- تَجربِتكْ فِيِ ـٍالمَطبَخْ بَدأتْ مَتىَ ؟
تجربتى الاولى فين فى مصر ولا هنا فى الغربه ؟
شوفى يا ستى
تجربتى فى مصر بدأت وانا فى سنه اولى ثانوى
بعد ما اختى الكبيره اتجوزت وماما مش لاقيت قدامها غيرى ههههه
- كَيِفْ كَـٍآنَتْ أوَّلْ تَجربهْ , صِفِيِهَــٍآآ ؟
بصى انا تجربتى تختلف عن الاخرين
كل الناس فى اول تجاربها بتحرق الاكل وتبوظه
انا لا انا كنت بوقع اى حاجه تيجى فى ايدى هههههه
كل ما امسك حاجه ادلقها ما اعرفش ليه هههههه
والله مش مياسه ولا دلع ههههههه
والمشكله انى كنت بتحرق لانى بدلق على نفسى ههههههه
يعنى اللى انا فاكره كويس اوى انى مره وانا بسلق المكرونه
وانا بقلبها الحله وقعت على رجلى مش عارفه ازاى هههههه
اما بقى تجربتى هنا فى الغربه
كانت مع سلق الكرنب
لان انا اول مره اسلق الكرنب كان هنا فى السعوديه
لان ماما دايما هى اللى بتسلق الكرنب وتقطعه لغايه الان
يعنى اخواتى البنات لغايه الان ما يعرفوش يسلقو الكرنب
بس الحمد لله سلقت الكرنب وطلع ميه ميه وكمان القرنبيط اول مره اعمله كان هنا
بقعد بقى اشغل الذاكره وافتكر ماما كانت بتعمل ايه وامشى على الذاكره وكله بيطلع تمام
- هَل هُنَـٍآكْ مَنْ تَريِنَهْ قُدوَه فِيِ ـٍالمَطبَخْ مِن صَديِقَاتِك أو العَائِلَه ؟
ماما واختى الكبيره ماشاء الله عليهم
بطلع عين اختى الكبيره لما بنزل اجازه
اعملى لى ورق عنب اعملى لى حمام اعملى اعملى
لغايه ما تقولى انتى مسافره امتى انتى اتاخرتى اوى ههههههه
- أحيَانْ تِجِيِ عَلَـٍىَ ـِالبَالْ أكلَـٍه مُحَدَدَهْ تِحَتاجْ مَقَاديِرْ غَيِرْ مَوجُوُدَه لَديِكْ وَمَالِقيِتيِ مِنْ يِجيِبهَـآ
لِكْ .. كِيِفْ شُعُورِكْ وإذْكريْ موقِفْ ^^ ؟
ببعت بيدو يجيب لى اللى ناقص من البقاله هههههه
بس بقى لو اللى انا عاوزه مش موجود فى البقاله بتضايق
مفيش موقف فاكره دلوقتى
- طَبخَـٍه أو أكلـٍه تَعشقيِـٍنـٍها ؟
بحب البط والمحشى والمسقعه جدا
- أطَعَم طَبَقْ عَالَميْ , سوشيْ مِن ـٍاليَابَانْ , سَباغيِتيِ مِن إيطَـٍاليَا , قُرصَـٍآن مِن ـٍالقَصيِمْ.. إذكريِه ^^ ؟
محشى من مصر هههههه
- هَلْ تَسَتهويِنْ ـٍالعَصِيِرآتْ الطَـآزَجَه , مَـٍآهُو عَصيِرُك ـٍالمُفضَّلْ ؟
انا بحب عصير الجوافه
- فَـٍآكِهه تَشتَهيِنهَـآ ـٍالآن ؟
الان الان نفسى فى يوسفى بس يكون من مصر
- هَـٍل أنتيْ مِن مَن يَهتَمْ بِـ الرِجيِمْ وَعَدمْ الإكثـَآرِ من الدهُوُنْ أو الكوليسْتيِرُوُلْ وَغيِرَهـٍآ مِن
