{ نروح آلمدرسه بدري ..ونضحك دخل آلطآبور ..}

prensesa · 01-27-2011, 07:17 PM

*
- .. إيش كآن فصلك في أول إبتدآئي ؟ يعني ( أ , ب , ج ) ..

اى مكان يابنتى واى فصل

امى كانت بتشتغل فى المدرسة ووانا فيها بقيت المفتشة يعنى اقعد براحتى

نيال الامة مفتشه
ههههههههههههههههه

- أول مدرس/ه جآكم بالفصل ( بأول إبتدائي ) .. ؟ على الأقل الإسم الأول ..

ابلة سعاد وكانت كل ماتشوفنى تقولى مش انتى امك مفتشة

هاتيلى سندويتش لحمة

- أول مشكله أو مشآده حصلت بينك و بين أحد التلآميذ .. ؟

كانت فيه بنت خيالها واسع كده

كانت تقعد تحكى عن انه عندهم عفاريت ببيتهم وانهم بيكلموهم ويقعدوا معاهم

روحت قولت لامى وامى فهمتنى يعنى انه مافيش حاجة كده

روحت تانى يوم زفتها ياكذابة والكذابة اهى

واشتكتنى طبعا للمدرس ولامى وكده يعنى

ههههههههههههههههههه
يا ساتر انتي بتعرفيش تسكتي بالمره
هههههههههه

- من كآن يلبسك ( ثوبك / مريولك ) بالإبتدائي .. ؟

لو ماما بالبيت تبقى ماما ولو مش بالبيت اختى

- كم قلم ضيعت بأول إبتدآئي و هل كآن ( أبوك / أمك ) تهآوشك عليه.. ؟

شرف التلميذ فى قلمه اضيعه ازاى

كانت مسابقة مين ماضعش قلمه ومين قلمه حسونة ومين كراسته مش ملوية

كان قريبنا الله يرحمه يرصنا كلنا ( كنا حوالى 10 احنا وولاد خالاتى )

ويقولنا اشطر واحد اللى قلمه حسونة ( مبرى يعنى )

واحنا زى الهبل نبرى اللم وننفخ خدنا ونشوك نفسنا علشان نكون الاشطر

- هل بكيت بأول يوم درآسه .. أو خليت ( أبوك / أمك ) يدآوم معآك .. ؟

لااا لانه اخواتى كانوا معايا

كمان ماما كانت بتاخدنا معاها وكنا عارفين الناس والجو

- هل كنت تغآر من أحد التلآميذ .. مع ذكر السبب ؟

لاااا انا كنت شطورة وكنت مش باشغل دماغى بحد

- بالمتوسط .. هل حسيت إنك كبرت .. ؟

جداااااااااا

خاصة انه كنت بالبس قصير وجابولى صندل عالى كده

فاحساس انه كبيرة بقى ومش اى حد يكلمنى ولا يلعب معايا

ياااى سوفاج

ههههههههههههههههههه
يعني امك اختصرت وجابتلك كعب عالي
مش مثل نور خربت كنادر امها

- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟

كلها وكل صفحة مكتوب فيها حاجتين

اول حاجة hend

اسمى وبالانجلش مش عربى

والتانية اغااااااانى لانه حضرتى مش بتذاكر الا على صوت وبما انه التليفزيون كان ممنوع يبقى الراديو والكاسيت

وكان فيه لوحة خشب كده مازالت موجودة كنت باحفظ عليها قارئة الفنجان

- هل خآلفت الأنظمه .. كم مره .. إذكر لنآ إحدى المخآلفات .. !

هل خالفت

ده انا كنت مسجلة خطر يابنتى بالثانوى

دايما وابدا مطرودة برة الفصل انا وستة بلاوى ده

مرة خمس مدرسين اجتمعوا وعملوا شكوى فينا ونزلونا للمديرة

اول مانزلنا كنا فاكرين انهانذار او كده وهو ده فعلا اللى حصل

ولقيت المديرة بتقولى تعالى انتى

انتى بنت فلانة ؟ قولتلها اه ؟ قالتلى فلانة تبقى مامتك قولت اه

والست ما اتوصتش هزأتنى ومسحت بكرامتى الارض

طلعت اخت لامى فى الرضاعه

هههههههههههههههههه
يعني مسجله خطر وانا مفكرتك هاديه وفي حالك

- إذكر لنا بعض الألقاب التي أطلقت على المدرسين .. مع ذكر السبب .. ؟
هو احنا كنا بنلحق نشوفهم

