عساك بخيـر يالـون المطـر يـا سـيـد احسـاسـي
وعساها بخير ورداتي وعسـى تسقيهـا مـن حبـك
وعسى ذاك الشعور اللي ملك قلبي مع أنفاسي
تـبـسـم لا طـــرى طـيـفـي ومـــر بــذاكــرة قـلـبــك
وعساها بخيـر آمـالٍ بنيناهـا جبـل راسـي
وعسى باقي غـلاي تشـب نيرانـه وتشعـل بـك
عسى ياحلمي وعلمي ويا ربعي ويا ناسي
عسى تذكر غلا نبض ٍ عروق أوصاله تهتف بك
وعسى باقي لي بالخاطر فضا يمليـه هوجاسـي
وعسي لى الحين متربع بمملكته ويسكن بك
وعساها بخير دمعات ٍ تساقط لولو يا ناسي !
غلاها من غـلا شانـك ....ترجـى عطفهـا اللـي بـك
عسى ما غابت عيونـي وطفّـت نـور نعّاسـي
وعساها تنافس القمـرة نجـوم ٍ ماتشبّـه بـك
وعسى ماماتت أشواق ٍ عزاي لحزني وياسي
بعد ما هدت إحساسي بفرحي جيت وأحزن بك
عساها بخير ...أشيائي ..عطوري .. وردتي ، كاسي
مـلاذ المنتشـي سكـره ..وهـو مـن عقـل يسكـر بــك
عسـاهـا بخـيـر زلاتــي ..عـنـادي .. قـوتـي , بـاســي
خطـايـا ذنــوب ثـوراتــي ..تـامــل لـطــف عـفــوٍ /بـــك
ملامـح صورتـك تضحـك بعينـي يابعـد راسـي
تداعبنـي بنظـراتـك إذا مــا قـلـت أنــا أحـبـك
طريت ومن طريت انزاحت همومي مع أعماسي
عسى ربي يجيبك وأحتفل برضاك وأسعد بك
عساك بخير يا ذروة سنام الحب يا ساسي
عسـاك بخيـر ياعمـري ويجمـع دربـي بدربـك
أمانـه ياوهـج صـدري وياتـاج ٍ سكـن راسـي
الى منك قريت اللي كتبته فيك ..خـف ربـك
راقنى
03-08-2012, 09:34 PM
عساك بخير ياعمرى
