يوميات بنوتة حلوة موت

[زهـ دمعه الم ـرة]

المشاركة الأصلية كتبت بواسطة يعرب

السلام عليكم ورحمة الله

فين الباقى يا صابرين

ههههههههههههههههههههههههه هه

اقصد يا زهرة

الله يعطيكى العافيه
روعه

انتظر الباقى

اجمل حاجه فى قصصك انها بتناقش واقع للحياه

باسلوب ساخر ممتع وشيق

اسعدك الله وكتب لك السلامه

وراحة البال

دمتى بخير

يعرب

والله انتي عسل

انتي اللي فقساني

هههههههههههههه

منورة

[زهـ دمعه الم ـرة]

المشاركة الأصلية كتبت بواسطة جنة77

يا مساااااااااااء السعاااااده يا قمر
ديه ايه الحلاوة ديه كلهااااا
انا مشفتش القصة ديه قبل كده
يلا بقى يا زوزوووو
كملي عشان نشوف حصل ايييه

جنة

والله يا عسل

انتي اللي متابعاني دايما

انتي ويعرب

هههههههههههههه

هي كانت تحت

وانا بطلت انزل منها لان مفيش متابعه

عشان خاطركم انزلها

[زهـ دمعه الم ـرة]

الجزء التالث





كلمتني إمبارح صديقتي الغالية رشا ودي كانت زميلة لي في الكلية وكانت بنت جدعة ومحترمة م الآخر كده بنت ناس. - والله زمان يا رشا...فينك يا بنتي محدش بيشوفك


- فعلا والله يا صابرين آخر مرة شفتك كان في فرح هبة (صاحبتنا) ..إلا بالحق أخبارها إيه؟

- عقبالك...على وش ولادة أهوه. - ياااااااااه يعني أنا ما شفتكيش من 9 أشهر!!!


- أيوة يا ستي... إنما إيه سر المكالمة الغامضة دي؟

- عريس (قالتها وكأنها جايبة لي هدية...بلعت ريقي وقلت"يا خفي الألطاف نجنا مما نخاف")


- والله ... خير يا وش السعد؟


- طيار وعنده 30 سنة صاحب خطيبي (رشا كاتبة كتابها)، وعنده شقة في ابراج الشرطة ببورسعيد .. قلتي إيه؟


- قلت إيه!!! هوه أنتي قلتي حاجة عشان أقول رأيي.... ما تقولي باقي التفاصيل.


- له أخ وأخت أكبر منه وأبوه متوفي من زمان ..والواد كويس مش وحش يعني مستواه المادي معقول.. بس هو طويل حبتين.


- ممممم ياريت تيجي ع الطول ...أهي محلولة بكعب عالي وخلاص.. والله مش عارفة يا رشا..أنت رأيك إيه؟


- أنا باقول شوفيه مش إيه حاجة ... بس لاحظي إن سفرياته كتير.. يعني لو هتشوفيه يبقى خلال الأسبوع ده ...قلتي إيه؟ - مممم وهو كذلك بس هاقول لأهلي الأول
وهاكلمك آخر النهار..ماشي؟؟


- ماشي... أسيبك دلوقت لأن عندي معاد مع مصطفى ومش عاوزة أتأخر عليه...ما هو أنتي عارفة قد إيه قماص. (يعنى بيزعل كتير )


- ولا يهمك يا رشا ومتشكرة إنك افتكرتيني .. يالا مع السلامة وسلمي على مصطفى.


- الله يسلمك ، مع السلامة. ( يا حلاوة يا ولاد طيار مرة واحدة...يالا على كل لون يا باتيسطة ..لما نشوف....وما كدبتش خبر ورحت وحكيت لأهلي ع المكالمة وطبعا انشكحوا الاثنين وقالوا على بركة الله، على آخر النهار كلمت رشا زي ما وعدتها واتفقنا على مقابلة في النادي يوم الأحد ع الساعة 5.. ويوم السبت سألتني أمي الغالية)


- هتلبسي ايه؟


- إيه رأيك في التايير الفسدقي إياه؟


- لالالا بلاش إلبسي الطقم ده ( ولقيتها محضرة ليا الطقم بالإيشارب!!!).


