صدر الدفاتر لـ سامر الحربي ..!

[SOHER]

صدر الدفاتـر لـ سامر الحربي ..!

إمــتــلى صدر المعــنــّــا ،، / بالزفير & وإمتلى صدر الدفاتر ،، / بالشعر

يوم جاني من هواجيسي نذير & عفت نومي ضيق وإخترت السهر

هلّ دمعي فوق خدّيني غزيز & أحتري نور السعاده ،، ما ظهر

ما ملكت بزحمة الآهات غير & صدر شاعر علّه الضيق ،، / وزفر

لكن إنّ الوقت علّمني كثير & للظروف العوج تعظيم الشكر !

بالتجارب ، تصبح بنفسك خبير & وبالعلوم الطيّبه ، تصبح ( فخر ) !

كم صغير أعرف من الشيخ الكبير & وكم كبير أجهل من أصغرهم عمر

والمروّه وسط معدوم الضمير & مثل نقطه حاليه وسط البحر !

ما نسمّي من فقد ماله فقير & إنعدام ( إحساسنا ) هو الفقر

وين نلقا شخص بإحساسه ( أمير ) & يظطرب من شان غيره يستقر ؟

العصا في ناظري ( عين الضرير ) & مثل مَ العكّاز ( ساق المنكسر ) !!

والدموع اللي ملت عين الأسير & آآه مقساها ليا طاحت ][ قهر ][

كان يخفيها عن الشمّات مير & أرمشت عينه بسرعه وإنهمر

منظلم والظلم شرٍ مستطير & لكن إنه غاية قلوب البشر !!

نستطيع نجبّر عظام الكسير & بس ( خاطر ) / وين نلقا له جبر ؟!!

الخواطر جبرها شيّ.ن. عسير & بالخصوص اللي بسرعه تنكسر !

والحمول اللي حنت ظهر البعير & شالها والراس عالي ما حدر

لكن إنّه من بعد ذاك الهدير & ( شعرة ٍ ) زادت عليه ولا هدر

والجفول اللي بحسّه يستذير & صير له بإحساسك الصادق نهر

والله إنه ياردك مهما يصير & لنّ عمره ما ورد حسٍّ عكر !!

ولو يصير فراق من تغلي مصير & أحسن مْن يروح عمرك ( تنتظر ) !!

ولا يزوّد صطوة الجرح المرير & غير لا من شفت حلمك ( منتحر )

الشهيق اللي مجافيه الزفير & لو نحاول ، صعب يجمعهم صدر !

السيوف تموت في بطن الجفير & والفرج محتوم من بعد الصبر

ذي مثايل شاعر.ن. توّه صغير & مبتداه ( الطيب ) و ( العزّ ) الخبر !!

سامر الحربي

[أحمد اسماعيل]

بالتجارب ، تصبح بنفسك خبير & وبالعلوم الطيّبه ، تصبح ( فخر ) !

كم صغير أعرف من الشيخ الكبير & وكم كبير أجهل من أصغرهم عمر

والمروّه وسط معدوم الضمير & مثل نقطه حاليه وسط البحر !
""""

سهير .. الله يسعد ايامك


كلمات كلها معانى ورائعة



تسلمى على روعة الاختيار


دعواتى لك بالصحة والعافية

[نور]

سهير
مااجمل الحرف هنا
شامخ قوى ذو معانى
ننتظرك مع ذائقتك الجميلة القادمة
مؤكد ارقى واجمل
فلك احساس مرهق ينتقى كل رائع
كل الشكر لك والاحترام

[أم الــــكــــل]

وااااااااااااااااااو روعه القصيده مشالله يسلموا على الطرح

[اميرة صدفة]

روووووووووعه

كلمات في منتهى الروعه

سهير

قصيده مميزه

تسلمين يا قمر

لك كل الود

[SOHER]

أحمـد , نور , أم الكل , أمـيرة

أشكركم من أعمـاق قلبى على مروركم الرائع والمميز

دمتم نجوم لامعه متلآلآئه فى سماء صدفة الغاليــه .