ساجدة تفتح قلبها

[نور]

ساجدة الغالية
قرءت بتمعن واستمتعت
تخيلت قلبك وهو ينبض بهذا الحب الالهى
واحسست شفافية بكل حرف وكلمة
صدق بالاجابة وتقارب لله تعالى
واخلاص للصداقة بلا حدود
لن ابالغ لو قلت فؤجئت ففى شخصيتك الكثير من الجمال
لم اعرفه الا الآن 00
حقا ولم لا نتحدث ونتقارب لكن هنا الحديث مختلف
اصبح امامى كشريط الحياة يسير فى طريق الهداية
بقوة شخصية وارادة
وتحدى وعزيمة لتظلى الابنة التى تضع كل روحها فى خدمة اسرتها
ولتظلى انت غير الجميع نقية وراقية الاحساس
لكن لى ملحوظة صدفة جميلة ياساجدة الحبيبة
لى رؤية خاصة بالجميع هنا اسمحى لى ان اعبر عنها
حقيقى هى بكم جميعا مميزة
والكل لايتسابق لمشاركات وكفى
لكن يريد ان ينقل لها كل مايراه من وجهة نظره مميز
يريد ان يساهم ويقدم
يغار ممن يطرح بالاسلامى فيسعى جاهدا
ويغار ممن يطرح فكره ومناقشته
فيحاول ان يستنهض روحه للبحث والتنقيب
انا احترم شخصيا كل هؤلاء ولاابدا اقلل من جهدهم
ولابد من اعطاءهم دفعة قوية لاثبات الذات
وكم نلاحظ روح تعطى وتعطى وتبذل ولاتقصر
وايضا تحرص على التواجد 00 فكيف يكون التقدير لها
حقيقى هم بلا خبرة بالتنقيب عن الدرر مثلك غاليتى
او مثل قلة هنا بخبرتها تنتقى وتبحث وتدقق
لكن هذا يجعلنا ناخذ بيديهم ونشجعهم وايضا نشكرهم
فهم يريدون منا كلمة شكر واهتمام
قرءت مرة لعضوة غالية
كلمة بسيطة اثرت فى
وتفهمت الكثير بعدها ولن اعترض ابدا على فكرهم
قالت لقيت بصدفة من يعرفنى يقدمنى يفهمنى
يمدح عمل اقدمه 00 وجدت من يشكرنى ويقيم عملى
وجدت من يقترب منى ويهتم بى
هذه هى ارواح اعضاء صدفة الجميلة
ابكتنى كلمات العضوة
واحسست بانها وجدت اهلها وطنها
وجدت شئ تفتقده ربما بعض الاهتمام
فكثيرا يعانون الغربة حتى وسط الاهل
فكيف لانعذرهم لو قصروا ولم ينتقوا
وكيف نخذلهم ولانمدحهم
هنا المدح ليس لجمال الموضوع فكلنا لنا تذوقنا الخاص والراقى
ولكن المدح لهذا الجهد البسيط 00 ولمحاولة تقديم شئ لنا
تتعب وتبحث لاجل ارضاء الاعضاء ونيل التقرب منهم
محاولة لكى نعرفها ونتقارب وتنصهر معنا
تريد المزيد من المدح الشخصى والرضاء الذاتى
اعتقد هذا هدف نبيل لنا
غير القراءة والمعرفة وواجب علينا ايضا
فنحن قبل كل شئ بشر بحاجة لمتنفس نلجا اليه وواحة امان
هى صدفة بكل ارواحها النقية والمتفهمة والجميلة مثلك حبيبتى
رائعة انت وجميلة ولى عوووووودة لتذوق واحس نبض قلبك
ولكى استفيد بالروحانيات التى مؤكد لن تغيب هنا ابداااا
ستظل شمعة مضييئة تنير عتمة الفكر والروح
كل الشكر والاحترام لك

[ساجده]

نووووووووور

تأتى ومعك الرووووووووعه ورااائحة الورد

تعرفى يااحبيبة مكانة هذا المكان عندى

وتعرفى جيدا انى احس اننى لست مجرد عضو او مشرف ولكنى بالفعل احس بمسئولية تجاه هذا المكان

