شواطى الانتظار رائعة

[SOHER]

في الصباح بعد ما صحوا .. على حدود الساعة تسع .. لبست منيرة جلابية حلوه من اختيار أسماء طبعا ... وسوت مكيب أب على السريع ولبست الهدية اللي اشتراها لها ماجد بالشرقية
نزلت مع ماجد عند أمه وجلسوا يتقهووون معها ..

وعلى الساعة 11 رجعت منيرة لغرفتها حتى تتجهز للعزيمة .. وطبعا كانوا متفقين البنات أن الكوفيرة تجي لهم .. تعدلهم وتعدل منيرة ..

أما ماجد فطلع يخلص كذا شغله ويرجع ..

رجع ماجد بعد صلاة الظهر وطلع لقسمه وتفاجأ بشكل منيرة .. مكياجها حلو وتسريحتها أحلى .. لكن الفستان ما أعجب ماجد .. لكن ما حب يجرحها .. وحاول يقرب لها ..
ولما قال لها عنه .. عصبت وقالت بكيفه أنا خسرانه عليه ... خلهم يشوفونه ..؟!
ماجد : يهمك يشوفونه ..! ولا يهمك إذا حلو ولا .. لأ ؟!
منيرة : هو حلو ؟!
ماجد : عندك حلو ...! لكن عند الناس غييير ؟! وانتي الحين عروس فكل الأنظار بتتسلط عليك ؟!
منيرة : اللـــــه لايسلط علينا ؟!
ماجد : ههههههههههههههههههههههههه ههااي ضحكتيني قسم بالله .!.
منيرة : ................
ماجد : منيرة عيوني تعالي خليني أساعدك .. والله أنك اليوم حلوووووه .. وغيري الفستان وبتكونين أحلى وأحلى .. أنتي بس جربي ..
منيرة استجابت له .. تحب دائما تسمع منه الكلمات الحلوة : إن شاء الله ..

وغيرت منيرة الفستان واختار ماجد واحد ثاني على ذوقه .. وطلع شكلها حلووو
ماجد : اللـــه .. من جد حلووو .. خلاص حياتي أنا الحين بنزل وأشوفك العصر .. واشوف وش الأصداء عن زوجتي الحلوة ..

كان ماجد يحاول معها .. لعلها تتعدل معه وتكون كما يحبها أن تكون ..

منيرة : ماجد بتوديني لأهلي ؟!
ماجد : أكييد أنا على كلامي لك بالمطار .. يا عمري ..
منيرة : زين .. انتظرك

طلع ماجد وهو يفكر .. حتى الكلمات الحلوة تستكثرينها علي يا منيرة ..
كنت أظنك بتقولين يا حبيبي أو تأخذيني بالأحضان أوتقولين ماجد لا تروح عني ..
ابتسم ماجد على أفكاره ... وبعدين قال لعلها إن شاء الله تتعود على كلاماتي وتتأثر منها وتبادلني نفس الألفاظ .. يمكن تخترق الشعور الداخلي عندنا ونحب بعض كأي زوجين يحبون بعض ..


*.* الجزء العاشر *.*

كانت تبي تستغل الوقت قبل تنزل للضيوف .. لأنها تعدلت ولبست .. وتعطرت .. والنت شيء أساسي بحياتها وجالسة تحوس في النت من تشات لتشات .. ومن شاب لثاني .. وكان خالد معها يسولف ويضحك .. كانت بدور كذا حالتها يوميا ..
لكن اليوم هي بس مرت تشيك على كذا تشات وش صار عليها .. ومشتااقة لخالد تبي تكلمه .. بالرغم أن معها جواله .. وكانت أخذت جواله من زمان وتراسله وتتواصل معه من دون أحد يدري عنها .. حتى سارة بنت عمها ما تدري عنها ..
اللي تدري عنه سارة أن بدور تراسل شباب بالجوال وتجالس شلة فاسدة بالجامعة ..
وطلعت بدور من التشات للماسنجر واللي مخصصته لخالد وبس ؟!!!

&& مشتاق لك موووت &&
تكفين بدور أبي أشوفك ؟*!!

" بدر البدور "
لاااا مستحيييل .. مو الحين حبيبي ؟!

&& مشتاق لك موووت &&
ليييش .. والله مشتااااق أشوفك ؟!

" بدر البدور "
لاااا خالد .. قلت لك مو الحين ..

&& مشتاق لك موووت &&
كذا يا بدور يمكن هاذي المرة العاشرة اللي اطلب منك وترفضين .. مستحيل كذا ..
لااازم نشوف بعض حتى يكون الزواج سهل بينا ؟؟!

" بدر البدور "
قلت لك بعدين .. باي حبي .. الأهل مجتمعين ..
وقفلت بدور الماسنجر وطلعت من دون تسمع رد من هذا الشاب ..

بدور من زمان تكلم هذا الشاب وكانت التقت معه في التشات .. وتواصلت معه وصدقت أنه يحبها وبيتزوجها . ..؟!! وصدقت أن اسمه خالد ..!!
أما هو فعرف اسم بدور الحقيقي وكل المعلومات اللي يبغاها عنها ..


قامت بدور تكمل تعديلاتها عند المرايه وتشوف الشكل العام لها ..
وفي هاللحظات جات لها رساله منه يتوعدها .. وطنشته تحسبه يمزح .. وقفلت جوالها وهي تبتسم وراحت للصالة وهي تشعر بالراحة الوهمية أنها كلمت حبيب قلبها وارتاحت لما سمعت صوته ..!

وكلها أمل أنه يتصل عليها بالليل ويراضيهااا


*.*.*.*.*.*.*.*.*.*.*.*.*.*.*.*.*.*.*.

وبالعزيمة الحضور عددهم حلو .. والكل متجهز لها .. وما كانت كبيرة بناء على طلب ماجد ..

سارة طلعت بشكل جنااااان .. وهذي تعتبر حركة مقصودة منها .. وجلست في الصالة ورجل على رجل وجنبها سجى وسوالف وضحك وكل شوي يناظرون الباب يطالعون العروسة تدخل..

جات لهم بدور .. أخس حركات وأسرار .. وش قاعدين تقولون .. يالله وسعووووو لي .. وتجلس بقوة بينهم .. والبنات يضحكون عليهم ..
سارة بصوت وااااطي
أقول بدوووور .. وينها العرووس ؟؟؟!
بدور وهي ميله فمها : أمممم مدري عنها .. أصلا ما شفتها اليوم .. أنا مشغوووولة مررررة ..
ما نيب فاضيه لهالأشكال
سارة : هههههههه والله إنك بايعتها .. أقول اسكتي لا أحد يسمعك ..
بدور: بكيفهم اللي يبي يسمع .. يسمع ! وبعدين أنا ما أهتم أني أتابع أحد .. وترفع يدها بكل غرور .. أنا اللي المفروض يتابعوني .. إحم
سجى : هههههههههههههههههاااي .. أقول انقلعي بس .. مشكلة الغرور ..
بدور : يا أختي من حقي .. وتلمس شعرها .. ولا اشرأيك .. كل هالزين .. ولا يعجبك يا سجى ..! أفا .. أجل بروح أغييير
وتبي تقوم .. يعني إني بروح .. وتمسكها سجى..أقول اقعدي لا أعطيك الحين طراق يفرك فرّ..
سارة : ههههههههههههههههههههههااا اااي .. ياليت يا سجى .. بسررررعة أعطيها الطراااق
بدور تلتفت لها ويدها على خصرها : لا والله يا سوووويرة ..
سارة : سويرة في عينك يا بدوروووه .. أقول شوفوا شوفوا جات العروس خلاص اعقلوووو

دخلت منيرة على الضيوف بفستاااااانها الحلووووو الفخم .. وبجنبها خالتها أم ماجد تسمي عليها ( كأنها الحين تستاهل ) وجلست على الكنبة المخصصة لهااا .. والأنظار كلها معلقة عليها .. ومنيرة تطالع الناس .. ونست أنها عروس تنزل عينها مرة وترفعها عشر .!!!

بدور : الله يقطع عدوها .. وش هاذي .. هي حلوه اليوم .. بس ليتها تكمل حلاتها وتخفض نظرها .. تطلع أحلاااا
وتقبصهااا سااارة
آآآآآآي أحككككك .. الله يأخذ عودك
سارة : أقول اسكتي عن الناس .. بعدين علقي .. وكملت بصوت واااطي .. على الأقل قدام سجى .. وقدام الناس ..
بدور بكل غرور ونفخه : طيب بنطم ؟!!

وبدو البنات يرقصون والضيافة تمام .. عصائر طازجة وحلويات وحركااات .. وهدى وهند مع الحريم ويسولفون .. والأطفال .. البنات الصغيرا ت يرقصون ولا وقفوا أبد ..
والقائد طبعا سمية ودلال بنت عمها ..

وبعد الغداء قربت هدى لمنيرة .. وبصوت خااااافت مرررة
هدى : منور تبين شيء ؟!!
منيرة وهي تبتسم : أبغي اروح فوق أبدل ..
هدى : طيب يالله مشينا ..
وتقوم منيرة وهي ترفع طرف فستانها ومعها هدى

في الغرفة ..
هدى : ما شاء الله .. عروس بصدق .. الحريم عيونهم مركزة فيك
منيرة : هههههه زين والله ..

وبدلت منيرة بسرعة وهدى تنتظرها في الصالة .. وكانت منيرة بتختار نفس الفستان اللي لبسته ورفض ماجد .. بس خافت يرجع ويشوفه ويعصب .. فتركته .. ولبست فستان أورنج مموج بدرجات .. ألوانها خيااااليه .. ولبست إكسسواراته وجزمته ..

وطلعت لهدى ..
هدى : يااااااااااي ما شاء الله .. الفستان روووووووعة ..
منيرة : والله حلو ..
هدى : اختيارك هذا ..
منيرة وهي تكذب .. لأنه اختيار أختها أسماء : أيه اختياري .. تعبت فيه والله ..
هدى : ما شاء الله ذووووق ..
منيرة : أي أحلا هذا ولا الأول ؟!
هدى : الأول أحلى بالنسبة لفخامته ..! لكن هذا بجد حلوووو رهيب ..
ابتسمت منيرة ..
هدى : يالله ننزل

ونزلت لعند الضيوف واللي عيونهم مركزة على الفستان بشكل واضح والجميع بنفس نظرة هدى ..
وسارة ودها تقوم وتكسر رأس هالمنيرة .. ما تدري ليه ؟؟؟؟

يمكن لأنه تشعر أنها أخذت ماجد حبيبها منها ؟!

يمكن لأنها تشعر أن منيرة في سعادة .. وتغبطها عليها ؟!

يمكن لأنها تعرف مميزات ماجد .. وتشعر أنه فوته عليها ومنيرة ما تستاهله ؟!

نزلت سارة رأسها .. بكل أسى .. إحساس صعب أن تشعر بالعجز وأنت في كامل قواك ؟!!

*
*
سارة : بدور مشينا لغرفتك .. بكلمك شوي ؟!
بدور : يالله .. تصدقين بعد انا بكلمك بموضوع ؟!
واستأذنوا من سجى وطلعوا من الصالة .. ولأن سجى بتروح لبيتهم .. بيجونهم ضيوف ..

وفي الغرفة
كان واضح أن سارة فيها عبرة خانقتها ..
بدور : سارة أشفيك ؟؟
سارة : ما فيني شيء ؟؟!
وسارة تحاول تمسك نفسها حتى توصل للبيت وتبكي وتفرغ كل شحناتها .. صدق موقف صعب أن يضيع حبها أمام عيونها وهي تطالعه والمشكلة حضرت الزواج والعزيمة وشافت العروس ..
شيء يقطع القلب .. ومهما كابرت سارة فهي من الداخل منهاااره ومنتهية !!

بدور : ألا أشريك في منيرة ؟!
سارة : أمممم تبين الصراحة .. مقبوله نوعا ما .. لكن أشعر أنها ما تستاهل ماجد ..
بدور : نفس الفكرة .. ألا أشرايك في فساتينها ..؟
سارة : حلوووه .. تتوقعين أن هذا ذوقها ؟؟!
بدور : أممم ما أدري والله .. سألتها هدى أختي وقالت أنه اختياري ..
وترفع حاجبها .. بس ما أظن .. كذا مجرد توقع ؟!!

وحبت سارة تدخل في موضوع أخوها .. وتشوف
سارة : بدور بكلمك بموضوع .. وأتمنى تسمعين حتى الآخر .. وتفكرين زين ..
بدور : زواج .. لأ ؟!!
سارة : بدور .. لا تقعدين تنفخين .. اسمعي السالفة وبعدين .. عطيني رأيك ؟!
بدور : قولي ..
سارة : أنت تعرفين أن محمد اخوي يبيك ؟؟ وهو اليوم قالي مخصوص .. انه يبي يخطبك .. ويا بدور أنصحك لوجه الله خذي شخص مختارك من بين نساء العالمين كلهم .. واتركي عنك أشخاص ما تعرفين عنهم شيء .. مدري بدور يمكن كلامي ملخبط .. ويمكن تشوفينه أنه نوع من الفرض عليك .. بس انتي استخيري وردي علي .. ولا.. لا تعلقين الشاب فيك .. لأنه إذا شاف عندك قبول تقدم وإذا كان العكس شيء طبيعي بيروح يخطب غيرك ..
بدور .. والله ما راح ينفعونك بنات الجامعة الخايسات ولا شباب النت الضايعين ..
بدور فكري زين .. وما أبي رد الحين .. أتمنى أنك تتفهمين الموضوع وتقلبينه برأسك زين..

بدور : لأ.. محمد ما أبيه ؟؟!
سارة وهي تنزل عيونها : بكيفك انتي الخسرانه ؟!

بدور : المهم .. اسمعي سالفتي ..
وقالت لها بدور كل اللي حصل معه بغرفة خالها خالد ..
سارة : شيء غريب والله .. ما أقدر أعطيك رد الحين .. خليني أفكر وأرد لك وقت ثاني إن شاء الله ..
بدور : أوكي ..
وتقرب لسارة وترفع يدها لكتف سارة .. لا تزعلين سارة .. " كل شيء قسمه ونصيب "
سارة وعيونها تلمع من الدموع المتجمعة فيها ..
بطلع تبين شيء .. ؟!
بدور : لأ .. باي ..

وراحت سارة لأمها طلبت منها تخليها تروح للبيت .. ولما وافقت أمها .. اتصلت بمحمد يوديها

وفي السيارة ..

محمد : اها .. بشري ..
سارة ودموعها تنزل بهدوء : رفضت ؟!
محمد : رفضت .. لا مسسستحيل .. أكيد هي بس استعجلت بردها .. أو هي تمزح معك ؟!
سارة : ما أظن هذي بدور وأنا اعرفها زين ..
محمد : بأخذها يعني بأخذها واللي يصير يصير ؟!
وبتاخذني من وراء خشمها وبشوف أنا ولا هي ؟!
سكتت سارة ولا ردت عليه .. .. ولما وصلها نزلت وهو راح لأشغاله
وعلى طول راحت لغرفتها وقفلت الباب .. وبكت بحرررررقه تقطع القلب ..
آآآآآآآه .. آآآآآه
كل شيء ضدي .. حظي .. والدنيا ..والظروف
ياااااارب رحمتك

*.*.*.*.*.*.*.*.*.*.*.*.*.*.*.*.*.*.*.

وبعد ما راحو الضيوف طلعت منيرة لغرفتها .. تستعد علشان تروح لأهلها حسب الاتفاق مع ماجد .. وهي جالسة بالغرفة دخل
هلا ماجد وش فيك تأخرت ؟!
ماجد : ما تأخرت ولا شيء .. بس يمكن أنتي مشتاقة لأهلك ..
منيرة : أووه بموت من الشوق .. ألحين أنا مستاااانسة مرة
ماجد : زين يالله أنا بأخذ الشنط وبسبقك ..
منيرة : خلاص .. دقائق وأنا نازلة ..

وفي السيارة ..
ماجد متى بتجي تاخذني ..؟
ماجد : ما أدري .. لكن أكيد بكرة إن شاء الله ..
منيرة : لاااا .. وش بكرة ؟*
ماجد : أجل ؟*
منيرة : خله بعد يومين .. يعني اليوم لا تحسبه ؟*!!
ماجد : لا والله .. أنتي صاحيه .. بيقولون الناس هذا ما يبيها ؟!
منيرة : لا عادي مب قايلين شيء .. أهم شيء لا تجي ؟؟!
ماجد : طرده هي ؟!
منيرة : لا مب طرده ؟! بس لا تجي إلا بعد يومين ؟!
عصب ماجد : زين اجلسي حتى تشبعين وإذا مليتي يا هانم كلميني اجي آخذك ؟!
منيرة : زييييين الله يعااافيك ؟!
ماجد : بس هذا اللي قدرتي عليه ؟! ويقلدها " زييييين الله يعااافيك " ؟!
منيرة : .. وش تبيني أقول ..؟!
ماجد : قولي يا حبيبي .. يا عمري .. يعني من هالكلام الحلو ..
منيرة : خير وأنت طفل حتى أدللك ؟!
ماجد : .....................
وسكت ماجد حتى وصلوا بيتهم ونزلت وهي قلبها قبلها .. هو جالس يطالعها تنتظره ينزل الشنط ويمشي ..
والله شيء ..!!
طالع كأني هندي لها على آخر عمري ..

*
*
*
وبعد ما نزلها كلم ياسر واتفق معه يلقاه في المقهى ..

*
*
*
ياسر يحاول مع أمه .. أبي أتزوج ؟!
أم أحمد : الله يهديك وأنا أمك .. اصبر خلنا ندور لك وحده تصلح لك ؟!
ياسر : يمه البنت جاهزة ؟!
أم أحمد : من هي بنته ؟؟
ياسر : أخت واحد من ربعي .. خلني أتأكد أنهم موافقين وبعدين أعلمكم ؟؟
وكان يقصد بدور أخت ماجد .. وما فيه أحد يدري عنه إلا سديم لما شاورها .. قالت له أن البنت حلوه ورزه ..
أم أحمد : الله يوفقك و أنا أمك .. خلاص شاور أبوك وأخوك ..
سديم : غريييييييييبة أمي اليوم طاعت
ياسر :سديم .. قولي لا إله إلا الله .. وخلي أمي في حالها ؟؟
سديم : ههههههههههههههههههههههاي خاف أن أمي تتراجع .. ويييييي .. يمااااااه خلاص قولي هونت ما أبيك تتزوج ؟
أم أحمد : هههههههه الله يهديك .. إلا الله يوفقه .. ليش أهون .. وأنا أمك .. الأميمه أكبر فرحه عندها زواج عيالها ..
ويقوم ياسر ويحب رأس أمه أموووووواح .. الله يحفظك يا ميمتي ويحييك ..
أم أحمد : آمين الله يفرحني فيك وفي وخيتك ؟؟
استتتحت سديم واحمررررت
ياسر : ههههههههههههههههههههههااي أحسسسن تستاهلين ..
أم أحمد : أختي بعد تبيها لولدها راكان ..
ياسر : ياسلاام زوااجين ..كذا الزين حركااااااات والله
وسديم ساكته ومنحرجه من ياسر لما جابوا طاري الزواج ..

وقام ياسر بيطلع من بعد ما أستأذن من هم ..
قرب عند سديم ..
باي يا أحلا عرووووس .. يا حلووو اللي يستحوون
وركض بسررعه حتى ما تقوم عليه ..

*
*
*
*
*
وفي المقهى لقى ماجد فاتح النت ويحوس فيه ..
هلا بالمعرررس
ماجد : هههههه وش معرسه .. ما عندي حرمه اليوم ..
ياسر : أجل عزوبي ..
ماجد : عزوبي .. ياخوك .. احمد ربك .. أنك ما زلت عزوبي ..
ياسر : أفااا .. لييييه ؟!
ماجد : العزوبية مميزاته أحلا .. حرية .. انطلاق .. وراحة بال .. وطمأنينة ..
ياسر : اف أف أف .. كل هذا بالعزوبية ..
ماجد : يا حبي لها .. ليتني ارجع لها ؟1
ياسر : ماجد أنت تتكلم صادق .. ولا تمزح ؟!!
ماجد : لا والله الصدق كله ؟؟!
ياسر : إذا البنت ما صلحت لك .. اصبر لا تستعجل .. الحين أنت ما كملت أسبوعين .. وما تقدر تعطي حكم عام عليها ..
ماجد : خلاص ثلاث أيام تكشف لك الشخصية ؟!
ياسر : لا ماجد لا تتهور واصبر .. ولا تنسى أنك كنت تكلم بنت على النت وتبادلها المشاعر والعواطف .. ولما تزوجت وما شفت كلام استغربت ..
ماجد : ياسر كأنك تقرأ أفكاري ؟!
ياسر : شوف حبيبي هذي كلها من مداخل الشيطان .. يزين لك الحرام ويخرب عليك الحلال .. حتى تتمنى انك ترجع لعهدك الأولاني ؟؟!
ماجد : صدقك هذا هو واقعي الحين ..
ياسر : اصبر لا تستعجل .. وكل تأخيره وفيها خيرة ؟!
ماجد : " إن الله مع الصابرين " .. ما فيه إلا هو برغم شدة طعمه ..


إلا نسيت أقولك أختي انخطبت ..
ماجد خلاص كأن أحد صب عليه ماء باااارد
بردت أطرافه واصفر لونه ..
ياسر : ماجد أشفيك ؟!
ماجد : هاه .. لا ما فيني شيء ؟!
ياسر : إلا على فكرة وأنا الحين قريب من النت .. مواقعك كلها تمام
ومسكت مكانك بكل جداااره .. إحم
ماجد وهو يبتسم إبتسامه باهته : يا بعدي والله ..
ياسر : عبد العزيز بعد ما قصر .. ما شاء الله مسك المنتدى التعليمي وقام بالواجب ..
ماجد : كفوا والله .. ربي لا يحرمني منكم
وكملوا الشباب سوالفهم
وبعدها رجع ماجد للبيت ينام وبرتاح .. و يستيقظ للغد المنتظر بكل ما هو جديد ..
وما زالت فكرة خطوبة سديم تضربه بالألم في جميع جزيئات جسمه !
*.*.*.*.*.*.*.*.*.*.*.*.*.*.*.*.*.*.*.
خالد كان لابس بدله ومصفف شعره وجالس على أحد الكراسي بأحد الأسواق .. لأنه اتفق مع وحدة من الساقطات تقابله
خالد بصوت كله ميوعه : يالله عيوني .. مليت وأنا منطق انتظرك
البنت : اصبر فيصل .. خلني اصّرف أمي وخواتي واجيك
خالد : بصبر .. لكن لا تتأخرين ..
البنت : أوكي فصول ..

وجلس خالد يلعب بالجوال وإذا مروا بنات من عنده يحاول يرقمهم .. ويستظرف نفسه .. ويعرض أناقته ..

حاولت البنت تجي لمه .. لكن الله حفظها .. وكل ما قالت بروح شوي وارجع ترفض أمها .. حاولت وحاولت حتى يأست .. وحاولت في المرة الاخيرة تتوه أمه بأنها تبي تروح لدورة المياة .. فاشترطت أمها أنها تروح معها .. لأن أمها شاكه فيها .. من فترة والبنت متغيرة ..

دخلت البنت لدورة المياة وأرسلت مسج لخالد تبلغه أنها ما تقدر وأن أمه ما تركت لها فرصه.!

لما وصل المسج له .. قام وهو يسب ويلعن .. وطلع وركب السيارة وشغل الغنية وزاد على المسجل .. وأخذ يدور في الشوارع بدون هدف يذكر ..!
*
*
*

كان ياسر راجع للبيت وصادف حادث بالطريق ..
وكانت عائلة وسيارتهم متأثرة مرة ويسمع صوت بكاء أطفال ونساء .. فوقف سيارته على جنب ونزل وربط شماغه على رأسه .. وربط ثوبه بوسط جسمه .. وبدأ ينقذ العائلة .. بموقف رجولي يذكر له ..
ياسر وهو يخاطب طفل صغير من بين الحديد .. تعال حبيبي عطي يديك ..
واستجاب له الطفل ونجح في إنقاذه ..
وبدأ الناس في التجمع والتجمهر .. واللي يحاول يساعد وينقذ

ياسر وهو يمد يده لبنت في السيارة .. هاتي يديك ..
البنت : لا .. لا أبعد عني
ياسر : هاتي يديك يا بنت الحلال .. ما نيب مسوي لك شيء .. بسرررررعة السيارة لا تحترق
وتعطيه البنت يده وهي بدأت تتكشف .. ويمسكها ياسر و بسرعة يخلع شماغه ويغطيها
البنت وهي تبكي : الله يوفقك ..الله يستر عليك في الدنيا والآخرة مثل ما سترتني ..
ياسر لما سمع كلماتها خنقته العبرة .. كلامها طااااااالع من قلب
ياسر : يالله .. أبعدي بسرررررعة خلني اخلص الباقين .. وبسررررعة يحاول ومعه كذا رجل بدو ينقذون وأخرجوا الأب وهو مغمى عليه وبعدها انقذوا الأم وبنت كبيرة ثانية ..

بدأت أطراف السيارة تشتعل والرجال يرفعون أصواتهم يا رجل أبعد عن النار .. وياسر ما اهتم لأن مازال هناك بنت صغيرة في السيارة عمرها ثلاث سنوات وتبكي .. ماما .. ماما

دخل يديه بسرعه .. ما قدر يوصلها .. اللهب كان أقرب لها .. وحاول يقاوم والنار تحرق يديه .. حتى طلعها بعد ما احترق جزء كبير من جسمها وضم رأسها لصدره .. وأخذها بسرعة للإسعاف ..

وبالمستشفى دخلوا جميع العائلة ما بين كسور واحتراق .. والبنت الصغيرة دخلت العناية المركزة حوالي ثلاث ساعات .. وبعدها توفيت .. !
أما العائلة كلها فنجت .. والجميع أصيب ..