الحَوآجِزْ ـٍالمُزِعجَه للجسِمْ أو الوضَعْ [ عَـٍآدي ] .. ؟
ههههههههههه
مش بحب الريحيم خالص
- هَـٍل أنتيِ مِنْ عُشَّـٍآقْ مَزَآج ـٍالكَآفييِنْ مِن أنَوآع ـٍالقهوَه أو لآ .. ؟
طبعا طبعا
مش اميره لسه بتقول اهوه انى خلصت على قهوه العالم الاسلامى
بس الحمد لله فرجت يا اميره
لسه جايلى بن حالا من اسكندريه ههههههههه
انا بحب القهوه اكتر من الشاى
اشرب الشاى لو فى نعناع
( فَقرَهْ إخِتيَاريِه لِ عَدَم ـٍالتكلَّفْ )
- طَبخَه , كَــآفيْ , عَصِيِرْ .[ يَاحَبذَآ لَوَ كـٍآن فيِه يُكُوُن شيْ مصَّوَّرْ ]. أو أي خَـٍآتِمَه تُحبيِنْ تَختِميِنْ جَولَتنـٍآ فيِ مطبَخِكِ سَيِدَتيْ سَوآءاً مَجهُوُدْ بَدنيْ [ طَبخْ ] أو فِكري [ كلِمـٍه ] .. ؟
زى ما وعدت ساجده بصينيه الجلاش
مش هتصدقو بقى انى عملت جلاش يوم الخميس والجمعه
ههههههههه
وبوسى امبارح بليل الساعه 1 بعد نص الليل عاوزنى اعمل جلاش تانى
ده الجلاش بقى اتفضلو
المقادير:1- لفة جُلاّش.
2- 1/2 كيلو لحمة مفرومة أو 1/4 كيلو (حسب الرغبة).
3- بصلتان وَسط تُخرَّطان حتى تكونا قِطَعًا صغيرة.
4- 1/2 كوب سمن على زيت ذرة.
5- توابل (حسب الرغبة).
6- كوب لبن مع بيضة.
7- صينية (إناء) وسط.
طريقة التحضير:
1- يوضع البصل في إناء مع ملعقة سمن وزيت حتى يتحول لونه إلى الأصفر.
2- توضع اللحمة مع البصل وتقلب حتى تنضج وتوضع التوابل فوقها.
3- تدهن الصينية بالسمن والزيت.
4- يوضع الجلاش طبقات كل طبقة تدهن بالسمن والزيت حتى نصف كمية الجلاش.
5- توضع اللحمة ثم تغطى بباقي كمية الجلاش.
6- تضرب البيضة مع اللبن بملح وفلفل ثم تصب على الجلاش وتدخل الفرن لمدة (45 دقيقة) ساعة إلا ربع أو حتى تنضج.
أشكُرِكْ سَيِدَتيْ عَلـٍىَ حُضُورِك ـٍالبَهيْ
وَماجَلبِنيْ إلـٍى هُنآ إلا لـ أضيِفْ شيئَـٍاً مِن خِبرتِكُمْ
والإستِمتَـآعْ بِـٍ ذَائقَتكِمْ ـٍـٍالمُميِزَه
اشكرك اميره على الاستضافه الجميله
اتمنى انى اكون وفقت فى الاجابات والجلاش يعجبكم
موضوع رائع وجميل يا سيده القصر
دايما تقدمى لنا كل ما هو جميل وجديد
ودايما مواضيعك تجمعنا وترسم علينا البسمه
تمنياتى لكى بالسعاده والتوفيق
ونفسى ادبسك انتى فى المطبخ ده علشان تعترفى لنا
منتظرينك اميره باحلى اجابات
ايه رأيك فى التدبيسه اللى على الهوا دى هههههه
وهحرض عليكى كل الاعضاء ما حدش يدخل الموضوع
ولا يجاوب لك على اسئله الا لماتجاوبى انتى الاول هههههه
سلااااااااااااااااااااااا م
01-17-2011, 05:11 PM
رد: ][ في مطبخ السيده][ مع ام بسمله][