ولكن حين تحدثت تحدثت عن مساوئ المنتديات عموما

ولا اتكلم عن اى عضو يشارك بالكثير او القليل

فربما وقته يسمح له بالمشاركات ويحمد الله على انه يضع الخير بدلا من ان يضيعه فى اخرى لا تفيد

ولكن كل كلامى واعتراضى فى عالم االنت هو انه لا يعرف ماذا يضع

او اكون اكثر وضوحا لا يقرأ

هذا جل مايزعجنى جدا

اقرأ طرح واقول ياربى طفل صغير كان من الممكن ان يخرج الخطأ هنا ولكن اجد الرد اعذرينى فلم اقرأ

كيف تريدنى ان استفيد مما لم تقرأه انت

يعنى انا كل فكرى انى ارديد ان افيدك بطرح اطرحه ولكن انا لم اقراه لذا فأنا لا اعرف بماذا افيدك

ولكن هاك بطيخة افتحها وانت ورزقك

صعب اوووى انه اتقبل هذا الفكر


ولكن اعطيك مثالا انتى ياحبيبتى تشاركى كتير ولكن اتحدى ان احد يأتى لك بموضوع لم اجد فيه فائدة او وضعتيه لمجرد زيادة مشاركات

عن هذا اتحدث شارك بالكثير او القليل انت ووقتك

ولكن بالله اعرف بماذا تريد ان تفيدنى

ايضا لابد من تشجيع من يشارك فى جعل المكان افضل

اقل شكر هو تشجعيهم ومن لم يشكر الناس لم يشكر الله

وفعلا لم يكن قصدى هو عدم تشجيع الناس او التقليل من جهدهم

والا سيكون هذا جحود ولم نعهد هذا فى صدفة الحمد لله

ولكن كل ما اريد ان اقوله اذا اردت ان تفيدنى فاعرف بماذا تفيدنى اولا






اعوووود واقوووول اجمل مافى صدفة هو اهلها

فالمعلومة فى كل مكان والفائدة فى كل المكان وحتى المشاركات فى كل مكان والمنتديات بالملايين

ولكن.....

احمد المصرى / نور/ زهرة/ جنة/ مرمر/ اميرة/ يعرب/ همس الحب/ همس الليالى/اكرم/ ام بسملة/ ابو عبد الرحمن/ نوبى/امل الجزائر/سلوى/ضوء/رقة/مونا/سام/مرح/وكل اعضاء صدفة واعتذر لو خانتنى الذاكرة فعقلى فى اجازة

هم فقط فى صدفة

وهذا هو مايميزها اهلها

احمد الله انه حتى الان لم يذكر فرد فينا بسوء خلق او غيره

واحمد الله انى جئت هنا وتعرفت على كل تلك النخبة الرااائعة

واعتذر ان لم اوضح فكرتى من البداية

ولكن اعرف انك تفهمينى جيدا

واشكرك على انك جعلتنى اوضح فكرتى

[marmer]

بتتعكسى يا بت من وراية

وكمان بتردى

يا بختك

كان نفسى اكون بعرف ارد واقلع الجزمة واضرب الله الله الله

هبقى اجى اتعاكس معاكى عشان تشجعينى على ضربهم ههههههههههه



واية الشغل الغريب دة محسسانى انك فى الامم المتحدة

هههههههههههههه



واة صحيح

يعنى اية بين البنين دى

اظن لو كان اكرم كتب

مين العضو الغلس كنتى كتبتى مرمر هههههههههه

لا بس بجد ومن قلبى وبكل الحب والود

يعنى اية بين البنين

[ام بسمله]

