ساجدة تفتح قلبها

نور · 03-12-2010, 11:11 PM

ساجدة الغالية
المميزة حضورا وقلبا
والتى لاانظر لعدد مشاركاتها
فكثيرا منا يتعدد مشاركاته لكثرة حضوره
ولانه يسمح وقته
لكنك غاليتى تتحملى الكثير والكثير من المسئوليات
وعذرا لو سمح وقتك لتخطيت الجميع
فكرا وحضورا وتألقا
لكن يكفينى مواضيع تشهد بهذه الفكر النير
والذى من اجلها تستنير عقول وتضيف لصدفة
بريق ودفء وروحانيات ليس لها مثيل
رائعة انت بهذه القلب الصادق الذى اسعدنا
والذى يتحمل الكثير والكثير
نسال الله ان يديم نبضه الجميل الدافئ
وان يسعد قلبك ويحفظ لك جميع احبتك

سؤال اذا سمح وقتك بعد اسئلة مرمرية
الجمييييييلة قوى
الله يقويك ياااااااااااارب
لو سمح الوقت للغالية
ساجدة
ماهو حكمك على شباب الامة العربية !!
وهل هم على قدر المسئولية
وهل يختلف تحمل الشاب عن الفتاة
من منطلق الاهتمام بالاسرة وكل همومها!!!
سؤال احب معرفة اجابته بصدق
طوال فترة مشاركاتك بصدفة
ماذا اضافت صدفة لك
وهل تجديها كما تتمنى !
وهل تجدى انها لاتختلف ام تختلف عن باقى المنتديات !!
يدور عل الساحة صراع ونقاش وتحديات
حول تعيين المراة قاضى
ورفض مجلس الدولة اتمام اجراءت التعيين
هل توافقى ان تشغل المراة منصب قاضية !!!
ولى عوووووووووووووودة
لارى رووعة حضورك وجميل اجاباتك
وكم انا سعيدة بهذا الحضور الراقى

نور · 03-12-2010, 11:38 PM

عصير اناناس

عصير تفاح

كوكتيل مشكل

لك غاليتى
وعذرا نسيت ان اقدم بعض العصير
قبل اسئلتى اليك
الف هنا لك جميلتى

ساجده · 03-12-2010, 11:40 PM

الله الله على الكلام الموزون

هو دة الكلام المظبوط ودة الى كنت منتظرة

ولحد كدة تمام التمام

انما اللى جاى هى من شخصية ساجدة فى وجهه نظرى

وهى الاندفاع كعادتك والحساسية الذائدة

وعندما تشعر ساجدة بشىء ترتاب فية او كلمة تشعر انها موجه لشخصها

طيب انا مش باحب احلف

بس والله كل اللى قولته ماله اى علاقة بشخص ساجده او حاجة شخصية عندى

ده فعلا رأيى فى الناس اللى عندها فقر فى عقلها

ده مجرد رد على سؤال

ولاحظ انى قولت اكمل ولا لا

يعنى انا عندى فرق مابين فقر فكرى وفقر عقلى

طيب انا ممكن ازود فعلا حاجات انا شايفاها من ضمن الفقر الفكرى او العقلى ولكن ممكن تتفهم غلط

اما موضوع الاندفاع ده اعتقد انه حضرتك فاهمنى غلط فيه

لانه انا فعلا ماعنديش اندفاع انا هادية جدا واهم شئ فى طبعى السكوت

بس انا عندى رد فعل كانسان طبيعى يعنى

ولكن اعتقد انه مش باندفاع يمكن يكون بعصبية

لانه انا شايفة انه المندفع معندهوش عقل ولا حجة

اما حكاية موجه لشخصى دى يمكن لانه انا اعرف اغلب الناس واعرف هى ممكن تكون قاصدة ايه من كلامها

او حتى يكون حصل بينى وبينهم شئ فمن كلامهم افهم قصدهم

وغير كل ده انا مش باخد موقف او حتى لو اندفعت فى رد فعلى الا اذا كان الكلام موجه ليا وبطريقة مباشرة او حسيت فيه باهانة ليا واعتقد انه حقى ولا ايه؟

كنت اتمنى تقرأى ما بين السطور كعادتك

السؤال من شقين والشق الاول مرتبط بالشق الثانى وانتى فصلتيهم وجاوبتى على انهم سؤالين
نعيد صياغة الشق الثانى من سؤالى

