محاضرة عن محاسبة الموارد البشرية

[محمد رمضان محمد غنيم]

اولا : ميرسى ليكى كتير نور ، مش بس طرد دا مرة والله طردنى من قاعة المحاضرات والناس اللى كانوا عارفين انه والدى نزلوا تحت البنش من كتر الضحك وانا مش مصدق انه بيعمل كدا معايا ، وعمال اقول فى بالى انا لو كنت ابن رئيس مصلحة الكهربا كان زمانى كنت واصل وبقيد معيد فى المصلحة ، هههههههههه
المهم بالنسبة يا عزيزتى لحساب معدل الاستهلاك للموارد البشرية
هناك طريقتين : اولا طريقة انهم بيرسملوا الاصل على خمس سنوات
( غير مقتنع بالطريقة هذه )
الطريقة الثانية : ودى بعتقد انها صح عن طريق حساب معدل نفاذ
، وهو بيتم حساب التكاليف الكلية للعنصر البشرى من راتب وبدلات ومكافاءة خلال فترة العقد المبرم وليكن 3 سنوات = تكلفة 3
ونحسب قيمة المنافع التى يقدمها العنصر البشري فى الثلاث سنوات = منفعة 3

ونحسب معدل الاستهلاك عن طريق قسمة ت3 / منفعة 3 وهيكون معدل سنوى
بعد ذلك يتم ضرب المعدل فى قيمة الخدمات السنوية والناتج يطرح من التكلفة الاجمالية ، وبيعتبر معدل الاستهلاك هو معدل النفاذ وعلى فكرة هى نفس الفكرة فى محاسبة البترول لانى مقتنع ان فيه استهلاك واهلاك والاستهلاك جى من رسملة او حساب معدل نفاذ والاتنين على ما اعتقد صح ، ويجعله عامر
ههههههههههههههههههه
وانا هسال والدى بس مش هقدر دلوقتى علشان مزاجه مش مظبوط لسة اخويا خبط له العربية ، لما اعصابه تهدى شوية لانه لو شافنى انا واخويا هنضرب هههههههههههههههههههههه

[نور]

محمد
منور بحضورك بجد انا ضحكت وجميل كلامك
بس ارحموا الوالد صعب على ماتفعلوه به
ده دكتور عظيم وبجد حرام
واساله لان يهمنى اعرف فكرة الاستهلاك
وانا مع فكرة حساب لمعدل تكلفة العنصر البشرى
وكييف يتم احتسابه
واكيد ننتظر بحث مفيد للجميع
بس لما تهدء اعصاب الوالد شكلك مشترك فى تحطيم السيارة
هههههههههههه
انتظرك بكل حضورك الجميل الرائع
كل الشكر لك والاحترام

[محمد رمضان محمد غنيم]

من عنيا حاضر هساله والله ولو عايزة بجد اسردلك قصة كفاحى انا واخويا علشان اوريكى العذاب اللى حصلى ومازال ، هههههههههههههههههه ابسط حاجة موقف بسيط وانا رايح معاه الجامعة وراكب السيارة فالمهم جينا ندخل الجامعة فبقوله بابا انا ....
قالى بابا اية انا اسمى الدكتور رمضان ، قولتله انت بتتحول ولا اية يابابا .....
لاقيته بصلى وقالى انزل من السيارة ، نزلنى عند باب الجامعة ، ولا اخويا اللى كهربه وخلاه يمسك السلك علشان والدى بس عايز يعرف السلك فيه كهربا ولا لاء ، بيجرب فيه ، انا ماشوفتش غير ان اخويا شعره واقف وبيقولى شوفت ابوك يا محمد قولتله يمهل ولا يهمل ، قالى انا بقيت زى الفرخة الشايطة قولتله معلش مش احسن لما يحبسك فى الاصانسير وبيكون واقف مع الفنى ويخليك تدخل الاصانسير تجربه وما يقولك انه عطلان والفني مستغرب ومش قادر يتكلم وافضل محبوس فى الاصانسير ساعة الا ربع قالى اه فعلا انت اتبهدلت يا اخويا ههههههههههههههههههههههههه ههههههه