ساجده الجميله

انا هنا من امبارح بتابع لغايه ما اكرم سمع الدرس هههههههههه

بس للاسف مش عرفت اشارك امبارح الجهاز التانى بعافيه شويه

وبوسى كانت طلبها معها رخامه ومش عارفه اعمل منها حاجه هههههههه

بصراحه يا ساجده وبدون اى مبالغه انتى انسانه جميله جدا

لما اكرم نوى يفتح قلبك كنت عارفه انه هيفتح قلب ابيض

ومش شرط انى اكون من المقربين منك جدا علشان اعرف قلبك ابيض ولا لا

من اسلوبك وطريقه كلامك بتوضح شخصيتك

لاقيتك جميله جدا جدا وانتى مطيعه لوالديكى وبتتمنى رضاهم

وجميله جدا وانتى بتحاولى تعرفى طريقه كلام اخواتك والشباب السيس

علشان توصلى لفكر اخواتك وجميله وانتى بتعتبرى نفسك الكبيره والمسئوله عنهم

ورقيقه وجميله وانتى بتكدبى على جدتك

بجد من كل قلبى بتمنى لك السعاده

انتى جميله جدا وقلبك طيب جدا والروحانيات عندك حلوه اوى

انا فعلا استمتعت وانا بقرا ردودك على الاسئله

اجاباتك فى منتهى الشفافيه

اكتر حاجه عجبتنى لما صليتى فى محل النصرانى

واديتى البنات الفكره اللى يصلو بيها

بجد مهما ان علقت على ردودك بكلام مش هوفيكى حقك

بس الغريبه ان مرمريه المفتريه مش خلصت حقها منك

دى مش سالت ولا سؤال

اكيد بتدور لك على اسئله جباره

دى حتى مش جبت لها معها كوبايه ميه

نسيت كل اللى عملتيه علشانها لما قلبها اتفتح

انا بهدى النفوس بس يا مرمر ههههههههههههه

اكيد طبعا هسالك يا ساجده يا جميله

بس افطر العيال علشان اركز فى الاسئله هههههههههه

صباحك جميل ان شاء الله

[ام بسمله]

اتاخرت عليكى

انا يا دوب عملت لهم الفطار ونشرت الغسيل هههههههههه

وعملت لك ساندوتشات جبنه





وكوبايه نسكافيه




علشان تظبطى الدماغ كده وتصحصحى معايا

اما انا هشرب قهوه

انا بحب القهوه

بصى يا ستى انا هسالك دلوقتى سؤال واحد بس علشان اقوم اعمل الغدا هههههههههه

وهجيب لك منه طبعا

النهارده الغدا عالمى

النهارده كشرى ههههههههههههههه

بعد الحاح شديد من الاطفال الحلوين صعبو عليه وقولت له اعمله لهم هههههههه

انتى ايه رايك فى حجاب الايام دى ؟؟

اللى هو تلاقى البنت لابسه بنطلون جينز وعليه الفست او بلوزه طويله شويه او قصيره

شويه على حسب يعنى وتلاقيها حطه شويتين مكياج ولا مانع من شويه برفان

ولفه الطرحه وماشيه فى الشارع وتقول انا محجبه ؟؟ماشى يا ست المحجبه ؟؟

لو شفتى واحده من اللى بنحكى عنهم دول بس دى اوفر شويه يعنى لابسه برمودا

او بنتكور وبرضه لابسه طرحه وبتقول انا محجبه

لو شوفتى اللى لابسه البرمودا دى على حجاب ممكن توقفيها وتنصحيها ولا تقولى وانا مالى

على اساس ان البنات الايام دى تكلميها ترد عليكى بنشره اخبار ؟؟؟

خلى بالك كل ده سؤال واحد هههههههههه

علشان بس مش تعدى عليه اسئله ههههههه

ماشى يا قمر

فاصل ونواصل بعد الكشرى

سلااااااااااااااااااااااا ااااااااااام

[اميرة صدفة]

اخي اكرم شكري

اجدت واخترت احلى واطيب انسانه

الاخت ساجده

وهي من

الأشخاص الذين يجتهدون ويعملون في كل حين كرّســــــت

أغلب

وقتها وسخّرت أكثر أمكانياتها لإرضائنا ... لا

تهدف الى مقابل ولا ترجو

من ورائنا شيئاً سوى تواصلنا وتجمّعنا ومحبة بعضنا في

مايرضي الله ...