هل ترى من وجهه نظرك ان عدد المشاركات (التى تظهر فجأة)

تنم على فكر واع مثقف يعى مدلولات المطروح

ام يمكن ان ينم عن فقر عقلى وفكر سطحى

هااااااااااااااا

برضه ظلم

لانه فهمت اللى بين السطور كعادتى برضه بس المرة دى حضرتك اللى مافهمتنيش

بس ماحبتش يتقال تانى انه اهاجم الناس فقولت اجيبه عليا وخلاص

عموما حاضر

عدد المشاركات اللى بيجى فجاة ده دليل على شئ واحد

انه اصحاب المشاركات بيقعدوا فترة طويلة جدا جدا على النت ان ماكانش اغلب يومهم

فطبيعى يكون عدد مشاركاتهم كتيرة

والكتير بقى اللى زيادة عن اللزوم واللى فعلا تقرا الموضوع 100 مرة وماتفهمش الموضوع عاوز ايه او حتى اللى حطه حطه ليه

معناه مشاركات ومشاركات وها اشوف سكورى بقى كام

وكده يعنى

وكل شخص مسئول بقى عن مشاركاته

لانه ببساطة هى مش بتتأرشف

هى بتدخل فى كتاب لا يغادر صغيرة ولا كبيرة

واعتقد انه المفروض نضيف اللى يفيد وفقط

لانه اللى اتحط بلا هدف يمكن مايضرش بس مش هيفيد

ده رأيى

اما موضوع فقر عقلى وفكر سطحى ده بيظهر سواء كان الشخص كتير المشاركات او قليل

لانه تكلم حتى اعرفك

فكل ماالشخص يتكلم اكيد هتعرفه

ها كده الاجابات ارضت حضرتك؟ ههههههههه

ساجده · 03-13-2010, 12:04 AM

ساجدة الغالية

نور قلبى

المميزة حضورا وقلبا
والتى لاانظر لعدد مشاركاتها
فكثيرا منا يتعدد مشاركاته لكثرة حضوره
ولانه يسمح وقته
لكنك غاليتى تتحملى الكثير والكثير من المسئوليات
وعذرا لو سمح وقتك لتخطيت الجميع
فكرا وحضورا وتألقا
لكن يكفينى مواضيع تشهد بهذه الفكر النير
والذى من اجلها تستنير عقول وتضيف لصدفة
بريق ودفء وروحانيات ليس لها مثيل
رائعة انت بهذه القلب الصادق الذى اسعدنا
والذى يتحمل الكثير والكثير
نسال الله ان يديم نبضه الجميل الدافئ
وان يسعد قلبك ويحفظ لك جميع احبتك

اميييييييييين

ولكى مثله

وانا بصراحة باعجز دايما عن الرد على كلامك

بقيت ماشية من غير عنق يانور من كتر ماقطعتى عنقى

سؤال اذا سمح وقتك بعد اسئلة مرمرية
الجمييييييلة قوى
الله يقويك ياااااااااااارب

اميييييييييييييين

لو سمح الوقت للغالية

انتى تأمرى امر ياانور

ساجدة
ماهو حكمك على شباب الامة العربية !!
وهل هم على قدر المسئولية

شباب الامة العربية

حكمى عليهم انه طالهم قدر من الظلم لا يستهان به

ولكن هما ارتضوا وللاسف بالظلم فظلموا انفسهم ايضا

خرجوا الى الدنيا وهناك من تعمد تحطيم اى حلم او امل لهم

من كان عنده هدف تخلى عنه ومن كان يحلم استيقظ على هدم حلمه

ووجدواانفسهم مابين وبين

مابين الهجرة والعمل فى بلاد غير بلادهم

او بين البطالة واوقات الفراغ والضياع

الا من رحم ربى واصر على ان يحاول ويحاول ويحاول

ولكن ارى انهم بدأوا فى الافاقة

واتمنى ان يكونوا قادرين على ان يغيروا الاوضاع

وهل يختلف تحمل الشاب عن الفتاة
من منطلق الاهتمام بالاسرة وكل همومها!!!