بدأ ياسر يشعر بالألم بيديه وجسمه .. أخذوه ولفوا على يديه وجزء من رأسه .. وهو يبتسم ويحمد الله أنه أنقذ أكثر من نفس ..
وحزين على فقدان البنية واللي كانت غاية في الجمال ..

بعد يمكن أكثر من أربع ساعات جا أب العائلة لياسر وهو يبكي فقد بنته ويحمد الله على نجاة الباقين
وشكر ياسر على موقفه معهم ..
ياسر : أفا ياعم هذا الواجب ..
الأب وهو يبكي : الله يوفقك انقذت عيالي .. انقذت وليدي الوحيد .. وانقذت بناتي .. الله يوفقك ياولدي .. الله يوفقك .. ويحرمك على الناااار ..
ياسر: آمين ياعم ..


وطلع الرجل من عند ياسر بعد ما أخذ رقمه .. وبعده بدقائق طلع ياسر من المستشفى وطلع للبيت يبدل ملابسه ..

*
*
*
دخل البيت وصرخت سديم لما شافته كانت ملابسه كلها مبهدله وما عليه شماغ ويديه عليها شاش ورأسه مربوووط
سديم : ياااسر وش فيييييييييييييك ؟!
ياسر : أنا بخير .. لا تخافين
أبد حادث بسيط .. و بخير .. بس تعرفن كبروها بالشاش واللصقات
سديم : والله ارتعت عليك .. وقامت تبكي
ياسر : سديم .. الله يهديك .. لا تبكين .. أنا قدامك الحين وطيب ما فيني شيء ..

بطلع ابدل قبل تشوفني أمي
وطلع ياسر وبدل لبسه وراح لعند الشباب .. وحتى ما ترتاع أمه وتخاف عليه ..

*.*.*.*.*.*.*.*.*.*.*.*.*.*.*.*.*.*.*.

[SOHER]

كانت منيرة جالسة عند أهلها فرحاااانة ومبسوووطة .. من قدها عروس وكل يمشي على كيفها .. وأمها تسمي عليها .. وتوصيها لا تنسى الأذكار ..
وأسماء تحمد ربها وتشكره عليهم وتضحــــــك
أسماء : منيرة كأنك سامنه .. من روحة الشرقية ؟!
منيرة : هههههه أكيد .. ماجد الله يغنيه ما قصر بشيء
أسماء : واضح عليك .. وشكل الرجال ما شاء الله عليه خايف عليك ويبي لك السعادة
منيرة : ههههههههه يا حليله ماجد
أسماء : ههههههههههههههههههههههههه هاااااااي
أنا ما أدري ليش أنتي ما تعرفين تنتقين الألفاظ .. الحين زوجك ما شاء طول وعرض ,, وما لقيتي إلا كلمة يا حليله .. !!
قولي حبيبي .. قولي عمري .. قولي بعدي .. وووو.. وكل كلمة تفتح النفس .!
منيرة : عادي .. يا بنت الحلال .. ماجد حبيب .. وأي شيء تبينه ما يقول لأ ..
أسماء : الرجال ما ينقال عنه حبيب .. يمكن الحين جالس يجس نبضك ويختبرك .. ويشوف أنت قد الاختبار ولا .. لأ
منيرة : هههههه الله يهديك يا أسماء وش أختباره بعد .. الحين ما صدقت افصل من الكلية وتبيني بعد ادخل اختبار .. بسم الله عليّ
أسماء : هههههههه يا صبره عليك والله .. بعدين تعالي انتبهي لنفسك واكشخي مررررة .. ترى أي زوج يحس وخصوصا واحد مثل ماجد .. خواته شياكه من الطراز الأول وأنتي كأنك بنت جيرانهم .. تعدلي يا منيرة وخلك أميرتهم ..
وبعدين ليش كل شيء تقولينه لنا .. وأمي ما عليك منها عوديها وتعتاد .. أما كل سالفة تقولينها .. فصراحة انتي تجيبين المشاكل لنفسك ..
وقامت منيرة : بروح لأمي أبرك من القعدة معك وكلامك اللي ماله داعي .. مشكلة اللي يغارون

عصبت أسماء : أقوووووول روووووووحي أنتي وجهك .. من زينك .. اللي يشوفك الحين يقول ما شاء الله .. تزوجت ورفعت خشمها علينا
احمدي ربك .. اللي مسخر ماجد لك .. وغيرك يتمنونه
منيرة : أنا عارفه أن ما حد تمناه إلا أنتي
أسماء : الله يأخذك .. أوريك يالدبة ... بتذكرين كلامي بعدين .. ولفت وجهها عنها ..
صدق انك بقرة ما تفهمين !

راحت ومنيرة عند أمها تكمل لها السوالف اللي ما تنتهي عن ماجد وأهله ..

*
*
*
اتصل ماجد بمنيرة وطلب منها تستعد حتى يجي ويأخذها .. وتجهز أبو سعد وأستقبله بالقهوة والشاهي .. والفاكهة ...
وبعد الجلسة الخفيفة ..
أخذ ماجد منيرة
وفي السيارة
منيرة ما وقفت تسولف لماجد وش صار عند أهلها .. ومرات يضحك ومرات يعصب .. ولما جت عند سالفة أختها أسماء وكلامها ... استغرب كيف تكون عند منيرة أخت بهالمستوى الراقي .. سبحان من يخلق ويفرق ..

وصلوا البيت وراح ماجد مباشرة للنت يفرغ أشياء في نفسه


وكتب


أعذريني على هذيان سأحدثك به . فلقد تحولت الحياة فجأة إلى صمت موجع يدفعني لتأمله شيء يشبه الهمس الداخلي ـ أعني داخل الروح ـ أدركت هذا عندما بدأت أفتقد الحب !
و اليوم حدثت لي أشياء كثيرة مزعجة فشعرت بأنني لا بد أن أبكي ولكنني فشلت .
أتيت أحمل رسالة شوق ، من أعماقي .. كتبتها ذات شوق عِشْتُهُ بعيدا حبي
كان شوقي إليك عاصفاً كأمطار الرياض هذه الليلة .. كانت عفو خاطري ..
بدأت أكتب ..
و ما شعرت بنفسي إلا عندما توقفت !
أحاول أن أدفئ حياتي .. آه كم أحتاج لامرأة تعرف كيف تفككني أحرفا و لغة و مشاعر ثم تعيد صياغتي من جديد .

يا لهذا الشوق الذي ما برح يعصف بدموعي كلما أوشكت على الانهمار .
يستيقظ على وقع خطوات الأمل والحب في دهاليز غربتي .. ويغفو، منتظرًا لحظات مجنونة من شواطي الانتظااار المجهولة ..
وفي داخلي الألم يستفيق ليزيد عذابي..وآهات جروحي.. فأحتسي مرارة الصبر..

حيث تموت الابتسامة على الشفاه القاحلات ..

شوق ألف نداء ترسله دقات قلب يرعش بعذب همساته :

( أحبك ) هي موجعة لحد الأسى
قاتلة لا يجرؤ ضميري على البوح بها

فأعود إلى غربتي وأحتمي داخلها...

(( كمن يستجير من الرمضاء بالنار))


وفي النهاية كتب

متى سأشعر بنطقها صريحة لها وهي لا تستحقها ؟!!


*.* الــجزء الحادي عشر *.*




مرت الأيام عادية جدا وكئيبة على ماجد ..! وحلوة وخيالية بالنسبة لمنيرة ..!
كل ما يتقرب منها خطوة يلقاها تطلب أكثر وأكثر ولا تعطي أي شيء ..
كان ماجد بالنسبة لمنيرة مصدر لتلبية طلباتها ورغباتها فقط .. عمرها ما نظرت له كزوج هي تحبه وتموت فيه وتفضله حتى على روحها ..
كانت دائما تفتخر فيه . لأنه بس شاب وسيم وغني ومثقف !
أما تفتخر فيه كزوج لها وشريك لعمرها فهذا آخر شيء تفكر فيه .. ؟!

صحت منيرة من نومها ولقت ماجد جالس على اللاب توب يخلص له كم شغله على النت ..
ورجعت كملت نومها وهي تأفف ..!

رجعت صحت مرة ثانية ولقت مازال جالس على النت
منيرة : ماجد ما بعد خلصت ؟!
ابتسم ماجد : الناس يقولون كلام حلو لأزواجهم .. مهوب يتأففون ؟!! ويقولون خلصت ..؟!
ويرجع يناظر اللاب توب
منيرة : المهم .. لا تتعب نفسك بهالجهاز .. ما منه فائدة أبد ..؟!
ماجد : أفا .. وش دعوى ما منه فائدة أبدا .. ويـــــــــــبــتسم .. تعالي أعلمك عليه ..
منيرة : ما أبيه .. ولا ولهت عليه ..
ماجد ومازل مبتسم : على الأقل جاملي علشان اللي جالس عليه مهوب علشانه ؟!
منيرة : قلت لك ما احبه يعني ما احبه .. وطلعت وهي معصبة وتركته ..
هز ماجد رأسه بكل أسف .. وقال في نفسه .. مشكلة إذا عصبت الحرمة وأنتي ما تدري وش فيها .. الله يعين على وجع الرأس ..

وبعد مرور أسبوعين ..الأحوال كما هي

ماجد شرى له جريدة و كم مجلة واتصل على منيرة سألها وين بتجلس في صالتهم فوق .. أو عند أمه تحته ..
جاوبته منيرة بأنه عند أمه تحت أحسن ..

دخل ماجد عليهم ولقا أمه وخواته جالسين في الصالة يسولفون ومنيرة جالسه معهم بجلابية عادية جدا وشعرها رافعته على فوق .. ومكياج خفيف ... وبعدما سلم وجلس
وسولف معهم شوي وبعدين خلغ شماغة وخلها على الكنب وجلس تحت على السجاد وبدا يقرا في الجريدة ..

وهو يقرا خبر بالجريدة .. " ودي بشاهي .. ممكن لو تكرمتوا تجيبون لنا .. "

أم ماجد سكتت على بالها أن منيرة بقوم أو وحدة من بناتها بينادون الخدامة تجيب الشاهي أو على الأقل تقوم وحدة منهم تجيبه ..

ونفس الشيء هند وبدور توقعوا أن منيرة بتقوم .. أو أمهم ..

ومنيرة ولا هامة خاشه جوا مع المجلة وتقرأ فيها
وبدور كابتة الضحكة وتناظر هند .. وهند تناظر تحت يعني أني ما انتبه لك يا بدور .. لأنهم يخافون يضحكون فيجرحون مشاعر ماجد أو أمهم ..

بعدين رجع ماجد يقول .. هاتوا لنا شاهي .. مصدع شوي ..

ولكن لا حياة لمن تنادي .. الجميع ساكت وكل وحد تتوقع الثانية بتقوم ..
وبعدها ماجد عصب بقووووة هاتوا لنا شاهي ما تسمعون

أم ماجد .. قومي يا بدور قولي للخدامة تجيبه ..
ماجد : لأ .. هاتيه انتي .. أبي اشرب من ايديك الحلوه ..؟!
ابتسمت بدور على كلام أخوها وراحت للمطبخ
وماجد قالها بطيبة قلب ما قصد بها شيء .. !!!
ومنيرة على بالي زعلت .. ليش يطلب من اخته ولا يطلب مني .. وبعد ما راحت بدوور تجيب الشاهي .. قامت منيرة بسرررعة من دون تكلم أحد وطلعت فوق .. وعلى بالها تنتظر ماجد يراضيها ..

والصمت مطبق على المكان ولا واحد نطق بحرف

حتى دخلت بدور بالشاهي في يديها ..
بدور : وينها منيييرة ؟!
ماجد وهو يطالع الجريدة : ما أدري عنها ..! طلعت فوق .. يمكن بتبدل أو شيء ؟! الغائب عذره معه .. ؟

وكملوا جلستهم وشربوا الشاهي .. وبعدها قام ماجد وطلع فوق .. يشوف وش سالفتها ..

ولما طلع لها لقاها على بالي زعلانه .. وبعدين وضح لها انه ما يقصد .. وأنه توقعه تقوم وتجيب الشاهي .. ومنيرة استانست على مراضاة ماجد لها وهذا هو الهدف اللي كثير ما تسعى له .. بدأت تختلق المشاكل حتى تحصل على ما تريد .. وما درت منيرة أن هذي ممكن تكون بوابة الهلاك لها .. لأن الرجل لا يمكن يتحمل أي أنثى تتعدى الحدود معه
حتى لو كانت زوجته ..!
حتى لو كان يحبها ..!

لأن بالنهاية كل شيء له حدود .. والإنسان بشر طبيعته عدم التحمل وسرعة الملل ..!


*.*.*.*.*.*.*.*.*.*.*.*.*.*.*.*.*.*.*.


وبعد مرور شهرين

منيرة : ماجد .. خلاص بتودينا ..
ماجد وهو معصب : لأ .. يعني لأ ؟!!
منيرة : وليش إن شاء الله ؟!
ماجد : تعالي اضربيني أحسن .. هذا اللي ناقص .. آخر زمن الحرمة هي اللي تآمر وتنهى ؟!
منيرة تتصنع الزعل : مـــــااااجد .. آخـــر مرة ارفع صوتي .. بس ودنا أنا وأسماء أختي .. تشتري ملابس لأمي وللمولود الجديد ..

ماجد يتنهد بصوت مسموع : وين بتروحون .؟؟
منيرة : الفيصلية ؟!
ماجد : أوكي .. عشر دقائق وأنتي بالسيارة ؟! أنا الحين بنزل للوالدة ؟!
منيرة وهي فرحانة : إن شاء الله .. بتصل على أسماء تتجهز ..


ونزل ماجد يسلم على أمه قبل يطلع .. وهو مثقل بالهموم والأوامر اللي ما تنتهي من منيرة وأهلها.. !

وهم بالسيارة .. كان ماجد ساكت ولا نطق ولا بحرف ؟! ومنيرة فرحااانة بالروحة وخصوصا أن معها أسماء .. فحبت تطلب منه الفلوس .. وبدون مقدمات

منيرة : ماجد أبي فلوس ؟!
ماجد وكأنه انتبه : هاه
منيرة : أبي فلوس ؟!
ماجد : وليش ؟! يعني أقصد تبغين أشياء شخصية لك ؟!!
منيرة وهي تكذب : طبعا لي ..

ماجد في نفسه ما أظن ...
ماجد : كم تبين ؟!
منيرة : أنت كم تعطيني ؟!
ماجد : أسألك ولا تسأليني ؟!
منيرة : لا ... أممممم أبغي اللي تقدر عليه ..!
ويدخل ماجد يده في جيبه ويطلع لها سبعمائة ريال .. ويمدها لها
ماجد : تفضلي ..؟
منيرة وهي تكشر : بس ؟! ما تكفي ..
ماجد : وليه ما تكفي ..؟ وش بتشترين ؟!
منيرة : أغراض لي ؟! ليه ما عندك فلوس .. استغفر الله ..
ماجد وهو معصب : أف .. يصير خير
منيرة : لا عطني قبل ما نوصل لبيت أهلي ..
ويسكت ماجد وكأنه ما سمعها ويمر الصراف ويسحب له ألف ريال .. ويعطيها خمسمائة ريال والباقي يدخله بجيبه ..
وهو معصب حده .. وبدأ يتخذ داخل صدره القرارات اللي بيطبقها معها مستقبلا .. لأنها لو استمرت على كذا بتفلسه ..

وأخذوا أسماء واتجهوا للفيصلية .. وكانت أسماء ساكتة ولا نطقت بحرف واحد ومنيرة كأنها وكالة رويتر .. وكل ما مروا مكان سألت ماجد وش هذا ؟! ومن هو له ؟! والمسكين يجاوب لأنه كان مستحي من أختها ..

وبعد ما نزلهم بالسوق اتفق مع منيرة تتصل عليه متى ما خلصوا ..

واتجه بسيارة لقلبه ياسر .. منفذ همومه .. ومستودع أسراره .. واللي يعتبره ماجد أخوه اللي ما أنجبته أمه ..

*.*.*.*.*.*.*.*.*.*.*.*.*.*.*.*.*.*.*.

كانت جالسة تضرب على الكيبورد وتكلم هذا في التشات وتدخل على هذا في الماسنجر من القرف اللي تعيشه بعد الرسالة اللي وصلتها من خالد كاتب لها فيها

" عندك يومين تفكيرين تطلعين معي .. ولا والله لأفضحك قدام الله وخلقه وترى صورتك عندي صورتها لك أختي بالجوال وانتي جالسة مع شلتك داليا وسمر والباقي أنتي تعرفينهم ..
محبك الدائم الشوق لك " خالد "

كانت تحاول تكلمه بس هو يرفض ويتجاهلها .. وطلع من التشات وتركها .. !
انقهرت من حركته .. وارسلت له
" خالد .. حبيبي .. ما يهون علي زعلك ..! رد علي تكفى .. لا تتجاهلني .."

وبعدها بمدة جاها اتصال على جوالها من سارة بنت عمها
سارة : مساء الخير بدوووور
بدور : ياهلا وغلا بهالصوووت
سارة : وشلونك عيونك
بدور : بخير .. أنتي اشلونك عمري
سارة : اقووول بدخل في الموضوع على طووول .. بعد بكرة أنتوا معزومين عندنا .. أمي عازمة منيرة ..
بدور : هاه والله ..
وكانت بدور تفكر في موعد خالد وكيف بتتصرف معه .. لأنه شكله هالمرة يتوعد ..! وبدور ما همها احد غير أخوها ماجد ..
سارة : بدوووور .. هذا بس اللي قدرتي عليه .. هاه والله ..
بدور : لا ما عليش عيوني لأني مشغووولة شوي .. خلاص سارة بكلمك وقت ثاني ..
سارة : بدور .. انتي تخبين عني شيء ؟!
ردت بدور ببلاهه بدور: هاه ؟!
سارة : وش فيك مانتي طبيعية ؟! علميني بدور .. وش السالفة ؟!
بدور : بعدين بعدين تعرفين .. وسكرت السالفة ..

سارة بعد ما سكرت عنها بدور خطر بذهنها مباشرة يمكن أنها مخطوبة .. أممممم أو متهاوشة مع أحد من بنات الشلة .. !
لكن ما خطر في بالها يوم من الأيام أن أحد من الشباب مهددها ..!!


رجعت بدور تحاول تكلمه بس هو يرفض ويأست وراحت للصالة تجلس مع أمها وخواتها .. ولأن هند جالسة عندهم زعلانة مع زوجها ..


سميه: ماما أخيرا طلعت من الدهليز حقها نياهاهاها
بدور بغرور : وخير انتي اشدخلك ؟! من زين هالضحكة ؟! وتكشر عليها
بدور تتمنى تضربها بس عارفة أن أمها بتزعل لأنها تحب سميوه
سمية : ماما أبي أروووح لدلال ؟1
أم ماجد : بعدين الله يهديك ؟!
سمية : ماما خلينا اليوم نروح الحكير ؟!
أم ماجد : بنشوف .. اصبري حتى نقول لخواتك ..!
سمية : ماما اشتروا لي غرفة حلووه

بدور عصبت : وجع .. ماما .. ماما فجرتي روسنا ..
سمية بكل برود وبلاهة وعناد : وأنتي وش دخلك .. روحي بس لغرفتك نفتك منك .!
بدور : العتب علي اللي أكلمك أنتي ووجهك ؟!
سمية ببرود : هاهاها .. من قالك كلمني ..

التفت عنها بدور .. وجالسة تقرا المجلة حتى تجي هند لأنها كانت مشغولة تأكل بنتها ..
وأم ماجد كالعادة رفعت سماعة التلفون واتصلت بأحد صديقاتها وجلست تسولف معها ..!

*.*.*.*.*.*.*.*.*.*.*.*.*.*.*.*.*.*.*.

[SOHER]

وصل ماجد لعند ياسر في الكوفي ..
ياسر : هلا والله تصدق كأنك داري أني أبي أكلمك اليوم
ماجد وهو يبتسم : زين .. أجل الرجل المناسب في الوقت المناسب هههههههه
ياسر : وفي المكان المناسب ..
ماجد وهو مبتسم : صدقت ياسر
ياسر وحب يمزج عليه : زين أشوفك اليوم مستانس ؟! عسى الأمور تمام ..
ماجد : على كل حال .. خلها على ربك .. العرس ما وراه إلا الهم ووجع الرأس
ياسر : الله يعينا ويعنيك ..
ماجد : تصدق أنا كنت مأخذ زوجتي على بالي حب وما حب ومدري أيش وتاليتها لا شفت حب ولا شفت راحة
ياسر : ماجد .. بالمودة والرحمة تتعدل الأمور .. ومهوب كل البيوت تبني على الحب .. يعني شوية أحترام من بين الطرفين وموازنة للأمور .. ومع الوقت بيكون الحب وبينمو وبيكبر وبيتمنى الشخص أنه متزوج من زمان حتى يذوق هاللذه اللي ما جربها إلا بالزواج
ماجد : ما أظن أن بيني وبين المدام شيء .. ليتني ما تزوجت .؟!
ياسر : أقول أبو الشباب غير السالفة ..! أنت من يوم أذكر لك سالفة زواجك وأنت خلاص تروح في خبر كان ..
ماجد وهو يعدل نظارته : وش كنت تبي تكلمني فيه
توتر ياسر شوي وبدين تكلم : أبي أكمل نصف ديني
سكت ماجد وجلس يناظره .. مهوب مصدق اللي يسمعه
ماجد : تقوله صادق ؟!
ياسر : أي والله !
ماجد وبكل حذر وبصوت اشبه بالهمس : ومن بتناسب .. ؟؟؟
ياسر وبكل ثقة : ما راح ألقى أحسن منك خال لعيالي ..
ماجد : هههههههههههههههههههههه روعتني .. والله
ياسر بكل إحراج : ليه ؟!
ماجد : زين منت مبعد .. أشوا أختي إن شاء الله مضمونه
ابتسم ياسر ابتسامة وسييييييعه : ريحتني الله يريحك .. تصدق خفت من ضحكتك .!؟
ماجد : لأ ..إن شاء الله خير .. أنت بس استخر .. وأنا بشارورهم والله يكتب اللي فيه خير .. وصدقني ياسر ما راح ألقى مثلك زوج لأختي .. يشرفني والله تناسبني ..
لكن ما أقدر أعطيك رد الحين بالموافقة حتى أشوف رأيهم قبل .. أبشر بالخير ..
ياسر : الله يبشرك بالخير .. وثق حبيبي ماجد أن الأمر إن تم بالقبول أو الرفض فأنت أهم علي من كل شيء وصداقتك عندي تسوى الدنيا وما فيها ..
ابتسم ماجد ابتسامة رضا وامتنان لصديق عمره

وبعد صمت

ياسر : ماجد نسيت أقول شيء
ماجد : وش هو ؟!
ياسر : عبد العزيز .. مكلمني يبي أخت المدام ؟!
ماجد : احلف
ياسر : والله أنه مكلمني .. يقول أنه يبي أختها .. ويتمنى تكون عديله
ماجد : والله البنت ما عليها .. ما شاء الله حسب ما أسمع عنها .. لكن ما أضمن لك
وكأن ياسر فهم لماجد : بس يا ماجد مهوب كل الأخوات سوا
ماجد وهو يهز رجله بتوتر من سالفة الزواج : إيه صدقت مهوب كلهم سوا ..
بس ما قلت لي وأنا وش دخلني .. هي أبوها موجود .. يروح يخطبه منه ..
ياسر : إيه أنا قلت له ..لكن قال أبغى ماجد يمهد لي الطريق .. لأنه نسيبهم ..
ماجد : لا والله ياخوك .. لا يدخلني في السالفة واعتذر لي منه .. هو يدل بيتهم ؟! وإذا ما يعرفه بعطيه الوصف .. بس أنا يطلعني من السالفة ..
ياسر : لهالدرجة متعقد ؟!
ماجد : يا أخي لا تلومني .. من بعد سالفة زواجي وأنا ما أحب أتدخل في مواضيعي زواجات .. إلا خواتي وبس ؟!!

وياسر بيتكلم لكن دخلوا عليهم باقي الشباب .. عبد العزيز .. وخالد وباقي ربعهم ..
فاضطر يسكت .. ويخلي الأمور لربها ..

*.*.*.*.*.*.*.*.*.*.*.*.*.*.*.*.*.*.*.


بسرعة أسماء .. اتصل بماجد الحين ولا شوي ..
أسماء وهي تدور لأمها قطعة ثانية .. لأنها لقت لبس للمولود حلو .. بس للأسف ما لقت للام شيء فجلست تدور ..لأن الألوان أعجبتها ..
" اصبري شوي "
منيرة : طيب اخلصي مليت

ومنيرة ضيعت كل الفلوس اللي عطاها زوجها لها .. واشترت لها بس قطعتين .. والباقي لأشياء وملابس لخواتها مالها داعي ,, واشترت لهم كلهم إلا أسماء أختها ..!!

أسماء تغيرت معاملتها مع أختها .. لكن هي اليوم جايه علشان أمها وتعرف أن أمها بالشهر الثامن وثقلت .. وما تقدر تجي للسوق بسهولة ..

منيرة : أسماء .. كثرنا اللبس الولادي .. عساه بس يجي ولد ..؟
أسماء بكل ثقة : اللي يجي من الله حياه الله .. والمواليد غالبا يلبسون ثياب بيض .. يعني ما تفرق أنها ولادي ولا بناتي ..
منيرة ما يعجبه كلام أسماء وتبي تقهرها شوي : إن شاء الله عقبالي .. ويجي معي ماجد نشتري لولدي ..
أسماء وهي مبتسمة : الله يرزقكم .. يا لله اتصلي بماجد خله يجي ..