كل ما يشوفونا بررررررررررررره

هههههههههههههههههه
هاي حلوه
- هل أخذت رئاسة فصل أو مسرحية أو إذاعة أو مآ شآبه

لاااا

الحاجات دى للبنات الملتزمة احنا لاااااا

- هل يوجد ألقاب أطلقت عليك .. ( إعترف ) .. ؟

انا ورانيا صاحبتى كان مدرس الجغرافيا والاقتصاد بيسمينا رية وسكينة

انا رية علشان ساكتة وسهنة ويقولى رئيسة العصابة

طيب يا ريا بنات صدفة فقاره وما معهم شي
ههههههههههههههههه

- أين كآن مقعدك في الصف الأول ثآنوي .. ؟

اخر واحدة فى الصف اللى فى النص

- في أي سنه إلتقيت بأعز أصدقائك .. ؟

اولى ثانوى

- مدرس تقول له ( شكرا من القلب و يعطيك العافية ) .. ؟

جزاهم الله خيرا كلهم

بس اخص المدرس اللى كان بيجى البيت عندنا واصر انه يخلينى اكتب منوانا تلات سنوات بس

خلانى شاطرة جدا وسابقة سنى فى اللغه العربية والكتابة والاملاء وجدول الضرب

- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟

ماتعديييييييييييييش

من كتر ما كانوا يدونا احنا الستة انذار

كان اسمنا مكتوب عندهم واول ما يجى اسم فصل 3/35

يقولوا انذار للستة

مرة اخدت انذار وانا غايبة كانوا بيعملوا للبلاوى وقتها وحطوا اسمى معاهم

ههههههههههههههههههههه
اكيد انتي الي محرضيتهم

- مدرس تمشكلت معه .. مع ذكر السبب .. ؟

عارفة البنات اللى بتدرس فى كلية التربية بيبعتوهم المدارس يدرسوا حصص تكون تدريب ليهم

وجم منهم يدرسوا لينا فيزياء

وكانت سكينة ( رانيا صاحبتى ) بتلك كاعدتها رغى رغى رغى

والمدرسة دى وهى بتلفت شافتنى وانا باقول لسكينة افصلى شوية

راحت قالتلى انتى ياللى هناك تعالى هنا

اقفى اخر السبورة ووشك للحيطة

قولتلها فى واحدة طول وعرض زى حضرتى تتذنب

قالتلى اه انتى قولتلها لاا

راحت اشتكتنى للمدرس وقالى اعتذرى ليها

المهم انه فى الاخر البنت دى طلعت قريبتى اتجوزت ابن خالتى هههههههههههههه

يعني لو مرمريه بنقول لان حجمها صغير
بس انتي صعبه
هههههههههههههههه

- أطرف موقف حدث لك في حيآتك المدرسية ؟ .

بصى احنا كنا الفصل النابغة ( علمى رياضة)

فصل وحيد وجنبنا العالم العادية بتاعة علمى علوم

وانا مرة كده فى الفسحة اخدتنى الجلالة وقعدت اغنى اغنية كانت مشهورة وقتها اسمها بابا اوبح

ايام الطرب الاصيل

المهم لقيت واحدة اخدتها جلالة تانية وزى ماتقولى قالت تفك عن نفسها البنية اتحزمت ورقصت

تانى يوم لقيت بنات علمى علوم جايين عاوزين يفكوا هما كمان عن نفسهم

قعدنا على الحال ده تلات ايام وطبعا حد اشتكانا

واحنا قاعدين نطبل كده دخلوا علينا شوية مدرسين وقالوا دى بقيت شارع محمد على الثانوية بنات

ومدرس بص لينا وقالنا مين اوبح ده اللى بتقولوله يابابا

ايااااااااام

الواحد كان بيعمل حاجات غريبة والله

بس انشالله ما كملتي وبهالاغنيه لليوم
ههههههههههههههههه

طبعا الكلام ده من الماضى فارجو انه محدش يغير فكرته هااا

ومش عاوزة تعليقات مرمرية خالص

تسلمى سمو البرينسيس على استضافتك

سلاااام

ساجده

اجوبه رائعه وعفويه
من شخصيه اروع
دايما كونلك صدى بالمواضيع
احلى ذكريات واحلى ايام عدة
يسلمو اختي لتلبيتك دعوتي

