بسم الله الرحمن الرحيم
" قل اعوذ برب الناس *ملك الناس *اله الناس * من شر الوسواس الخناس *الذى يوسوس فى صدور الناس
* من الجنة والناس " مش عارف لوحده والله قلب عربى
انا طول الليل واقف فى الموضوع ده ولازم اكتب فيه لانه عاجبنى . ومن اول السطر استر يارب
كنت معاكم هنا فى صدفة وفى نفس الموضوع الجميل ده فى صباح يوم 04-07-2009, 08:34 am
وبعدها انقطع اتصالى بالكتابة عربى وبالنت اصلا ورجعت اليوم قبل الان ب 5 ساعات وانا اصارع النت
والكهرباء والانجليزى لكن لامانع لحبى فى الموضوع والان استكمل
ادة ايامى كلها تشبه بعض لاجديد فيها مثل ايام القليل من مدمنى النت لكنها مميزة بالنسبة لى
اصحو 12ظهرا للصلاة يرجع الشاب احمد ابنى من المدرسة 4 ابتدائى يستلم الكرتون فى التليفزيون لحين
رجوع والدته من العمل وتنزل نهال ابنتى للمدرسة اولى اعدادى نتغدى ثلاثتنا فى غرفتى مع اشرف عبد الباقى
والست ستات بتوعه نشرب شاى اصلى العصر ويناموا هم اروح .. لصدفه .. ترجع نهال صلاة المغرب ..
صدفه .. صلاة العشاء ..صدفة .. شاى تقييل بالحليب وده لازم عند النوبيين مزاج بقى والسهر مع صدفة
واابنائها واصدقائى حتى قبل صلاة الفجر وارن على التليفونات بتاعة الشعب علشان نوبة صحيان للمدرسة
وشاى بالحليب مع كل جلسة من كل الجلسات دى التليفزيون ينضح ب اشرف والستات بتوعة وموجة كوميدى
ودراما كوميدى بعد نوبة الاحباط اللى كانت مسبباها الجزيرة ايام غزة يعنى التليفزيون شغال 18 ساعة يوميا
يعنى يومى كله اقضيه بغرفتى انا والكمبيوتر امامى والتليفزيون ومصلاى يسارى ولا اغادرها الا يوم الجمعة
لصلاة الجمعة وهو اليوم الوحيد الذى اتحرك فيه بكل الاسكندرية عوضا عن الحبسة
ده يبقى انا محمود / طارق مواليد 20/12/1962 بالمعاش للعجز الكلى للمرض واتحرك بكرسى متحرك
وسيارة مجهزة طبيا ليوم الجمعة وكم اتمنى ان انزل للشارع للصلاة بالمسجد كما كنت لكنه الابتلاء من الله واشكره
على ذلك وانا لااتحرج بسرد هذا لاحد لانى اراه نوع من ايقاظ الغافل بالمنن التى يعيشها وهو يسير فما باله لو حرم
منها مثل موضوعك يامرمير : هل جربت ان تضع يدك على صدرك ؟؟ وانا والحمد لله لااحتاج لاحد فى شىء
عندى والحمد لله ال24 قيراط بتوعى ومبسوط وفرحان بيهم جدا وصلنى حديث موخرا من اخ مدرس سعودى
بالرياض ومبتلى مثلى اسرده عليكم والله كتبته على الموبايل لادعو به واكيد اخدتم بالكم
قال صللى الله عليه وسلم " يود اهل العافية يوم القيامة حين يعطى اهل البلاء الثواب , لو ان جلودهم كانت
قرضت بالمقاريض " حديث ادهشنى ف احببت ان انقله لاى منتدى واى شخص ولو برسائل الموبايل !!!!
طولت عليكم اكيد وممكن نتكلم عن مغامرات يوم الجمعة فى الشارع والطيران على الكورنيش والغداء فى حدائق
المنتزة وفسحة كارفور بالكرسى انا والشاب احمد ايدى ورجلى الله يحفظه وايه ... كده !!
الحمد لله خلصت بعد معاناه
04-08-2009, 11:43 PM
رد: يوم فى حياتك .. أدخل وشارك معانا