كانت أسماء متغيرة مرة لأن منيرة دائما تحسسها أنها تفهم أ .. وأنها متزوجة واحد هي تتمناه ..
منيرة وهي تطالع الجوال : طيب ..
واتصلت عليه وقالها ينزلون ينتظرونه ..

وفي السيارة .. كانت أسماء تذرف الدموع بصمت على أختها وحركاتها البايخة
وتفكر تقول سبحان الله كيف اجتمعوا الضدين .. ماجد ومنيرة

ماجد بالسيارة ما كان طبيعي .. لكن وجهة نظر أسماء طبعا .. أما منيرة فما تفهم عليه خير شر ..
وجلست تهذر على رأسه عن سوالف السوق وهو ساكت وكان واضح عليه أنه سرحااان

ولما وصلوا لبيت أبو سعد نزلت أسماء .. وباقي منيرة ..
ماجد بنزل وارجع لي الساعة 12
ماجد وهو ينظرها : هذا الحين أمر ولا طلب ..؟!
منيرة : ماااجد ..الله يخليك بنزل أشوف رأي أمي في اللي شريت
ماجد : أوكي .. بس وين أغراضك اللي شريتي ..
ارتبكت منيرة وبعدين قالت : شريتي لي كم قطعة .. شوفها في الكيس
ماجد : كم قطعة .. في هذا الكيس الصغير .. وبكم بألف وميتين .. وكمل وهو يهز رأسه بأسف انزلي .. وإن شاء الله اارجع لك الساعة 12
منيرة : شكرا ماجد ..
ابتسم ماجد على ردها .. حلوه شكرا ماجد .. أول مرة اسمعها زوجة تقول لزوجها شكرا فلان
دنيا العجائب ..


*.*.*.*.*.*.*.*.*.*.*.*.*.*.*.*.*.*.*.

سارة جالسة تفكر بوضعها .. هل توافق على عبد الله ولا ما توافق .. !
خطبها كم مرة .. وكل مرة يرجع على أمل أنه يحظى بالموافقة .. وسارة محتااارة مرة .. ما تدري ترد بنعم ولا بلأ ..؟!

طلعت للحديقة وجلست على البساط الأخضر وقطفت لها وردت حمراء حلوووة
وناظرتها بكل حزن .. آه يا ماجد .. قلبي يحبك يا ولد عمي .. أنا الملامة .. أنا اللي ضيعتك بيديني .. وما استغليت الفرصة .. وهي مهيأة لي بكل راحة
وكتبت كلمات حستها طالعة من قلبها

" لا ألم يؤلم مثل ألم الشوق ..
وما الموت إلا الحياة بعيدا عن الأحباب

فكرت وفكرت .. قالت ما فيه حل إلا أنها تكلم رزان وتشوف وش الحل مع هالمشكلة ..
واتصلت برزان
سارة : السلام عليكم
رزان : هلا والله بالصوووت وعليكم السلاااام

وبعد الكلام والسؤال .. عرضت سارة الموضوع على رزان ..
رزان فرحت لها .. وقالت لها : سارة الرجال شكله جاد .. وشوفي كم مرة جا وطلبك .. استخيري وتوكلي على الله والبنت الحين بالهزمن تتمنى الشاب الصالح الخلوق ..
وأظن عبد الله فيه كل المواصفات الحلووه
سارة : والله يارزان صحيح نفس الكلام اللي قلتي .. بس ما أدري أحس أنني مترددة شوي
رزان : وليه تترددين .. العمر يمشي .. واللي يجي لك اليوم يمكن ما يجي لك بكرة ..
سارة : أمممم ما أدري والله .. محتااارة
رزان : انتي اجلسي مع نفسك وفرغي ذهنك من كل الأفكار ..وركزي في هالشاب وصدقيني بتشوفين فيه كل المواصفات اللي ترغبينه ..
سارة : إن شاء الله .. الله يكتب اللي فيه الخير.. فمان الله رزان
رزان : أوكي مع السلامة .. وفكري زين وبرجع أكلمك وأشوف آخر التطورات معك ..

وسكرت سارة وجلست تفكر ..
أكيد اللي مخليني ارفض عبد الله هي بقايا آثار حبي لماجد
ولو يتقدم لي ماجد وأنا اعرف انه ما توفق الحين بزواجه .. أوافق عليه ولا ..لأ ؟!!

ورجعت وكتبت لما تذكرت ماجد

أفسدت حياتي ..

ما عدت قادرة على الخروج منك ..
وما عدت قادرة على الرجوع إليك ..!!

ليش انا كذا متعلقة فيه وهو ما يدري عني ؟!
صعب الحب من طرف وااااحد ؟! قمة العذاااااب والمعاااااناااة ؟!
وش الحل ؟! وش الحل ؟!
آآآآآه ..
ياليت عندي خوات وأتشاور أنا وياهم ؟!
الجميع مشغووول عني ؟! ما فيه أحد يفهمني ؟!
حتى بدور واضح أنها تخبي عني شيء عظيم ..! كذا إحساسي يقول لي ؟!!
بروح أصلي وادعي ربي .. هو اللي يفتح أبوابه ولا يرد أحد
هو اللي بيساعدني أتخذ القرااار الصح ..! واللي اضمن به الحياة السعيدة مع زوج يحبني وأحبه
يـــــــارب ســـــــــاعدني أرجووووووووووك

وبعد يومين اتصل خالد ببدور .. وكلمها ورفضت تطلع معه بالوقت الحالي .. ووعدته تطلع معه متى ما تيسرت الظرووف لها ..

وما تدري بدور ماذا تخبئ لها الأقدار ..


*.*.*.*.*.*.*.*.*.*.*.*.*.*.*.*.*.*.*.

الساعة ثنتين ونصف بالليل
اتصلت أسماء بمنيرة وهي تبكي ..
بسسسسسسرررعة منيرة .. أمي تعبانة ..
منيرة : طيب بنجيكم الحين أنا وماجد ..

وتصحي منيرة ماجد بسررررعة .. وقام
وركبوا السيارة بسسررعة
ماجد وهو صوته كله نووم : مهوب توها ما بعد كملت التاسع .. غريبه
منيرة : مدري يمكن ولادة مبكرة ..
ماجد : الله يسهل أمرها ..؟! ويقومها بالسلامة
منيرة : آمين .. وإن شاء الله تجيب ولد
ماجد بصوت عالي شوي : على نعمة العقل .. خليها تقوم بالسلامة ويصير خييير
وكل اللي يجي من الله حياه الله ..

سكت منيرة .. وتفكر في الوقت الجاي

صدق من قال كل إنسان بعقله راضي ..!

وصلوا البيت بسرررعة وأخذوا أم سعد وأبو سعد ورااااحوا للمستشفى على طوووول
وبعد طوووول انتظااااار
طلب الدكتور إجراء عميلة قيصرية لسلامة الجنين والأم
ووافق أبو سعد وتمت العملية وولدت أم سعد وجابت ولد
أبو سعد فرحته لا يمكن توصف .. ومنيرة جلست مع أمها .. واتصلت بأسماء تطمنها على سلامة أمها وتبشرها بوصول أخوهم الجديد ..

ورجع ماجد وأخذ معه خاله ورجعوا لبيوتهم ..
قضت منيرة معظم وقتها عند أهلها بحجة أن أمها محتاجة لها .. ورجع ماجد لشبه حياة العزوبية

*.*.*.*.*.*.*.*.*.*.*.*.*.*.*.*.*.*.*.

[SOHER]

تمت خطبة أسماء على عبد العزيز أثناء نفاس أمها وتمت الملكة وتم تحديد الزواج بعد أسبوعين من انتهاء أمها .. لأن عبد العزيز كان مستعجل وبيسافر

تم زواج أسماء وعبد العزيز بشكل سرررريع .. وكان عبد العزيز طلب يشوفها واعجب فيها وتمت الملكة وبعدها صار يكلمها وتعلق فيها مررررة لأن أسماء من النوع اللي ينحب بسرررعة

وتم الزواج في أحد القصور وبعدها سافروا للخارج لقضاء شهر العسل واللي كان أروع ما يكون
وعبد العزيز يدعي لماجد على تسببه في هالزواج اللي ما توقعه ..

ومنيرة ما كان لها دور يذكر في تجهيز زواج أسماء .. لأن أسماء ذوقه عالي من الطراز الأول .. وأسماء تشكر ربها على التوفيق في إنسان مثل عبد العزيز .. شاب خلوق وكل بنت تتمناه ..

ومنيرة كل ما كلمتها منيرة .. تقول لها زوجي هو السبب في زواجك .. ادعي لي
وأسماء مرات تضحك ومرات تسكت احتراما لأختها الكبيرة ..

*.*.*.*.*.*.*.*.*.*.*.*.*.*.*.*.*.*.*.

اتصل ياسر بماجد
وبعد السلاااام
ياسر : عبد العزيز متصل علي يقول أبغاك تشكر ماجد بالنيابة عني ؟!
ماجد : على ماذا ؟!
ياسر : على مساعدتك له بزواجه ؟!
ماجد : بس أنا والله ما ساعدته اذكر اني قلت مالي دخل فيه .. وين مساعدته معه الله يخلف
ياسر : لا والله الرجال يقول .. توفقت مع بنت الحلال .. وهذا بفضل الله ثم زواج ماجد واختياره .. ويهينئك على زوجتك
ماجد : ههههههههههههههههههههههه .. لا الرجال شكله راح في خبرها .. الله يوفقه
بس تصدق يا ياسر الخوات مهوب مثل بعض .. وأنا كنت متوقع أنه بيرتاح معها .. لأني حسب ما سمعت أهلي أن البنت تمااام
ياسر : الله يرزقنا .. ما عاد بقى إلا أنا وخلّووود العزابيين المساكين
ماجد : هههههههههههههه لا تخاف بيرزقك الله .. لكن لا تستعجل على رزقك .. ما تدري يا ابن الحلال وش الخيرة فيه .. في الزواج ولا العزوبية
ياسر : صدقت ... الله يكتب اللي فيه خير للجميع
*
*
*
*
*
سكرت ماجد عن ياسر وراح لبدور يبي يكلمها .. وكانت بدورة المياة وفاتحة النت وتاركة المحادثة
وبما أن ماجد خبيير في النت عرف أنه فاتحه إيميلين سوا

واحد يبدوا أن صاحبته ما بعد دخلت .. لأن ماجد مستحيل يصدق أن بدور جالس تكلم شباب
لكنه شك بالنك " أنصفني .. تسترجعني !! "


والنك الثاني واللي كانت صاحبته تكتب بدون علم ان فيه أحد غير بدور يقرأه ..
كان النك تبعها " أحـــبكــ إلى أبعـــد حد "

وشاف بدور كاتبة
سارة انتظري شوي
لكن شكل البنت ما انبهت

وكتبت
" أحـــبكــ إلى أبعـــد حد "
بدور بسرررررعة وييينك ؟!
" أحـــبكــ إلى أبعـــد حد "
منيرة زوجة ماجد كرررريهه ؟! ما أدري كيف هو متحملها ؟!

لما شاف المكتوب استغرب من هذي .. ورجع لبداية المحادثة وعرف من هي البنت !!

" أحـــبكــ إلى أبعـــد حد "
إيه الدنيا كلها أرزاق وكل واحد يأخذ المكتوب له ..!
" أحـــبكــ إلى أبعـــد حد "
بدور بقولك شيء ..
" أحـــبكــ إلى أبعـــد حد "
تخيلي ماجد يكتشف إن أنا البنت اللي كانت تحبه .. واللي كانت معه في الماسنجر قبل يتزوج ..! وش تتوقعين أنه بيسوي ؟!!
" أحـــبكــ إلى أبعـــد حد "
بدووور وينك .. أنتي معي .؟!


فتح مااجد عيوووونه على كبرهاااااااا
وتجمدت أطرااااااافه !!!!

يعني قمر هي سارة بنت عمي ؟!!!



*.* الــجزء الثاني عشر *.*



ظل ماجد متجمد بمكانه .. مستحيييييل اللي مكتوب ؟! قمر هي سارة بنت عمي ؟! معقوووولة ؟! أخ ياسارة وهان عليك ولد عمك ؟!!
وفي هالأثناء جا اتصال لجوال بدور .. ولما رفعه يشوف من المتصل .. لقى " القمر .. بنت العم " يتصل بك .. ما قدر ماجد يتحمل .. لأنه لو ظل يطالعه ممكن يفقد أعصابه ويتهوووور ويرد عليها ..!
رجع الجوال مكانه وطلع بسرعة من الغرفة قبل تطلع بدور من دورة المياه .. وبسررررعة دخل قسمه ورمى بنفسه على كنب الصالة .. وجلس وشبك يده وراء رأسه .. آآآآآآآآآآآه .. سارة .. معقولة .. طلعت البنت هي سارة !!
ونزل يديه ويطالع الساعة ويحس بتوتر .. ما يدري وش أسبابه ؟!
بعدها دخل في دومات تفكيرااااات
سارة تكلمني ..! يعني ممكن تكلم غيري ؟!
لا .. لا مستحييييل تكلم غيري .. البنت تربيتها صح ؟! لااااا وش يضمني أن البنت ما تكلم ..؟! النت بحر واسع ..! وكل شيء فيه ممكن ..!
لا .. لا مش ممكن ؟!
يااااااااااااه ما أصدق .. مستحيييل .. ياليتني عرفتك يا سارة قبل آخذ منيروووه كان والله عشت حياة حلوة .. مهوب مثل الحين ما غير كأني سواق عندها ؟! ولا محاسب مالي ؟!
صدقتي يا بنت العم صدقتي
الدنيا كلها أرزاق وكل واحد يأخذ المكتوب له ..!

خلااااص يعني أتركها تروح من يدي .. لااااااااا هذا الأمر مستحيل يصير ..؟! بعد ما سلمتها قلبي ومشاعري ؟! لااااااااا
أحبهااااااااااا أحبهااااااااااااا
لازم أتصرف وآخذها ؟!
وبعدين اشفيها الشرع محلل لي أربع .. وسارة تسوى الدنيا وما فيها .. يعني اخليها كذا تروح من يدي .. لازم آخذها وألقناها درس ما عاد تنساه .. كيف تبيعني بالساهل ؟!
ياربي احترت ..؟ وش الحل .؟؟

وفي هاللحظات جاه اتصال ورد بسرررعة لا شعوريا من غير يشوف المتصل
منيرة / السلام عليكم ..
ماجد وهو يتنهد ما منها فكة هاذي : وعليكم السلام ..
منيرة : وشلونك يا ماجد .. وش فيه صوتك .. فيك النوم ؟!
بغى ينفجر ماجد من الضحك بس مسك نفسه برغم شدة اضطراب نفسيته : لا وش نومه ؟! أحد ينوم بهالوقت ..؟
منيرة : هههه يعني تعرف أخافك مشتاق لي ..
لف ماجد بفمه .. قال إيه واضح .. إلا والله فكة منك : ................
منيرة : ماجد وينك ..؟ شكلك استحيت ؟!
ماجد : استحيت ؟!! وش استحي منه ..
منيرة : هههه يعني علشانك مشتاق لي .. استحيت تقول إيه ..
ماجد : ويا عمري المشتاق .. غصب عنه يصرح بشووقه ..! أصلا ما يقدر يخفيه إذا هو يحب بصدق ..
وكمل بسرعة المهم .. وش بغيتي بسررررعة لأني مشغووول الحين
منيرة : تعالي خذني من عند أهلي .. وعندي لك خبر حلوووو ..
حس ماجد أن الخبر ممكن يكون بداية مأساة : خبر حلوووو ..
منيرة : إيه خبر حلوووو مرة .. يالله بسرعة تعال .. انتظرك .. وقلت بسرعة قبل تسمع رده ..

قفل ماجد الجوال ..
اللهم اجعله خير .. وش عندها ذي بعد ..
ورجع يفكر .. أخ وش الحل الحين .. البنت وحبيتها بقوووة وعرفتها بقوووة .. عرفت كيف تفكر ؟! عرفت كيف تحكم الأمور ؟! عرفت كيف تراعي المشاعر ؟! أخ .. تراعي المشاعر ؟!
لا سارة ما راعت مشاعري يوم خطبتها بيني وبينها ؟!
وأنا أقول شكل البنت تخبي عني شيء .. ؟! أثرها دمي ولحمي وما تجرأت تقول ؟؟ لكن كيف تتجرأ تقول .. الأنثى بطبيعتها تميل للحياء .. فكيف بقريب منها وتحبه ..؟! مستحيل تصرح بحبها ..


وبفكرة مستعجلة فكر ماجد يتصل بحاتم ولد عمه ..
وبعد السلام والسؤال عن الحال ..
ماجد : حاتم أنا أبيك تساعدني بموضوع مهم
حاتم : تفضل .. وأبشر باللي تامر عليه .. كم عندنا من ماجد ..! أتمنى أقدر أساعدك ..
ابتسم ماجد ابتسااامة وسيييييعة : تقدر .. ونص بعد .. الأمر سهل إن شاء الله ..
وبعد صمت بسيط .. أنا أبي أتزوج ..!
حاتم : كيييييييييييييييييف ؟!
ماجد : عادي يا خوك وش فيها .. الشرع محلل لي أربع ؟!
حاتم : إيه عادي .. بس ما كملت ثلاث شهور مدري أربعة من زواجك .. وتبي تأخذ ثانية ..؟!
ماجد : يا ابن الحلال ما فيها شيء .. أنت الحين بتساعدني ولا شلون ؟!
حاتم : إلا بساعدك .. أبشر .. بس أهلك يدورن .. أختك " يقصد هدى زوجته " أمك ..؟ استخرت .. ولا بس على طول زواج حيالله ..؟!
انتبه ماجد أنه أيضا ما استخار هالمرة .. لكن توكل على الله .. وقال : حاتم أنت بتساعدني ولا تحقق معي ..؟!
حاتم : إلا بساعدك .. لكن وش المطلوب مني الحين ..؟!
ماجد بكل جرأة : العروس عندك وأبيك تزوجني ؟!
حاتم بتعجب : عندي ؟!!!!!
وبعدين قال .. قصدك ساااارة أختي..؟!
ماجد : أيوه قصدي سارة .. ماراح ألقى أحسن منكم ..؟!
وسكت حاتم مدة وبعدها قال .. : أنت يا ماجد تستاهل .. وحتى لو معك ثلاث وأختي الرابعة ما راح نلقى أحسن منك .. لكن ..!!
ماجد : وش لكن .. يا حاتم ..!
حاتم : البنت مخطوبة .. وأنت تعرف ما يجوز خطبة على خطبة ؟!!
ماجد بصوت معصب ومستغرب : كيييييييييييييييييييف ؟! مخطووووووووووووبة ؟!!!!
حاتم : ماجد لا تعصب .. كل شيء قسمة ونصيب ؟!! وبعدين يا ولد العم الدنيا مليانه بنات وماأظن أن الأمر بيتوقف عند سارة .. بتلقى أحسن منها كثييييييييييييير
ماجد : يعني ما فيه أمل ..
حاتم : أتوقع .. لأ ..!
وسكت مااااااااااااااجد ولا نطق
حاتم : ماجد ..؟!
ماجد : هلا ..
حاتم : أوعدك برد لك خبر .. وما تدري يمكن تكون من نصيبك كل شيء بهالدنيا جائز ..
ماجد : أممممم الله يكتب اللي فيه الخير .. فمان الله
حاتم : فمان الكريم .. وخل الأمور على ربك .. ولا تستعجل أنت الحين عريس جديد .. ولاحق على وجع الرأس مع الحريم ..

وسكر ماجد .. وهو في دواااااااااااااااامة من التفكيييييييييير .. مالها أول ولا آخر ..
وش هالحظ .. لما عرفتها طارت من يدي ..
أخ يا سارة أخ ..!! كله منك ..
بعتيني يا سارة وأنا مازلت شاريك ..؟!
لكن
أنا أوريك وش بسوي ..؟؟!

*.*.*.*.*.*.*.*.*.*.*.*.*.*.*.*.*.*.*

حاتم مباشرة بعد ما سكر عن ماجد .. اتصل بحمد وعلمه .. ! حمد تذكر أنهم سبق ردوه .. أستانس من رد حاتم على ماجد ..!
أحسن يستاهل ..! وحدة بوحدة ..!
ورد حمد على حاتم أن تصرفه زين .. وماجد الحين متزوج .. ولا حق على الزواج الثاني ..

وبعد ما سكر حمد .. خطر في باله فكررررررة جهنمية ..
ومسك الجوال وطلع رقم عبدالله .. وبعد السلام بلغه أن ماله نصيب عندهم وأن البنت رفضت ..

حمد كان متعمد هالحركة .. يبي الجميع يذوق اللي هو ذاقه ..
وعبد الله حس بخيبة الأمل .. ليش يردوني وأنا كفؤ ..! ومن هي البنت اللي أصلا تردني وهذي أول خطبة لي ..!
لكن هين أن ما تزوجت في خلال ثلاث أسابيع ما أكون ولد أبوي ..؟!

*
*
*
*

سارة لما شافت أن بدور ما ردت عليها لا بالماسنجر ولا بالجواال قالت أكيد أنها انشغلت .. وراحت وكلمت رزان شوي ... وبعدين نزلت لأمها تبلغها بالموافقة .. على عبدالله ..
أم حاتم رحبت بالموافقة وأستانست ..
لأن سارة هي البنت الكبيرة لها وشيء طبيعي تكون فرحتها كبيرة ..

*
*
*

أبو حاتم كان ينتظر أن أبو عبدالله يتصل فيه يشوف هل البنت وافقت ولا .. لأ ..؟!
ولا اتصل فيه أبو عبدالله ولا حتى جا له ..
وأم حاتم كانت تنتظر أبو حاتم يسألها وش رأي سارة .. حتى تقوله أنها موافقة لكن هو ما سأل .. فظلت الأمور كلها معلقة .. والجميع ما يعرفون
أن سارة موافقة ..!
وأن عبد الله انرفض ..!
وأن أبو حاتم ما يعرف عن السالفة شيء ..!

وفي النهاية .. المكتوب على الجبين لازم تشوفه العين ..

*
*
*

رجعت بدور لخالد تسولف معه بالماسنجر وتضحك .. وما تعرف أنها تلعب بالنار .. وأنها الحين على شفا الوقوع في الهاوية وهي ما تدري ..
واللي بعد ما تعرفه بدور أن خالد هذا هو اسمه المستعار.. وأنه رجل متزوج وعنده أربع أبناء ( ثلاث بنات وولد ) وهو يبي يأخذها مثل أي بنت ساقطة ما تراقب ربها ويرميها في الشارع مثل أي شيء انتهت صلاحيته .. ومثل أي شيء إذا استخدم مرة وحدة بطريقة غلط فهو غير صااااااالح للإستخدام ..!

سكرت منه بعد ما اختلفت معه كثيييييييييير واتفقوا يلتقون في أحد الأسواق .. وبلغته أنه بتكلمه بالليل بالماسنجر ..

*.*.*.*.*.*.*.*.*.*.*.*.*.*.*.*.*.*.*

طلع ماجد يأخذ منيرة من عند أهلها والدنيا مهوب وااااااااسعته .. !
يحس الدنياااااا صغيرررة مررررة .. يحس باختناق .. وفي النهاية هو قضاء وقدر .. لكن الإنسان إذا نظر للأمور بعين العاطفة .. يختفي عنده جانب الإيمان بالقضاء والقدر .. ويضيق عليه فسيييييييييح الرحاب .. ولو الإنسان حكم عقله شوي لكان ممكن تنحل الأمور بكل بساطة ..!!

كان ماجد يفكر وش هو الشيء الحلووو اللي بتقوله له منيرة ..!
لا يكون منيرة حاااااااامل ؟!!
لا هذا الشيء الي ماله علاااج .. ورررررطة صدق
الأمر عادي .. أن أي زوج يتمنى زوجته تحمل .. لكن مجد ما كان يتمنى هذا الشيء .. يتمنى تطول المدة أكثر حتى يفهم منيرة أكثر ..!!

ولما دخل ماجد وسلم وتقهوى ..وجلس شوي .. أخذ منيرة وطلعوا وفي السيارة ..
منيرة : ماجد .. ما قلت لي وش هو الشيء الحلووو اللي بقولك ..؟!!
ماجد وهو مو معها نهائيا .. مضيع من قلب : قولي .. ترى الموضوع شغل لي فكري وأنا مو ناقص ؟!!
منيرة بكل دلع : أنا حامل .؟!!!
ماجد منصدم : هاه ...!!!!!!!
منيرة : ماجد اشفيك أقولك أنا حامل ..!؟
ماجد ببرود : ألف مبروك حبيبتي ..
منيرة بدلع : الله يبارك فيك ..

فكر ماجد .. وبعد طول نفس وتنهدات ..!
الحين هي تحمل في بطنها ولدي ولا بنتي .. بعاملها زين علشان اللي في بطنها .. لأنه بيحمل أسمي .. وهي زوجتي مهما كانت .. وربما مع الوقت تتعدل وتكون مثل ما أبغى ..
ماجد : ها عيوني وين تبين اعشيك بهالمناسبة ؟!
منيرة : اشرايك يا ماجد نروح للطازج نتعشى فيه ..!
ابتسم ماجد : الطازج مو حلو مررة .. وش رأيك نروح للعليا فيها مطعم حلووو .. ولا أقولك نروح للفيصلية ..؟!
منيرة وهي على بالها تدلع : لا ماجد .. أبي الطازج .. وحدة من صديقاتي راحت له .. خلني أروح له .. والمرة الجاية نروح " لعمو حمزة " ..
ماجد : من عيوني الثنتين .. أبشري .. انتي تآمرين أمر ..!


