اسمحي لي يالغرام العذب يالوجه السمـوح
ان لزمت الصمت أو حتى لبسـت الاقنعـه
اعترف لك ما بقى من عالي الهمـه سفـوح
انحدر كلـي مثـل طفـل تحـدر مدمعـه
من يبي بالله يفتح لي غلق صدره و ابـوح
ضاقت الدنيا بشاعر طيـب قلبـه ضيعـه
ما قبلنا الحظ قولي وين ابارحل ويـن اروح
الصبر ياهـو يعـذب و الامانـي موجعـه
اه يا جود الحزن وياي و الفرحـه شحـوح
ضايع بهمومـي الغبـرا بوسـط المعمعـه
اشتكي لوسادتـي دنيـاي واسمعهـا تنـوح
كنها بعضي وبعضي وين هو من هو معـه
ايه انا و العالم المغرور و اليـاس اللحـوح
خايض حرب الرياح اللي تسوق الاشرعـه
مختلط في عبرتي حبر الشقى ودم الجـروح
ومستوي في نظرتي غرب الوجود و مطلعه
عودي المبري بقى به من عطايا الوقت روح
وفصل خامس حاير بين الفصـول الاربعـه
وراس مالي ذكريات حلم وأمال و طمـوح
لا صديق ولا رفيـق ولا طريـق واتبعـه
نوب اسافر في سديد الراي ونب في جنـوح
مختفي صوت الحقيقه كيف ويش لون اسمعه
سامحيني دام هجري واضح كل الوضـوح
واسمحي لي بالرحيل بـلا تذاكـر وامتعـه
الأمير نواف بن فيصل
11-28-2008, 07:04 PM
اسمحي لي يالغرام العذب يالوجه السمـوح
