استعنى بالله
بسم الله توكلت على الله ولا حول ولا قوة الا بالله
س 1 : صفي نفسكِ بكلمتين ؟
عاقلة ومجنونة فى نفس ذات الوقت
س 2 : هل تعتقدين أن هُناك قلّه ممن يرضون بالقناعة والتواضع ؟
هما مش قلة اوى يعنى
فية ناس كتير بيمتازوا بالتواضع وفية بردة ناس كتير مايعرفوا اساسا يعنى اية تواضع ودول بيكونوا مرضى
اما القناعة فهى مهمة فى حياتنا بس لازم تكون القناعة مصحوبة بالطموح المشروع
س 3 : من الذي يخضع منكم لرأي الآخر ، آدم لحواء .. أم حواء لآدم ؟
الخضوع بيكون للراى الصح
سواء ان كان من ادم او حواء
س 4 : من هو الحبيب الدائم عند حواء ؟
الشخص الوفى الصادق المحب
س 5 : أبي , زوجي , أخي , عمي , أنا ... رتبيهم على حسب الاهمية لديكِ ؟
ابى
لانة بيعتبر اول حب لادم فى حياة حواء
انا
لان كل انسان لازم تكون نفسة مهمة عندة ودى طبيعة الانسان
زوجى
هو لسة مش موجود بس ان وجد وبالشخصية اللى بتمناها ممكن يسبق نفسى
اخى
مهم طبعا فى حياتى بس الحياة تلاهى وانا انسانة واقعية يعنى ممكن بكرة لو اخويا اتجوز هيكون الاهم عندة بيتة واسرتة ودة حال الدنيا
عمى
الاقارب دلوقتى بقوا صعبين اوى
كل واحد عاوز مصلحتة
س 6 : حواء : حين يقول لكِ آدم (أحبـــــكـِ) ماهي ردة فعلكِ ؟
ههههههه بقول الواد دة اهبل هههههه
بسكت وانسحب
لانى انا مش بصدق كلمة بحبك الا بالفعل مش بالكلام
س 7 : ماهي نسبة تعامل حواء مع آدم بصدق ؟
نقول صفر فى المية كويس
ههههههه
الحمد لله انا صدقى مية فى المية مع ادم
لانى انا بردة بحبة صادق معايا بنسبة مية المية
لان ما ينفعش علاقة ما بين ادم وحواء الا لو كان اساسها صدق والا هتفشل
س 8 : من هو ادم في عيون حواء؟
ادم هو نص الحياة
بس مش كل ادم
فية نوعيات من ادم حتى مش مكملين ذرة من الحياة
س 9 : برأيكِ : مالطريق الى قلب المرأة ؟
بتختلف
مش كل امراة زى التانية
كل واحدة وليها سكة هههههه
بالنسبة ليا الصدق الاحترام الوفاء الحب الحنان
من الاخر شخصية واخلاق ادم هى الطريق لقلبى
نقطة ضعفى هههههههههه
س 10 : هل تطلبين من ادم الدخول الى غرفة الولادة معكِ ؟
ياريت
عشان يعرف مدى المعاناة
يعنى هو ياخد الواد على الجاهز كدة ههههههه
التعاون حلو
س 11 : ماهي الصفة التي لاتتنازلين عنها في آدم ؟
الصدق والوفاء بالوعد والاخلاص
س 12 : الى اي مدى يؤثر كلام آدم على قراراتكِ ؟
لو حد فى شخصيتة الصفات اللى بحبها ووصل بيا الامر انى حبيتة
ممكن اغير قراراتى كلها عشانة
بس طبعا دة لو وجد وهو مش موجود يعنى قرارى من دماغى هههههههه
س 13 : مالذي تحتاجه حواء من آدم ؟
الاحترام الوفاء الحب الطيبة الامان الحنان
انة يكون دنيتها واهلها وهى دنيتة واهلة بدون منازع
س 14 : هل انتِ صريحة جدا مع من تحبين ام ان المجاملة تلعب دورا في حياتكِ ؟
احيانا بجامل
لانى بخاف جدا ان اللى قدامى يزعل منى
بس فية امور طبعا ما ينفعش فيها مجاملات
س 15 : هل انتِ مثالية ؟
لا طبعا
مافيش حد مثالى
س 16 : متى تشعر حواء بتأنيب الضمير ؟
لو اتسببت فى عذاب حد
س17 : لو خيروكِ بين آدم صاحب الشكل الجميل والانيق والشديد في تعامله مع حواء , وبين آدم
ذا الشكل البسيط والاخلاق العالية , فمن تختارين بصراحة ؟
طبعا صاحب الاخلاق
لان الانسان صاحب الشكل الجميل ولكن لا يحمل اخلاق بيكون زى علبة رائعة مصنوعة من الذهب والماس بس للاسف تيجى تفتحيها تلاقيها كلها عفانة وارف
