حبيبي الأول
مازلت كي الأول حبيبي الأول
لا تمتحى من بالي أيام الزهى يلاك
و لا يوم من عمري نهار تحول
في خاطري يا غالي
ديما كبير غلاك ديما
ديما امعاي في نغمتي و أوتار عودي
ديما امعاي في صحوتي و لحظة شرودي
يا اللي الوفاء و الخير ريته فيك
قلبك حنون و طيب
نطلب و ندعي رب السماء يكافيك
وفي ألجنه تكون امعاي قريب
عمري رويته من مناهل ودك
و شوقي طفى من يوم ما لاقيتك
و ربيعي منور و الشذا من وردك
و من وسط قلبي و خاطري ناديتك
و في وين ما تضيق الخواطر بيا
و تظلم و تقسا يا عزيز أيامي
و في وين ما نسرح امعاك اشويه
تجي وسط عيني صورتك قدامي
و مازلت يا ولأفي
مازلت عندي وافي
ومازال نيتك صافيه و نقيه
و مازلت ديما لأفي
و ما هو عليا خافي
طيفك امعايا ما يغيب عليا
خوذ عهد مني بالوفاء طول عمري
حتى ان طالت بينا المسافة
خوذ عهد مني بالوفاء طول عمري
حبك الغالي ما نريد إخلافه
و روحي لروحك عاشقه ولأفه
مازلت كي الأول حبيبي الأول
لا تمتحى و لا تنتسى من بالي
أيام الزها يلاك
و لا يوم من عقلي نهار تحول
في خاطري يا غالي
ديما كبير غلاك
02-07-2009, 03:13 PM
حبيبي الأول
