صباح الخير والسعاده على الجميع
اشكرك حبيبتى برنسيسه على الاستضافه
معلش اتاخرت عليكم شويتين
ولا يهمك اتاخري عراحتك
نبدأ فى الاسئله ولو ان الاسئله دى هترجعنى بالذاكره كتير بس مش كتير اوى يعنى هههه
هههههههههههههههههه
- .. إيش كآن فصلك في أول إبتدآئي ؟ يعني ( أ , ب , ج ) ..
كنت فى فصل اول (أ)
- أول مدرس/ه جآكم بالفصل ( بأول إبتدائي ) .. ؟ على الأقل الإسم الأول ..
المدرسه كان اسمها عطيات
- أول مشكله أو مشآده حصلت بينك و بين أحد التلآميذ .. ؟
لا الحمد لله ماكنتش بعمل مشاكل
شكلك كنتي هاديه من مثل جارتك مرمريه المفتريه هههههههه
- من كآن يلبسك ( ثوبك / مريولك ) بالإبتدائي .. ؟
ماما طبعا ربنا يبارك لى فيها ويديها طول العمر ودلوقتى لما بقوم الصبح لولادى والبسهم وافطرهم واجهز لهم طلباتهم بدعى لامى كتير وبعرف اد ايه احنا تعبناها ربنا يديها الصحه يارب
الله يخليها ليكي
- كم قلم ضيعت بأول إبتدآئي و هل كآن ( أبوك / أمك ) تهآوشك عليه.. ؟
اكيد ضيعت كتير بس ماما وبابا مش كانو بيزعقو لى خالص الحمد لله
اكيد كنتي دلوعة البابا والماما هههههههههه
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
ههههههه اه طبعا بكيت ولغايه النهارده فاكره اليوم ده ولما جت منه تدخل المدرسه اتذكرت اليوم ده وبقيت خايفه عليها اوى وكنت اقعد افكر هتعمل ايه فى المدرسه وهتتصرف ازاى ؟؟بس الحمد لله كله بيعدى
هههههههههههههه طلعت منه اشطر من امها هههههههههه
- هل كنت تغآر من أحد التلآميذ .. مع ذكر السبب ؟
لا الحمد لله ما كنتش بغير من اى حد لانى كنت شاطره
- بالمتوسط .. هل حسيت إنك كبرت .. ؟
اه طبعا حسيت انى كبرت شويه ههههه
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
لا لا خالص ما كنتش ارسم ولا اكتب على الكتب ولا اى حاجه من الكلام ده لان انا اصلا مش بحب الرسم ولا بعرف ارسم خالص هههههه
عادي بتصير باحسن العائلات هههههههههههههه
- هل خآلفت الأنظمه .. كم مره .. إذكر لنآ إحدى المخآلفات .. !
الحمد لله ولا مره خالفت الانظمه
- إذكر لنا بعض الألقاب التي أطلقت على المدرسين .. مع ذكر السبب .. ؟
اللى انا افتكره حاليا علشان انتى عارفه الزهايمر شغال بعيد عنك هههههه ان كان فى مدرس واحنا فى ابتدائى التلاميذ كانوا مسيمونه احمد كهربا علشان كان بيضرب ضرب جامد وكانو بيخافو منه ده اللى انا فاكره حاليا
ههههههههههههههه سبحان الله بكل مدرسه بالعالم الا ما يكون استاذ كهربا
- هل أخذت رئاسة فصل أو مسرحية أو إذاعة أو مآ شآبه
انا كنت مشتركه فى المرشدات ما اعرفش بقى انتم تعرفو المرشدات ولا لا ؟
الصراحه ما عندنا مرشدات
- هل يوجد ألقاب أطلقت عليك .. ( إعترف ) .. ؟
لا مش فاكره
- أين كآن مقعدك في الصف الأول ثآنوي .. ؟
فى الصف التانى ناحيه الشمال
- في أي سنه إلتقيت بأعز أصدقائك .. ؟
التقيت باعز صديقاتى فى سنه اولى ابتدائى وكانت جارتى وكنا بنروح المدرسه سوا ونذاكر سوا ولغايه النهارده الحمد لله مازلنا اصدقاء وفى تواصل بينا وبناتى وبناتها اصدقاء
والصديقه التانيه قابلتها فى اول ثانوى وبرضه لغايه النهارده فى تواصل بينا الحمد لله
مفيش اجمل من الصداقه الحقيقيه
دايما الصداقه الحقيقة بتدوم للابد
- مدرس تقول له ( شكرا من القلب و يعطيك العافية ) .. ؟
المدرسه اللى علمتنى ازاى امسك القلم واكتب
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
لا لا الحمد لله ولا مره
- مدرس تمشكلت معه .. مع ذكر السبب .. ؟
افتكر انى لما كنت فى اول ثانوى عملت مشكله مع مدرسه بس مش فاكره ليه ؟؟
- أطرف موقف حدث لك في حيآتك المدرسية ؟
صدقينى الزهايمر شغال على الاخر ومش فاكره حاجه حاليا
ولو ام بسملة لحقتي تصابي بالزهايمر متخلنيش اناديكي بجدتي
ههههههههههههههه
اشكرك برنسيسه على الاستضافه الجميله رجعتينى لايام حلوه اتمنى انها ترجع تانى
05-22-2011, 09:38 AM
رد: { نروح آلمدرسه بدري ..ونضحك دخل آلطآبور ..}