تكلفت الكثير وتكفلت بالكثير ..غير ذلك مجهودها

الملموسه في هـــــــذا

المنتدى بالكتابة والردود وطرح ماهو مفيد

للجميع ...

وحوار يسير نحو كبد الابداع المعهود .

شخصيه عنوانها الصراحه ..

اسلوبها الوضوح ......والعفويه الجمه

شخصيه .. تميزة .. بوجودها .. الدائم في ارجااء

صدفه...
.
وتبهجنا بـــ ردودها العطره....وتعقيباتها

الجميله ....

كــ الطيور بل هي اروع .. بــ التحليق

الجميل ....
.
ووجودها .. فخر واعتزاز لهذا المنتدى..

ساطلق عليها اسم

نبض الحياه

عزيزتي الغاليه

اجابات في قمه الروعه والتميز والعفويه

اخبار جدتك ايه ؟؟؟

هي لسا بتنادي عليكي باسم تاني

هههههه

ساجده حبيبتي

خدي العصير الي تحبيه


راح اسالك سؤال واحد

لو تعرفتي على شخص لا نقول احببتيه ولكن نوؤمن بمقولت أبقى مع من احبك ولا تبحث عن من تحب
واكتشفتي مع مرور الوقت انه خائن لانه تعرف على غيرك وعندما واجهتيه بالدلائل قال وبكل بساطه كنت ابحث عن الحب الذي لم أجده منكي وأنتي كنتي تعرفي من بداية الموضوع انه يعرف غيرك ماهو القرار الذي تتخذيه ومبماذ تسمي هذا شخص هل تتفقي معي على ان نقول له خائن ام مذا تقولي عنه ؟؟؟



ولي عوده انشاء الله

[ساجده]

المشاركة الأصلية كتبت بواسطة marmer

بتتعكسى يا بت من وراية

وكمان بتردى

يا بختك

كان نفسى اكون بعرف ارد واقلع الجزمة واضرب الله الله الله

هبقى اجى اتعاكس معاكى عشان تشجعينى على ضربهم ههههههههههه



واية الشغل الغريب دة محسسانى انك فى الامم المتحدة

هههههههههههههه



واة صحيح

يعنى اية بين البنين دى

اظن لو كان اكرم كتب

مين العضو الغلس كنتى كتبتى مرمر هههههههههه

لا بس بجد ومن قلبى وبكل الحب والود

يعنى اية بين البنين

ههههههههههههههههههههههه

اه شوفتينى وانا باتعاكس دى ههههههههههههه

لا يابنتى مش فكرة انه ارد بس واحد واقف قدامك وكمان انا كنت هاموت قلق

يعى يحمد ربنا انه رديت وخلاص

وماله الشغل مش عاجبك احسن ما انام واقوم وانام واقوم لحد ماابقى زى المخدة

لو كان استاذ اكرم كتب العضو الغلس

عارفة يامرمر دايما اقول عليكى رحم الله امرئ عرف قدر نفسه


وبعدين ازاى مش فاهمة بين البنين دى

دى واضحة زى السمس

[ساجده]