اختلاف بحجم مابين السما والارض

الفتاة سهل عليها تكون فتاة وولد

اما الولد الرجل فقط هو رجل

بمعنى

الفتاه تعمل خارج البيت وتتحمل اعباء مادية وتعود للبيت ربما قامت بدور والدتها

(نقول عليها بالمصرى كده تسد جوة وبرة)

اما الولد لا يعرف سوى ان يأتى بمال ( ده لو قدر اصلا)

الفتاة تتحرك اسرع من الولد واشوفها لما تكون قوية مافى شئ يقدر يكسرها

الولد بسهولة ينهزم

واوقات الصراحة الانانية بتطغى عند الولد ومصلحته ومستقبله

اما البنت غالبا اهلها بيكون لهم اولوية وممكن تضحى باى شئ علشانهم

اكيد كلامى ده من واقع تجربة

سؤال احب معرفة اجابته بصدق

اجاوبك بمنتهى الصدق

طوال فترة مشاركاتك بصدفة
ماذا اضافت صدفة لك

انا كنت اعرف انه انا اعرف اتكلم كويس واجذب انتباه الناس ليا

لكن فى صدفة عرفت انه انا باعرف اكتب كمان

وبالتالى صدفة عرفتنى على نفسى اكتر

واضافت ليا ناس اصبحوا اساس بحياتى

كافى عليا انه عرفت نور/ يعرب/اميرة/جنة/زهرة/ابو عبدالرحمن

كل الناس اللى عرفتهم معرفة شخصية

كل الناس اللى لو حصلى شئ الاقيهم معايا بدعواتهم

اقولك على شئ بكانى جدا

جانى اتصال من رقم سعودى ولما رديت

لقيتها جنة فى العمرة وتقولى من ساعة ماجيت هنا وانا فاكراكى

اكيد جزاها الله خيرا صدفة انه قدمت ليا كل ده

وهل تجديها كما تتمنى !

اعتقد انه بامكانها تكون افضل

وهل تجدى انها لاتختلف ام تختلف عن باقى المنتديات !!

تختلف بصدق

تختلف بناسها

ارجع اقول المنتديات بالملايين

والمشاركات بالبلايين

ولكن الاخوة اللى بين اعضائها

احنا اغلبنا بيعرف بعض معرفة شخصية والعلاقة الى حد ما جميلة

ودى اعتقد مش دايما ممكن نلاقيها

يدور عل الساحة صراع ونقاش وتحديات
حول تعيين المراة قاضى
ورفض مجلس الدولة اتمام اجراءت التعيين
هل توافقى ان تشغل المراة منصب قاضية !!!

لاا لااوافق

ولى عوووووووووووووودة
لارى رووعة حضورك وجميل اجاباتك
وكم انا سعيدة بهذا الحضور الراقى

الروعة هنا لانك اتيتِ

والسعادة هى بقلبى عندما تأتى اليه

وعودى كيفما تشائين انتى هنا بالاساس

ساجده · 03-13-2010, 12:06 AM

اقتباس:

المشاركة الأصلية كتبت بواسطة نور

عصير اناناس

عصير تفاح

كوكتيل مشكل

لك غاليتى
وعذرا نسيت ان اقدم بعض العصير
قبل اسئلتى اليك
الف هنا لك جميلتى

ايه الروعة دى

طيب انا هاخد العصير

بس الحاجات الحلوة انتى عارفة

كده يبقى فيها مستشفى

هاخدها اوزعها على البيت هنا قبل ما مرمر تيجى وتقوم بالواجب

نتسلميلى احلى نور

اكرم شكرى · 03-13-2010, 12:39 AM

اختى ساجدة

اجاباتك منتهى الحرص والشفافية

ولا تعليق على ملاحظتك على كلامى

مع ان فية تعليقات كثيرة

ربنا يوفقك فى جميع خطواتك ويباركها ببركتة

ولكن ملحوظة/ ليس من الضرورى تكوين فكرة عن شخص

من لمجرد بعض مواضيع ولكن هناك مواقف تعطى الفكرة

ولكنها دائما تكون خاطئة

ما نكتبة ليس من الضرورى ان ينم عن شخصيتنا

فلربما نكون افضل او اسوء الله اعلم

ولكن يمكن ان يمر موقف نأخذ منة الفكرة التى تكون مشوشة بنسبة كبير

فربما يكون بجوارى فى المنتدى من هم افضل مما اتصور

ولربما العكس

وفقك الله فى جميع امورك

marmer · 03-13-2010, 08:38 PM

اية دة يا نور

اية كل دة

ان غاب القط العب يا فار

كل دى حاجات جيباها للبت ساجدة

ماشى

وفين حقى انا

بقى

ازيك يا ساجدتى

حلو حوارك مع اكرم باشا

بس انا عاوزة اشوف دم وشد شعر

وحاجات كدة حلوة

حسسونى بالتغيير

ومش هسال المرة دى جايز حد عاوز يسال ولا حاجة

وانا مش بحب اكون تقيلة على حد ههههههههه

انا خفيفة خف الريشة

وقلبى ابيض زى الحليب

تخدى بق

ساجده · 03-13-2010, 09:12 PM

اقتباس:

