السلام عليكم
مساءكم خير يا حلوين
بما ان الدعوة كانت الخميس احكى لكم عن أيام الخميس بحياتى
وعموما انا من السبت إلى الخميس نفس السيناريو مع تغيرات طفيفة
الخميس9ابريل
صحيت من النوم بدرى الساعة8
ده البدرى بتاعى
على ما صليت الصبح طبعا دخلت صدفة أصبح وشاركت مشاركات بسيطة قوى
مستعجله طبعا الشغل ياجماعة
دورت على جنة اصبح عليها لكن ما لقيتها ....طبعا مفيش حاجة فى قاموسى
اسمها فطار روحت استعد انى أخرج
الساعة 9ونصف ماما طبعا فى البلكونة معايا لحد ما اغيب عن عينيها على اول
الطريق ها ها اخيراً تاكسى ...عند المحكمة لو سمحت طبعا انا مش محامية ولا شئ
لكن شغلى قريب من هناك
بعدها على طول قابلت صحباتى العسولات المحاميات تحت التمرين طبعا وقفنا سوا
خمس دقائق سلامات وضحك وكل واحد راح الشغل اه نسيت أقول أنا مدرسة لغة انجليزية لكن طبعا لا وجود للوظائف بشتغل فى مركز تعليمى صغنوووون بدانا
اليوم بمجموعة للصف السادس والصف الرابع
طبعا الوقت أغلبه يا بنات سكوت يا أولاد عايزة أشرح .....خلصت الحصة أذان الظهر
أه على فكرة المجموعه الصباحية موجودة لان المدرسة فترة مسائية
بعدها كان مجموعة الصف الرابع تانى وشرحت......بعدها مجموعة الصف الخامس شرحت
بعدها بقى ظهر مجموعة الصف الأول والصف الثالث والله المستعان يامس الولد
أخد كتابى ...يامس الاستيكة مش موجودة ياااااااااااااامس عايزة اروح أشرب....لا
يامس مش فاهم اشرحى تانى ....حاضر
خلصنا مجموعة اولى وثالثة
بعدها مجموعة رابعة لثالث مرة.........ااااااااااااااه نعيد نفس الشرح
سلام يامس ...سلام يابنات أشوفكم بكرة.... هاتوحشينا يا مس وانتوا
كمان....صلاة العصر صليت الحمد لله
يالا مجموعة الصف السادس لكن أولاد مفيش بنات الساعة 4خلاص أنا حاسة انى
جوعت أفطر بقى ....شيبسى طبعا أكلتى المفضلة والسهلة
نبدأ المجموعة يالا يا أولاد اقفلوا الموبايلات ...طيب استنى يامس نلعب شوية
لا حالا ...تبدأ الحصة ونشرح ونجاوب تمارين نخلص الساعة5ونصف
بعدها جرى على مجموعة تانية لكن بمكان تانى بعد ساعة نخلص امشى دقيقة
أكون على الكورنيش وقتى يسمح لى أتمشى خمس دقائق اكون فيهم مع نفسى
طبعا أجمل خمس دقائق لانى بقدر اتكلم مع نفسى براحتى ....ياخبر الوقت
أخدنى دقايق كمان....تاكسى جرى على البيت ...صلاة المغرب
طبعا ولا راحة ولا حاجة فى مجموعة الصف الرابع بالبيت كمان بدانا شغل على
طول خلصنا 8ونصف...بعدها صليت العشاء
اااااااه افتكر من حقى اتغدى احنا الساعة 9 اتغديت الحمد لله لكن لوحدى زى كل
يوم...شوفت بابا دقايق طبعا
مواعيدنا مختلفة يادوب ازيك يابابا ؟اخبارك ايه وأخويا نفس الشئ
بعدها قرات سورة الكهف...اتكلمت مع ماما واختى الأصغر شوية بعدها كان ميعادى
مع صدفة وكلى شوووووووق
وكانت المفاجأة النت مش بيتصفح ولا بيفتح ههههههههه ساعتين متواصلين
عندى امل لكن مفيش فايدة خلاص
الساعة 12 وقت النوم ودخلت أنام
أكيد يوم مملل....لكن اتعودت
04-09-2009, 03:06 PM
رد: يوم فى حياتك .. أدخل وشارك معانا