- وكمان محضراهم ...طيب مش هكسفك وهو كذلك.


- إسمعي ... ما تضحكيش بصوت عالي وخليكي رقيقة وناعمة ...ده طيار يعني الصنف الناعم معاه في السما والأرض.


- حد قال إني راجل...وبعدين أنا هابقى زي ما أنا ...إن كان عاجبه.


- هي رشا هتكون معاكم مش كده؟


- أيوة طبعا أمال هقابله لوحدي!! ومصطفى خطيبها كمان.


- ربنا يقدم إللي فيه الخير( وهي مولية الأدبار سمعتها تمتم بدعاء وبتقول: يارب والنبي يطلع عِدل المرة دي).

وجه يوم الاحد ولبست الطقم اللي حضرته ليا أمي وطبعا قبل ما أنزل صليت الاستخارة كالعادة وطول السكة وأنا في العربية أكرر دعاء الاستخارة ومن حسن حظي لقيت ركنة للعربية جنب النادي ولسه هادخل بضهر العربية لقيت واحد ظريف حشر بوز عربيته في مكان الركنة ، ضربت له كلاكس بص لي وابتسم ابتسامة صفرا وشاور لي وقال:


- أنا اللي لقيته الأول.


- ما أنت شايفني بركن بعربيتي...بتدخل ببوز العربية ليه؟


- هاهاهاهاها نصيبك كده بأه ...شوفي لك ركنة تانية. ( طبعا اتخنقت منه ومن رخامته وقلت أأقصر معاه ما هو أنا مش ناقصة تأخير ولفيت حوالين النادي حوالي 3 أو 4 مرات على ما لقيت ركنة بطلوع الروح .. ودخلت النادي وأنا متغاظة من الظريف اللي أخد مكاني وكان سبب في تأخيري عن الموعد. وصلت للتراس (ودي فًسحة كبيرة فيها ترابيزات وكراسي) وكانت المفاجأة!!!!)

وانتظروا الجزء الرابع

[ام معاذ]

ههههههههههههههههههههههههه ههههه

انا عارفه المفاجأه

ان صحبنا اللى ركن هو العريس
هههههههههههههههههههه

ديما كده فى الافلام الهندى

ههههههههههههههههههههههههه ه

يسلمو حرقت المفاجأه

[نور]

ههههههههههههههههههه
وتحرقت المفأجاة انا كمان عارفة
العريس يركن جنب الحيط
هههههههههههههههه
ياربى انت حقيقى رووعة
اسلوب صحفى ومميز
بس انت احلى صحفية بصدفة
يارب يكون عريس كويس ياصابرين
اقصد يازهرة
يسعدك ربى زى ماتسعدنا كل قصص الساخرة النابضة
بالحركة والاكشن والاثارة والحلاوة
دمت مميزة ومبدعة

[زهـ دمعه الم ـرة]

الجزء الرابع




أول ما حطيت رجلي في التراس (الفسحة إياها) لقيت رشا بتشاور لي من مكانها ..رحت لها وأنا بادندن "واثق الخطوة يمشي ملكا" للست أم كلثوم ألف رحمة ونور عليها ..

و أول ما قربت ناحية الترابيزة، فوجئت بأن العريس هو نفس الشخص اللي أخد مكاني في الركنة، ومن زيادة ظرفه لما رشا ومصطفى بيعرفونا على بعض قال:

- مفيش داعي للتعريف.. سبق واتعرفنا.

( كان نفسي ساعتها أدلق كباية العصير عليه اللي سيادته كان بيشربها أثناء ما كنت أنا بلف حوالين النادي بادور على ركنة في عز الحر.. وبما إني مفروسة منه حبيت أحرجه قدام صاحبه)

- أصل الكابتن حشر عربيته مكان ما كنت أنا هركن (كنت متخيلة إني فعلا بحرجه ...لكن الظاهر أني قلت له نكتة).