صباح الورد

ساجده الجميله

انتى اللى جميلة ياام بسملة

انا هنا من امبارح بتابع لغايه ما اكرم سمع الدرس هههههههههه

بس للاسف مش عرفت اشارك امبارح الجهاز التانى بعافيه شويه


الف سلامة على الجهاز وعاوزاكى تركزى معاه فى المذاكرة شوية

وبوسى كانت طلبها معها رخامه ومش عارفه اعمل منها حاجه هههههههه

ليه كده يابوسى تغلسى على ماما خليكى حلوة وسيبها تعمل اللى وراها

بصراحه يا ساجده وبدون اى مبالغه انتى انسانه جميله جدا

لما اكرم نوى يفتح قلبك كنت عارفه انه هيفتح قلب ابيض

ومش شرط انى اكون من المقربين منك جدا علشان اعرف قلبك ابيض ولا لا

من اسلوبك وطريقه كلامك بتوضح شخصيتك

لاقيتك جميله جدا جدا وانتى مطيعه لوالديكى وبتتمنى رضاهم

وجميله جدا وانتى بتحاولى تعرفى طريقه كلام اخواتك والشباب السيس

علشان توصلى لفكر اخواتك وجميله وانتى بتعتبرى نفسك الكبيره والمسئوله عنهم

ورقيقه وجميله وانتى بتكدبى على جدتك

بجد من كل قلبى بتمنى لك السعاده

انتى جميله جدا وقلبك طيب جدا والروحانيات عندك حلوه اوى



قطعتى عنقى والله انا اقلل مما تظنون

اللهم اغفر لى مالايعلمون واجعلنى خيرا ممايظنون

انا فعلا استمتعت وانا بقرا ردودك على الاسئله

اجاباتك فى منتهى الشفافيه


ربنا يكرمك يارب ويسعد قلبك

اكتر حاجه عجبتنى لما صليتى فى محل النصرانى

واديتى البنات الفكره اللى يصلو بيها

اهم حاجة ياام بسملة فى النصح انه يكون واقعى وسهل على الناس تنفذه مش ننصحهم بكلام ونسقط من على كتافنا المسئولية ولا انصحهم بخيالات

بجد مهما ان علقت على ردودك بكلام مش هوفيكى حقك

والله كلام لا استحقه ربى يعزك يارب

بس الغريبه ان مرمريه المفتريه مش خلصت حقها منك

دى مش سالت ولا سؤال

اكيد بتدور لك على اسئله جباره

دى حتى مش جبت لها معها كوبايه ميه

نسيت كل اللى عملتيه علشانها لما قلبها اتفتح

انا بهدى النفوس بس يا مرمر ههههههههههههه

هههههههههههههههه

مانا قولتلكم ياجماعة مرمر دى كبيرها دعوة وهتلم الدور وترتجع

وماتخافوش عليا مش هتفترى عليا

اكيد طبعا هسالك يا ساجده يا جميله

بس افطر العيال علشان اركز فى الاسئله هههههههههه

صباحك جميل ان شاء الله

يومك اجمل حبيبتى

اسألى براحتك البيت بيتك

[رقة الاحساس]

ماشاء الله عليكي اختي ساجده
انسانه في منتهى الاخلاق والروح الطيبه
اجوبه رائعه اسرت قلوبنا وامتلكتي عقولنا


وعندي لكِ شويه اسئله على ما قسم ^_^

المستقبل هو ثمرة الحاضر فهل لنا أن نخترق الحواجز ونطلع على طموحاتك المستقبلية ؟


/ من أعضاء المنتدى جاوبي على التالي:
ـ شخص تقف له أحتراماً
ـ شخص تحب مشاكسته
ـ شخص تعجبك مواضيعه
ـ شخص تفقد تواجده بالمنتدى مباشرة
ـ شخص تضحكك ردوده

ساجده معها رسائل لمن تقدمها من الأعضآء :
ـ رساله إعتذار:
ـ رساله شكر:
ـ رساله عتاب :
ـ رساله توصيه:
/من هو الشيخ الذى تحبين أن تسمعي القرآن الكريم بصوته؟

/ماسلاحك في الحياة؟





ليا عوده ان شاء الله

[ساجده]