اما بقى الواد البسيط ابو اخلاق عالية دة جوهرة تحطية فى عيونك وتتكحلى علية بس خدى بالك الكحل يسيح ههههه
س18: ماردة فعلكِ حين يجعلكِ زوجكِ خلفه مع الاطفال وبصوت عالِ يقول (امشي بسرعه )؟
كنت خلعتة ههههههه
هو بصراحة لسة ما حصلش بس لو حصل هوقعة فى بلاعة ههههه يعنى عوزنى اجرى بعيالة طيب ما ياخد عيالة دة اية الراجل دة كبة ههههههه
خلتينى اغلط فى بعلولى اهو ههههه
س 19 : هل يهمكِ أناقة زوجكِ ام اناقتكِ تكفي ؟
اة طبعا
اناقتة من اناقتى ويمكن اكتر
لان الرجل مراية لزوجتة
هو صحيح هيتعاكس كتير
واة هيتبص علية برة بس المهم هو ما يبصش برة ههههههه
س 20 : لوطلب زوجكِ ان تطبخين له في منتصف الليل وانت في حالة من النعس الشديد , ماذا تفعلين ؟
طبعا دة يؤمر دةرجلى و الحتة اللى فى الشمال
اخدة معايا المطبخ ونطبخ سوى ههههههه
س 21 : برأيكِ مالصفات التي يتحلى بها آدم لينال اعجاب حواء ؟
زى ما قولت قبل كدة الصفات اللى بتعجب حواء بتختلف من حواء للتانية
وبالنسبة ليا
زى ما قولت
الاحترام الصدق الوفاء الحب الطيبة الامان الحنان
انة يكون دنيتى واهلى وانا دنيتة واهلة بدون منازع
س 22 : مارأيكِ بآدم الذي يساعد حواء في اعمال المنزل ؟
المساعدة بخفة دم بتكون لذيذة
يعنى يعمل السلطة يكسر الاطباق ههههه يعنى الحاجات الخفافى دى
لكن بقى الراجل اللى بيغسل ويطبخ ويمسح فاضل يحمل ويخلف ما احبهوش
س 23 : لماذا احيانا نجد حواء بعد الزواج قليلة الاهتمام بنفسها؟
لانها خلاص بتكون ركبت ودلدلت ههههههه
بس الراجل كمانبيحس نفس الاحساس هههههه
وبيبدا الاهمال من الطرفين
ودة طبعا كارثة البيوت العربية
ان كل واحدة وواحد يقول خلاص انا اتجوزت والعيال و و و
ويبداوا يهملوا والراجل يبص برة والست تحس بالملل
ويبقى الجواز روتينى بحت عامل زى الاوراق اللى فى المصالح الحكومية
س 24: ماهي الرومانسية في نظركـ؟
الرومانسية اة من الرومانسية
ورد احمر وشموع ورقصة هادية على اغنية غمض عنيك ولا بنسى الدنيا او اى اغنية رومانسية كدة مع كلام رومانتيكى طالع من معاميع القلب
وكمان الرومانسية بتكون افعال يعملها كل طرف وهو بيصرخ من قلبة انا بعمل كدة لجل حبيبى وبس فقط لا غير
س 25 : دائما يقولون (ادم قوي لايبكي سريعا كحواء ) فهل بكاء ادم يقلل من قيمته برأيكِ ؟
بالعكس
ادم لو بكى قدامى هعرف انة بيحبنى جدا
لان ادم دموعة غالية اوى علية
وقليل جدا لما يظهرها
فلما يظهرها قدامى يبقى انا اهم انسان عندة فى الدنيا
لانة سمح لدموعة تنزل قدامى وانا امسحها واشيل عنة
س26:ماهو اسم ادم المحبب لديكي؟
ياسين لانى بحب سورة يس
وعمر على اسم سيدنا عمر بن الخطاب
س27:برأيك ماواجب حواء تجاه ادم ماالذي تقدمه له وماذا تنتظر منه؟
حواء بتعطى الحنان والحب والاخلاص وبتاخد الاحتواء والامان والعشق والاخلاص
س28:عندما يغضب منكي ادم كيف تتكون ردة فعلك؟
لو مش غلطانة مش هعبرة هههههههه
لو غلطانة هصالحة بالطريقة اللى بيحبها
س 29 : لقد فك أسركِ .. ولديكِ مساحة فارغه ..!
يا ربى
دة كتير
انا دبستك صحيح
بس انتى الدبابيس بتاعتك من النوع اليابانى هههههههه
بس تدبيسة حلوة منك
يا هموستى
وانا جاوبت من قلبى
باللى اتمناة فى ادم
وفى نفسى
ويارب تستمتعوا بالاجابات
غصب عنكوا هتستمتعوا هههههههه
دى عفينة هههههههههه
سلام على عيون الجميع
ولانى بحب الصور
خدو الصورة دى منى
07-18-2010, 11:05 PM
فنجان قهوه مع حواء
رد: فنجان قهوه مع حواء