- هاهاهاهاهاها أيوة ده حصل صحيح .. هاهاهاهاهاها أصل الدنيا فرص يا آنسة ما بتتعوضش ...شفتي أنت أتأخرت إزاي على ما جيتي!

( كنت عاوزة أقوله إن قلة ذوقه هي اللي أخرتني مش تضيعي للفرصة... وحبت رشا تلطف من الجو، فطلبت لي حاجة ساقعة، وأتكلمنا في موضوعات كتير .. عامة الجدع كان مثقف إلى حد ما لكن كان استعراضي بشكل يشل لدرجة إني فكرت أأقوله يقدم في فرقة الـ "راشن شو")

- لما كنت في إيطاليا دخلت برج بيزا وكان..... ولما كنت في الهند ركبت الفيل أما لندن فشعبها بارد صحيح لكن.. وأما باريس... ولما كنت في ماليزيا قابلت .....

(يااااااااااااااااااه ملهوش قفله ده!!! الله يسامحك يا رشا ده محدش فينا اتكلم بغير عبارات التأييد وهز الراس... هيسكت إمتى ده!! وأدن علينا المغرب فوجدتها فرصة أريح فيها وداني شوية فقلت أستأذن وآخد رشا عشان نصلي... وبالفعل أخدتها وإحنا في السكة).



- ها يا صابرين إيه رأيك ؟

- إنتي تخرسي خالص...إيه الراديو ده!!

- ليه يا بنتي! دي أول قاعدة بتبقى تعريف ببعض.

- أيوة يا ستي نتعرف ببعض..مش يعرف نفسه بس .. ده مش ناقص غير أنه يحكي لنا يومياته... ده لغاية دلوقتي ما يعرفش عني حاجة والنبي بعد ما نصلي ..حاولي تقصري يا رشا أنا صدعت.

- يا بنتي الواد كويس ...طب إدي لنفسك فرصة تانية.

- فرصة إيه بس؟ تعالي بس نلحق الصلاة.

(وصلينا ورجعنا للجماعة فسألت رشا خطيبها )

- صليت يا مصطفى؟

- لا قايم أهو...مش هتقوم معايا يا خالد؟



(طلع اسمه خالد... ما كنش عنده وقت يعرفني باسمه لكن مش ده الغريب..الأغرب انه قال لمصطفى) :

- روح أنت وأنا هاحصلك.

( وراح مصطفى وصلى ورجع والعشا أذنت وأخينا ماقمش من مكانه... واستعدينا نمشي وفي المواقف اللي زي دي ..كنت أتوقع أن العريس يقوم بدفع الحساب ولو من باب الذوق لكن المفاجأة لما قال) :

- لا يا جماعة ...إحنا نمشي نظام إنجليزي ( يقصد إن كل واحد يدفع حساب طلباته).

(طبعا مصطفى وخطيبته شكلهم كان وحش جداااا..وحاول مصطفى يداري الموقف...لكن البعيد صمم إنه يدفع ع الأقل لنفسه..لأنه تربية إنجلترا والحق ما يزعلش حد.. ده حسب ما قال.. وروحنا بيوتنا وحكيت للغالية اللي حصل فاتجرعت ألمها وقالت جملة واحدة:

- حسبي الله ونعم الوكيل.

الجملة فعلا عادية، لكن غير العادي هو حُرقتها وهي بتقول الجملة، وفعلا صعبت عليا أمي وصعبت عليا نفسي ما هو الإنسان طاقة برضه ... واتصلت بيا رشا تعتذر عن العريس والإحراج اللي سببه لنا كلنا..وكان مبررها أنه صاحب مصطفى من بعيد - مش صاحبة أوي يعني- وطبعا قبلت اعتذارها بصدر رحب وأنا حيلتي غيره

انتظروا الجزء الخامس

[زهـ دمعه الم ـرة]

الجزء الخامس







أسئلة كتيرة اتسألتها بعد ما كتبت المذكرات ...( وأحب أنتهز الفرصة وأقول إن المذكرات بالطبع مش مذكرات شخصية بحتة، بل هي تجارب صديقاتي، وبها شيء من الصحة.. مع شيء من الخيال والسخرية)..وكان من الأسئلة :

