الوعد النقي
الوعد النقي الصافي
و ارياف في طية ارياف
الى قبركم جابني يا اولافي
ولاف عاشق في ثراء الاولاف
رحال نطوي في مسافات الزمان و جايكم
ومازال في عقلي دلال لرأيكم
و انودكم
و أنعدكم
و أنجيبكم
غالي عليا سريبكم
و غالي عليكم من غلأي غلأي
غالي عليكم في الرفق تبقوا امعاي
نحنا على طول الطريق
خطواتنا ود و عفا
نحنا رفيق رافق رفيق
ما حد باخل بالدفا
و حق من خلق ليل و بحر و أمواج
و خالق ألحاجه و خالق المحتاح
نحتاج لك حاجة أوصافك
يألفن ود المدامع
نحتاج لك حاجة أريافك
في الجذب لبرقي اللامع
و حاجات جاحات
و حاجات محتاجات
وجاحات حاجتهن إلها بالذات
حكاية غلانا أنا و أنتي
و الغلاء و طيب الرفق
و همسة ألقانا و أنتي
و الرجى و حلم وعشق
ما يخطر على الأخر إلا بالأخر
شايل دفا ود الحنين الزاخر
و امواج من دفق الحنين
و ادموع في الليل الحزين
وين ما علي أتغيب
انحس روحي في الحياة غريب
و تسيل دمعتي
تسيل دمعتي
وين ما أتغيب عليا
انحس روحي في الحياة اشويه
ايجي الكيد على ألدمعه
و مكر فيا
نأخذ الليل أنكمله تسكيب
الدمع يهنى وعزمنا لا شي
و صبح المفارق ما أيبان قريب
نبقى بروحي
بين مني و إلي
و جيبة سريب أيبان فيه سريب
ذكرى و ضحكه و ملاقي ندي
و دمعه و كلمه للسماح تجيب
يبقى غيابك و احتمال اتجي
تحيي أيامي في ربيع خصيب
في حلم عيني وخاطر و أيدي
تلمس أيديك و تحس اللهيب
وين ما عليا أتغيب
انحس روحي في الحياة غريب
و تسيل دمعتي
تسيل دمعتي
وين ما أيغيب خيالك
و أتغيب عني روعتي ودلالك
ننشد عليك وخاطري في سؤالك
وداد جايب في ضراه حبيب
مشيت خاطري في خاطري موالك
و طيفك يلازمني بشكل عجيب
و نشتاق لك في ليل مظلم حالك
شكواي تسمع غربة التغريب
و ان كان في موحك انجي في بالك
نحمل النار و قسوة التعذيب
لا تراودك و لا يراود احمتالك
أني ننساك أمر عجيب
وين ما عليا تغيب
انحس روحي في الحياة غريب
و تسيل دمعتي
تسيل دمعتي
وين ما تغيب عيونك
عليا و يظلم العالم دونك
انحس روحي نجم خارج كونك
رحال تايه في فراغ رحيب
و فيك سماح تعرف ما يهونك
و في سماح غفرانك أيجيب
الروح تشوى و تزدهر في عونك
و الشوق يحضر في موكب رهيب
أيجيبك حلم و تجيبني ضنونك
نرسم الحلم و الملقى نصيب
إن صار و صار
يا مولاي هونك
دمع العين و الصمت الرهيب
أردود كفاك خايل كيف لونك
مني فيك ما يوصلكش عيب
وين ما عليا تغيب
انحس روحي في الحياة غريب
و تسيل دمعتي
تسيل دمعتي
03-07-2009, 10:46 AM
الوعد النقي
