صباح الخير يا بنوتات يا قمرات
ازيكم عاملين ايه واخباركم ايه
احزاب ايه على الصبح
هى 25 يناير جت هنا ولا ايه ؟؟ ههههههه
بصى يا نور انتى طلبتى شهاده حق
وطبعا احنا هنا مفيش حد غاصب حد على حد
بمعنى اننا مش مطلوب مننا نجامل حد
وانا هنا مش بجاملك فى اللى هقوله
اولا انا عن نفسى لا اعرف لك ايميل ولا رقم تليفون
يعنى مفيش كلام بينا على ايميلات
يعنى مفيش احزاب ولا مؤامرات على حد
انا اشهد لك انك انسانه طيبه ومحترمه ولا عمرك تأمرتى على حد
بس عاوزه اقول لك حاجه اللى قال عليكى انك بتتأمرى او بتعملى احزاب
تأكدى ان هو اللى بيتأمر ويعمل احزاب
لان الخاين فاكر ان كل الناس خونه والكذاب فاكر ان كل الناس بتكذب
دى طبيعه النفوس البشريه يا نور
ومش معقوله بقى هنفضل كل شويه فى مشاكل ودى ردت على فلانه ومش ردت عليه
ودى بتجامل دى ودى بترفع مواضيع دى
ما ينفعش الكلام ده ياجماعه
بصراحه انا حاسه ان المنتدى بقى ممل ومادم بقى هنتكلم بصراحه
يبقى نقول بقى اللى حاسين بيه
انا حاسه ان المنتدى بقى كئيب
ايه اللى بيحصل ما اعرفش ؟؟
ايه اللى بينكم ما اعرفش ؟
بس حاسه ان فى حاجه مش مظبوطه
انا عن نفسى مش زعلانه من اى حد ولكن فى موضوع فى العام مضايقنى ومش هرتاح
الا لما ارد على صاحبه الموضوع اللى هى همس
علشان يبقى الكلام كده على المكشوف
اى نعم اكرم رد بس رده برضه مش ريحنى
يعنى احنا بنحافظ على علاقاتنا مع اخواتنا اللى مش مصريين
يبقى انا بقى ما اروحش احط موضوع يستفز المصريين
وعلى فكره بقى ما دام هنتكلم
ياريت اى حد يحط مواضيع فى الاخبار او الحوادث مش يحط اخبار عن مصر بس
كل الدول العربيه فيها بلاوى وفيها اكتر من اللى بيحصل فى مصر بكتيييييييييييييييييييييي ير اوى
احمد عز وجرانه وكل الفاسدين دول موجودين فى كل الدول العربيه
يبقى نظهر فساد الكل علشان ما حدش يفكر يبص للمصريين نظره ان بلدنا بس اللى فيها فساد
ناس كتير عندها فساد بس ما يقدروش يتكلمو عن بلدهم زى ما احنا بنتكلم
انا عارفه انى بعدت عن الموضوع اللى نور بتتكلم فيه
بس من ضمن كلام نور ان اللى فى قلبه حاجه يقولها
الحكايه مش حكايه اننا نحقق سكور وخلاص
احنا لازم نكون مرتاحين فى المكان اللى بنشارك فيه لان المنتدى المتنفس لينا كلنا
بلاش بقى يبقى المتنفس الوحيدلنا هو اللى بيخنقنا
نور انا اشهد لك انك لا بتعملى احزاب ولا مره حتى كلمتينى فى حاجه زى كده
ياريت النفوس تهدأ شويه ونشارك بحب
صدقونى مش كتر المشاركات ولا السكور هو اللى هيخلينا نحب بعض ونحب المكان
انا مش بكلم حد على الايميل غير خالتى ساجده
مش كده يا خالتى ههههههههههههههه
ده انا هدبحك يا خالتى بس لما تدخلى على الايميل ههههههه
هدى نفسك يا نور يا قمرايه وادينى انا بس الايميل بتاعك ومش تديه لباقى البنات ههههههههههه
وتعالى نرغى انا وانتى ونتفق على البنات دول كلهم هههههههههههه
ونعمل بقى حزب ونسميه حزب نونا ههههههههه
حلو الاسم مش كده ههههههههه
فكى بقى يا نور وابتسمى
وصباحكم خير وسعاده ان شاء الله
ما تيجو تتغدوا مسقعه باللحمه المفرومه ههههههه
ساجده ما تجيش انا مخصماكى يا خالتى ههههههه
شوفتى بقى لسه بندعو للتسامح وادينى خاصمت ساجده اهوه هههه
ولن ولم اعفو عنها الا لما تدخلى على الايميل واضربها هههههه
هى عارفه ليه طبعا ههههههههههههههه
03-13-2011, 09:19 AM
رد: كلام نواعم (هنا تجمع فتيات المنتدى)