• أنت بتكتبي مذكراتك بجد؟


• فعلا تقدم لك عريس بالشكل ده؟


• لما الـ 400 ولا الـ500 جنيه مش عاجبينك (انظر الجزء الثاني) طمعانة في إيه؟


• لما أنت بتتأمري، وتتشرطي كده ..ابقي ورينا هتتجوزي مين؟ كل الأسئلة اللي فاتت وغيرها كتير أثارت بداخلي سؤال عمري ما تجرأت وطرحته على صديقة أو حتى زميلة...والسؤال هو:


إيه مواصفات شريك حياتك؟


وكان عدم تفكيري في طرح السؤال هو احترام خصوصيات الغير، وإن الأمر لا يعنيني بشيء.


المهم إني قررت فعلا أسأل ...


وفي أقرب جلسة مع صديقاتي


- واللي كانت في منزل إحداهن


- وأثناء علو ضحكاتنا سألت:


- إيه رأيكم نتعرف على بعض أكتر ..

يعني (وقلتها وكلي خجل) إيه مواصفات فتى أحلامكم؟؟


(فجأة سكتت الضحكات وعلت الوجوه دهشة غريبة وتجهمت وجوه..ووجوه أخرى كساها الاصفرار، وتوقفت حركات من كان يتحرك، ووقفت اللقمة في حلق من كان يأكل.. كل ده عشان سؤال!!


- خلاص يا جماعة
حقكم عليا...ما كنش سؤال. (و أخيرا نطقت واحدة منهن)


- أنت لسه مفكراه فتى؟؟ يا بنتي ده زمانه دخل في الشيخوخة.


(وصوت تاني) - يااااااااااااااااااااه يدينا ويديكي طولة العمر...بتألبي علينا المواجع ليه بس يا صابرين!! (وأخيرا انكسر حاجز الصمت وبدأت كل واحدة فينا تعلق بشكل ساخر حتى إن عيونا دمعت من الضحك ...وقلت)


- لا بجد يا جماعة يعني لما نعرف كل واحدة نفسها في عريس شكله إيه ...أكيد هانتعرف على أحلامها و شخصيتها بشكل أقرب.


- والله فكرة ...وأدينا بنتسلى.


(كانت دي سمية.. صحفية صديقة بالعمل طموحة،عمرها 24 سنة، أصغر بنوتة في الجلسة.. مستريحة بالأوي .... مادياً طبعا)..


- طب نبدأ بيك يا سوسو.


(تبدا سوسو بكل خفة ودلع ...وتتنحنح وكأنها ستلقي خطبة عصماء فتقول)


- ماشي... بصوا بصراحة كده أنا نفسي في شاب طويل رجل أعمال.. دكتور.. مهندس حاجة زي كده ، ما عنديش مشكلة إذا كنت هاقعد في البيت أو أشتغل؛ لأني مؤمنة بأن تكوين الأسرة أهم، ياسلااااام لو كان أبيض وشعره أسود يااااااااااااااي ..


يجنن.. بذمتكم مش كده؟ ( بصراحة لأول مرة أتعرف عليها بالشكل ده رغم إني اعرفها من حوالي سنة ، لكن قطع تفكيري سؤال واحدة مننا لسوسو)


- بس كده؟؟


- بالتأكيد لازم يكون بيصلي ومتدين.


(ردت شيماء ودي بنوته عندها 27 سنة كانت أكبر مني بدفعتين في الكلية، عاقلة، متدينة، عاشت في الكويت فترة)


- إنتي بتتكلمي بجد ولا بتهزري؟ (كانت ملامح شيماء غريبة بدأت بامتعاض فتجهم فتكشيرة لا ملامح لها)


- وإيه الهزار في كده ...أنا بحب الاستايل ده حاجة كده شبة...."أحمد الشريف". (حبيت أصحح لها المعلومة )


- اسمه عمر الشريف. ( ابتسمت وردت عليا رد أظهر مدى جهلي بالساحة الفنية)


- عمر مين ياستي أنا أقصد أحمد الشريف بتاع ستار أكاديمي.


