أنا .... وانتي
أنا وانتى سوالف شوق مكتوبه
مشاعر تـوّهت ربـّان بين البحْر ودْروبه
مراكبنا بلا عنوان .. أو شطآن أو مينا
وموج اليمّ همْ حيران ياخذنا يـودّينا
تعالى كم أنا ولهان ... وطول البعد يكفينا
وضاعت دفــّة الربان .... وضاعت كل أمانينا
\
/
شعور يحطّم الوجدان..
تـِقــل للحب.. في حوبه !
أنا وانتى سوالف شوق مكتوبه
وتنسينى مع الأحزان ....والآلام والغيره
وتنسي كيف بك هيمان .. وانا والشوق في جيره
ولمّا اقول أنا حيران وقلبى ف شك وف حيره
تقولى لى " بلا ك جنان.. ويالله فضّـها سيره "
تعالى واسمعى أشجان تشكى من الهوى توبه
انا وانتى .... سوالف شوق مكتوبه
دريـــتي وش حصل فــيني؟
ياليت تكوني بالصوره
يحير الدمع في عيني
إذا جيتيني مقهوره
فديتك لا تخليــني
أشوف أحلام مكسوره
طلبتك لو تحبيني
ويحقلك كوني مغروره
إذا صدفه لقيتيني
تلمّــيني ي أمّــوره
وأقصد.. ليت ياعيني
تطفّي نار مشبوبه
انا وانتى .... سوالف شوق مكتوبه
\
/
أنا وانتي سحابة صيف لو مرّت بلا أمطار
تزوري في خيالي طيف واجيلك دوم بالأفكار
أحبك إيه ..بس ياحيف
صرنا سلوة السمّــار
كأن الحب هو مكتوب
للمغنى أو الأشعار
وعن حبّك أنا ماتوب
وماهمني الحكي لو دار
\
/
لعلمك بس لاهنتي
ب احبّــك ما أبي توبه
ياليل الليل يا انتي..
أنا عطرك يامحبوبه
وأقصد وين ماكنتي
أكون اقرب
أكون احلى
وشاعر بس لك انتي
وله في الحب إسلوبه
أنا وانتي سوالف شوق مكتوبه
راقنى الحرف
05-10-2012, 03:25 PM
أنا .... وانتي
رد: أنا .... وانتي