[نور]

محمد
ههههههههه
مش معقول تشوه صورة الوالد العظيم كده
كل ده يعملوه فيكم ليييييييه
بجد يمكن انتم اشقياء من يومكم وهو يحاول يعلموك ان الحياة كفاح
وهو ده الكفاح بالنسبة له تسمعوا الكلام
ههههههههههه
بحد منور ورب يسعدك يارب ويخلى بابا لا اقصد الدكتور رمضان
رحيم بكم شوية وبلاش بهدلة

[محمد رمضان محمد غنيم]

اه يا عزيزتى اوعى تقولى بابا علشان انا بقا عندى حساسية من الكلمة دى ، اول ما بسمع كلمة بابا بيجيلى ارتكاريا ، بصى اغلبية اصدقائنا انا واخويا كانوا بيقولوا اننا اكيد بندعى عليه وانه لا يمكن يكون بالتصور دا ، لغاية ما بيحصل مواقف معاهم شخصية ويقولوا فعلا انتو عندكم حق ، اصل والدى من النوع اللى اتعود ان الكلمة الحلوة بتفسد فتلاقيه دايما يقولك كلام يهبط المعنويات علشان تنجحى يعنى مثلا مرة دخل عليا فى الغرفة و كان عندى امتحان مادة السلوكية بكرة فقالى عندك اية يا محمد بكرة قولتله سلوكية ، قالى وهتنجح ، قولتله اه انشاء الله ، قالى ازاى واحد فاشل وغبي ينجح ، انا لارادى بصيت ورايا قولتله انت بتكلم مين .... ، هههههههههههههههههههه قالى بكلمك انت يا سبب تعاستى ، ولسة هرد راح قافل الباب ودخل غرفته وقفل على نفسه وخلانى بصى دمى بيغلي ، وهى مرة قعد معايا فيها فى التسويات الجردية فقط ولما لبسنى الكتاب فى وشى من ساعتها قولت والله ما انا قاعد معه فى اى مادة ورحت لدكاترة اصدقاء والدى اعرفهم هما اللى كانوا بيذاكرولى ، وهو على فكرة مدخلنى الكلية دى مخصوص علشان يثبتلى ان كلية تجارة صعبة لانى قبل الكلية سمعنى بقول ان تجارة دى كلية عامة الشعب ، من ساعتها دخلنى جامعة القاهرة ومرتين اعطانى محاضرة كان الدكتور غائب وهو دخل بداله واول حاجة عاملها انه كان عمال يبص عليا عايز يطلعنى من وسط 2000 طالب وطالبة بس لاقانى طبعا فى اخر بنش هههههههههههههه يسلام كانت نومة جميلة ولاقيت واحدة بتخبط على كتفي وبتقولى انت يا استاذ اصحي طبعا بصتلها وبقولها فيه اية ووشى طبعا عليه علامة مربعة من البنش ولاقيتها بتشاورلى علي الدكتور ابص كدا شوية شوية عينى بدات تفتح وطبعا احساس ما اوصفوش لما الاقى 2000 طالب وطالبة بيبصولى ودا مهمنيش انا عمال استوعب مين الدكتور اللى واقف ينهارى دا الدكتور رمضان ، انا ركبى خبطت فى بعض ههههههههههههههههههههههههه وفى الميكروفون طبعا الاستاذ له حق ينام لانه لا عنده اى مراعاة لاحترام المحاضرة واكيد البية كان سهران على القهوه لحد وش الفجر ، تعال يا فلانتينو زمانك تعالى يا بيضة هههههههههههههههههههههه والله فى الميكرفون هههههههههههههههههههههههه وراح مسمعنى كلام واخد منى الكارنية وطلعنى برة المحاضرة ، اه اقولك اية ولا اية انا شايل فى قلبى وساكت ههههههههههههههههههههههههه علشان كدا انا غيرت التخصص وعملت دبلومة فى التمويل والاستثمار ودى على فكرة المستقبل وحاليا ماشى فى موضوع شهادة السى اف اية واللى هى محلل مالى معتمد وانشالله اوعدكم انى هشرحها بعد اذنك طبعا فى المنتدى هنا بعد ما اخلص اول كتاب لانها عبارة عن خمس كتب فى القسم الواحد وهما تلاتة اقسام اول كتاب بيتكلم عن قواعد الاخلاق ومعاير السلوك المهنى ودا انشالله اول ما اخلصة هيكون تقسيمة وشرحه هنا فى المنتدى وميرسى ليكم ، كنتم مع قصص الدكاترة فى الاضطهاد ههههههههههههههههه مع كلمة والدى من حقك كابن انك تعترض ومن حقى كأب انى اقفل باب الشقة بعد ما تخرج واخليك تنام فى الجامع ههههههههههههههههههههههههه هههههههه