- والله.... ده التونسي اللي كان مع محمد عطية!!


- اسم الله عليك...شفتوه أمور إزاي! (ردت شيماء بسخرية)


- لا يا حلوة ... شفناكي أنت. ( وبالطيع كانت تقصد إننا شفنا سمية الجديدة علينا بسنها وأحلامها وطلباتها، بصراحة كنت سعيدة من أن سؤالي نجح في إنه يعرفنا على بعض بالفعل.. وعشان السهرة تحلى سألت)


- وأنت يا شيماء عاوزة إيه؟ ( ردت شيماء بحياءها المعهود وبراءتها الجميلة وبدأت كلامها بـ


- كل اللي في ذهني أن ربنا يرزقني بمن يتقي الله فيا وما يهمنيش بيشتغل إيه..ولا يهمني مستواه المادي ولا شبه عمر الشريف..ولا حتى إسماعيل يس .. لأني
مؤمنة إن اللي يراعي حق ربنا أكيد هيراعي حقي.


(قاطعتها إحدانا بسخرية) - عظمة على عظمة يا ست.... هيييييييييييييييييييييييي ييي.


- باتكلم جد والله ونفسي نرتقي مع بعض دينيا ودنيويا ...أنا على استعداد أقبل لو هوه أقل من مستوايا (اجتماعيا وماديا طبعا ) بس بشرط إني ألمس فيه الطموح والعزيمة اللي بيها نذلل أي عقبه قدامنا. (ردت سمية)


- والله حلو .. .بس أنا معنديش استعداد آخد واحد لسه هايبني نفسه...اللي مامعهوش مايلزموش.


(وسألت شيماء أروى ودي أهدى و أرق بنوته في الجلسة)


- وأنت يا أروأ؟؟؟ (تقصد يا أروق )

ونكمل باذن الله الجزء السادس

[ام معاذ]

السلام عليكم ورحمة الله

يلا خيرها فى غيرها

البنات كتير بيتقدمو لهم

المهم الدين وصحبنا ناقص دين وشهامه

هههههههههههههههههههههه

زهورة
روووووووووووووووووووووعه

يسلمو

هى فعلا من الصابرين

هههههههههههه
دمتى بخير

[زهـ دمعه الم ـرة]

المشاركة الأصلية كتبت بواسطة يعرب

السلام عليكم ورحمة الله

يلا خيرها فى غيرها

البنات كتير بيتقدمو لهم

المهم الدين وصحبنا ناقص دين وشهامه

هههههههههههههههههههههه

زهورة
روووووووووووووووووووووعه

يسلمو

هى فعلا من الصابرين

هههههههههههه

دمتى بخير

يعرب

والله يا حبيتي

عجايب اصلا

بنشوف العجب

تابعي

[زهـ دمعه الم ـرة]

الجزء السادس




بصراحة قبل ما تحكي أروى طلباتها .. كانت نفسي حمضت من البنات.. إيه الطلبات الغريبة دي!

يعني سمية اللي عاوزة دكتور" قال يعني الدكاترة حلوين اوي " ده في ناس دمها بينشف منهم دي ماهو والدها تاجر أمي أصلا بتتشرط على إيه!! واللي عاوزاه متدين وبس ماهو اتقدم لها واحد قبل كده وهي نفسها حكت لي عنه ورفضته لإنه لسه قدامه كتير على ما يقف على رجليه)...

فعلا سهل علينا جدا نقول شعارات لكن من الصعب تنفيذها... وبصراحة دعيت إن ربنا يمسك عليا لساني عشان ما أخبطش في واحدة منهم...

المهم إن أروى بدأت كلامها وهي بتشاور بإيدها وكأنها بترسم لوحة فنية ، وهندمت نفسها وكأنها في استديو تصوير واتنكت قوي في قعدتها وبصت للسما وقالت)

- نفسي في واحد زي.. زي "محمد بن راشد آل مكتوم" * متدين وشاعر وفارس ونبيل ووسيم وعربي صميم... أقصد انه أن فيه كل مميزات الرجل الحُلُم ( والرجل الحُلُم دي – بضم الحاء- من لزمات أروى لإنها بتكلمنا كتير بالفصحى وفقا لتخصصها...

