السمك المقلي ..مع الأرز الأحمر..الخطيررر..خطوة ..خطوة

[ابو عمر المصرى]

احبائـ في الله ـي الكرام

اهلاً وسهلاً بكم معنا


في مطبخنا المتواضع


السمك المقلي مع الأرز الأحمر



أكلتنا النهاردة
إن شاء الله أكلة لذيذة عن نفسي بحبها أوي

السمك المقلي
والأرز الأحمر أو بالبصل أو أرز السمك
زي ما تحبوا تسموه لأن له مسميات كتير

الأكلة دي بتتاكل مع سلطة خضرا وسلطة طحينة
وممكن ليمون لمن يحبه جنبها

المقادير
تكفي شخصين
كوب كبير يعني كوب الماء العادي
اللي بيكون 125 مللي

تعالو نشوف مع بعض الأكلة


يتبع

[أحمد اسماعيل]

ابو عمر


اموووووووت انا فى السمك


يسلمووا على روووعة الطرح

دعواتى لك بالصحة والعافية

[ابو عمر المصرى]

أولا السمك

المقادير

السمك
2 سمكة متوسطة مخلية
أو 4 قطع فيليه كبيرة أي نوع مفضل لكم

(يمكن بدلا من سمك فيليه أومخلي يكون سمك كامل تم تنظيفه - بلطي مثلا)

كوب كبير دقيق للقلي

تتبيلة السمك

رأس ثوم متوسطة
ملح وفلفل اسود وكمون ولمونة حجمها حلو كده



الطريقة

نجيب الفيليه ونحضره للتتبيل

ندق الثوم جيدا ونضيف له ملح حسب الرغبة

حوالي ملعقة شاي ملح و1 فلفل و1 كمون
وندقهم جيدا مع الثوم مرة أخرى

ثم نعصر عليهم الليمونة في الهون أيضا

بعد ذلك نقوم بتتبيل الفيليه قطعة قطعة

ونتركهم في التتبيلة لمدة لا تقل عن ساعة

ولو وصلت لأربع ساعات أفضل
وممكن نسيبه يتبل لحد ما نعمل الرز



نحطه في دقيق من الجنبين وننفضه خفيف كده



ونحطه في الزيت لحد ما اللون يبقى دهبي
ونطلعه من النار بالشكل ده




يتبع

يتبع

[ابو عمر المصرى]

ثانيا الأرز


المقادير

كوب كبير أرز

بصلة متوسطة
ملعقة كبيرة صلصة
زيت زيتون
ملح وفلفل اسود


الطريقة

مبدئيا فيه حاجة كتير بيبقوا عايزين يعملوها ومش بيعرفوا

ازاي أعمل رز مفلفل من غير مايكون لازق في الإناء من أسفل

أو فيه احمرار فيها


أو له قشرة بيتم رميها لا أكلها



أي أن تكون كل حبة أرز في الحلة مشابهة لغيرها

دون اختلاف ومن غير ما يعجن

عشان نعمل كده لازم الأول

بعد مانغسل الرز كويس


نسخن معلقتين كبار زيت زيتون (أو أي زيت)


نضيف الأرز والزيت ساخن ونقلب لمدة لا تقل عن ربع ساعة




كما في الصور الأرز في الأول بيبدأ يتكور أو يلزق في بعضه كده



شوية شوية مع التقليب هيبقى كده



لكن واحدة واحدة مع التقليب الرز

بيبدأ ينشف ويفك من بعضه عشان السخونة

يعني نقلب لحد ما نحس ان كل حبة أرز لوحدها مش بتلزق في اللي جنبها


مفلفل يعني زي كده



في أثناء تقليب الرز

(ممكن بعدها للي مش بيعرف يعمل حاجتين في وقت واحد)

نجيب إناء تاني عشان البصل


نقطع البصل صغير كده زي ماحنا شايفين



(مش نبشره لأ نقطعه كده عشان طعمه يبان حلو)



وبعدين نسخن معلقتين زيت زيتون في حلة ونحط البصل لما الزيت يسخن




ونقلب البصل لحد مالونه يغمق بالشكل ده




بعدها نبدأ نضيف الصلصة



ونضيف الميا ونقلب كويس لحد ما تغلي



طبعا الميا تكون مقدار الميه العادي بتاع الأرز

(كوب كبير ماء أو حسب مقدار الأرز)

بعدين نضيف الملح والفلفل

ونضيف الأرز اللي سخناه ونقلب


ونغطي عليه على نار عالية لحد ما يغلي ونهدي النار جداااا

زي ما بنطبخ الرز العادي

ونسيبه حوالي ربع ساعة ونشوفه استوى وللا لا


لو الميا نشفت وهو لسة ماستواش نضيف ميا بسيط

على الجناب ونقلبه ونغطي عليه علطول
بعدها نسيبه خمس دقايق كده بيكون استوى ومفلفل الحمد لله







تم بحمد الله

وبالهنا والشفااااا

منقول بتصرف

لــكل من يزورالموضوع


باقة ورد لك

[ابو عمر المصرى]

سعدت بمرورك احمد
تواجدك شرفنى واسعدنى
دمت بخير

[طارق سرور]

بجد روعة أخى أبو عمر

شكرى وتقديرى الفائق

[ابو عمر المصرى]