف خيالك
انت ياكى امل حياتى
والامانى العشت ليها
والحا أفضل اعيش عشان
11-06-2015, 08:45 AM
قبل ما تشرق شموسك