اتاخرت عليكى

انا يا دوب عملت لهم الفطار ونشرت الغسيل هههههههههه

وعملت لك ساندوتشات جبنه

وكوبايه نسكافيه

علشان تظبطى الدماغ كده وتصحصحى معايا

والله فى وقتهم

يدوووووووم العز ياقمر

اما انا هشرب قهوه

انا بحب القهوه

وانا كمان باموت فيها بس ممنوعة ولله الحمد

بصى يا ستى انا هسالك دلوقتى سؤال واحد بس علشان اقوم اعمل الغدا هههههههههه

وهجيب لك منه طبعا

النهارده الغدا عالمى

النهارده كشرى ههههههههههههههه

بقالى مده ماعملتهوش فكرة والله لانى باحبه جدااااا

بعد الحاح شديد من الاطفال الحلوين صعبو عليه وقولت له اعمله لهم هههههههه

انتى ايه رايك فى حجاب الايام دى ؟؟

اللى هو تلاقى البنت لابسه بنطلون جينز وعليه الفست او بلوزه طويله شويه او قصيره

شويه على حسب يعنى وتلاقيها حطه شويتين مكياج ولا مانع من شويه برفان

ولفه الطرحه وماشيه فى الشارع وتقول انا محجبه ؟؟ماشى يا ست المحجبه ؟؟

لو شفتى واحده من اللى بنحكى عنهم دول بس دى اوفر شويه يعنى لابسه برمودا

او بنتكور وبرضه لابسه طرحه وبتقول انا محجبه

لو شوفتى اللى لابسه البرمودا دى على حجاب ممكن توقفيها وتنصحيها ولا تقولى وانا مالى

على اساس ان البنات الايام دى تكلميها ترد عليكى بنشره اخبار ؟؟؟

خلى بالك كل ده سؤال واحد هههههههههه

علشان بس مش تعدى عليه اسئله ههههههه

ماشى يا قمر

فاصل ونواصل بعد الكشرى

سلااااااااااااااااااااااا ااااااااااام

ايوة صح ده سؤال واحد

طيب بالاول نتفق انه ده مش حجاب

كلمة حجاب جاية من الحجب والمنع

طيب انتى كده حجبتى عننا ايه لما كل جسمك ان لم يكون عارى فهو موصوف

ثم انه علشان نقدر نسمى الحجاب بمعناه لازم يستوفى كل شروطه

واولها واهمهاا...... ان يكون ساترا لجميع العورة

طيب لو لابسة ضيق ولا برمودا ولا حتى جيب ضيق يبقى فين الستر


طبعا مش حجاب ولا يمت بالحجاب لاى صلة

ونفسى اشوفه ده اللى حجم الحجاب فى انه يكون مجرد ايشارب يغطى الشعر

حسبنا الله ونعم الوكيل



والشق التانى من سؤالك بقى يااحبيبتى

لما اشوف بنت لابسة لبس من ده

اكيد ما اروح على طول واقولها لبسك والكلام ده

لازم الاول اخد وادى فى مواضيع من هنا وهناك لحد مالاقى مدخل واروح مكلماها

لانه ببساطة طبيعة الانسان تنفر من النصح

اول مااتكلمى حد وتقوليله انا عاوزة انصحك

لو كان مؤدب هيقولك وانتى تعرفينى علشان تنصحينى انا مرتاح وانا مبسوط كده

وطبعا ممكن حد يسقط من على كتفه وجوب النصيحة وينصحها كده باى كلمتين ويقول هى مااستجابت

ولكن لو فعلا الهدف انه نغير طريقة لبسها

يبقى لازم فعلا تدخلى ليها من مدخل وتكون على استعداد انها تسمعك

لانه لو هى مش على استعداد هتعند جداااااا وممكن تعمل بعكس الكلام

يعنى مرة بنت كانت لابسة بنطلون وبدى وجاكيت وحد بينصحها راحت بالعند قالعة الجاكيت ومشيت بالبنطلون والبادى بس علشان تغيظ اللى نصحها


كمان اهم شئ انه تكونى اهل للنصيحة

يعنى مااكونش انا لابسه لبس ضيق يمكن مايكونش بنطلون ممكن يكون فستان ولا جيب واروح انصح واحدة لابسه بنطلون

اول كلمة هتقولها ده لو كانت مؤدبة هتبصلك من فوق لتحت وتقولك طيب روحى بصى فى المراية ووجهى نفس الكلام للى هتشوفيها قدامك


وطبعا كلامها حق

اللهم انا نسألك الستر لبنات المسلمين

اللهم اهدهم واهدنا

اللهم اجعل حبك يتملك قلوبهم حتى يطيعوا كل وامرك