[نور]

هههههههههههه
على فكرة يامحمد
بابا بطل اقصد الدكتور محمد
بجد عايز يستفزك لاجل تتفوق وتنجح لانه خايف عليك
بس والله دمه خفيف
حد يلاقى والد زيه
انا عايزة من ده
هههههههههههه
بجد رب يخليه لك بكرة تعرف كان يقصد ايه
بس انت شايل كتييييييييييير قوى
يانهار ابيض عموما سعيدة انك فضفضت شوية يمكن كان يحصل شئ من الكبت ده
ههههههههههه
بس انت هايل والله والدبلومة مميزة ومستقبلها جميل
شايف مصر والاستثمار وحاجتنا للتفهم العلمى للتمويل والاستثمار
وبلاش ياعم تشيل فى قلبك وتسكت
عايزين كل الكبت يخرج فى مواضيع هادفة وحلوة
وبجد سعيدة بالتعرف عليك وعلى شخصيتك المرحة الجميلة
ولى الشرف انك اخى اللى احترمه وتكفى الضحكة الحلوة
رغم تشدد الوالد ومواقفه القوية بس والله هو خوف عليك
وحد ينام فى المدرج برضه يقول ايه زملاءه من الدكاترة
ابنى ينام فى المدرج وايه تلاقى انت الوحيد اللى نايم
هههههههههههه
صحى النوم يابطل

[محمد رمضان محمد غنيم]