المشاركة الأصلية كتبت بواسطة اكرم شكرى

اختى ساجدة

اجاباتك منتهى الحرص والشفافية

ولا تعليق على ملاحظتك على كلامى

مع ان فية تعليقات كثيرة

ربنا يوفقك فى جميع خطواتك ويباركها ببركتة

ولكن ملحوظة/ ليس من الضرورى تكوين فكرة عن شخص

من لمجرد بعض مواضيع ولكن هناك مواقف تعطى الفكرة

ولكنها دائما تكون خاطئة

ما نكتبة ليس من الضرورى ان ينم عن شخصيتنا

فلربما نكون افضل او اسوء الله اعلم

ولكن يمكن ان يمر موقف نأخذ منة الفكرة التى تكون مشوشة بنسبة كبير

فربما يكون بجوارى فى المنتدى من هم افضل مما اتصور

ولربما العكس

وفقك الله فى جميع امورك

استاذ اكرم

اولا مشكور على مرورك اللى دوما يسعدنى

وربنا يستجيب دعواتك يارب

انا شايفة انه دوما علاقات النت بتكون الى حد ما منقوصة

بمعنى انه ينقصها جزء من الحقيقة

لانه بالاخر كلنا نتخفى وراء كيبورد نكتب مانريد ان نكتبه فقط ومانريد ان نظهر انفسنا عليه

ولكن بالحياة العادية الحقيقة لا تستطيع الا ان تكون على ما انت عليه

ويصح المثل المصرى اللى بيقول لازم تعاشر علشان تعرف الناس

يعنى ربما هناك انس تظن بهم خيرا وهم ابعد مايكونوا عنه والعكس

ادعوا الله ان يرزقنا الاخلاص قولا وعملا

مشكور اخى على المرور

ساجده · 03-13-2010, 09:15 PM

اقتباس:

المشاركة الأصلية كتبت بواسطة marmer

اية دة يا نور

اية كل دة

ان غاب القط العب يا فار

كل دى حاجات جيباها للبت ساجدة

ماشى

وفين حقى انا

بقى

ازيك يا ساجدتى

حلو حوارك مع اكرم باشا

بس انا عاوزة اشوف دم وشد شعر

وحاجات كدة حلوة

حسسونى بالتغيير

ومش هسال المرة دى جايز حد عاوز يسال ولا حاجة

وانا مش بحب اكون تقيلة على حد ههههههههه

انا خفيفة خف الريشة

وقلبى ابيض زى الحليب

تخدى بق

يابنتى انتى بتحشرى نفسك هنا ليه

المفتوح ده قلب ساجده والهدايا ليا انا

ايه علاقتك انتى بالهدايا بتاعتى

وبعدين ايه البت ساجده دى

اوعى ترفعى الالقاب انتى سامعة؟؟

واطلعى منها علشان تعمر استاذ اكرم اخويا الكبير

ومافيش ولا شد شعر ولا كلام من ده

وكويس انه مش هتسألى ياريشة

وخلى البق علشانك مش باشرب لبن انا

marmer · 03-13-2010, 09:51 PM

اية

اكرم اخوكى الكبير

ايون ايون كبرية بقى

ماهو دة اللى بياخدة منك

اة يا نى منك

يا ساجدة من غير القاب

هو اللى غلطان انة اتكلم معاكى

دى اخرتها

اخوكى الكبير

ما كانش العشم

ما تاخدش على خاطرك يا ابو منون

عيلة وغلطت هههههههههههه

ولية بقى مش بتشربى اللبن

امال هتشربية لعيالك ازاى

ولا كمان مش هتشربى عيالك لبن

عشان الكالسيوم ينقص عندهم

شكلك مش بتخافى عليهم

ما علش يا ولاد

عيلة وغلطت هههههههههههه

وهسال بقى

عندا فيكى يا عيلة

احكيلى عن طفولتك المتشردة؟

وموقف حصلك وانتى تفلة ولا يمكن تنسية ابدا؟