ومشوا وما حس ماجد بنفسه إلا سلك طريق مظلم ..
منيرة : ماجد وينا فيه ..؟!!
انتبه ماجد أنه أخذ عشرات الكليومترات من دون ما يحس : هاه .. لا .. شوي و بنوصل إن شاء الله ..
ابتسم ماجد ابتسامه سخرية على حالة . . بغى يطلع من الرياض بكبره .. لأنه يسوق وهو مو حاس بنفسه .. وزين منيرة نبهته ولا كان حصل مالايحمد عقباه ..
*
*
دخلوا للمطعم وطلب ماجد العشاء وجلسوا وكانت منيرة هي اللي تسولف وتهذر طول الوقت .. وماجد يناظرها وعقله مو معه أبدا ..
لكن انتبه أنه طرح السؤال
ماجد : منيرة أنتي رحتي لأي مستشفى ..؟!
منيرة : مستشفى ..؟!!!!! بسم الله علي .. وش أروح للمستشفى أسوي ؟!!
ابتسم ماجد : أنا اللي اعرفه أن الحرمه يوم تكون حامل تحس ببعض التعب .. وتروح تكشف في أي مستشفى أو أي مستوصف وبعدها تعرف أنها حامل ..
ارتبكت منيرة : لا .. أنا عرفت إني حامل من دون ما أروح للمستشفى ..؟!
ماجد وهو عاقد حواجبه وقرب من الطاولة : كيف .. ممكن تشرحين لي يا قلبي ؟!!
منيرة وهي تتدلع وتقلد حركات أختها أسماء : من كم يوم حسيت أن كبدي توجعني وأحس بغثيااان وأحب أنوم كثيييييييييير .. وسألت أمي وقالت مبروك يا منيرة أنتي حامل ..
انفجر ماجد من الضحك
ههههههههههههههههههههههههه هههههههههههههههههههههههها اااااي

احمرت منيرة وبعدين قالت : ماجد كل هذا فرح بحملي ..؟!
ماجد وهو يناظرها بتسامة وسييييييييعة ما عرفت تفسيرها .. لأنه إذا ابتسم ابتسامة وسيعة يكون شكله خيااااالي : أنا فرحان بحملك عمري .. بس ضحكت على شيء ثاني ..!!
ما حب ماجد يجرحها .. مهما كانت هي زوجته .. وهي بشر ..
ما حب يعكر عليها فرحتها ..
ورجعوا يسولفون مع بعض ..
ماجد : منيرة فيه شيء في نفسي .. وودي أصارحك به من زمان .. والحين أظن هذا وقته المناسب ..؟؟
منيرة : وشو ..
ماجد : منيرة غريبة ما أشوفك تقولين لي كلامات حلوه مثل ما أنا أقول .. سبق وقلت لك هالسالفة وقلتي لي أنت منت طفل .. ؟! يا منيرة يا بعد قلبي أي رجل مهما كبر فهو من داخل طفل مدلل يحب يسمع الكلمات الحلوة والإطراء من اللي حوله خصوصا من زوجته ورفيقة دربه .. وأنتي أظنك متعلمة وتعرفين حقوق الزوج .. ولا .. لأ ..؟!
منيرة : اعرفها يا ماجد .. أمي قالت لي .. وبعد أسماء أختي قالـ... وقطع عليها ماجد
ماجد : اتركينا من أمك وأختك الحين .. وقول لي أنا مقصر معك بشيء .. ؟؟؟!
منيرة : لأ .!
ماجد : يا قلبي .. أنا دائما أكلمك بالكلمات الحلوة وأنتي ما تردين لي بالمثل .. ممكن أعرف السبب ..! صراحة يا منيرة أنا تعبت .. حسسيني أني مهم أني محبوب ومرغوب من زوجتي ..
خلينا نذوق طعم الحب مع بعض ..
منيرة وهي لافه فمها : ماجد .. بعض الأحيان كأنك بزر .. !
حس ماجد بطعنة بقلبه .. وبعدها رفع عيونه لفوق .. ثم نزلها لتحت .. وشوي ورفع نظرها لها وركزه فيها ..
ماجد : طيب أنا بزر بنظرك .. والبزر هذا اللي أنتي تقولين .. ما يحتاج لعطف وكلمات حلووه
منيرة : أمك ما قصرت معك وأنت قصير .. والحين أنت رجال .. أقعد كل شوي أقول يا حبيبي .. يا مدري وشو .. أنا عاقل ما أقول مثل هالكلمات ..
ماجد في نفسه إلا مهبولة وبقرة بعد .. أنا الغلط مني أكلمك بشيء أكبر من عقلك
ماجد : منيرة .. ويعني انا المجنون اللي أقول مثل هالكلمات ..
منيرة : ههههههه ماجد وش فيك أنت كذا ..
ماجد وهو منزل رأسه ويأكل : ..........................
منيرة : ماجد .. عشاهم حلووو
ماجد : ............................
منيرة : مااااااجد ..
ماجد وهو يأكل رفع عيونه وناظرها بطرف عينه : .. نعم .. !!
منيرة وبدون مقدمات : يا ملحك ..
ماجد : ههههههههههههههههههههههههه هههههههههههههههاااااي وشرق وهو يأكل وصار يكح بقوووة
منيرة : بسم الله عليك .. أكيد أحد أنظلك وأنت تأخذ العشاء
ماجد وهو يكح : ههههههههههههههههههههههههه هههههههههههههههههههههااي كح كح
لا .. لأ .. عادي شرقت مثل الناس ..
ويأخذ الماء ويشرب .. ومنيرة تناظره ببلاهه .. وتبتسم ..؟

ولما انتهى العشاء .. أخذها وتمشى بها شوي ورجعوا للبيت ..

*
*
*
منيرة ماجاها النوم وطلع لبدور في غرفتها .. وبعد ما سلموا على بعض ..
كانت بدور منهمكة تكلم خالد بالماسنجر .. جات منيرة جلست جنبها .. وتشوف المحادثة وسوالف بدور

بدور كانت داخلة جو بقوووة ولا انتبهت أن منيرة ممكن تقرأ المحادثة أو يفت أنتباهها شيء ..
سولفت منيرة مع بدور شوي .. ومرة ترد عليها وعشر تسكت وتضرب على الكيبورد ..
وقالت منيرة لبدور انها حامل .. لكن بدور أصلا ما سمعتها تحسبها تتكلم عن وحده ثانية .. سالفة بنت أو شيء
بدور : هاه .. والله .. الله يوفقها ..
منيرة بينها وبين نفسها .. والشكر شكل البنت مضيعة ... أقولها إني حامل تقول الله يوفقها ..؟ وانا جنبها ههههه وتبتسم

انتبهت منيرة .. لبعض الكلمات .. مثل
على عيوني على الوعد .. الساعة سبع .. أسواق " ..........."
وشافت النك
" أنصفني .. تسترجعني !! "

لكن هي ما تحب النت .. بس انجذبت لهاالمحادثة بالذات ..

وتركت بدور وراحت لعند ماجد .. ولقته الثاني فاتح اللاب توب .. جات وجلست جنبه ..
وشافته أيضا فاتح محادثة ويكتب .. فنطقت بكل برووود
منيرة : أنت مثل بدور ..
ماجد : كيف مثل بدور .. ؟؟!
منيرة : هي فاتح مثلك .. محادثة ..
ماجد : وش محادثته ..!؟ ووين شفتيها ؟؟!!
منيرة : من شوي كنت عندها .. فاتحه نصفي ترجعني .. مدري وشو ؟؟!
التفت ماجد بالكرسي كله عليها ...
" أنصفني .. تسترجعني !! "

منيرة وهي تضحك ههههه: ايه ايه .. أنت وش دراك .؟!!
ماجد ورجع يكتب : وش كاتبه معها ؟!
منيرة : تسولف .. وتقول الوعد في السوق وما أدري وشوا
ماجد حس بطنعة بقلبه : وشووووو سوووق ؟! وبعدين تدارك نفسه
.. لأااا .. أكيد وحدة من زميلاتها
منيرة : والشكر .. وش فيك أنت .. ليش تعصب ... أنت واختك مهابيل ماغير مقابلين هالكمبيوترات ما منها فائدة أبد ..! بس تضيع الوقت والمال ..
وقامت وتركته ..
خطرفي باله يضيف الإيميل عنده ويشوف بعدما تقبل الإضافة هل هو ولد ولا بنت ..!
إذا بنت حذفتها مباشرة ..؟
وإذا ولد والله لغسل شراع بدور .. هي وسارة

وكان ماجد حفظ الإيميل في جهاز بدور لأنه كان صغير وسهل حفظه ..
وماجد طلع في نفسه تردد .. لكن بعدين طرد كل هالأفكار عن ذهنه .. وقال في نفسه أنا اللي بروح بها للسوق أريح لخاطري ..!
وسكر اللاب توب
وقال فكرة أروح لبدور ما دام أنها ما زالت صاحيه وأشوف وش رأيها بياسر .. ومنها ممكن تعطيني معلومات عن بنت العم .. أخ يا سارة ما بيني وبينك إلا كم متر ولا أقدر أوصلك ولا تقدرين توصليني ..
أتمنى بس اعرف شعور سارة تجاهي .. يال غبائي كيف تركتها .. وتزوجت وحدة ما عرف شيء عن مستوى تفكيرها .. على ما قضى الله ..


وطلع ماجد لبدور .. وبعد ما طرق الباب .. فتحت بدور .. وهي مرتبكة .. وطلب منها ماجد يجلس معها شوي .. ووافقت وهي كارهه ..
ماجد : بدور أتمنى إني ما أزعجتك بهالوقت ..
بدوروهي تبتسم : لا عادي ..
ماجد : بدون مقدمات بدخل في الموضوع على طول ..
بدور خلاص تحس قلباها طاح .. لأنها أصلا خايفة من بداية علاقتها مع خالد ..
بدور : وشو يا ماجد خوفتني ..
ماجد : لا تخافين الموضوع عادي .. وأنتي تعرفين إني تهمني مصلحتك .. وأبيك تكونين مرتاحة بحياتك ..
بدور ساااااكتة لأنها فهمت من كلامه أن القضية زواج ..!
كمل ماجد : وصراحة أنا كلمني واحد من الربع غاااااالي علي مرة وهو مثل نفسي .. كل مواصفتي فيه وكل مواصفاته فيني .. وطلبك مني .. وأنا الحقيقة ما راح ألقى له أحسن منك ولا راح هو يلقى أحسن منك ..
بدور بصوت هااادئ وهاامس : من ؟!!
ماجد : ياسر ...

بدور : ياسر صديقك ما غيره .. ؟؟!!
ماجد : نعم ياسر ما غيره ..؟!!
بدور : ...............................
ماجد : ها أشرايك ؟!!
بدور : ماجد أنا ما أبي أتزوج ؟!!
ماجد وهو يعقد حواجبه : كيف ؟!! ما تبين تتزوجين ؟؟! ليش ؟!!
بدور : أنا أبي أدرس ؟!
ماجد : وهوما راح يمنعك من الدراسة ؟!!
بدور: بكيفه .. أنا ما أبي أتزوج .. !
ماجد : على العموم ماراح اضغط عليك .. أنا بكلم أمي واعلمها وقدامك يومين تعطيني رأيك فيهم .. والرجال لقطة في هالزمن .. اللي بتأخذه تحمد ربها .. وتحب يدها وجه وقفا على فضله عليها ..
بدور : ........................

طلع ماجد من عندها ورجع لقسمه .. وتمنى أنه سألها عن سارة لكن قال وقت ثاني ..!
وبلغ منيرة أنها ما تستعجل وتبلغ أمه بخبر حملها حتى تكشف وتأكد ..
لكن منيرة .. ترد بان شاء الله ..! وهي ما تسمع ولا تنفذ .. " لا حياة لمن تنادي "

*.*.*.*.*.*.*.*.*.*.*.*.*.*.*.*.*.*.*

[SOHER]

ظل خالد يكلم البنت اللي واعدها في السوق .. وما زال مصمم على شوفتها بأي طريقة وما زال يعاملها على أنه فيصل ..!
والبنت تكلمه وترد عليه بالرغم من شك أهلها فيها .. لأن تصرفاتها تغيرت في الأيام الأخيرة والأم متنبهه لها ..
والبنت مثلها مثل أي بنت طايشة في هالزمن ..؟!
*
*
*
باليوم الثاني اتصلت بدور بسارة وقالت عن كل شيء عن سالفة الخطبة ..
سارة تضايقت ليش ترده ؟؟؟!
وفي النهاية هي تعرف بنت عمها زين .. مغرورة واللي في رأسها بتسويه ..
ومن بعد خطبة محمد لبدور وسارة بدأت تخاف على بدور .. لأنها حاسة أنها تخبي شيء عنها ..

*
*
*

منيرة بلغت الجميع بحملها .. وأكثر من فرح هي أم ماجد .. ولما شافت ولدها باركت له .. وماجد تضايق بقوووة ..
أقولها ين وتقوول ؟؟!
وبعد مدة .. طلب ماجد من منيرة أنهم يروحون .. لمستوصف خاص ويفتح لها ملف .. رفضت بالبداية .. وبعدين وافقت .. ولما أخذها له
وبعد الفحوصات والتحليلات ..
الدكتورة وهي تناظر الأوراق : أه .. أمممم أنتوا لسا متقوزين ..؟!!
منيرة : أيوه ..
الدكتورة : ما فيش حمل يابنتي .. دا حمل كازب ..!!
ماجد : حمل كاذب ..؟!
الدكتورة : أيوه .. دا حمل كازب .. والأعراز اللي حسيتي بيها .. أعراض عادية تصيب أي بنت .. وتكمل هي تضحك .. ضحكة تسد النفس ..
وانتوا مالكم مستعقلين على إيه ..؟! لسا أنتوا باول شبابكم .. لسا صغار
منيرة تحس أنها انقهرت .. : دكتورة أنتي متأكدة .. أني مو حامل ..
الدكتوررة : أيوه يا بنتي شوفي التحاليل .. !!
منيرة انقهرت وطلعت من العيادة وراحت للسيارة .. ماجد استغرب حركتها .. وبعدين خلص الإجراء ت وأخذ الوصفة الطبية ولحقها ..

لقاها عند السيارة وهي متكتمة ..
فتح لها ولما ركبت ..
ماجد : منيرة وش فيك ؟!!
منيرة : ودني الحين لمستوصف ثاني .. هاذي تكذب .؟!!
ماجد : هذي نتائج التحاليل وهي ما جابت شيء من نفسها ..؟؟!
منيرة : ماجد ودني ولا كلمت أبوي يوديني ..!
سكت ماجد عنها ولا قدر يحلل وش الأسباب اللي خلتها متحمسة للحمل ومعصبة كذا ..؟!
وفي داخل نفسه هو فرحان بعدم حملها .. يقول لاحقين عليه ..
ولما وصلوا للمستوصف الثاني نفس الكلام قالوه لهم ..
بكت منيرة : ماجد لخالتي أنه حمل كاذب ..! قل لهم أنها سقطت ..؟!!
استغرب ماجد : وليه ما أقول لهم .. أنا قلت لك من البداية لا تتكلمين حتى تتأكدين .. بس أنتي الله يهديك ما تسمعين الكلام ..
وحب ماجد يواسيها
وبعدين عادي حبيبتي المرة الجايه إن شاء الله يكون صدق ..إذا ربي أراد
" وهو داخل نفسه إن شاء الله ما يكون "

*
*
وبعد يومين كان ماجد متابع كل حركات بدور .. مو من باب الشك لكن من باب المتابعة .. لأنها خايف عليها .. ولما عرف أنها بتروح للسوق .. ما طلع برى للبيت وجلس عمدا

ولما طلع بدور من غرفتها متزينه وكاشخة لأنها بتقابل خالد اليوم في السوق .. طلع بوجهها ماجد ..
انصدمــــــت ..! ما توقعته يكون موجود ؟؟!
ماجد : هلا بدور .. وين رايحة ؟!!
تلعثمت بدور : هاه .. بروح لصديقتي ..!
ماجد : صديقتك ولا للسوق ؟!!
بدور وهي تحاول تبرر : صديقتي اللي بالسوق مواعدتها ..
ماجد : أوكي بدور .. أنا بروح بك وبنتظرك .. كم عندنا من بدور ..
قهرها بكلامه ..
بدوربكل غرور : لأ .. أنا بيودني السواق .. لا تتعب حالك ..
ماجد : قلتك أنا أللي بوديك .. وبعد مجادلات وافقت بدور غصب وهي كارهة والدمع متجمع بعينها .. ولأنها أصلا مالها غرض في السوق إلا مقابلة واحد ضايع ومضيع عمره ..!

وفي السيارة .. سأل ماجد بدور
ماجد : أمي قالت أنك رفضتي ياسر .. ممكن أعرف السبب ؟!
بدور : ماجد أنا ما أبي اتزوج ياسر .. ولا أبي اتزوج .؟!!
ماجد : فيه فرق عمري .. انتي ما تبين تتزوجين ولا ماتبين تتزوجين ياسر ..؟!
بدور : لأ .. ما أبي أتزوج ..! لا ياسر ولا غيره ..!؟
ماجد : براحتك .. لكن ممكن تندمين على رفض ياسر .. الرجال ما ينعاب ..
بدور : الله يوفقك ويرزقه ..
ماجد : آمين .. وسكت وهو وده يذبحها .. لكن ما ضغط عليها لأنه من بعد زواجه يحب يشاور ولا يحب يجبر ..؟!

بدور ارسلت مسج لخالد وبلغته أن ماجد هو اللي جايبها ..
جاها الرد بكلمة " الحقير .. وش دراه ..؟؟! "

تضايقت بدور لكن طنشت ..
ماجد : وش فيك تتنهدين ..
بدور وهي تصرف : نسيت محفظتي ..
ماجد : ما فيه مشكلة عيوني .. وأخوك وينه ..؟!!
وكملوا روحتهم وبعد ما خلصوا رجعوا للبيت وبدور متحطمة تبي تلقى حبيبها الوهمي .. وما عرفت أن ماجد انقذها من النار من حيث لا يشعر ولا تشعر ..!

*.*.*.*.*.*.*.*.*.*.*.*.*.*.*.*.*.*.*

اتجه ماجد لياسر وبلغه بالرد .. استغرب ياسر الرد ..!
لكن هو متفق مع ماجد أن الرفض أو القبول ما راح يغير من علاقتهم شيء لأن الأهم هو صديقه

ياسر : تصدق ماجد ما كنت متوقع الرفض أبدا .. لكن تركته مجرد احتمال ..!؟
ماجد وهو يحس بالتأنيب .. : ياسر كل شيء بالدنيا مقدر ومكتوب .. وما تدري وش الخيرة فيه .. وياخوك حاولت كثييير أن هذا الزواج يتم .. لكن ... وسكت ماجد
ياسر وهو يبتسم : خلها على الله يا بن الحلال ..
واللي مكتوبه لي بأخذها بأخذها .. .. المهم خلنا من سالفتي أنت الحين كيف وضعك إن شاء الأمور تمام ..
ماجد : ياسر أنا أفكر اتزوج ..؟!!!!
ياسر وهو متعجب : أييييييييييييييش ؟؟! تتزووووج ؟!

ماجد : ياأخي عادي .. المادة بيدي والشرع محلل أربع .. وزواج هاذي تجربة أتوقع أنها فاشلة .. وراح اتفاداها إن شاء الله .. بالزواج القادم ..
ياسر : ماجد .. أنت شارب شيء ؟!!
ماجد : لا والله .. تنكت أنت ووجهك..!
ياسر : أجل فيه واحد ما كمل كذا شهر من زواجه . ويسعى للثانية ..
ماجد : نعم فيه .. أنـــــــــا .. ويضرب على صدره !!
ياسر : ماجد أرجوك تعقل شوي ولا تخلي العاطفة تحكمك .. والحب مصيره يجي مع العشرة وكثرة المواقف ..
واترك عنك حب هالزمن والخرابيط اللي تقرأها .. !

ماجد : شوف حبيبي .. يقولون البيوت أسرار والناس مالهم إلا الظاهر .. والزوجة يعرفها زوجها من أول ليلة .. ويعرفها أكثر من خلال المواقف على قولتك .. وممكن يحبها !! وممكن لأ ..؟!!
أوكي إذا الرجال ماحبها .. غصب هو يجلس متحملها ويتحمل تصرفاتها القبيحة..؟؟؟؟!
ياسر : طبعا لأ ..!
ماجد : أجل اتفقنا .. من هالناحية ..
شيء ثاني .. كثييير زوااجات ناحجة .. وكثيير زواجات فاشلة .. وأنا معك مو كل البيوت قائمة على الحب .. لكن بما انها ما بعد أنجبت مني .. فالأمر الحين فيه متسع .. لأنها لو انجبت باضطر استمر وأنا كاره ..
ياسر يناظره بنظره ماكره : ماجد .. لامك مهوب طبيعي ..أنت في بالك أحد معين ..؟؟؟
ماجد : إيه في بالي بنت عمي وبأخذها إن شاء الله ..
ياسر وهو يضحك : أيوه ياشيخ قول كذا من الصبح .. أنا أبي فلانه .. بس لا تقعد تقولي نظرياتك وأنت أصلا مخطط لوحدة ثانية .. يعني زواجك ما جا قص لقص .. !!
ما جا إلا بحلول وحدة ثانيه بتفكيرك

ماجد : وعادي اشفيها ..
ياسر : عادي ما فيها شيء .. الله وفقك .. بس لا تقعد تطلع عيوب زوجتك مسكينة .. وأنت أصلا في رأسك تخطيط ثاني ..
تزوج والله يعينك على الحريم ..؟!!
ماجد : أنا ماطلعت عيوبها .. وهذي مجرد نظريات بيني وبينك نحب نتناقش دائما فيها ..
وأنا مستحيل أطلع عن زوجتي موقف واحد .. وبالمقابل أنا أيضا ما أرضى إنها تطلع عني موقف واحد ..!

وكملوا حديثهم وطلعوا يشوفون عبد العزيز .. واللي من يوم أخذ أسماء وهو مهوب يمهم أبداا
الرجال .. ما زال مو مصدق أن البنت بهالأخلاق والمنطق الحلوو..
فرق شاسع بينها وبين منيرة .. مثل الفرق بين السماء والأرض ..!

*.*.*.*.*.*.*.*.*.*.*.*.*.*.*.*.*.*.*

وبعد أسبوعين

سارة استغربت .. أنها اعطت أهلها الرد بموافقتها على عبد الله .. لكن ما تحركوا ولا تكلمواا .. وكلمت رزان وقالت لها .. يمكن هم يتفقون على أشياء وبعدين يقولون لك ..
سكرت سارة عن رزان .. وراحت تشوف وين أمها ..

دخلت للصالة ولقت أمها جالسة ..
وأم حاتم واضح أنها تخبي شيء عن سارة .. وواضح عليها الحزن ..
سارة : يمه اشفيك ..؟!
أم حاتم : ما فيني شيء أبعدي عن وجهي .. الله لا يبارك فيك ..؟!
كله منك .. ما أدري بنات هالزمن من هم طالعين عليه ..؟!!
سارة زادت ضربات قلبها : يمه أنت وش تقولين ؟!! أبوي فيه شيء .. خواني فيهم شيء؟؟!
أم حاتم : ما فيهم شيء ..؟! البلاء فيك أنتي ..!

وقامت أم حاتم وأخذت بطاقة زواج عبدا لله واللي تقرر بعد أسبوع ورمتها في وجه سارة
وتركتها مذهولة من هول الموقف !!

[SOHER]

* .* الجزء الثالث عشر *.*


ظلت سارة مكانة مو مصدقة من اللي صار ..! معقولة عبد الله تحدد زواجه ..! يا لله وش هالحظ النحس ..؟! كل ما قلت الوضع بيتعدل رجع للوراء وللاسواء ..!
أولها ماجد .. وبعدين معاملة أهلي لي ما كأني بنتهم ..! وآخرتها هذا اللي يقال له عبدالله ..!
ألقاها من وين ولا من وين ..؟؟

وما حست سارة إلا بدموعها تطيح على خدودها وكأنها مكبوته وانفجرت ...!!
وقامت بسرعة وطلعت لغرفتها واتصلت برزان وبلغتها باللي صار .. رزان بالبداية تأثرت وبعدين قالت لها خليك قوية يا سارة .. ولا تكون هذي نقطة ضعف في شخصيتك ..
كثير ناس فقدوا أشخاص يحبونهم والحياة ما انتهت أبدا ..
الحياة مستمرة .. والحياة كلها تجارب وخبرات ..!!!
سارة وين كلامك .. الضربة التي لا تميتني تزيدني إصرارا على المواجهة .!!

كلام رزان فعلا أثر في سارة لأنها كانت بحاجة لكلمات قوية في وقت مثل هذا ..

سارة حست بقرب رزان منها من بعد كلماتها لها
وأيضا سجى .. واللي كونوا ثنائي حلو مع سارة بالإضافة لبدور واللي منشغلة عنهم بسالفتها مع خالد ..!
نااامت سارة من بعد مكالمتها لرزان .. لأنها حست ااحة غريبة ..
يمكن لأنها كانت موافقتها على عبدالله كانت كهروب من الواقع اللي هي تمر فيه ..!؟
أو كردة فعل لزواج ولد عمها ماجد من منيرة..!
*
*
*
الخال خالد استمر في مياعته وحركاته مع البنات وهو مصمم على مقابلة البنت اللي واعدته بالسوق وتركته .. وفي نفسه يقول ليش تواعدني وتتركني وتقول أهلي وما أقدر ؟؟! وما ادري كيف ؟!!
لا مستحيل بنت تسوي معي كذا واخليها .. كثير بنات كلمتهم وكثير بنات واعدتهم بس كل اللي شفتهم اكتشفت أن مكالمتي لهم.. مالها داعي.. أنا أحلا بمليون مرة .. وما أتنزل اقرب من وحدة من أشكالهم واللي يمكن قرب منهم كثيرين .. ؟!!!

