على المسطبه(البس الجلابيه وانت داخل )

ام معاذ · 04-21-2009, 08:00 PM

السلام عليكم ورحمة الله وبركاته

ايه الجمال ده كله مشاء الله

الله يعطيك العافيه هدهد

حمد لله على سلامتك ورجوعك للمسطبه والله صدفة ذادت نور برجوعك

ايه اخبار العمده ليكون هو اللى قطع عنك النت

ربى يبارك فيك ويجزاكى الجنه

يلا فين باقى الاعضاء يجعله عامر بيك دائما

الاسير · 04-21-2009, 08:45 PM

بسم الله
سلام الله عليكم
كثر اوكالكم و جوز اعيالكم
اللهم اطعم من اعطعمنا و اسقي من سقانا
دايمه يا هدهد

نور · 04-22-2009, 12:56 AM

هممممممممممممم
ايه الاكل والعزومة الهايلة دى
تسلمى احلى هدهد
احنا كده نقعد يومين من غير اكل
لاجل نهضم الاكل الطعم قوى ده
ههههههههههه
ماشاءالله سفرة عمرانة بكل خيرات ربنا
دوم عامر ياااااااااااااااااارب
لايحرمنا طلتك وعزوماتك الهايلة قوى
رب يخليكوا لنا يااااااااااااااااااااارب
ديما تحلى القعدة معاكم عند المسطبة
دعواتى لكم بالصحة والعافية بعد العزومة الجبارة قوى دى

العميل السرى · 04-22-2009, 03:30 AM

الوكل حلو جوي يا ست هدهد و الجهوه كومان
بس انا مش بشرب البرتقال ممكن تشيليه من ادامي
ههههههه

ضوء خافت · 04-22-2009, 06:32 AM

السلام عليكم ورحمة الله وبركاته
والله مانتوا جايمين
لا سلام على طعام
وحشتونى جوى جوى جوى
ومن زمان كان نفسى فى اللمه دى
يارب دايما متجمعين على خير
ومين الى لابس اسود هناك ده يكنش العميل السرى
يارب جدرنا نعرفه ونكشفه

أبو عبد الرحمن · 04-22-2009, 11:40 AM

شيل إيدك يا عميل

انت ممنوع من الأكل والشرب

والكلام

لحد ما تجاوب على كل الأسئلة

هههههههههههههههههه

منورة يا هدهدة

بارك الله فيك

يجعله عامر

بس عاوزين محمر ومشمر

وخرفان ورومى

وأسماك

هههههههههههههههه

تسلمى على الأكل اللذيذ

خليها عزومة تانية أنا عارف انك تعبتى من كتر الوقفة فى المطبخ

ههههههههههههههههههه

تقبلى تحياتى

هدهد2009 · 04-22-2009, 07:41 PM

يادى الهنا والسعاده على الناس الحلوة جووووى اللى شرفتنى ونورت المسطبه

يارب الوكل يكون عجابكم المرة الجايه هاجيب لكم اسماك واصداف

علشان كلاتكم تاكلو وتشبعوا وتنوع

يا نفسى اعرف مين هو العميل السرى

انا هاجيب حمارة خالتى بهانه وهاخليها تشم البرنيطه بتاعته

واكيد هاتفضل وراه لحد ما تجيبه من برنيطه الاخفه

يارب تعرف تجيبه هى حمارة بس شاطرة

هههههههههههههههههههههههه

أحمد اسماعيل · 04-23-2009, 12:45 AM

مشاء الله .. كريمة من بيت كريم

الله عليك وعلى كرمك الكبير

اممممممممممممممممممم .. امممممممممممممممممم

تسلمى يارررب .. يا مقوية صحتنا يا كبيرة مسطبتنا ههههههههههههه

حلوة اوى اوى العزومة .. ده أكل يكفى نص البلد ههههههههههه

ربى يخليكى لينا يارب وما يحرمنا منك ابدا

يلااا نشرب الشاى ونعيد الحكاوى ونطمئن على بعض أكثر

هدهوووووود .. من غيرك الشعب يموت من الجوع

ههههههههههههههه

ربى يسعد أيامك ياااااااااارب

هدهد2009 · 04-23-2009, 02:16 AM

يارررررررررررررب يخليك يا ابوحميد انا جبت الجهوة علشان

الصداع اللى عندك يروح امين يارب

انا بجى كنت هاتجن عليكم دخلت نت على التليفون علشان ادخل اكتب ليكم منه

بس للاسف معرفتش ادخل بقيت مش عارفه اعمل ايه اتوحشتكم اووووووووووووووووووى

كنت حاسه ان ناجصنى شئ كبييييييييير جوووووى

كنت زهجانه وتعبانه وطول النهار مخنوجه ونفسى اعيط جووووووى

ادخل اوضتى واجفل عليا الباب وافضل اعيط واعيط لحد عينى ما تحمر جووووووووووووى

وبعدين روحت عند خالتو فى رشيد بلد المليون نخله والبلح بجمع انواعه

سمانى وزغلول وبنت عيشه وحيانى

مشهورة جوووى رشيد بالبلح

رشيد دى بلد ساحلى فيه النيل بيتلاجى مع المالح فى لسان جميل جووووى

فى مصيف رشيد هناك عند برج رشيد منظر جميل اوووى الميه العذبه مع الميه المالحه بيتلاجو سوا

كمان فى فى البرج القلعه الى مثلوا فيها افلام كتير جووووى

ليلى فوزى ومحمد فوزى فيلم ليلى بنت الشاطئ

وافلام كتير بس مش اعرف الا دا بس

كمان هناك بيوت اثريه كتيرة اووووى

ومتحف جميل فيه كفاح رشيد ضد حمله فيرزر

وحمام عزوز وبيت زبيده البواب مرات مينو

وجده ساركوزى هههههههههههه

بجد لو فضلت احكى مش هايكفى كلام

كفايه اكده النهارده ونكمل بعدين

أبو عبد الرحمن · 04-23-2009, 02:51 AM

منورة يا هدهد

زرت رشيد

وطلعت ( ملوحة ) أم الخلول من المية
فى منطقة اللسان اللى بتقولى عليها

وزرنا المتحف والقلعة والنخل الكتير

رشيد جميلة

فاكر اننا ركبنا مركب عشان نروح القلعة أو المتحف مش فاكر

صح ولا غلطان

ههههههههههههههههه

سلامنا لأهل رشيد

كان لية صديق من أعز أصدقائى

اسمه محمد حبيبة

من جنب رشيد

لكن للأسف انقطعت عنى أخباره من بعد السفر

سلامى لكل أهل رشيد