وبدأت التعليقات الساخرة منهم والساخطة مني - فيما بعد- على أروى تنزل عليها زي المطر)

- دي راسمة على طمع...وربنا الدش بوظ أخلاقها.

- بتحلم دي ولا اية.... اصحي.

- البت دي هتنقطي بهدوئها...وأنت إيه أصلا عشان يجيلك واحد مكتوم !!!!

(لالالالالالالالالا لحد كده وكفاية ... وماقدرتش امسك لساني أكتر من كده)

- إيه اللي بتقولوه ده الحلم إن مكانش ممكن تحقيقه يبقى مفيش داعي له أصلا... وبعدين

– سامحيني يا أروى- واحد زي مكتوم ده يجيلك ليه! وإزاي؟ مش لما نحلم نبقى واقعين في أحلامنا!!!... وأنت يا سوسو مين قال إن الدكتور ولا رجل الأعمال ممكن يحقق لك حياة سعيدة... وصحيح الدين أساس الاختيار يا شيماء لكن لابد من تكافؤ يعني الارتباط بيبقى زي كفتي الميزان لابد من التوازن عشان ماتطبش كفة على التانية وإلا الجواز هيفشل.

( خلصت كلامي من هنا .... وبصيت بنظرة سريعة على وش كل واحدة فيهم وكأن على رؤسهم الطير...البنات متنحين بالفعل ... ماعدا عبير واللي كان الدور عليها ولسه مااتكلمتش أول ماجت عيني في عينها قالت)..

- أنا ماتكلمتش خالص ...وبعدين أنا
مخطوبة أصلا ...فماتجيش ناحيتي.

( من كلام عبير ولهجتها الحادة الطريفة، بدأنا في هيستيرية ضحك وبالطبع لأني خبطت في الكلام فاعتذرت بكل عزة وشموخ و قالت لي واحدة منهم)

- لما أنت واقعية وعاقلة كده .... ما تقولي على طلباتك ولا أنت قلتي البقين دول عشان تهربي من السؤال ولا إيه؟؟

- أبدا والله ...أنا ماليش لا أحلام ولا طلبات ...وأحطها ليه أصلا وأنا عارفة أن بيها ولا من غيرها مش هتجوز غير اللي كاتبه ليا ربنا ده إذا كان كاتب لي جواز أصلا.

- يا سلام يا رزينة يا متدينة أنت!!

- فعلا والله .... الشرط الوحيد ليا هو أني أكون مرتاحة ومقتنعة، غير كده أمور متفاوتة من السهل نعديها ونتجاوزها بالعقل والواقع.

( وكملنا قعدتنا عن الشغل ومشاكله، وعن أطرف المواقف اللي بناقبلها في حياتنا اليومية، وعن أمهاتنا وإلحاحهم علينا نشوف ده وندي فرصة تانية لده ... اكتشفنا إن كل أمهاتنا زي بعض وده لإنهم عاوزين يفرحوا بينا ويشوفوا عيالنا)...



وروحت البيت وأنا حاسة بضغطي المرتفع.... لإن كان في كلمة مزنوقة في بقي ماقلتهاش للبنات وكان نفسي أقولها لهم لكن خفت على مشاعرهم ومفيش داعي أحرجهم أكتر من كده خاصة وإني ماقصرتش معاهم... كان نفسي أقولهم قبل ما واحدة مننا - أوحتى واحد منهم- قبل ما يبدأ بسرد أحلامه وطلباته لازم يصارح نفسه بعيوبه بمعنى أدق... لازم نقف قدام مراية صافية ونقية - وكلها حُنية- نشوف فيها عيوبنا فنعرف قدرنا وعلى أساسها نحط طلباتنا..... وعجبي)



انتظروا الجزء السابع والاخير باذن الله