أمممم بس هالبنت ما ادري ليش شاغله لي فكري ..!
لازم أشوفها واللي يصير يصير ..
وعادي إن الله غفور رحيم ..

وتناسى خالد إن الله شديد العقاب .. !
واتفق مع البنت يشوفها ..
واتفقوا يمرها يأخذها من البيت لأن أهلها معزومين بيطلعون
وما راح يكون عندها أحد !!

لما ركب خالد سيارته وعدل شخصيته بعد ما تعطر ولبس لبس حلوو .. انتبه لورقة بجنبه .. وجاه فضول يفتحها يشوف وش فيها ..
ولما فتحها لقى مكتوب فيها نصيحة له بأنه يتقي ربه ويراقبه ويترك عنه مكالمات بنات الناس
وكلام كثيييير .. من دون ذكر اسم للمرسل ؟؟!!
استغرب أول شيء من اللي يدري عن حركاته .. وبعدين تركها لأنه يفكر في البنت كيف شكلها وكيف راح يتعامل معها ..

واللي ما يعرفه خالد أن هذي الورقة من سارة.. !
جأت بعد تفكير طويل .. من بعد ما قالت لها بدور عن المشكلة ..
والتصرف هذا... تصرف شخصي من سارة لأنها بنت وهذا أكثر شيء تسويه له !!!
*
*
*
وبعد ما طلعوا أهل البنت للعزيمة كلمت خالد يجي ..
وأهل البنت كانوا مسوين خطة بحيث يرجع الأب للبيت كأنه نسى غرض
ورفض أن ولده يرجع معه .. لأنه يعرفه ممكن يتهور ويموت أخته إذا كان ظنهم صح أن البنت تكلم لها شباب .!

وبعد ما وقف خالد بسيارته بعيد شوي عن البيت .. نزل وهو متعطر وتقرب من الباب
انفتح الباب وطلعت البنت وبعدين رجعت بسرعة .!
خالد استغرب حركتها .. ولما التفت لوراء شاف رجال كبير بالسن وهو وجهة يتلون من الغضب ومسك يد خالد وابتسم ابتسامه ساااااخرة وقال تفضل وأنا أبوك
خالد تلون وجهه بجميع ألوان الطيف وتمنى الأرض تنشق وتبلعه ولا يكون بموقف مثل هذا .!!

ولما دخلوا الموقف البنت واقفه بمكانها وعليها عبايتها وهي ترجف وأبوها ناظرها
ونست تغطي وجهها من شدة الخوووووف

نزلتي رأسي بالأرض وأنا أبوك ؟!!!!

والتفت لخالد وقال هذي البنت قدامك خذها بالحلال أحسن من خيانتك أنت وياها لربكم ثم لأهاليكم !!
وين تعليمكم ؟!! وين خوفكم من ربكم ؟!!
الأب ما قدر يكمل لأن العبرة خنقته ..
موقف صعب جدا .. يوم يشوف الأب بنته تخونه وهو معطيها الثقة ؟!!

استمر الصمت مدة طوييييييييلة وبعدها أخذ الأب الجوال من بنته وضربه بالجدار حتى تناثر قطع صغيرة ..!

خالد رفع عيونه يناظر الجوال ثم رفع عيونه للبنت وطالعها .. وبعدين رجع يناظر تحت ..
وداخل نفسه حسبي عليكم بنات يا زينكم بالحراااااااام ويا شينكم بالحلااااااااال .!!

الأب : من أنت ولده .. ؟؟؟
خالد بكل ذلة : خالد بن ....... وعطاه الاسم كامل ..
الأب : هات بطاقتك ..
خالد بدون معارضة طلعها وعطاها إياه
ناظره الأب بكل أسف وبعدين رماها في وجه خالد ..
الأب : الله يقطع وجهك أنت وياها .. تستغل وظيفتك بالاتصالات وتعاكس بنات الناس ..
أنت ما عند ضمير يالكلب ..!
ما عندك خوات تخاف عليهم ..!
حسبي الله عليك أنت وياها .. حسبي الله عليكم ..!!
خالد كان يسمع وساااااااكت .. ما له وجه ينطق
الأب : أنا أقدر أزوجكم وأفتك منكم بس ما أرضى لبنتي تأخذ واحد ساقط مثلك لو حتى هي ساقطة .. كم بنت بليتها تكلم أشوووف ..!
خالد بصوت عالي : لااااا .. أنا بس أكلمهم ما عمري سويت شيء أكبر من كذا ؟!!
الأب : ووقوفك عند بابي وأنت بتأخذ بنتي وش تسميه ؟!!
خالد وهو منزل رأسه : .....................
وبعدين رأسه .. أوعدك وعد شرف أني أتوب وما أسوي أي شيء يضر المسلمين

الأب : كنت بأخذك الحين وأشوف لك حل .. ويجلدونك ويشهرون بك ..!
لكن أنت قلت بتوب وش يضمن لي ؟!!
خالد : الله شهيد على كلامي .. استرني تكفى .. والله العظيم بترك البناااااات كلهم .. تكفى يا عم لا تفضحني وبنتك الله يوفقها .. ما عمري سويت لها شيء .. ما تعدينا المكالمات ..!
الأب : بتركك لله .. لأني جعلت الله شهيد وكفى به شهيدا .. وإن تبت فهذا أحسن لك وهو بينك وبين ربك ..! وإن عودت والله لوريك شيء عمرك ما شفته ..
لا تحسب إني تاركك حبا فيك .. أنا تاركك لله .. وأنت جاي تدنس عرضي الله يــ ... وقطع عليه خالد .. لا تدعي علي الله يوفقك .. خلاااااااااص توبة توووووبة
الأب وهو معصب : انقلع عن وجهي .. لا عاد أشوفك أبدا .. والتفت لبنته وأنت شغلي معك بعد شوي .. خلي بس هالخايس يطلع

وطلع خالد وهو يحس بتأنيب الضمير كيف جنى على نفسه ؟!
كيف ترك أمه البعيدة لحالها واستغل عمله وفراغه بالركض وراء اللذة الزائفة الزائلة وركب سيارته والدنيا ما توسعه من ضيقة الصدر .. !

والبنت ضربها أبوها ضرب شديد بعد ما طلع خالد من عندهم .. ووزجها من رجل متزوج من خوفه عليها .. وتغيرت معاملته لها حتى تمنت أن أبوها ما عرف بسالفتها


أما خالد فتغيرت حاله 180 درجة وطلع إنسان ثاني , كثير الصمت , كثير الجلوس لحاله ، قطع علاقته مع زملائه الأولين , صار يكثر من جلوسه مع ياسر وعبد العزيز ..
وكل خميس وجمعة يروح لأمه يزوها ويجلس عندها إذا ما كان عنده دوام ..

*.*.*.*.*.*.*.*.*.*.*.*.*.*.*.*.*.*.*

كانت منيرة تحاول مع ماجد أنهم يسافرون .. وما جد رااافض الفكرة أصلا ...
منيرة : ماجد .. خلنا نروح نغير جو ..
ماجد : لأ .. يعني لأ
منيرة : ليش وش فيها .؟!
ماجد : ما فيها شيء .. بس كذا مزاج ما أبي أروح ..!
منيرة : أول تترجاني والحين تقول لأ .!
ماجد : هذاك أول ..! والأول تحول .!
منيرة : ماجد تكفى الله يخليك .. أسماء أختي تقول ماليزيا حلوه ؟!
سكت ماجد .. صدق ما عندها سالفة ؟! اجل أسماء أختي وأسماء أختي والله حاله ؟!
ليش دائما مالها شخصية أبد .. أخ يالقهر
لازم اتصرف وأخذ ناس تحبني
ماجد : منيرة ؟!
منيرة : نعم !
ماجد : الأيام الجايه كلها انا مشغوول مرة .. وانت مخيره تجلسين ولا تروحين لأهلك !
منيرة : وأنت وين بتروح؟!
ماجد : أممم ماأدري والله .. احتمال أكون موجود بالليل بس..! وطول النهار ماراح أكون موجود ! واحتمال أكون غير موجود لا الليل ولا بالنهار .. يعني ممكن أسافر مع ياسر ..؟
منيرة : يااااااسلاااااااااام تسافر مع ياسر وانا لأ
ماجد : عمل يابنت الناس مهوب سياحة .. وبعدين يمكن نطلع للشرقية أو جدة ! ما راح نروح للخارج !
منيرة وهي معصبة : قل ما أبيك أحسن .. ولفت بفمها عنه
ماجد : أن قلت خلنا نسافر قالت لأ .! وإذا تمنت قالت يالله .. يا بنت الناس كنت فاضي وقلت لك خلينا نروح للخارج وأنتِ اللي رفضتي ؟! والحين جايه تقولين خلنا نروح يوم شفتيني مشغوووول مرة .!
منيرة : شاطر بس لربعك .. ولا حرمتك تاركها
ماجد : أنا الحين تاركك ؟! احمدي ربك .. اسوي أشياء اللي في عمرك يحلمون فيها !
منيرة : والشكر .. ما شفنا شيء !
ماجد : ما شفتي شيء يــ ...
وقطع كلامه وقام وتركها ونزل لأمه
ولقى أمه جالسة تسولف مع خواتة وجلس معهم
أم ماجد : وش فيك وأنا أمك ؟!
ماجد يتصنع الابتسامة : لا يمه ما فيني شيء . بس تعرفين الشغل يرهق شوي
أم ماجد : زين .. خفت عليك يا أبوي .!
ماجد وهو يبتسم : لا ما فيني إلا العافية !
وبعد سوالف مع بعض
ام ماجد : وين منيرة أجل ؟!
ماجد : فوق
ام ماجد : ودي وانا امك أشوف عيالك .. قالت منيرة أنكم رحتوا للدكتور ..
ماجد : لا حقين على خير يا أمي
أم ماجد : لا وانا امك العمر يمشي .. والشباب يروح .. والحرمه بدلها حرمه
ماجد استغرب من أمه كلامها وما رد عليها لأنه شاف منيرة جايه لهم وهي متزينة
أم ماجد : هلا وغلا بمنيرة
منيرة وهي تدلع وعلى بالي زعلانة .. هلا بخالتي وتحبها على رأسها وتناظر ماجد بطرف عينها !! وهو ما التفت لها أصلا .. ولما شافها جلست شوي ..قام واستأذن
أم ماجد : وين يا أبوي ؟1
ماجد : بطلع عندي شغل وبرجع إن شاء الله بعد ما خلص ..!
أم ماجد : الله يحفظك ..

وبعد ما جلسوا شوي يسولفون .. طلبت منيرة من بدور تروح معها للسوق ورفضت .. ثم طلبت من خالتها تخلي سمية تروح معها وقالت لها تقول لماجد
منيرة ردت عليها إن شاء الله وراحت مع سمية والسواق من دون ما تتصل بماجد على بالها زعلانة وتنتظره يراضيها ..!
لبسة سمية عباية ولف وراحت مع منيرة للسوق !

رجع ماجد بعد صلاة العشاء وطلع فوق وما حصل منيرة استغرب وبعدين نزل وسال أمه ..
أم ماجد : راحت للسوق مع سمية .. غريبة الحين ما قالوا لك ؟!
ماجد وهو معصب مرة : وشوووو للسوق ؟!!! ومنهم مستأذنين منه ؟!!
أم ماجد : أنا قلت لمنيرة تكلمك وقالت إن شاء الله ..
ماجد : ما اتصل بي أحد وهذا جوالي معي وما قفلته أبد !
أم ماجد : الله يحفظ بنتي ويهدي منيرة ..
ويتصل ماجد بمنيرة والجوال مغلق !
ويتصل بالسواق وحصل جواله مع زميله .. وقال له صديقه انه راح وبيرجع يأخذ جواله !!
عصب وتوتر وين راحت هذي .. وش الحل الحين .. يتصل بأهلها ويسأل .. ولا ينتظر ويشوف .. وجلس في الصالة يقرأ كتاب ويسلي نفسه ويجلس مع أمه شوي .. وصلت الساعة لعشر وما وصل أحد .. وانتظروا
ووصلت الساعة لـ 11 وما وصلوا ..
أم ماجد خلاص وصلت حدها وينهم .. لا يكون أحد سوى لهم شيء .!
وين بنتي !!
وماجد كل شوي يطالع الساعة ..

وبعد شوي دخلت عليهم بدور .. ها بشروا وصلوا ..
أم ماجد : لأ !
بدور : غريبة .. اتصل على منيرة وجوالها مغلق .. ليش تغلقه أجل وش الفائدة منه !
ما كلمتوا السواق ..
أم ماجد : جواله مع صديقه الله يأخذه هو وياه ..
ماجد : الغائب عذره معه ! خلونا نصبر شوي .. ولا أقول لكم بطلع أشوف ..
وطلع ماجد وركب سيارته وراح يشوف لأنه يعرف منيرة وش تحب تروح له

ومنيرة في السوق داخلة جوا وتسوق واشترت لها كم جلابية وتمشت وراحت وشرت حلويات وحركات ونست الجوال وزوجها وأهله

ولما وصلت الساعة 12 دخلت منيرة ومعها سمية للبيت .. ولقت أمها وبدور جالسين بالصالة ..
منيرة : هلا
بدور : تو الناس كان نمتوا في السوق
سمية : وأني وش دخلك ..
قامت بدور بسرعة وضربت سمية كف على وجهها ..
صاحت سمية .. يالدبة الله يأخذك ..
ام ماجد : وينكم فيه إلى الحين .. تاركينا قلقانين عليكم وأنتوا ولا هامكم
منيرة : نسيت يا خالتي .. أكلمكم وبعد الجوال تقفل وانتهت البطارية
وطلعت فوق لأنها ما لها وجه تجلس معهم !
اتصلت بدور بماجد وعلمته أنهم جو .. ورجع وراح للسواق وعطاه كم كلمه وهزأ فيه .. ليش يعطي جواله لصديقه !
وبعدها دخل وسلم على أمه وراح لسمية ..
من اللي قالكم تروحووووووووون ؟!! ما فيه أحد تستأذنون منه ؟!
سمية وهي تبكي : هذي منيرة هي اللي تقول كلمت ماجد وقال عادي !
وتقرب منها اسمعيني مرة ثانية تروحين من غير أذني والله ثم والله لتشوفين ..؟
سمية وهي تبكي : طيب


وتركها وطلع لعند منيرة ..
ولقاها جالسة تعدل في أظافرها ..
ماجد : وين كنت يا مدام ؟!!
منيرة : وين كنت يعني ؟!
ماجد وهو معصب : أنا أسألك .. تعدلي زين وجاوبيني ؟!
منيرة : وين يعني ؟1كنت في السوق ؟!
ماجد : ومن اللي وداك ؟! ومن أستأذنت منه .. أنتِ ما عندك ولي ؟!!
منيرة : من من أزعجتني .. رح سافر أزين لك .. وياسر وياسر ..
انا أصلا شفت منك شيء علشان أفقده

يالحيوانه .. بعد ترفعين صوتك علي
ما حست منيرة إلا بكف من ماجد خلها تتعدل صح !!

وطلع للصالة وخلها لحالها وجلس يفكر اطلقها وأخليها تنقلع عن وجهي أحسن ولا اشلون .. الله يأخذها ويأخذ الساعة اللي عرفتها فيها ..
من يوم أخذتها وأنا في عذاب ما يعلمه إلا الله .. حسبي الله عليها حرمه !

لازم آخذ سارة واللي يصير يصير .. بكلم عمي إن شاء الله وبشوف وش يقول ..

وباليوم الثاني اتصلت منيرة بأبوها وجا وأخذها وراحت لأهلها .. على بالها أنها زعلانة وتنتظره يجي يراضيها !

*.*.*.*.*.*.*.*.*.*.*.*.*.*.*.*.*.*.*

[SOHER]

بدور استمرت بعلاقتها مع خالد .. وصارت تكلمه أكثر وأكثر واتفقت معه تطلع لكن يأجلونها لحد ما يخف ماجد عنها شوي .. لأن ماجد كان يراقبها وهي حست به !

علاقة بدور مع سارت ظلت مثل ما هي لكن قلت بسبب انشغال بدورالعاطفي مع واحد ساقط باع دينه وضميره ..

سارة بدأت علاقتها تتطور بقوة مع رزان وسجى .. والكل لاحظ التفافهم مع بعض
وسارة بدأت تحس براحة نفسية كبيييييرة معهم .. لأن سجى شخصيتها فرفوشية والكل يحبها .. ورزان عقلانية وتعطي الرأي صح للي يستشيرها

محمد ما زال يحلم ببدور كزوجة وقرر يكلم أمه ويشوف ..
ودخل عليها بغرفتها وحاول معها .. لكن كان ردها مثل رد أبوه عليه .. أن امها بترفض زواجها منه ..! وبتردة مثل ماردت حمد ..

محمد خلاص يحس الدنيا كلها تقفلت بوجهه .. لا زم يتصرف ما عاد فيه إلا حل واحد يكلم ماجد ويخطبها منه ويشوف وش ممكن يقول له ..

ياسر تأثر داخليا من رفض بدور واستغرب ليه رفضته .. وحاول يكون طبيعي مع ماجد لأنه غالي عنده مرة ولا يمكن يفرط فيه علشانن أخته
والبنت يخلق الله بدلها ألف بنت .. لكن الصديق الصادق نادر يلقاه الإنسان في مثل هذا الزمن .. فلابد ما يفرط فيه .. مهما كانت الظروف والدوافع

*.*.*.*.*.*.*.*.*.*.*.*.*.*.*.*.*.*.*


خالهم خالد تغيرت حياته بدرجة كبيرة وصار يحافظ على الصلوات بأوقاتها وكسر كل الأشرطة اللي عنده .. أشرطة الغناء والفيديوا .. وصار ملازم لياسر مثل ظله .. لأن ياسر خلوق بدرجة عجيبة والكل يحبه
ياسر استغرب من خالد وسأله .. وقال خالد أنه ترك حركاته وتاب منها ..
واتصل ياسر بماجد يستفسر ليش خالد متغير
ورد عليه ماجد بأنه أيضا ملاحظ عليه التغير .. لكن ما يدري وش أسبابه ..

*
*
*
*
سارة كانت جالسة لحالها وكتبت..

يا رجلاً بكل الرجال
اعذرني ..
أن أحبك .. معناه أن أتآمر معك عليّ !

سارة صارت تحس ان كل شيء تقفل بوجهها .. كل ما راحت يمين لقتها شمال .. وإذا راحت شمال لقتها يمين ..
ما تدري وش تسوي ؟!

المشكلة أنه ولد عمها وحتى أن قالت عادي .. فهي تكابر لأن الأمر اكبر من أنه يكون بطوعها .. لأن الحب يغزوا القلب بدون مقدمات ولا عبارات !

بدأت سارة تتأقلم مع وضعها وتتوقع الأسواء دائما ..

مرة كانت جاية تبي تدخل للصالة وسمعت طرف من كلام أمها وأبوها بوجود عريس جديد .. رجل متزوج وتكون سارة الثانية .. شهقت وطلعت فوق .. وبكت بمراراة .. لأ .. مش ممكن اصبر وآخذ بها رجل متزوج ؟!!
لا غير معقول .. إن شاء الله بيرزقني الله زوج أحسن من هذا ..!
وفتحت النت وكتبت فيه وشاركت بمنتديات لكن بحدود المشاركة المعقولة المتزنة فقط من دون ما تحتك برجال بماسنجر أو غيره ..

لأنها خذت درس قاسي من تجربتها مع ماجد !
وتواصلت مع رزان وسجى بمشاركتهم بمنتدى واحد وردودهم على بعض .. وبدور صارت تقول مشغولة ومشغولة .. !

اتفقت سارة مع سجى ورزان أنهم يجون لها .. واستأنست سارة لموافقتهم .. وكلمت بدور وقالت لها تجي معهم ..
وسارة مستانسة مررررة .. من قدها بيجون كلهم مرة وحدة ..

ولما جا العصر جو البنات كلهم سوا .. وجلسوا بالمجلس وسوالف وضحك وتعليقات على بدور وعلى سارة لأنها سمنت
سارة : ههههههههههه الله يأخذ العدو هذا وأنا مهتمه وسمنت .. غريبة ههههههه
سجى : تصدقون كذا بعض الناس لما يهتمون يسمنون .. تعرفون ليه
ردوا عليها ليه ؟َ!
سجى : لأنهم يحطون حرتهم بالأكل .. ويفرغون شحناتهم فيه !
الجميع : ههههههههههههههههههههههههه هاااااي
سجى : أنا الله يخلف انحف إذا اهتميت ..
بدور : ههههههههههههه أجل أنا جسمي حلووو مثلي !
رزان : مشكلة الغرور يا بدور .. ههههههه لا تقعدين تمدحين عمرك خل الناس يمدحونك
بدور : ههههههههههاي أصلا هم يمدحوني .. والرجال طوابير يخطبوني .. ويتراكضون وراي .. تصدقون قبل فترة رديت واحد خاطبني ..!
رزان : وليش إن شاء الله تردينه !
بدور : كذ مزاج .. ما أحبه .. أهم شيء الحب !
سجى : شكل البنت رايحة في خبرها .. هههههههههه
سارة : الله يستر من بدور .. البنت متغيرة والأمر لله
بدور : سارة .. أنا متغيرة .. وش متغير فيني ؟!
سارة : كـــــــــــــل شيء .. شكلك منشغلة عنا بشيء
ابتسمت بدور .. وقالت " بعدين تعرفون ! "
كانت تظن أنها بتتزوج خالد وأنه صادق !

بعد مدة دخل حمد مع الباب وقال : ياولد فيه احد ..
استغربوا البنات صوته وخصوصا سارة .. لأنه مو موجود .. كيف جا .. أكيد زيارة مفاجئة .. وطلعت تركض له قبل يدخل ..
وسلمت عليه وبلغته أنهم عندهم ضيوف .. وهو تضايق ضيوف في هالوقت .. لأنه يبي يجلس مع أهله .. فقال ضيوف في هالوقت .!؟!
سارة كانت تناظره يقصر صوته لا يسمعونه البنات .. ولكن لا حياة لمن تنادي .. كمل كلامه ..
ودخل لامه بالصالة ..
وسارة حست باجراج شديد .. لا يكون البنات سمعوا ..
وسلمت عليهمن عادي وكأن شيء ما صار ولا حظت عليهم أنهم كانوا عاديين ما وضح عليهم انهم سمعوا كلمة تجرح أو شيء فارتاحت ..
لأن الضيف لو سمع كلمه غير مستساغة من المضيف ممكن ما يجي مرة ثانية !

*.*.*.*.*.*.*.*.*.*.*.*.*.*.*.*.*.*.*


خلص ماجد اشغاله بثلاثة أيام قضاها مع ياسر وبعض الزملاء .. ومنيرة ظلت عند أهلها .. من بعد الكف اللي جاها من ماجد !
ماجد جاه اتصال من أبو سعد باليوم الثاني مباشرة لكن كان مسافر ورد عليه بأنه بيزورهم لما ينتهي من عمله ..!

بعد ما رجع ماجد اتجه مباشرة لمنزل أهل منيرة قبل يروح لأمه لأن ما يتمنى أن القضية تكبر وتتعدى المعقول .. وهي من البداية صغيرة وشيء خاص بين زوجين !


دخل ماجد على أبو سعد واللي كان متغير .. وبعد ما سلم عليه جات أم سعد وجلست معهم وجلسوا يسولفون شوي ..
أبو سعد : الله يهديك يا ماجد أنا ما زوجتك بنتي تمد يدك عليها .. وبغيت تكسر يدها وتموتها ؟!
ماجد : سم !!.. من هو ...؟؟ أنا بغيت اكسر يدها ..؟!
أبو سعد : الله يهديك .. ربعك وأشغالك مهوب نافعتك .. ما ينفعك إلا أم عياك

ماجد صدق كان مستغرب كل كلام أبو سعد .. كلام غريب .. كله كذب !
أقول من منيرة طالعة عليه ؟!!
طالعه على أهلها وين بتروح عن أبوها وأمها ..!
ماجد : يا خال : أشغالي وربعي شيء طبيعي كل رجل له أشغال وربع .. والإنسان يسعى للرزق .. وما يقعد كذا لا شغلة ولا مشغلة .. صحيح أنا مدرس .. لكن بعد رجل أعمال ولي ارتباطاتي ومشاغلي .. وزد عليها لي معارف وربع ..
أم سعد : وحرمتك مالها رب !!
ماجد وهو يلتفت عليها : الله يهديك وش جاب طاري الحرمة الحين .. أنا زوجها واعرفها زين وأعرف مصلحتها .. وما قصرت عنها بشيء
ام سعد : تبي تذبح بنتنا وتقول مصلحتها .. وما قصرت عنها !
أبو سعد : اسكتي يا حرمه .. وقومي داخل .!!
ماجد وهو معصب ويغلي : وينها ما جات تحضر هالاجتماااع .!!
أبو سعد : قومي ناديها .. خلها تجي لرجلها ..
أم سعد : إن شاء الله يا أبو سعد ..
وقامت تنادي بنتها .. وماجد اختلف مع أبو سعد كثير لأنه كان صادق وأبو سعد مصدق بنته الكذابة وهو عنده طمع ويبونه يراضيها بمبلغ ولا شيء يكتبه باسمها ..
طلع ماجد من عندهم وهو يلوم نفسه كثير على هالزواج
ويقول بداخل نفسه .. أبوها هو اللي خذه من بيتي خلها يرجعها .. هي زوجتي وأنا المسئول عنها .. حرمة غريبة رايحة تشتكي من شيء ما صار اصلا .. تحمد ربها أنها مازالت على ذمتي إلى الآن ..
دخلت منيرة للمجلس وهي متزية بشكل حلووو مرة .. لأن أختها أسماء كانت عندهم وهي اللي مزينتها ..
واستغربت هي وامها عدم وجود ماجد ..
منيرة : يبه .., وينه راح وما خذني معه ..!
أبو سعد : ضاق وطلع يقول .. أن الكلام للي وصلكم كذب وما صار ..
ومثل ما دخلنا بالمعروف نطلع بالمعروف ..؟!!!!
منيرة : هاه .. وش يقصد .؟؟!!!!
أبوسعد : وأنا وش دراني عنه ..!
أم سعد : أقول منيرة .. عسى ما يطلقك ؟!!
منيرة : لا وش يطلقني الله يهديك يمه .. لا مستحيل ماجد يسويها .. ماجد يحبني مرة .. وبتشوفين بيرجع بكرة يأخذني ..
أم سعد : عساه يجي .. !!