prensesa · 01-27-2011, 07:20 PM

مرمريه

اميرة

احمد

طارق سرور

امل

نور

شاكرة ليكم وجودكم الرائع
ردودكم زادت مصفحي رونقا

انتظروني بضيف جديد

أحمد اسماعيل · 01-27-2011, 10:55 PM

صباحكم خير

ننتظر ضيفك فى موضوعك الجميل اختى برنسيسة

الله يسعدك على جمال الموضوع الذى يعيد الذكريات الحلوة للجميع

دعواتى لك بالصحة والعافية

prensesa · 01-28-2011, 06:57 AM

صباحكم سكر

اليوم راح نستضيف عضو
اثبت حاله بسرعة الصاروخ
احبة الجميع
بكل موضوع لمسته واضحة

رحبوا معي باخونا

@@@ طارق سرور@@@

بانتظارك يا طارق مع احلى ذكريات

اميرة صدفة · 01-28-2011, 10:49 AM

هلا برنسيسه

كنتي فين وتركتي المدرسه كده ههههه

اهلا فيك وبضيوفك الكرام

وبانتظار الاخ طارق

وذكرياته بالمدرسه عامله ايه

متابعين معاك يا قمر

لروحك كل الاحترام

طارق سرور · 02-07-2011, 08:53 AM

- .. إيش كآن فصلك في أول إبتدآئي ؟ يعني ( أ , ب , ج ) ..

أ ــ ( اولى أول )

- أول مدرس/ه جآكم بالفصل ( بأول إبتدائي ) .. ؟ على الأقل الإسم الأول ..

صبرى ( مدرس علوم )

- أول مشكله أو مشآده حصلت بينك و بين أحد التلآميذ .. ؟
خالد ( على حب فتاه معنا )

- من كآن يلبسك ( ثوبك / مريولك ) بالإبتدائي .. ؟
كان الإعتماد من اول يوم على انفسنا

- كم قلم ضيعت بأول إبتدآئي و هل كآن ( أبوك / أمك ) تهآوشك عليه.. ؟
صعب ... مش فاكر !

- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
بالعكس كنت سعيد جداااااا .... وكنت أكره الأجازة

- هل كنت تغآر من أحد التلآميذ .. مع ذكر السبب ؟
طبعا خالد والسبب معروف

- بالمتوسط .. هل حسيت إنك كبرت .. ؟
لا .....

- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
ههههههههه جديدة لنج فقط إسمى وصفى

- هل خآلفت الأنظمه .. كم مره .. إذكر لنآ إحدى المخآلفات .. !
قولى كم مرة لم اخالف النظمة .... مرة اقمت حرب مع زملائى على المدرسة المجاورة لنا

- إذكر لنا بعض الألقاب التي أطلقت على المدرسين .. مع ذكر السبب .. ؟
استاذ رمسيس .... كان شبه تمثال رمسيس

- هل أخذت رئاسة فصل أو مسرحية أو إذاعة أو مآ شآبه
فى الإبتدائى والإعدادى كنت رئيس إتحاد الطلاب

- هل يوجد ألقاب أطلقت عليك .. ( إعترف ) .. ؟

المجرى .... لسرعتى

- أين كآن مقعدك في الصف الأول ثآنوي .. ؟

فى الصف الثانى

- في أي سنه إلتقيت بأعز أصدقائك .. ؟
فى التعليم الثانوى ... الصف الاول

- مدرس تقول له ( شكرا من القلب و يعطيك العافية ) .. ؟
مدير المدرسة فى الإبتدائى ... ياما خبا بلاوى عن والدى

- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
فى حياتى الدراسية أعتقد أكثر من 50 إنذار

- مدرس تمشكلت معه .. مع ذكر السبب .. ؟
فى التعليم الثانوى ... السبب ... ضربنى بالقلم

- أطرف موقف حدث لك في حيآتك المدرسية ؟ .
عندما أغلقوا عليا الفصل بالقفل ومشواولكن نطيت من الشباك القريب من الشارع

marmer · 02-09-2011, 07:39 PM

اول مرة فى حياتى

اشوف حد بيشكر

المدير بتاعة

دة انا كارثة حياتتى

كانت مع المديريين

لو كنت لسة فى المدرسة

كنت زمانى روحت التحرير

وطالبت باسقاط المديرين

ههههههههه

بس انت بقى ماقولت لنا

مين فاز بالبنوتة

طارق ولا خالد

ولا سبتكوا انتوا الاتنين وبصت لاستاذ رممسيس هههههههههه

تسلم يا طارق

وبلاش تتخانق مع خالد تانى

هههههههه

طارق سرور · 02-11-2011, 04:56 PM

هههههههههههه

دائما ردودك روعة اختى مرمر
لا يا ستى .... لا أنا ولا خالد
هههههههههههه
دا كان شغل عيال

JANA · 05-05-2011, 04:11 PM

تسلمى برنسيسه على الموضوع الجامد ده

أحمد اسماعيل · 05-06-2011, 09:00 AM

صباح الخير والسعادة

يارب تكونوا بافضل حاااال

استاذة .. برنسيسة
وين ضيوفك الاعزاء

يلااا عاوزين نشوف افعالهم الخطيرة فى الطفولة ههههههههههه

صباحكم خير وسعادة