اولا الشرف ليا والله لمعرفتك يا استاذة نور
انا اعترف ان فعلا ساعات الشدة بتنفع بس مش طول الوقت ، يعنى انا السبب انى دخلت كلية تجارة علشان اثبتله انى هقدر انجح فيها لكن ميولى كانت هندسية بحتة وخصوصا قسم الكمبيوتر لدرجة انى اخدت شهادات من مايكروسوفت فى a+ من هولندا اونلاين وحاولت اطور من نفسى بس طبعا فى الحياة العملية بيسالوكى انتى مؤهلك اية هتقوللهم تجارة ولا حاسب الي ولو قولتى حاسب الي هينسى التجارة ولو قولتلهم تجارة راحت الشهادة الدولية ، وطبعا ما سلمتش من كلام الدكتور " انت عامل زى اللى رقصوا على السلم ارقص افضل ارقص لغاية ما تقع على رقبتك " ههههههههههههههههههههههههه ه كل ما افتكر كلامه بشد فى شعري ههههههههههههههههههههههههه ههه كبت اية يا استاذة نور انا ولا الف صفحة توريكى مدى عذاب ولاد اعضاء هيئة التدريس لان بجد اكتشفت انهم بيكونوا الاغلبية مش كلهم بيشوفوا الامور من جانب نظريا نادرا لما تلاقى استاذ او مدرس بيجمع بين النظرية والتطبيق فبيحاول يطبق النظرية مهما كانت مش بيكون عنده المرونة فبيتصدم لما النظرية تفشل وبيعتبر نفسه فشل ، يعنى من الاخر واخد الموضوع يا قاتل يا مقتول هههههههههههههههههههه ، واذا كان على النوم انا كنت عايز انام فى البيت بس هو عارف مواعيد المحاضرات يدوب نص ساعة فى المترو واشتريت نظارة شمس علشان الناس ما تبصليش وانا مقفل عينى وساعة فى مكتبه وربنا يخلي عم احمد الفراش كان بيفتحلى المكتب ويخبط على الباب اول ما يجى ههههههههههههههههههههههههه ههههههههههههه ولو قاعة المحاضرات فاضية والتكيف شغال احضر وطبعا طبعا الجو بيساعد على النوم ههههههههههههههههههههههههه ههههههههههههه ، بجد عمرك شوفتى اب يلاقى ابنه قاعد على القهوة يقوم ينزل يقعد على القهوة ويقرا الجرنان وهو قاعد قصاد ابنه وتحسى كدا انه عامل خرم فى الجرنان علشان يراقبه ههههههههههههههههههههههههه هه بس انا ذكى عملت نفسي مش شايفه وطلبت قهوة بس هههههههههههههههههههههههه
تحياتى وانا بجد اللى سعيد على التعرف عليكى وعلى المنتدى الجميل دا ولو عايزة اي سؤال من الدكتور انا موافق بس لازم ترشيه بكباب او محشي هههههههههههههههه سندوتش مؤمن من الحجم العائلى ههههههههههههههههههه يعنى على حسب السؤال وحاولى تاخدى الاجابة قبل ما ياكل لانه بعد ما بياكل بيفصل ههههههههههههههههههههههههه ههههههههههههههههههههههههه ههههه
تحياتى يا عزيزتى

[محمد رمضان محمد غنيم]

اود ان اعرف الاجابة منكم يا اعزائى هل المشتريات قسم ام إدارة فى الهيكل التنظيمي ؟؟؟

[نور]

يتحدد اذا كانت المشتريات قسم ام ادارة
على الهيكل التنظيمى للشركة
وحسب ايضا حجم الشركة
ويلا يامحمد ننتظر شرح منك مفصل
واجابة اكثر دقة واكيد تكون مميزة
واكيد كمان حنستفيد كتييييييييير
وكل الشكر لك ولتواصلك الراقى
خالص تقديرى واحترامى

[محمد رمضان محمد غنيم]

اولا شركات كبيرة بيختلط عليها الامور وبتحاول تعطى صلاحيات عالية للمشتريات ومش للقسم فقط انما لشخص واحد ممثل فى رئيس قسم المشتريات ، ومدير اى ادارة هو اعلي منصب فيها ونجد شىء بسيط جدا " اى حد يوقع من بعدك بيكون مديرك في نفس التخصص " بمعنى يعنى لو امين المخزن بيوقع وبعدين رئيس قسم المخازن والتكاليف وبعدين مساعد المدير المالي وبعدين المدير المالي بيكون كدا كل ماهو بعد امين المخزن رؤسائه ، اذن في قسم المشتريات هنجد ان المدير المالي لازم يوقع بعده في اغلبية الاوقات ودا لازم وحتما اذن المدير المالي يعتبر مديره وبما ان مافيش اتنين ادارة فى ادارة واحدة اذن الكلمة الصحيحة ان المشتريات قسم ورئيسه اللى هو المدير المالي هو اعلي منصب فى الادارة المالية وبعض الشركات الحديثة بتقول عليه " مراقب مالي " واقسام الادارة المالية هي :-
المشتريات - المخازن والتكاليف - المدفوعات - العملاء - الاصول الثابتة - المقبوضات - قسم النظم " الاي تي " ولان القسم دا بيكون مطلع على اجهزة المحاسبين فلازم يكون من الادارة المالية - وساعات بيضيفوا لو الشركة قليلة بيضموا قسم للموارد البشرية لكن اصلا هى ادارة مفروض لوحدها له صله بالمدير العام ، تحياتى