*.*.*.*.*.*.*.*.*.*.*.*.*.*.*.*.*.*.*

وبعد مرور سبع شهور على زواج ماجد .. منيرة ظلت لها فترة عند أهلها ورجع بها أبوها لماجد واللي رفض يعيطها أي شيء ولا راضاها أصلا لأنها هي اللي غطانة .. ومهوب هو ؟!!

كان ماجد جالس مع أمه بالصالة ..
أم ماجد : وش فيها حرمتك كل شوي عند أهلها .. كلونا الناس باألسنتهم .. ؟! وش فيها ؟؟ وش فيها ؟؟
ماجد : براحتها .. تبي تجي تجي .. أنا ما وديتها علشان أجيبها .. اللي أخذها يردها !
أم ماجد : ماجد أبي أشوف عيالك .. منيرة إلى الحين ما حملت .. وش فيها ..
ماجد : الله ما كتب شيء ..
أما ماجد : بس أنت ولدي الوحيد وأبي أشوف عيالك
ماجد : لا تستعجلين الله يهديك .. بتشوفينهم إن شاء الله
أم ماجد : ماجد .. أنا عزمت بدوّر لك زوجة
ماجد : يمه أنا كنت بقول لك إني أبي أتزوج .. لكن بما أنك أنتي اللي قلتيه موافق .. بس بشرط
أم ماجد : وشوا .. ؟!!
ماجد : أنا اللي بختار هالمرة ..!

[SOHER]

*.* الجزء الرابع عشر *.*




ظل ماجد منتظر ردة فعل أمه .. بعد ما قال لها أنه هو اللي يبي يختار بنفسه هالمرة !
ردت عليه أمه بعد صمت !
أم ماجد : على راحتك وأنا أمك .. أنا ضغطت عليك بالزواج الأول .. وهذا أنت قدام عيوني .. شكلك تغير ، ووزنك نقص ! وما عاد صرت ماجد الأول اللي دائما يضحك ويسولف .. خلاص بخليك على راحتك في زواجك هذا بس أبيك تشاورنا ونساعدك ..

ابتـــــــــــسم ماجد ابتســــــامة وسيــــــــعة وهو مو مصدق الكلام اللي يسمعه !
لأن مشكلة ماجد مع أمه يحب رضاها حتى على حساب نفسه
لكن هو قرر هالمرة أنه يختار بنفسه.. وما يخلي أحد يجبره حتى لو كانت أحب الناس لنفسه
" أمه ! "
.
.
.
ارتاح ماجد بعد ما سمع رد أمه .. وبدأ يفكر كيف راح تكون ردة فعل سارة إذا عرفت عن الخطبة ..! كان يتمنى يكون موجود ويشوف ردة فعلها ؟؟!!


أما بالجانب الأخر فكانت سارة جالسة على سريرها و شبه متحطمة وخلاص قررت بينها وبين نفسها توافق على أي شخص يختاره أبوها ..
واللي ما تعرفه سارة أن أهلها جالسين يتشاورون في الشخص اللي خطبها هل يناسبها أو لأ .!

وبعد مدة نزلت سارة ولقت أبوها واخوانها طلعوا وشافت أمها مبتسمة
سارة : مساك الله بالخير يمه ..
أم حاتم : هلا مساك الله بالرضا والعافية
سارة : يمـــــه وش فيك مبتسمة .. عسى خير
ابتسمت أم حاتم
سارة : وش فيك يمه قولي لي وفرحيني ..
أم حاتم : بتعرفين إن شاء الله قريب
سارة : متى ؟؟!
أم حاتم : قريب لا تستعجلين ..
وتنهدت سارة وهي مبتسمة : خلاص يمه نصبر وش ورانا ..

*.*.*.*.*.*.*.*.*.*.*.*.*.*.*.*.*.*.*

اتصل ياسر بماجد وعزمه مع خالد وعبد العزيز وطلعوا للثمامة يتعشون هناك .. وكان ماجد شبه مرتاح والكل ملاحظ عليه
أما خالد فتغير 180 درجة بأخلاقة.. وتصرفاته .. أما شكله فمازال يحب يتزين ومستحيل يغير هالصفة
وهذا شيء مطلوب .. المظهر الحسن اللي يخلي الناس يحترمونك ويقدرونك ..
وعبد العزيز صار يضحك بكثرة ونفسيته توضح أنه سعيد جدا وهذا دائما يأثر في نفس ماجد إذا شافه ..

لكن خلاص قرر يغير حياته وقراره لازم يطبقه مهما كانت الظروف

ياسر : أبو خلود يا زينك بالذقن ..
خالد وهو مبتسم : والله .. زين
ماجد : أصلا خالي حلو . .
عبد العزيز: قل قسم
ماجد : قسم ههههههههه
ياسر : لا والله بجد شكلك طلع فنتكة وشيء .. تصدق إني أشك يمكن أنــــا أحبك ..
خالد : ..
ياسر : إلا والله هذي هي الحقيقة
خالد وهو يمزح : يا شيخ أحرجتني
ياسر : هههههههههههههههههه خالد احبــــــــك
ماجد : أقوووووول أنت وياه وش احبك ما احبك
ياسر : يا أخي وش اللي حارق رزك خلنا نحب على كيفنا
ماجد : يا أخي تزوجوا وحبوا على كيفكم
عبد العزيز : ههههههههههههه إلا صادق ماجد .. أقول يالشيبة أنت وياه ورا ما تتزوجون .. أقول ماجد قم مشينا ندور مكان لقسم العوائل أحسن من هذولا العزابيين
ماجد : فكرة حلوة
ياسر : أقول زين رح أنت وياه من زينكم ..
ويكمل بدلع .. أنا يكفيني خلودي
يناظره خالد وهو يضحك ..

وياسر فعلا أعجب بشخصية خالد بعد ما ألتزم طلع خلووق بدرجة كبيييرة
عبد العزيز : ياسر وراء ما تزوجه أختك وتفكنا .!
انصدم ماجد وكأن سديم ملكه هو
وحس أن قلبه بدا يخفق بقوة ويحس بحرارة بوجهه
لأنه تذكر شكلها لما شافها بمجلس أهل ياسر لما أن عندهم ..
لكن
حاول يكون طبيعي لأنه متزوج ..!
فكيف يفكر بأخت زميله كذا !!

ياسر : يستاهل خالد .. هو بس يأشر ويبشر نشارو ونرد له
ابتسم خالد : يصير خير إن شاء الله واللي كاتبه الله بيصير ..
ياسر : ها أشرايك ماجد ..
وكان ياسر قاصد يطرح السؤال على ماجد لأنه يعرف أنه منصدم من سماع السالفة لأنه تذكر شكلها لما شافها ..
ماجد : هاه
ياسر : وين يا أبو الشباب ما أنت معنا أبداً
ماجد : لا معكم لكن شرد ذهني
ياسر : في أيش ؟!
ماجد : شيء !!
ياسر: وشو ؟؟؟
ماجد بعصبية : ياسر وش فيك أنت ؟!!!
عبد العزيز : هدوء اللعب يا شباب ..
ماجد : وشو هو لعبه بعد أنت
خالد : ماجد ليش عصبت .. السالفة مجرد كلام واللي كاتبة ربك بيصر
ماجد وهو معصب : وأنا ما قلت شيء عن السالفة ولا أدري أصلا عن أي سالفة تتكلم .!!
خالد : المهم قوموا بس خلونا نشوي الدجاج أحسن من سوالف عرس وما عرس .. يا زين العزوبية ..
ياسر : يا محلاتها العزوبية
عبد العزيز: صدق أنكم مرحومين .. أجل العزوبية زينه هاه ..
وانضم لهم ماجد وساعدهم من دون يعلق على السالفة لأنها فعلا ما زالت عالقة بذهنة .. والرجل مستحيل أن يرى امرأة وجها لوجها وينساها .!!

*.*.*.*.*.*.*.*.*.*.*.*.*.*.*.*.*.*.*

اتصلت منيرة بماجد .. تشوف وينه ؟!

وطنش ماجد اتصالها ..
.
.
.

سارة جلست تطالع التلفزيون وسمعت صوت التلفون وقامت ترد
سارة : هلا
رزان : أهلييييييييييين وينك فيه يالدبه
سارة : هههههه دبة في عينك ..
رزان : هههههههههههههههههههااااي
سارة : كيف رزون ؟!
رزان : .. أنتي اشلونك ؟
سارة : بخير وصحة .. تصدقين رزان أمي اليوم عندها خبر مخبيته عني
رزان : والله .. مثل أيش يعني ..
سارة : أممممممم ما أدري خمنت بس ما عرفت .. لكن بالنهاية هو موضوع زواج وش بيكون يعني ..
رزان : ولو كان موضوع زواج أنت ووش رأيك ..
تكلمت سارة بدون مقدمات
سارة : بوافق
رزان : وشوووووووووو
سارة : اللي سمعتيه ..!!
رزان : تقولينه صادقة ..
سارة : أي والله
رزان : حتى لو كان متزوج ..

وتنهد سارة وردت ..
سارة : حتى ولو كان مثل ما قلتي
خلاص تعبت من الانتظار يا رزان
سنين وأنا انتظر حلمي يتحقق وآخرتها وتبخر قدام عيني
حبيت ماجد وسلكت الطريق الخطأ للتعبير عن حبي .. وشيء طبيعي انه يضيع علي لأن طريق الخطأ معروفه نهايته
لكن الحين تركت الخطأ لأجل الله ولأني تعديت على الشيء اللي تربيت عليه .. كيف اكلم شخص ما يحل لي ..!
كيف أبادله المشاعر وأنا ما تربطني به رابطة قوية !
كيف قدرت أسوي كل هالشيء من وراء اهلي ..!
وسكتت سارة لأنها ما قدرت تكمل ..
رزان تأثرت جدا مع كلام سارة
رزان : سارة هذا ماضي وانتهى .. والله غفور رحيم .. استري على نفسك
ولا تفضحينها ..
واحمدي ربك أنه ما يعرف أنك كنتي تكلمينه
سارة : إني رجعت لكن بعد أيش
" وتقولها بكل أسف "
بعد ما فقدته هو .. فقدت الشخص اللي حبيته من صميم قلبي
لكن ما يدري الإنسان وش الخيرة فيه
رزان : صدقتي ما يدري الإنسان وش الخيرة فيه .. يمكن يكون شر والإنسان ما يدري !
إلا سارة ودي أسألك سؤال لكن مترددة
سارة : أفا وش دعوى قولي ولا تترددين ولا شيء ..
تفضلي رزون كلي آذان صاغية
رزان : تذكرين يوم كنا نسولف مع بدور وسجى يوم قلتي لها شكلك منشغلة عنا بشيء
ردت وقالت " بعدين تعرفون ! "
وش قصدها ؟!!
لأني ملاحظة عليها أنها منشغلة عنا مرة وتغيرت وما عاد صارت مثل أول ؟!!!
سارة : ....................
رزان : ألو ..
سارة : هـلا
رزان : وش فيك ما رديتي ؟؟
سارة : أنا صارحة يا رزان شاكة فيها .!!
رزان : شاكة فيها ..!!! كييييييف ؟؟
سارة : جلوسها دائما مع شلة فاسدة وتأثيرهم عليها وحركاتهم الفاسدة ومكالمات شباب و..
وقطعت عليها رزان
رزان : لا تقوووولييييييين .. معقولة ؟!
سارة : إيه معقولة لا تستغربين .. هي عادي عندها تكلمهم بالنت .. لكن بالجوال لأ ..! ما أظن أنا أعرفها زين ..إلا عاد كان شيء ما أدري عنه .. أمممم ممكن كل شيء جائز ..
رزان : طيب والحل يا سارة .؟
سارة : والله إني ما ادري بحاول اكلمها ولا أقولك بروح لها في البيت أحسن وأشوف وش عندها .. وش اللي مغيرها
رزان : الله يهديها حتى ألفاظها تغيرت وغرورها زاد .. تحسين فيه أحد معطيها ثقة بقووة ..

وكملوا زران وسارة سوالفهم مع بعض ..
*.*.*.*.*.*.*.*.*.*.*.*.*.*.*.*.*.*.*

أضافه على الماسنجر وبعد محاولتين للمعرفة جنسه اتضح لماجد أن هذا شاب ومهو بنت .. لكن ما حب يستعجل .. ويظلم أخته واللي ممكن تكون بريئة !

رجعت منيرة واتصلت بماجد ورد عليها بدون نفس
ماجد : نعـــــم
منيرة : السلام عليكم
ماجد ببرود : هلا وعليكم السلام ورحمة الله
منيرة : وشلونك ماجد .. عساك بخير؟
ماجد :
منيرة : وشلونها خالتي ؟
ماجد : بخير
منيرة : وخواتك وشلونهم كلهم ؟
ماجد : بخير !
منيرة : ماجد شكلك زعلان .؟!
ماجد : زعلان ..! ويضحك بسخرية ههه من أيش يعني
منيرة : مني
ماجد : وانت مسوية شيء يزعل ..
منيرة : لا ما سويت شيء بالعكس ما شاء الله علي كااملة والكامل وجه الله
ماجد في نفسه إيه واضح !
ماجد : المهم أنا الحين مشغول وش بغيتي ؟
منيرة : ابغاك تجي تأخذني ؟!
ماجد : من وين ؟!
منيرة : ماجد لا تستهبل من وين يعني ؟ من عند أهلي ؟!
ماجد : اللي موديك يجيبك ..
منيرة : طيب بخلي ابوي يجيبني الحين
وقفلت الخط
ابتسم ماجد .. ما أسرع ما بتجي !
وأبوها وأمها معها خصوصا أنهم يخافون يفقدوني .. دنيا المصالح .!!


وطلع ماجد يقابل محمد ولد عمه بعد ما أخذ من محمد موعد لأنه يبي يشوفه ..
نزل ماجد ومر على الصالة وسلم على أمه وراح و دخل للمجلس وجلس يقرا كتاب حتى يجي محمد ..

وبعد دقائق سمعت ماجد الصوت ولما طلع تفاجأ أن اللي جاي ما كان محمد .. كانت منيرة مع أبوها ..
منيرة استأنست تقول لأبوها أبوي شف ماجد جالس ينتظرني حتى أجي
جاملهم ماجد واستقبلهم ودخل أبو سعد للمجلس ودخلت منيرة
وماجد سلم على منيرة سلام بارد وطلعت فوق وأبو سعد جلس شوي وبعدين استأذن وطلع لبيته
وفي أثناء خروجه دخل محمد وسلم على ماجد
محمد : هــــــــلا ولد العم
ماجد : هلا والله وغلا ومرحبا
اشلونك محمد
محمد : بخير

وبعد ما جلسوا وسولفوا أحب محمد يدخل في السالفة على طول
محمد : ماجد بدون مقدمات ولا شيء أنا جاي اطلب يد بدور
ماجد : .............
محمد : أنت تعرف سالفة أختك مع حمد أخوي وتغير حمد .. والجميع في البيت عارضني فقلت مالها إلا ماجد بطلب منه والي كاتبه الله بيصير
ماجد : أنت رجال والنعم فيك يا محمد .. لكن تعرف لازم أشاورها وأشاور الوالدة وبعدين أرد لك خبر ..
محمد : وأنا بانتظارك على أحر من الجمر ..
ماجد : ههههههه أحسن خلك بانتظاره على أبرد من الثلج
محمد بتعجب : ليه ؟؟؟؟
ماجد : لأن القضية تبي لها نار هادئة
محمد : اللي تشوفه أهم شيء النتيجة
ماجد : الله يوفقكم .. وصدقني محمد ما راح ألقى واحد أحسن منك يكون زوج لأختي
ابتسم محمد ابتسامة رضا وتطمن نوعا ما من رد ماجد وموقفه معه
وأهم شيء انه ما سمع الكلمة " البنت رايحه "

*.*.*.*.*.*.*.*.*.*.*.*.*.*.*.*.*.*.*

وفي يوم السبت جالسة بغرفتها وتضرب على الكيبورد وتكتب وهي مستأنسة أنها تكلم حبيب قلبها وأنها خلاص أعطته موعد وحددت له الموعد و الساعة !!!!
وضمنت زواجها منه في حالة خروجها معه ؟؟!
واللي ما تعرفه بدور أن هذا ممكن يكون يوم مميز بحياتها ..

.
.
.

بعد صلاة العصر طلبت منيرة من ماجد يوديها للسوق
ماجد استغرب غريبة قريب جايه من اهلها وش تبي من السوق .؟!!
ماجد : السوووووق ..! ليه ؟؟ تبين شيء ضروري ؟؟
منيرة : لأ .. بس شغلات صغيرة وأبغى أتمشى أنا وياك ..
ماجد استغرب وش الطاري : بس ممكن تاجلينها للمساء يكون أحسن ..
منيرة : اوكي حبيبي
فتح ماجد عيونه على آخر كلمة منها
ماجد : هاه ..! ما سمعت
منيرة : مــــاجد ..
تحاول تدلع
ابتسم ماجد بسخرية : زين بطلع الحين توصين شيء
منيرة : لأ بسلامتك

وطلع ماجد .. ولبست منيرة جلابية كالمعتاد ورفعت شعرها على فوق ومكياج خفييييف مثل عدمه .. وكانت أختها أسماء علمتها المكياج .. لكن رفضت تطبقه بحجة أنها حلوه ..
وهي الله يعلم بالحال
ولما تجهزت نزلت لخالتها في الصالة وبعد السلام والسوالف
طلعت منيرة الجوال
منيرة : خالتي كم رقم أم حاتم ..!؟
أم ماجد : أم حاتم .. ليه وش تبين فيه .
منيرة : أنتي علميني الحين وبعدين أقولك
أم ماجد : هذا هو *********
وتتصل منيرة على أم حاتم وترد عليها سارة وتسلم عليها وتطلب أم حاتم وتسلم عليها وتعزمهم يوم الأحد يتعشون عندهم
ووافقت أم حاتم

ولما قفلت منيرة الخط
أم ماجد : الله يهديك يا منيرة بكرة مواعدين أمي بنتغدى عندها وبنجتمع مع أخواني كلهم هناك
منيرة : عادي أنتوا رحوا وأنا بجهز كل شيء .. انتوا بتروحون غداء وأنا عازمتهم عشاء

أم ماجد انحرجت .. لأن معناه أنهم لازم يرجعون مبكرين
ومنيرة مستانسة وتخطط تزين لها كم طبق أخذت طريقتهم من أختها أسماء

وطلعت لعند بدور تسولف معها .. وبدور مادو تحسها ثقيلة عليها .. بس وش تسوي زوجة أخوها ولا زم تتحملها
وجلست منيرة تسولف عليها وبلغتها بعزيمة سارة وأهلها وكملت كلامها حتى ملت وراحت لغرفتها
أما بدور فتضايقت لأنها عندها خبر بروحتهم بكرة لجدتها
.
.
.

لما رجع ماجد من برى بلغته أمه بتصرف زوجته
تضايق وبعدين وقال بنحاول نرجع بعد الغداء

ام ماجد : اجل بس مالنا إلا الطريق روحة وجيه .. مشوار وأنا أمك .. إلا بتصل بأم حاتم وبعتذر منها وإلا بكلم هدى وأشوف وش تقول
ماجد : حيرتووني بمنيرة وتصرفاتها .. الأمر لله كلمي هدى نشوف وش عندها واتصلت أمه بهدى وكلمتها وهو يسمع وسكرت
ماجد : هاه يمه وش قالت
أم ماجد : قالت أن خالتها بعد ما سكرت منها منيرة كلمتها بنت أختها وقالت لها أن أختها مريضة
هي بتروح لهم ويمكن تجلس لبعد بكرة وقالت كلمي أمي واعتذري لي منها وإن شاء الله بنجيهم الثلاثاء أو الأربعاء
وتقول أنا جايه بكلمك بس سبقتيني
ماجد : انحلت المشكلة
أم ماجد : الله يهديها منيرة تقولي عطيني الرقم وأقولها لها ليه .. تقول بعدين بقولك ؟!!
سكت ماجد لأن هالحرمة تصرفاتها غريبة
.
.

طلع ماجد لغرفته واستقبلته منيرة بنفس جلابيتها ولا تعدلت ولا شيء
منيرة : ماجد بكرة بيجون ناس توقع مين ..!
ماجد باستهبال : مين ؟
منيرة : عمانك هههههه تصدق عمانك مرة وحدة
ماجد ضحك عليها: هههههههههههه وبعدين عماني تراهم جنبنا ونشوفهم كل شوي
منيرة : إيه اكيد تسوي نفسك ماانت فرحان
ماجد : وليش أفرح ؟1
منيرة : لأنهم بيجونا .. تصدق ان اهم وحدة تجي هي سارة

طار قلبه من طاريها ورد بسرعة : لييييييييه ؟
منيرة : لأني حاطة عيني عليها .؟؟
ماجد : كيييييييييييييييييييييييي ف
منيرة : إيه هذا ولد خالتي موصي خالتي تدور له وخالتي كلمتني ؟!
ماجد رد بعصبية : يخسي ولد خالتك ياخذها ؟!!
منيرة : خيييييييييييييير وش فيه ولد خالتي ؟!
بعدين تدارك ماجد نفسه ورد وهو متوتر جدا : ما فيه شيء بس يحلم يأخذها

منيرة : وأنت ليش أن شاء الله متهم فيها
ماجد : بنت عمي وتهمني مصلحتها
منيرة : وش هالحب اللي نزل عليك مرة وحدة .. تراها بنت عمك مهوب أختك
بس عناد لك بثبتها في رأسه وبياخذها إن شاء الله
ماجد : أقول انتِ الكلام معك ما منه فائدة أبداً
وقام وطلع وتركها

ورجعت تتصل عليه حتى لا ينسى موعد السوق
صدق كل واحد وهمه !!

*.*.*.*.*.*.*.*.*.*.*.*.*.*.*.*.*.*.*

وبعد ما رجع ماجد من السوق دخل لعند بدور وحاول فيها تأخذ محمد ورفضت وردت عليه مثل ردت عليه في خطبة ياسر لها ..
وتضايق ماجد .. تصرفات منيرة اللي تقهر وطفرت في السوق وبدور رفضت وش هالحالة ؟!
أخ

.
.

وبالصباح راحوا كلهم علشان يتغدون عند الجدة وقضوا هناك طول اليوم واخذوا هدى معهم و وضحك ..
.
.

أما في الجانب الآخر فكانت
علاقة خالد وياسر في ازدياد .. وقرر خالد انه يخطب سديم واستخار وارتاح للأمر جدا وانبسط .. وقال لياسر
واللي رحب بالفكرة وطلب أنه يأخذ رأي صاحبة الشأن ..
ولما شاور ماجد فرح لها وحاول يتجاهل انه شافها بيوم من الأيام
ومدحها له وتحجج أن هذا من كلام الأهل لأنها طبعا شافها بنفسه وأخلاقها سال عنها خواته ومدحوها له ..
وتم خطبت خالد وبعدها بأسبوعين الملكة
وسديم منحرجة جدا من الموقف اللي حصل لها مع ماجد .. ولأن خالد فيه نسبة كبيرة من الوسامة و هذا شيء كانت تتمناه بالإضافة لأخلاقه والي الكل صار يمدحها
سبحان مغير الأحوال ..

.
.
.

رجع محمد واتصل بماجد وكله أمل أن يسمع الموافقة لكن للأسف أعطاه ماجد الرد بأنها رفضت وراح يحاول معها مرة ثانية
محمد : وأمك يا ماجد قل لها .. خلها تحاول معها ؟! ماجد أنا مركز على بدور بس من بين بنات هالدنيا كلها ؟.
ماجد : أبشر .. بحاول إن شاء الله باللي أقدر عليه .. وقضية الوالدة بقدر أقنعها لكن المشكلة في بدور .. البنت عنيدة
محمد : عاد أنت وشطارتك
ماجد : يكون خير .. الله يكتب لك التوفيق
محمد : آمين .. وان قدر الله وتم زواجي منها فهذا معروف ما راح أنساه لك ما حييت

وانتهت المكالمة بتعليق الخطبة والمحاولة مرة أخرى مع بدور لعل وعسى يحظى محمد بموافقتها ..؟!


*.*.*.*.*.*.*.*.*.*.*.*.*.*.*.*.*.*.*

حولت سارة مع بدور تعرف أس شيء ..! وليش هي متغيرة لكن ردت بدور بعصبية عادي أنا ما فيني شيء ..!
أنتوا كذا دائما تحبون تعرفون كل شيء
وأعطت سارة من الكلام الجارح
واللي خلى سارة تندم أنها راحت لها وكلمتها ..!!

.
.

ياسر قلت لك لا تسافر .. ما ارتحت لسفرك هالمرة
ياسر : يا ابن الحلال شغل ضروري
ماجد : طيب خلني أروح معك
ياسر : قلت لك لأ ..! أنت الحين مرتبط .. وزوجتك عندك ومشغووول ..
ماجد : يعني مصمم تروح لحالك
ياسر : مصمم !!
ماجد : انتبه لنفسك ياسر .. وخذها نصيحة من محبك لا تروح .. اجلها وقت ثاني
ياسر : يكون خير ..

