اقتباس:
المشاركة الأصلية كتبت بواسطة ساجده
انا جعااانة والغدا النهاردة مش على مزاجى
ام منة الغدا ايه النهاردة
كمان ياريت صنية الجلاش اللى وعدتينى بيها واكلتوها ( بالهنا)
بصوا بقى بما انه رغى بنات سيبكم من التقنيات والصحة وخليكوا معايا ( محدش يقول للادارة الا يرفدونى)
انا عاوزة مساعدة بجد
عندى مناسبة قريبة مناسبة كويسة ان شاء الله قولوا يااارب ( ماتقولوش لحد)
وشعرى هيموتنى ياجماعة بقاله مده كده من قبل رمضان ناشف وجيبتله كل الزيوت وفاضل اعمله زار وبيقع اهئ اهئ
الغلاسة بقى انه بيطول ومحدش يقولى ازاى
المهم يعنى
انا استخدمت حمامات زيوت كتير طبيعى او اسماء معروفة حتى الجدايل الخليجى استخدمته
سيبكم بقى من كل حاجة وركزوا معايا علشان لما نخلص من الشعر ندخل على اللى بعده
انا عاوزة مساعدات كتييير
واللى تقول على حاجة ياريت تكون مجرباها ومتاكده منها
بالمناسبة هو نشف بعد ما عملت صبغة
كمان ياريت اللى تقولى على اسم منتج يكون موجود فى مصر لانه مرمر اللى هتدفع ههههههههههههههه
سلام ومستنياكم ومتتاخروش لانه فاضلى اسبوع
|
تعالى لى يا بطه هههههه
مناسبه ايه اللى عندك يا بت
الا ما قولتى ولا عرفتينى
قاعدين نرغى امبارح مع بعض يومين ههههههه مش قولتى اى حاجه يعنى
اه يا مجرمه ما عنديش غدا ليكى مادام بتخبى عليه
وبعدين بقى فى قلبى الحونين ده ههههه
صعبتى عليه يا خالتى
عندى غدا مكرونه بالباشميل
ابعتها لك على الايميل ولا فى رساله موبايل هههههههه
صينيه الجلاش بقى عملت واحده احلى منها من يومين وبرضه اكلنها كلها ههههههههه
بحب اعمل الجلاش جدا
الاكله الوحيده اللى مش بتقعد الحمد لله ههههههه
المهم بقى بالنسبه لشعرك يا قطتى
حلوه قطتى دى برفع معنوياتك اهوه ههههه
بصى بقى الزيت ده انا مجرباه انا ومنه
هاتى زيت سمسم وادهنى شعرك بيه هتلاقى شعرك ناعم حرير
والله بكلمك جد انا على طول بستعمله انا والبنات وساعات بجيب صانسيلك 7 زيوت
بصراحه هما الاتنين احلى من بعض
وفى حمام كريم اسمه فاشكول
هو طبعا موجود هنا فى السعوديه بس انا لما نزلت اجازه
لاقيت اغلب المنتجات اللى هنا موجوده فى مصر
دورى على الفاشكول وهاتيه
اقول لك يا بت على ما اظن كده
ان فى هايبر اسمه كارفور فى اسكندرايه
هتلاقى فيه الفاشكول لان كارفور ده موجود هنا
لو مش لاقتيه هاتى زيت السمسم ومش هتندمى
وفى كمان زيت جنين القمح
ادينى افادتك اهوه
مع انى زعلانه علشان مش قولتى لى المناسبه
وقولى بسرعه على بقيه المساعدات مادام باقى اسبوع بس
ياااااااااااااااااااااااا اارب يكون فرحك يااااااااااااااااارب
نفسى اسمع خبر حلو يا ناااااااااااااااااس
12-10-2010, 08:15 PM
رد: كلام نواعم (هنا تجمع فتيات المنتدى)