.
.
.
وتجاهل ياسر كل كلام ماجد وخالد وصمم يروح للشرقية يقضي بعض المشاغل ويجلس له كم يوم هناك !!

.
.
.

حمد رجع من جدة بنفسيه متغيرة وقرر ينسى الماضي ويحاول يبني حياة جديدة أحسن من العيش على أطلال الماضي المحزن
وبعد المشاورة والكلام مع أهله أبلغهم بقرار زواجه وأنهم يساعدونه في إيجاد زوجة مناسبة له
الجميع فرح له حتى أن أمه بكت من الفرحة ..
محمد وحمد كلهم سواء .. الله يوفقكم يا عيالي
هذي هي الساعة اللي كنت انتظرها من زمان
سارة : خلاص اجل اشرايكم يكون زواجكم في ليلة وحدة ؟!
حاتم : والله فكرة حلوووة
ابتسمت الأم
حاتم : همتكم .. يا لله ابحثوا لهم عن زوجات مناسبات ..
سارة : يبشروووووون
حاتم وهو يبتسم : أشوفك متحمسة .. براسك احد معين ..؟!
سارة : أممممم عندي ثنتين كل واحد له وحدة ..
حمد بحماس : ميييييييين ؟!
سارة : رزان بنت خالتي .. وسجى
حمد : من الأقارب لألألألألأ !!!!
حاتم : ليييييه ؟؟؟؟؟
حمد : بس كذا .. ما أبي !!
حاتم : يا خوك الناس مهوب كلهم سواء .. هذي بنت خالتك وأكيد كلهم يعرفونها ..
أم حاتم : بنت أختي ونعم بها وبأهلها ..
حمد : ...........
سارة : والله أنا من رائي البنات ما عليهم كلام وكل وحدة أحسن من الثانية ..!
حاتم : أنت فكر واستخر ورد لنا خبر ..
حمد وهو الفكرة دخلت رأسه واختار وحدة منهم : يصير خير إن شاء الله
أم حاتم : الله يوفقك وأنا أمك وويرزقك ويوفقك
دلال : يمه يعني بيطلع عندنا زواجين
حاتم : لأ .. بيطلع عندنا ثلاثة ؟!!!
سارة : ثلاثة !!
حاتم : إيه ثلاثة ؟؟!
سارة بتعجب من الثالث ؟
حمد وهو يضحك : قولي من الثالثة ؟!!
شهقت سارة
واستحت واحمرررررر وجهها
والكل صار يضحك عليها
سارة وهي منحرجة : يالشينين ..
أم حاتم : إلا الله يوفقك يا بنتي وتتزوجين ..

.
.
.

طلبت أم حاتم من سارة أنها تجهز القهوة لان عندهم رجال ..
وراحت سارة للمطبخ تجهزها وراح الشباب للمجلس .. يجلسون مع ماجد إلى أن يجي أبو حاتم من برى ..

وسارة كانت منهمكة تجهز القهوة .. دخلت عليها هدى
هلا السوووووووري اشلونك
سارة : هلا بأم زياد .. كيف أحوالك
هدى : .. هاه وش قاعدة تسويين ؟؟!
سارة : أجهز القهوة لأن عندهم رجال ؟!
هدى : ما فيه احد غريب .. ما فيه إلا ماجد اخوي ؟!
آآي
هدى : وش فيك ؟؟
سارة : أحككك .. وتمسك يدها حرقتني الحار ؟؟!
هدى : بسم الله عليك هاتي أشوف .. انتبهي مرة ثانية .. الحرارة خطرة تعطي أثر بالجسم ..
سارة : ما انتبهت لها وحرقتني ..

سارة ارتاعت لما قالت هدى أن ماجد عندهم وبعد ما حرقها الحار انتبهت وسوت نفسها عادي ..

.
.
.

رجع ماجد للبيت وبلغ أمه بخطبته لسارة .. وأم ماجد استأنست وفرحت لأنها تعرف سارة .. لكنهم كتموا الأمر عن الكل حتى يعرفون الرد ..

.
.

مستحيل اللي تقولوووونه .. متى حصل له الحادث
العصر مكلم زوجتي ما قلت شيء
عبد العزيز : والله ما ادري هذا اللي قالوا لي .. كان جاي من الشرقية وبدخوله للرياض قطعت عليه سيارة مسرعة والضربة صارت فيه ..!!!
أحس رجولي ما تقدر تشيلني الحين .. الله يستر ما يكون صار له شيء ..
خالد : لا .. الله رحمته واسعة.. لا مستحيل يصير لياسر شيء
خلنا نروح الحين للمستشفى ونشوف .. وإلا أقولك بتصل عليهم
ويتصل بجوال سديم يلقاه مقفل ؟!
والبيت ما يردووون
ويتنهد خالد بتوتر ما رد أحد
رحوا الثنين للمستشفى وشافوا الربكة هناك وأهل ياسر يصيحووون

راح خالد وعبد العزيز للدكتور : هاه دكتور بشررررر وش صار عليه
الدكتور يهز رأسه بكل أسف .. حالته خطيرة .. عنده نزيف داخلي والآلآلآن في حالة غيبوبة ..!
خالد : غيبوبة .. لاااااااااا
عبد العزيز : خالد ... اذكر الله .. اذكر الله .. قل لا حول ولا قوة إلا بالله
وجلس خالد منهار في ممرا ت المستشفى وغطى وجهة بشماغة وهو لا حول ولا قوة إلا بالله
إنا لله وإنا إليه راجعوووون

وجلس عبد العزيز يواسية ويواسي نفسه والتفوا كل أصحابهم وأقاربهم ..
إلا شخص واحد ما كان يدري بأي شيء

كان ماجد ما يدري عن السالفة ..
ولا احد انتبهت له
لان الجميع انشغل بياسر

ولما انتبهوا له ما حصلوووه ؟!!!!!

.
.

كان آخر واحد كلمه وقال له ياسر انه بالطريق
أما ماجد فطلب منه أنه ينتبه لنفسه ويحمد الله أن خوفه على ياسر ما صار... وكانت المكالمة بينهم ضحك وسوالف كالمعتاد ..
وبلغه ماجد بخطبته لسارة وهو استأنس وفرح لصديقه ..

وبالمغرب راح ماجد مع عمه أبو حاتم يتقهوون عند واحد من معارف أبو ماجد ويسلمون عليه
وجوال ماجد تقفل لأن ما فيه شحن ولا انتبه له ..

.
.

أم ماجد : بدور غريبة خالد كل شوي يتصل يدور ماجد وصوته متغير
بدور : وليه ما دق على جواله ؟!
أم ماجد : يقول انه مقفل ؟!
بدور : غريبة مو عادة ماجد يقفل جواله .؟!

ورجع خالد اتصل ببدور يسألها ؟1
بدور : والله قلت لك ما أدري .. وبعدين لا تنافخ علي ..
طيب بروح أشوف ..
وتقوم بدور وهي معصبة
أم ماجد : وش يقول ؟!
بدور : يقول روحي لحرمته اسأليها عنه .؟!
أم ماجد : إيه صادق روحي اسأليها ؟1
بدور :هذا اللي ناقص كأني خدامة عندهم أروح عند بابهم ؟1
وين سميووووووه ..
سميـــــــــــــه .. سمــــــــية وصمخ
وينها ذي بعد ..
أم ماجد : فجرتي رأسي بصراخك ؟؟! روحي لها ولا رحت أنا ؟!؟
بدور : وليه أروح بدق على جوالها ولا على الثابت ؟!
وتدق ولا حياة لمن تنادي ؟! الجوال مقفل كالعادة وجودة مثل عدمه .. والثابت ما احد رد ..

اضطرت بدور تروح وتضرب الباب وبعد الموت ردت منيرة
مين ؟!
بدور : وهي واصلة معها : افتحي ؟!
وتفتح منيرة الباب وشكلها مضحك الشعر طاير والعيون كلها نوووم ؟!
منيرة : وش فيك بدور روعتيني ؟!!
بدور : إيه واضح من شكلك أنت مرتاعة .. وين ماجد ؟!
منيرة : ما أدري عنه ؟!
بدور : فيه حرمة ما تدري عن زوجها ؟!
منيرة : دقي على جواله الله يعافيك خليني أنوم ؟!
بدور : منيرة ترى بيأذن العشاء الحين ؟!
منيرة : والله !
بدور : .............
منيرة : تصدقين ما انتبهت .. زين الله يعافيك أنك جيتي تقوميني ..
بدور عصبت : لا والله أنا ما جيت أقومك أنا جايه أسال عن اخوي .. واهم شيء إذا جا بلغينا

ونزلت وتركت منيرة واقفة عن باب قسمها تناظرها ببلاهة !!

.
.

أم ماجد : ها بشري وش قالت ..!؟
بدور : بقررررررة .. ما تدري عن شيء ..
الأخت بسابع نومه وأنتوا مشغلين عمركم ؟!!

وتتصل أم ماجد بأخوها وتبلغه أن منيرة ما تدري عنه ..
.
.

عبد العزيز : يا لله طيب والحل .. ماجد أكيد بينجن إذا عرف ؟!!!
خالد وهو كله حزن : حاولت أحصله ما قدرت وعيال عمه هنا كلهم يقولون ما ندري عنه .. وخافوا يتصلون على أبوهم فيرتاع ..
ويهز رأسه
الأمر لله .. الله يثبته .. ويشفي ياسر
عبد العزيز : يا رب ..

.
.

رجع ماجد مع باب قسمه لأنه كان يحس بصداع خفيف ويحس بضيق بصدره واستقبله منيرة
بجلابيتها ولا قالت له عن شيء ولا أن فيه أحد سأل عنك

ويناظر ماجد الجوال واستغرب أن ما أحد كلمه مو بالعادة احد ما يسأل عنه .. على الأقل ياسر بيتصل .. وما ادري هو وصل ولا لأ ..
منيرة هاتي الشاحن
وتجي منيرة بالشاحن .. ويجلس ماجد عند الجوال ويناظر ويحاول يفتحه وكأنه ينتظر خبر ..
منيرة : ماجد خلنا نسافر
ماجد : الحين مصدع وضايق صدري وتقولين خلنا نسافر
منيرة : طيب وإذا ضاق صدرك وش ذنبي أنا
ماجد : آآآآه .. قومي أعطيني بندول ولا أسبرين أحسن من الكلام الزايد
وتقوم منيرة وهي على بالها زعلت

ويتفاجا ماجد بكثرة المسجاااااات والاتصالات على جواله اللي يدوره واللي يقول تعال للمستشفى واللي يتطمن على ياسر
خلاص مااااااجد بردت أطرافه وما عاد يقدر ينطق ..
يعني إحساسي بمحله .. ياسر فيه شيء .. !!!!!!

.
.

جات منيرة بالماء والحبوب
منيرة : ماجد خذ
ماجد بدون أي حركة : ..................
ماجد وش فيك ؟!
وماجد جالس على الكنبة وصار يفرك وجهة ومرات يده على وجهه ومرات على رأسه
منيرة : مااااااااجد
ماجد بانهيااار : هاه
منيرة : وش فيك ؟!!


ويقوم ماجد شوي ويطيح يبي يطلع
منيرة : الحين من اللي يزعل أنا ولا أنت
رجع ماجد وقف ويتنهد : وش جاب طاري الزعل الحين ..
منيرة : أجل وش فيك ؟؟1
ماجد : ياسر ..؟
منيرة : وش فيه ... ما ..؟!!
لاااااااااااا
رد ماجد بسرررعة : فال الله ولا فااااااااااالك .. لا تقوووووولينها

وجلس على الأرضونزل رأسه بحاله يرحمه فيها العدو مهوب الصديق ؟!!
ويتصل بخالد ..
ماجد بصوت كله حزن : خالد : ياسر حي ؟!
خالد : ماجد قل لا حول ولا قوة إلا بالله .. ياسر طيب .. بس هو الحين هنا حتى يتطمنون عليه ..
ماجد : خالد احلف انه حي ..؟ وما فيه شيء
خالد : واللــــــــــه العظيم أنه حي
ماجد : وما فيه شيء ؟؟!!
خالد : قلت لك قلت لك بس يبون يتطمنون عليه ؟!
ماجد : يعني فيه شيء ..
ويأخذ الجوال عبد العزيز : يا ماجد ياسر والله العظيم انه مازال حي ومصاب إصابات خفيفة أنت تعال بنفسك علشان تشوفه ..
ولا أقولك لا تجي .. أنا بجي آخذك

ماجد : أوكي انتظرك ..

وقفل ماجد وهو سرحااااااااان مو مصدق
أن ياسر يكون فيه شيء
وقف بيطلع


قربت عنده منيرة : هاه بشر ..؟
ماجد : لا يقولون بخير
منيرة :
وكملت ماجد لا تقعد تهم نفسك
ترى الدنيا فانية .. والموت حق على كل إنسان
ماتوا ناس كثيرين والحياة مستمرة وماتوا ناس نحبهم ولا ضرنا
والأعمار بيد الله
وإذا مات المقبرة مليانـ ....

ما حست منيرة إلا بكف عدلها صح ومن بعده كف ثااااااااني
وثالث
ضربها ماجد كأنه يشفي شيء بصدره متعبة من زمان
كأنه يقضي على ألم أتعبه شهور وما فيه احد يدري عنه


وقبل يطلع ماجد التفت لوراء وقال

منيرة : أنت طاااااااااااااااااالق .!!!

[SOHER]

*.* الجزء الخامس عشر *.*
والأخـــــير


ما قدر ماجد يتحمل انه يجلس أكثر من كذا
طلع من عندها ونزل وجلس على الرصيف ينتظر عبد العزيز لما يجي ويروح معه
تذكر كيف عاش مع هالمخلوقة اللي الجماد وهو جماد ممكن يحس وهي ما تحس ؟!!!
ولا هي ولا حتى تقدر العشرة والحياة الزوجية !!

ووصل عبد العزيز وأخذ ماجد واللي ما نطق ولا بكلمة
وبالسيارة كان الصمت سيد الموقف !!

ولما وصلوا المستشفى كانت الساعة عشر بالليل
ودخلوا قسم الطوارئ واتجهوا بسرعة لغرفة العناية المركزة
ولما دخلوا

كان المشهد المثير للمشاعر
ياسر ممد على السرير الأبيض ولا تسمع إلا جهاز دقات القلب والأجهزة تغطي جميع جسمه

ماجد ما تحمل الموقف
وصل لحد عنده وهو يعض شفافية ويهز رأسه
لا مش ممكن
هذا ياسر !!
يا لله .. ما أضعف الإنسان !!
يا رب ترحمه برحمتك
آآآآآآآآه يا ياسر أحبك لا تموووووت وتتركني
وقرب ماجد لعند صدره وقبله على جبينه
وجلس يتأمله وهو يتمنى أن ياسر يفتح عيونه ويبادله النظرات
لكن هيهات هيهات .!!
رفع ماجد رأسه بعدين رجع وهمس في أذنه ..
ياسر أنت قوي بالله .. ياسر لا تتركني ..
ياسر أحبك .. أحبـــــــك
ما أتخيل حياتي من دونك ؟!!

كان عبد العزيز يتعجب من حركة ماجد .. وليه يكلم ياسر كذا وكأنه يسمعه ..؟!
لكنه قال يمكن يسمعه من يدري ؟؟؟!!

وبعد ما جلسوا حوالي عشر دقائق طلبوا منهم الأطباء الخروج حتى ما يكون فيه إزعاج للمرضى ..

وبعد ما طلعوا
رفض ماجد انه يرجع البيت لأنه تذكر أنه طلق منيرة

واقنع عبد العزيز انه يروح ويتركه على راحته

ولما راح عبد العزيز
جلس ماجد باستراحة المستشفى على أحد الكراسي وجلس يتأمل الخضرة وهدوء الليل والجو العليل

وفكرة طلاق منيرة بدأت مريحة له
لأنه استخار في طلاقها وارتاح للأمر..

كيف لو كانت الحين بالبيت كيف بتصرف
أنا الحين طلقتها طلقة ويبقى لها ثنتين .. أطلقها وافتك ولا كيف
وسارة ..
آآه يا سارة ليش سويتي فيني كذا
مشكلتي أني احبك مثل حبي لياسر
ليش كلمتيني بالماسنجر ؟!!
ليه كلمتي شخص أجنبي عنك ؟!!
أنا لا زم أمدد فترة الملكة حتى أعرف كل التفاصيل منك ..
وش السباب اللي خلتك تسوين كذا ؟!!

آآآه يا ياسر .. أنت في أي حال الحين .. !!

أتمنى أحد يفهمني .!!
أتمنى أحد يساعدني .!!
أتمنى أحد يشعرني بالحنان .!!
بالحنان اللي افتقده وافقتده كثيييييير
أتمنى أحد يضمني مثل الطفل الصغير ..

إيه دنيا غريبة !!!

وبعد فترة جاه مسج من منيرة
ولما فتحه


" أنا رايحة لأهلي الحين
وهين يا ماجد بتشوف .!
بتتمنى أن ارجع لك ولا تقدر ؟؟!
أجل تضربني علشان ياسر يا جعله الموت "

سقطت دمعة على خد ماجد
أي مشاعر بقلب هالإنسانة
كيف تتمنى موت مسلم هو الحين بين الحياة والموت ..!!
لا والمشكلة انه صديق زوجها ..؟!

لما قرأ المسج قرر يرجع البيت بما أنها طلعت منه
رجع ماجد بحدود الساعة ثنتين وجلس يصلي ويدعوا الله أن يشفي ياسر
ولما أذن الفجر صلى بالمسجد ورجع ونااااام

*.*.*.*.*.*.*.*.*.*.*.*.*.*.*.*.*.*.*




يخسي ألا هو ترجعين له
خله يجي يتطلبك ترجعين معه .؟!
أجل يضربك ويطلقك .. بعلم أبوك يرفع عليه قضية
من متى الرجال يمد يده على حرمته ..
كان هذا جزء من ثرثرة أم سعد لما عرفت بطلاق بنتها منيرة
ولما بلغوا أسماء ما تعجبت أبداً لأن هذا شيء كانت تتوقعه .!!

أما أبو سعد فقرر بعد رأي زوجته أنه يرفع قضية على ماجد
محسومة لصالح ماجد من قبل تبدأ
لأن الضرب ورد في القرآن الزوجة إن كانت مخطئة فكيف يرفع قضية منتهية أصلاً ..!!!!!

.
.

سارة كانت مستمتعة بالضحك والتعليق على رزان وسجى بالمكالمة الجامعية اللي جمعتهم
وتبي تشوف ردة فعل كل وحدة منهم لو على افتراض تقدم حمد وخطب
سجى : لو تحلموون آخذ حمد .؟!
سارة : خير وش فيه اخوي .. رجال والنعم .
رزان : إيه رجال ينشد به الظهر
سارة : ههههه هاه رزينوه أشوفك قمتي تدافعين عنه
سجى : هههههههههههههههههااي يا لله اعترفي
رزان : أقول اسكتي أنتي وياها
سارة : خ
سجى : مبروك رزان منك المال والعيال .. أووووه قصدي منه المال ومنك العيال
سارة : ههههههههههههههههههههههههه اااي
رزان : يا لسخيفة .. سجى هين وعدك خلك بس تنخطبين أن ما استلمتك تعليق ما أكون رزان ..

سارة : أيوه يالخطيرة ..
رزان : .. أقول أمي تبيني الحين أكلمكم وقت ثاني
سجى : وأنا بعد أمي تبيني ..
سارة : الله معكم بسكر الحين وبكلمكم بكرة إن شاء الله

.
.

وراحت سارة لعند أمها واللي كلمتها بموضوع الخطبة وأن فيه واحد خطبها ومتزوج ويمكن يطلق زوجته ..؟!
وتفأجات أم حاتم بأن سارة بلغتها بموافقتها

فرحت أمها لها وانتظر أبو حاتم يجي وتبشره ..
ولما جاء أبو حاتم بلغته أم حاتم بموافقة سارة ..
وفرح وانبسط
وقر يكلم ماجد لكن بعد ما يعرف وش صار على ياسر لأنه يعرفه أنه صديقه ورفيق دربه ..

.
.

حمد بلغ أمه برغبته بالزواج من رزان وأنه استخار وارتاح للموضوع
وتم الخطبة والملكة بوقت قياسي جداً ..
وتقرر الزواج بعد 3 أسابيع ..
وبعد الثلاث أسابيع تم الزواج في احد القاعات وسافر حمد مع زوجته رزان لجدة لأنه تعين هناك

أما ياسر فظلت حالته كما هي بدون أي تغيير
وماجد نفسيته تعبانة جداً .. أصعب موفق أنك تشوف شخص تحبه تعبان ولا أنت قادر تساعده
وكل ليلة يقوم ويصلي ويدعوا لصديقة
ومنيرة ظلت عند أهلها بطلقة وحدة لأنه مو فاضي يروح للمحكمة ويكمل إجراءات الطلاق .!!
ومنيرة أصلاً ما تبيه يتم الطلاق ..! بحجة أنها ما بعد أخذت منه شيء باسمها ..!!!!

.
.

وبعد صلاة العصر أخذ ماجد اللاب توب وجلس بالصالة عند أمه ويشارك بالمنتديات .. لكن ما يدي يحس قلبه قابضه اليوم من ناحية بدور .. أنا شاك فيها هاليومين البنت منشغلة عنا مرة ..!!
لازم أشوف وش صار لها ..


استغلت بدور فرصة أن ماجد منشغل عنها وكانت واعدت خالد تلاقيه بأسواق " ......" الساعة خمس العصر وتجهزت وتعطرت ونزلت مع الدرج
وتفاجأت بوجود ماجد في الصالة لكنها اضطرت تكذب

ماجد : ووووووووين ؟!
بدور : بروح لوحدة من صديقاتي ؟!!
ماجد : مين هالوحدة ؟!!!!
بدور : داليا
أم ماجد : الحين مهوب أنتي تقولين بروح للسوق
بدور بتلعثم : إيه يمه قلت لك بروح للسوق وبشتري غرض وبعدين بروح لها لأن بيتهم جنب السوق على طوووول ..
ماجد : وليش متعطرة وأنتي عارفة انك بتمرين السوق ؟؟ ما تعرفين انه ما يجوز أن المرأة تتعطر وهي بتروح للسوق ؟!!
بدور : أممم أدري .. بس نسيت
ماجد ما أعجبه كلامها يحسها تكذب : ومن اللي بيوديك ؟!!
بدور : السواق ..
ماجد : أجل خذي معك سمية ..
بدور :لاااااااااا
ماجد : ليه لأ ؟!
بدور: اأ .. ما تجهزت الحين .. و .. و انا مستعجلة ..
ماجد : طيب اجلسي اخلص شغلي وأوديك ..
بدور بدلع : مــــاجد خلني أروح الحين وأنت ودني مرة ثانية
ماجد : بعد فيها مرة ثانية .. قلت لك لأ ..! يعني لأ
يا لله اجلسي ولا أبي أسمع كلمة زيادة .!!
جلست بدور وهي متضايقة
وبعدين رجعت قامت
ماجد : على وييين ؟!
بدور : بروح لغرفة أمي وإذا خلصت عطني نغمة
ماجد : زين
وكلم ماجد السواق وقال له يروح يخلص أشغاله ولا ينتظر أحد
.
.

الله يهديك وأنا أمك كان ما طلقتها ..؟!
ماجد : إلا يمه فكة منها خلني ارتاح .. رحت اليوم الصباح للمحكمة وخلصت الإجراءات وخلصنا على خير وإحسان ..
أم ماجد : وعمك ما بعد رد عليك إلى الحين ..
ماجد : كلمتني هدى تقول أنهم وافقوا بس ينتظرون ياسر حتى تتحسن صحته
أم ماجد : والحين وش صار عليه
ماجد : كما هو .. لا جديد في حالته ..!!!
أم ماجد : الله يشفـــــيه ويعافيه
ماجد : آميــــــــن الله يسمع منك يمـــه ..

وجا اتصال لجوال ماجد من محمد ولد عمه .. يبي يشوف الرد
قاله ماجد تعال للبيت المغرب

وقفل ماجد الجوال و سكر اللاب توب واستأذن من أمه وراح حتى يودي بدور ويزور ياسر ويطمئن على صحته ..
وبالسيارة بدور ما نطقت ولا بكلمة
وكان ماجد يفكر أنه يمشي معها في السوق وبعدين يتركها تروح لصديقتها على قولتها
لكن قال ..لأ !!
بنزلها أحسن وبنزل وراها من دون ما تدري
وفعلاً لما وصلوا ونزلت بدور وقالت له إذا بغيت أرجع بتصل عليك
وبعد ما نزلت بدقائق نزل ماجد وراها وغير شكله بالشماغ ولبس النظارة الشمسية
وتبعها وتفاجأ بالمنظر واللي مستحيل تصدقه عيونه
بعد ما دخلت بدور محلين واحد محل عادي للملابس والثاني محل للهدايا
طلعت والتقت برجال يمكن يكون بوسط عمره
ومشت معه وهم يضحكون ويديهم بيد بعض
وماجد وراهم يغلي من القهرررر كيف تسوي هالحركة ..!!
الخـــااااااااااااااينة ..؟!!
وأثناء ما هم يمشون وصلوا للمواقف
وما حست بدور إلا بمكسة مع راها وكف وراء الثاني
وماجد شوي ويفقد اعصابة موقف صعب يوم تشوف أختك مع رجل أجنبي عنها
وتضحك معه بكل وقاحة
خالد : خير يا الأخو
ورجع له ماجد وتضارب معه .. يالحقير يالخاااااااااااائن .. وتسمين بعدك أخوك يالكلب ..!!
ما تخافون من ربكم أنت وياها

وتراجع ماجد وتركه : هين شغلي معك بعدين
لو انك رجال ما خنت أهلك وبيتك
وسحب بدور وركبها معه في السيارة وهي تبكي من الموقف اللي حصل
لا مش ممكن .. ماجد يشوفني لااااااااا
كيف .. من اللي قال له ..؟!!!

وفي السيارة ماجد يتنفس بقوة
وعلى طوووووول بعد ما وصلوا ودخلوا المحلق ضربها ماجد بالعقال ضرب لا يمكن وصفه .!!!
من شدة ما يحس بصدره وتلفظ عليها بصوت عالي
يالحقيرة
يالوووانة
حرام عليك تشويهين سمعتنا ...
من متى وانت تطلعين معه قووولي ..و هو يشد على شعرها
بدور: آآي .. فكني .. آآآي هذي أول مرة .. والله العظيم هذي أول مرة اطلع معه
ماجد : أخ الكلب الله يأخذك أنتي وياه ..
بدور وهي تبكي : يـــــــمه .. يمــــــــه تعالي فكيني من ولدك
وجات ام ماجد بسرعة على صوت الصراخ والضرب
أم ماجد : وش فيكم .. ماجد .. اتركها ..
ماجد : تدرين وينها رايحة له .؟!! مواعدة له واحد تطلع معه .. الله يأخذها.. هي وياه
أم ماجد وهي تبكي ومرتاعة : لا .. لا مستحيل بنتي تسوي كذا
تربيتي هذي لا ..لا يا بدور
ماجد : يا لله قومي انقلعي لغرقتك الحين ووالله لو أشوفك طالعة منها والله لأذبحك وأرميك بالشارع .. وجوالك هاتية بسرررررعة
واخذ الجوال منها ولما راحت قفل عليها غرفتها وأخذ المفتاح

وأم ماجد ما علقت ولا بكلمة واكتفت بالدموع تذرفها على تربيتها وبنتها اللي بغت تضيع بسبب تهور منها وغفلة من أهلها ..

وكان محمد برى في الشارع وسمع كل اللي حصل بالمحلق وسمع كل السالفة
وجلس بالسيارة وهو يتألم
اجل بنت عمي خاينة وتطلع مع شباب .!!!
تحلم أخذها ..
وركب سيارته مشى !!!!!!

.
.

ماجد تركهم وراح يشوف وش صار على ياسر واخذ رقم الشاب من جوال بدور وأعطاه لخاله خالد لأنه موظف بالاتصالات وطلب منه يطلع جميع البيانات عن هذا الرقم

ودخل ماجد للمستشفى وحصل هناك عبد العزيز ومحمد
ولما سلم عليهم وتطمن على صحة ياسر واللي بدأ تتحسن بشكل طفيف
انتبه لمحمد واللي كان شكله متغير
ماجد : محمد وش فيك عسى ما شر .. ؟؟
محمد : لا أبدا ما فيه شيء
عبد العزيز : يا لله شباب استأذن منكم عندي موعد مع الأهل ..
وطلع
ماجد : محمد أنت قلت بتمرني المغرب .. خير إن شاء الله آآآمر
محمد : كنت قلت .. بس الحين خلاص هونت !!!
ماجد : ليه ؟!
محمد : لأني كنت انتظر الرد منكم .. بس الحين لو كنت مكانك كان قتلتها مو بس ضربتها ..
تفأجا ماجد وفتح عيونه على الآخر : ............................
محمد : ماجد أنا كنت عند بابكم من شوي وسمعت كل شيء صار
ماجد : ......................
محمد : الله يستر على بدور ويوفقها

وقام وطلع وترك ماجد مذهوول من اللي سمعه ..
ماجد عض على شفافية من القهررررر
وتمنى في هالحظة أن الأرض تنشق وتبلعه ولا يسمع الكلام اللي سمعه من محمد

آآآه ياسر .. قوم شوف وش صار بصديقك ؟!!
أخ .. طيب والحل ..؟!
لازم اعرف كل التفاصيل .!؟!
اجل سارة بعد مثلها لا مش ممكن ؟!!
واخذ جوال بدور من جيبة وفتحه وتألم من الرسائل والمسجات اللي فيه
وحتى حافظات الصور ومقاطع الفيديو شيء مخزي ومؤلم ومستحيل يصدق أن هذا الجوال لبدور!!!!!

اتصل بخاله خالد واللي أعطاه جميع التفاصيل عن صاحب الرقم
اسمه وعمره ووظيفته وانه متزوج وعنده أبناء


رجع ماجد للبيت واتجه على طول لغرفة بدور ودخل عليها
ولقاها مازالت تبكي وهي بهئية كسيرة
ماجد بعصبية : من متى وأنت تكلمينه ؟؟ ردي أشووووف
بدور : مـ .. ما أدري
ماجد : لا والله تستهبلين .. جاوبي انا أسألك ..
بدور وهي منزلة رأسها : من زمان
ماجد : من متى؟؟
بدور : أمم ما ادري يمكن من ثمانية شهور .. مدري سنة .. آآه نسيت
وتصيييح
ماجد : اللــــــــــــــــــــــ ــه وكل هالمدة وحنا ما ندري عنك ..
بدور بداخل نفسها وأنت ناسي انك تكلم سارة من أول .. لكن سكتت خافت يذبحها ضرب ..
بدور : ................
ماجد : وسارة مثلك ؟؟
بدور : كانت ..
ماجد : كيف يعني كانت ..
بدور وعيوونها تدمع : هي اللي كانت تكلمك ؟؟
ماجد : وليه تكلمني ؟؟ ماتعرف انه ما يجوز .. داخلة علي بأسم رجل .؟!!
بدور : سارة كنت أنا وياها بالكلية وكانت تحبك وتكن لك كل احترام وبعدين أنا طرحت عليها فكرت أنها تكلمك بالماسنجر وهي رفضت وأصرت على الرفض لكن مع المحاولة قدرت أقنعها .. وكلمتك باسم قمر ولا قالت لك أنها بنت عمك لأنها كانت مستحية من تصرفها .. وهي أكيد كانت تبي تعبر لك عن حبها لك لكن ما عرفت تسلك الطريق الصح ..
وبكت بدوور بمرارة
وبعد أنت ما تزوجت تغيرت سارة مرة .. وطلعت إنسانة ثانية وصارت تكره سيرة الماسنجر والحركات اللي يتكلمون بها البنات . .
وتكمل بدور وعيونها تدمع
وتذكر لما تعبت وأخذتني لها للمستشفى كانت منصدمة من زواجك وطاحت على أهلها وأخذوها للمستشفى ..
ماجد : والحين مازالت على حركاتها وتكلم ..
بدور : لا الااااااااا سارة ما تكلم احد غيرك وما سنجرها كله بنات وحتى الباسوورد تبعها معي الحين ومستحيل تكلم احد !!
سارة اعرفها من كنا صغار بنت عمي وصديقتي ..
ماجد : وش يضمن لي ..
سارة : ما ادري بس والله البنت تغيرت والكل يشهد بأخلاقها حتى أسال هدى عنها ..

وبعد صمت ... تنهد ماااااااااجد

ماجد: بدور احنا مقصرين عليك بشيء ؟!
ليش تخويننا ؟!
ليش تبين تنزلين سمعتنا بالأرض ؟؟
بدور وهي تبكي : ماجد .. أنا والله ما قصدت افسد السمعة أنا قصدت ..
ماجد : قولي
بدور : خالد .. قالي ــ
رد ماجد بسرعة : اسمه تركي .. مهوب خااااالد
بدور وهي فاتحة عيونها : هاه !!!
ماجد بعصبية : إيه اسمه تركي ومتزوج وعنده عيال ؟؟ وهو يلعب عليك بالنت مثل ما يلعب على غيرك ..؟!؟؟؟؟
بدور وهي تمسح دموعها : .........................
ماجد : انتي كنتي تظنين انه بتزوجك ..؟!
هذا واحد ااااااااااااااااااااااب
اللي يبي يتزوجك .. هو ياسر .. هو محمد .. وكل شخص خطبك من الباب ورديتيه .. !!!
أنتي تعرفين أن محمد عرف عن سالفتك كلها ؟!!
تعرفين أنه يقول
" الله يستر على بدور "
اصحي وانتبهي لنفسك ؟.!!!
اليوم أنا كنت متابع لك ..!
لكن بكرة بتطلعين في بيت زوجك وما احد راح ينتبه لك .. إلا انك تنتبهين لنفسك
بدور راقبي ربك واتقيه واتركي عنك شلة الفساد

وطلع جوالها من جيبه وكسره قدامها حتى طلع قطع صغيرة
وقام بيطلع والتفت لها وقال :

اسمعيني زين ..
جوال ما فيه ؟!!
نت ما فيه ؟!!
طلعه من البيت ما فيه ؟!!
دراسة أيضا ما فيه ؟!!

وطلع وضرب بالباب وراه ..
بكت بدووور بقووووووة وبحسرة على كل تصرفاتها اللي حصلت لها ..

.
.

بدت صحة ياسر تتحسن على درجات وأخذ النزيف يخف بشكل ملحوظ جداً والأطباء اعتبروا هالنقطة ممتازة في تحسن حالته ..
.
.

مضى على حالة ياسر شهر ونصف تقريباً.. واتصل أبو حاتم وبلغ ماجد بموافقتهم ..


كانت ما تدري من الزوج المتقدم لها .. !!
رزان حاولت معها .. أنها على الأقل تأخذ أي معلومات عنه
لكن الغريب أن سارة أعطتهم الموافقة دون أي اهتمام في من هو الزوج القادم ..!
ولا حتى اهتمت تعرف اسمه ..!!!!!!!!



شيء غريب كانت ملاحظته سارة .. عناية هدى الزائدة بها ..
كانت تتعجب حتى من طريقة سلامها وكلامها
حتى إخوانها تغيرت طريقة معاملتهم لها .. من بعد هالموافقة
أمها تبتسم لها وإخوانها يلبون لها أي طلب ويمزحون معها ويحاورنها ..!!

معقولة كذا الزواج يسوي ..؟!!
معقولة البنت إذا قربت تتزوج الجميع يعاملها بطريقة ثانية ..؟!!


كانت سارة تتجاهل أي معلومة عن هالعريس سوى أنه رجل متزوج وتقدم لها ووافقت عليه ..!!!!

وبعد يومين
وفي يوم الملكة بعد صلاة المغرب كان مختصر جداً
كانت سارة جالسة بغرفتها وقالت لأمها لأحد يطلبني ولا يكلمني !!
خلاص أنا قلت لكم موافقة يعني موافقة خلاص وش بعد تبون مني .!!
وكتبت

" شواطئ انتظاري "

أين القلب الحاني
تبلغه ألحاني
من ألم الآمال ..
آلامي دفنوها في وأد الآمال
وطموحي سجنوها في قفص الآجال
آلام وسهاد وجراح تزداد
وعلا القلب سواد .. من ألم قد طال .!!!

يا شواطئ الانتظار هل سترسين اليوم على الشطئان ؟!!
أم يكون الشاطئ طويل لا يبلغه الانتظار ؟!!

" سارة "


ودمعت عيونها وبكت على ماجد اللي خلاص اعتبرته ضاع منها
آآآه .. أنا ليش حبيته .. ليش ضيعت عمري بالركض وراء سراب .!!
شخص تزوج الحين .. حتى وإن قالوا انه طلق زوجته .. أنا وش يضمني ممكن يرجعها ..
أو يتزوج غيرها مثل ما اتزوجهاااااااااا
ليش افرح بذكر اسمه وهو ما يفكر فيني .!!
خلاص أنا اليوم برتبط برجال غيره
ليه أفكر فيه ؟!!
آآآآآآآآه يا ماجد ..!
الزواج أرزاق ما يعلمها إلا الله
الحمــد للــه على كل حــــال

وجلست تبكي حتى تورمت عيونها

وبعد ما هدت سمعت طرق على الباب
وبعدها انفتح
ودخل حاتم ومعه دفتر عقد النكاح , وقرب من سارة واللي خلاص إذا وقعت عليه ..
معناها أنها ارتبطت برجل وهو ارتبط بها .!!

حاتم : وش في عيونك ؟!! كل هذا علشانك بتتركين اهلك ؟؟!
يا بنت الحلال احمدي ربك انه قريب منك نسباً وسكناً ..

سارة وهي تفكر وش يقصد هذا ..؟!!!!!!!
" يا بنت الحلال احمدي ربك انه قريب منك نسباً وسكناً .. " !!
سارة : .......................
حاتم : يا لله سارة سمي ووقعي هنا .. ويأشر لها ..
مسكت سارة القلم ويدها ترجف ووقعت من دون تشوف شيء
لأن همها بس تخلص .!!

ابتسم حاتم
يا لله مبروك لك ومبروك لماجد
وطلع
.. مــــــاجد ..؟!!!!!!!
من ماجد ؟!
أنا زوجت ماجد الحين .. ؟!
آآآه يا ليته صدق ماجد ولد عمي ..

دخلت عليها هدى .. كلوووووووووووووش
هدى : مبروك عليك وعلى اخوي
سارة ساكتة من دون أي حركة .. ومو مصدقة أي كلمة
من ماجد هذا اللي يتكلمون عنه ..
هدى : أخيراً بترتاح يا ماجد يا أخوي ..
سارة وهي منزلة رأسها وفيها عبرة خانقتها : .........................
هدى : ادري انك الحين منحرجة .. لكن ما عليك بيكلمك ماجد بعد شوي وبترتاحين ..
إيه نسيت أقولك .. هو طلب رقمك مني وأعطيته إياه ..

وطلعت هدى وتركتها من مع ذهولها اللي اجبرها على السكوت ..
وبعد ما طلعت هدى مباشرة

مسكت سارة دفترها وكتبت بالخط العريض

" تركتك لأجل اللـــــــــه .. فأتي بك الله إليّ .. "

وبكت بمرارة .. وأخيراً تحقق حلمهااااااااااااا
وانتهت الأمور بتيسر كبير


ولما جات الساعة وحدة بالليل فكر ماجد يتصل بسارة .. خلاص الحين هي زوجتي
وقام وأرسل لها مسج " ألف مبروك سارة "
ولما شاف أنها ما ردت اتصل بسارة مرة ثانية وردت

ماجد : الســــلام عليكم
سارة : .. و .. وعليكم .. الـ . سـ ..السلام
ماجد : هلا سارة اشلونك ؟؟
سارة وهي تتنهد : بخير ..
وبكت
ماجد : سارة ليش الدموع الحين
سارة : ...................
وما يسمع ماجد إلا صوت بكاها
ماجد : .......... سارة كلميني ..
سارة
سارة وهي تحاول تنطق : ....... نعم ...
ماجد : ألف مبروووووووك علينا ..
سارة : الله يبارك فيك
ماجد : ماني مصدق إني اسمع صوتك الحين .. يااااااااه .. محلاته
سارة .. أمممم أنا الحين فرحاااااااااان وربي فرحان ومرتاااااح
سارة وهي تبتسم : ................
ماجد : هذا أحلى يوم بحياتي
سارة : وأنا هذا أغرب يوم بحياتي !!
ماجد : ليه ؟؟؟؟؟
سارة وهي تمسح دموعها بيدها : لأني ما كنت أعرف أنا بتزوج مين ؟! أعطيت أهلي الموافقة من دون معرفة من هو الزوج المتقدم ..
ماجد : معقووووووووولة
سارة : ولما جاءت هدى ونطقت اسمك تفاجأت بالخبر
ماجد : يا عمري والله صدمة
سارة : أحلى صدمة
ماجد وهو يسوي نفسه ما سمع : كيف ؟!
سارة : ................. اللي سمعته
ماجد : أنا ما سمعت قولي قولي
سارة : ماجد .. ما أصدق إني أكلمك الحين
ماجد : ليه ؟
سارة : كذا بس ..
ماجد : ههههههههههههه


واستمرت المكالمات بين ماجد وسارة تتطور ..
واقترحت سارة على ماجد أنها تزوج سجى لياسر .. وما جد يضحك عليها .. ويقول لها خليه أول يقوم بالسلامة وبعدين يبشر بالخير


ظل زواج خالد معلق حتى تتحسن صحة ياسر واللي الحين تعدت الشهر

بدور خطبها ولد خالتها ووافقت لأن ما لها وجه ترفع عينها بوجه أخوها من بعد السالفة..!!
وولد خالتها كانت رفضته من قبل لأنه يمشي بعكاز من بعد حادث أصيب به
والحين وافقت عليه من دون اعتراض !!!
والفرق شاااسع بينه وبين ياسر ومحمد وكل الشباب اللي خطبوها
لأن ولد خالتها يمشي بعكاز ومدخن ولا مبالي .!!


كان ماجد جالس عند ياسر يقرا عنده قرآن وما يأس من شفائه أبداً
وفجأة تحرك ياسر وبدا يحاول يفتح عيونه
تقرب منه ماجد
ماجد وهو يمسك يده : ياسر أنت تسمعني ..
وياسر يهز رأسه ..

وقام ماجد بسرعة وطلب الطبيب
وجو الأطباء وبعد الكشف على ياسر .. بلغوا ماجد أنه بيفيق من الغيبوبة بعد حوالي 3 ساعات
استأنس ماجد واتصل بسارة وبشرها وكلم خالد وعبد العزيز
والكل فرح بالتحسن اللي صار لياسر

وفعلاً بعد مرور ثلاث ساعات بدا ياسر يفتح عيونه بتثاقل شديد ويناظر اللي عنده
والتفت لماجد وهو يبتسم ابتسامة خفيفة
قرب منه ماجد وضمه لصدره ودمعة عيونه على خد ياسر
ماجد : الحمــد للـــــه على السلامة ياسر
الحمــد للـــــه على السلامة
وبعد دقائق بدا يحاول ينطق والجميع متفاعلين معه بقووووة

وأخيرا نطق ياسر وتكلم معهم وسلموا عليهم كلهم
وتحمدوا له بالسلامة وطلعوا حتى يتركون فرصة لأهله يسلمون عليه

ودخلوا أهله وسلموا عليه
وبعد يومين طلع للبيت وبدأت صحته ترجع له مثل أول

.
.

تم زواج بدور مختصر وسافرت مع زوجها لأمريكا يتلقى العلاج الطبيعي هناك
وهي ندمـــــــانه جدا من الموقف اللي صار ومن صداقتها لشلة الفساد اللي كانت معهم ..

.
.

وبعد أسبوعين من خروج ياسر من المستشفى أقيم زواج خالد وسديم بأحد الاستراحات
وسكن خالد ببيت مستقل
وكان الزواج هادي وحلوو والعروس كان شكلها روووعة ..

.
.

قلت لك سجى بتناسب له
ماجد : ظنك ؟
سارة : إيه أنا اعرفها زين وبعدين ياسر عرفت شخصيته من كثرما تتلكم عنه
ماجد : أجل بقول له وبتوكل على الله .. وأحسن خله يتزوج معي بليلة
ابتسمت سارة بحياء : .................

.
.

تم زواج ماجد وياسر بليلة وحدة بأحد الفنادق
وكانت سارة أحلى ما يكون بليلة زواجها
واللي جاء بعد طووووووول انتظاااااااااار
وسافروا اثنينهم مع زوجاتهم إلى " لندن " يقضون شهر العسل هناك
.
.

احمد فرح بخبر حمل زوجته نوف واللي جاء بعد طول انتظار ..
ونوف أخذت كثير من العلاجات وتداوت بالرقية الشرعية وتيسر لها حملها بعد إذن الله له ..

.
.

وفي لندن
وتحديداً في الهايد بارك كان جالس ماجد وبجنبه سارة
والجو كان غائم وممطر

سارة أنا ما كنت أدري انك قمر !!!! والمشكلة أن ياسر يدري عن السالفة
وقاعد يعلق علي من يوم صحى من الغيبوبة ..
سارة بحياء وهي منزله رأسها : واللـــــــــــه ..
أنا أحس بالفشيــــــــــلة كل ما تذكرت الموقف
اممم كنت غبية بالهتصرف ..
ماجد : سارة .. وش اللي اجبرك تسوين كذا ..
سارة : ماجد .. بقولك الحين كل شيء بس أتمنى ما تقاطعني
ماجد : أوكي عمري .. تفضلي ..
ماجد .. أنا كنت معجبة فيك جداً .. وكنت بالنسبة لي حلم أتمناه يتحقق ..
وتكلمت مع بدور في الموضوع وتشاورنا وجاءت الفكرة من بدور أني أكلمك بالماسنجر ونتفق على الزواج .!!
وفعلاً تم هالشيء في إني كلمتك .. واللي هو أصلا ما يجوز إني أسويه..!
وكنت أنت أول رجل وآخر رجل كلمته على النت والله شهيد على ما أقوووول
كلمتك بالبداية على أساس إني ولد ولما شفت أنك تعلقت بي وبسوالفي قررت أقولك من أنا ..
لكن تراجعت وسميت نفسي " قمر " .. !!!!!

كانت تصرفات إخواني لي قاسية جداً .. غلظة وفضاضة .. وما فيه رحمة أبداً .. كنت أحاول اهرب من الواقع اللي أنا أعيشه
كنت استمتع بالوقت اللي أقضية بالنت .. مع زميلاتي ..
واستمتع بالوقت اللي أقضية بالجامعة مع البنات ..
وزادت تعلقي بالنت من بعد مكالمتي لك .. و قدمت عرض الزواج .. بلحظة ضعف مني .. وإلا مستحيل فيه بنت عاقلة تتصرف مثل هالتصرف .. إلا تحت ضغط ظروف ما ترحم أبد ..

ومسحت سارة دموع تسقط من عيونها .. وماجد مركز عليها ولا قال ولا كلمة
وكملت سارة

ولما جاء خبر زواجك كان مثل نزول الصاعقة عليّ .. !!
ما تحملت ودخلت للمستشفى

وبعدها أخذت درس قــــــــاسي بحياتي .. أن طريق الخطأ خطأ
وان من ترك شئياً لله عوضه الله خيراً منه
وان هذا خير لي حتى أراجع نفسي ...

حاولت أكون طبيعة جداً وان زواجك ما همني .. وحضرت زواجك واسمع أخبارك وقلبي يتقطع ومع مرور الوقت تأقلمت وقررت أتزوج وأنسى الماضي بما فيه من حلو ومر

وكان يوم ملكتي يوم لا ينسى بالنسبة لي
مفاجئة لا يمكن وصفها .. أنك تكون يائس من شيء وقاطع الرجاء فيه ثم يأتيك بكل بساطة وأنت ما سعيت له .. هذا شيء لا يمكن وصفه .!!!

والتفتت له سارة وهي مبتسمة
و هذا أنت بجنبي يا روحي ..

بادلها ماجد بنظرات كل حب ورحمة وامتنان
ماجد وهو مبتسم : أحلى شيء بحياتي هو أنتي يا حياتي

وظلت حياة سارة وماجد فرحة لا يمكن تنتهي
جاء بعد صبر وطول انتظار

وبالمقابل كان ياسر مع سجى قصة حب بدأت بين قلبين

.
.

بعد مرور أربعة شهور

يمه أبشرك سارة حامل
أم ماجد : الحــــــمد لله .. الله يوفقك يا ولدي ويقر عيوني بشوفت عيالك
ماجد وهو مبتسم وفرحاااااان : آمييييييييين
وسارة جالسة معهم وجهها أحمر من الحياء ..

.
.

أما منيرة فلما سمعت بخبر زواج ماجد من سارة قررت تتزوج .!!!!!
وتزوجت رجل عنده زوجتين وهي الثالثة وسكنت مع وحدة منهم وطلعت مثل الخدامة عندها .. وكانت حياتها مع ماجد أشبه ما تكون بالحلم اللي مر وعدى ..

.
.

وعلى شاطئ البحر كانوا جالسين
وقاموا يتمشون ويديهم بيد بعض

على مهلك يا عمري
سارة : خايف علي ولا على الكتكوت
ماجد : هههههههههههه عليك طبعا .. وبعد عليه
سارة : ماجد وش تتمنى ولد ولا بنت ؟!
ماجد : أتمنى سلامة قلبي يا قلبي أنتي
سارة : تسلم يا أحلى زوج بالوجود .. ماجد أحبــــــــك
ماجد : وأنا أحـــبـــك أموووووووووت عليك يا دنيتي كلهــــــــاا ..

.

.

النهاية

[SOHER]

ما بعد النهاية

* القصة جاءت فكرة من الواقع ..
* أن الحياة الزوجية ليست قائمة على المظاهر والأشكال فقط .. بل هي فن لا يستطع كل أحد أن يتقنه ..

* أن مع العسر يسرا .. ومهما طال ظلام الليل فلابد أن يعقبه نور الصباح

* في شخصية سارة حاولت انقل لكم معاناة كثير من البنات من تصرفت إخوتهم لهم .. وأنها كلها غلظة وجفاء .. وعلى الضد هناك إخوة رحماء ..

* في شخصية بدور أن المظهر ليس دوماً دليل على الجوهر .. وفي شخصيتها تأثر الفتاة ممن رفقة السوء وان القريب بالمقارن يقتدي ..

* شخصية ماجد .. شاب جمع أغلب الصفات الجميلة ولكنه رزق بزوجة فاشلة من جميع المقاييس وصورت فيها معاناة الشاب عندما يكون طموحه كبير ثم يصدم بجدار الواقع ؟!

* شخصية منيرة .. من الفتيات اللامباليات والتي تنظر للزواج على أنه حياة كلها اخذ وليس فيها عطاء .. وكلها مظاهر وليس فيها مشاعر ..

* أن من ترك شيئاً للـــــه عوضه الله خيراً منه .. فالحياة فيها الخطأ وفيها الصواب .. لكن السعيد من استفاد من خطأ وجعله نقطة البدء لجادة الصواب ..


أتمنى أكون وفقت في عرض القصة وسردها .. فهي جهد بشري يعتريه الخطأ والنقص ..

قرأتها فـ راقت لى فـ نقلتها لكم
واتمنى تنال اعجابكم
تقديرى للجميع