عيش التاريخ بالألوان عشان تفهم الحاضر بالأبيض و الأسود

[نور]

عيش التاريخ بالألوان عشان تفهم الحاضر بالأبيض و الأسود

1.المشهد الأول: الشاه محمد رضا بهلوى 1919-1980..الشاه الإيرانى..كان عنده رؤية إنشاء مفاعلات نووية و تقوية بلده ..بعد مباحثات مريرة و طويلة عمل اتفاقيات مع بلاد غربية لانشاء 20 مفاعل نووى..البلاد دى كانت فرنسا و ألمانيا الغربية و أميركا ! لكنه كان ذكى جدا..ذكاء للأسف تسبب فى كارثة...الشاه فكر و خطط لبرنامج نووى سرّى و موّسع و اكبر من اللى اتفق عليه مع الدول الغربية. من الواضح إنه كان مخطط انهم بس يعملوا له البنية التحتية و هو ينطلق و لكن بالتعاون مع دولة عربية بيحبها جدا و بيحترمها جدا و مدفون فيها..هنعرفها حالا.

لما أميركا عرفت بالبرنامج السرّى بتاع الشاه..خططوا "انقلاب" ضده..الانقلاب متخطط و متمول بنسبة 100% من اميركا.."الثورة الإسلامية " اللى جابوا لها قائد من فرنسا اسمه آية الله الخمينى. الخمينى ..و بعد نجاح المخطط الصهيونى ضد الشاه..اوقف كل الانشطة النووية الايرانية فورا و اعلن فى كل مكان عداؤه الشديد للاسلحة النووية. و عشان المخطط يكمل..جرجر العراق فى حرب ضروس استمرت 8 سنين. و هنعرف اشمعنى العراق.

2. المشهد الثانى : الرئيس محمد انور السادات: 1918-1981: قائد الحملة التأديبية ضد الصهاينة فى أكتوبر 1973..و الصديق الشخصى و المقرب جدا للشاه الايرانى...طبعا عرفنا مين الدولة اللى كانت بتتعاون مع ايران ..قبل العصابة المتأسلمة ما تسطو عليها فى 1979...و كانت مصر عاملة كماشة علي الدويلة الصهيونية مع ايران و العراق.

و زى ما الصهاينة رتبوا انقلاب ضد الشاه...بواسطة كلابهم المتأسلمين..عملوا نفس الشىء فى مصر و اغتالوا الزعيم السادات و لولا نزول الجيش المصرى فى الشوارع و اعلان حظر التجوال " زى 28 يناير 2011" ..لكانت العصابات المتأسلمة المسلحة و المتمولة و المدربة بواسطة الصهاينة..استولت على الحكم زى ما حصل فى طهران 1979...و لكنها مصر مش ايران !

يا ترى مين فى مصر اللى على علاقة وثيقة جدا بعصابات الخومينى؟ بالظبط...العصابة الارهابية المسماه بالاخوان المسلمين. لانهم بيخدموا نفس السيد فى تل ابيب وواشنجطون...و تحت نفس السيطرة الصهيونية حتى و ان كانت اسماءهم عربية و مسلمة..جرائمهم صوتها أعلى من اى خداع و اى متاجرة بالدين.

3. المشهد الثالث: الرئيس صدام حسين : 1937- 2006 و خداعه بضم الكويت و هو الفخ اللى وقع فيه و كانت غلطة عمره زى ما كان البرنامج النووى الخفى غلطة الشاه الايرانى..و تدخل جيوش الصهيو-صليبية فى المنطقة من 1991 و زعزعة الاستقرار و التمركز فى السعودية و قطر و عدة دول خليجية فى صورة قواعد دائمة...انتهاء باحتلال العراق فى 2003. العراق لأنه كان الممول الرئيسى لبرامج التسليح بينه و بين مصر "مثال : برنامج صواريخ كوندور..الكربون الاسود..بين العراق و مصر و الارجنتين و كوريا الشمالية". و لأن العراق قوة اقليمية مرعبة.

الحاضر:

التعاون الخفى بين عصابات المتأسلمين الخومينية و بين الصهاينة مستمر من جهة و بين العصابات الارهابية المتأسلمة فى مصر و بين أسيادهم الصهاينةمن جهة اخرى. الكماشة اللى السادات و الشاه و صدام عملوها عليهم فى السبعينيات..للأسف..انقلبت ضدنا و لكن بصورة ضعيفة و بأيدى الخونة.

الجولة التانية اللى بدأت فى 25 يناير 2011 و تم اجهاضها فى 30 يونيو..افقدت الصهاينة توازنهم لانها ببساطة هتفضح كل تعاونهم القذر مع الخونة المتأسلمين فى ايران و العراق "الشيعة"و مصر "المتأسلمين الاخوانجية و السلفية "..و محاكمة عصابة الاخوانجية هتكشف ان لا فيه حاجة اسمها "ارهاب اسلامى " زى ما الامريكان كذبوا على العالم و لا فيه حاجة اسمها عداء بين اميركا و ايران بسبب النووى..العالم كله هيعرف انها خدعة امريكية لافشال ايران كدولة و شعب و السيطرة على الشعب الاميركى بالخوف من عدو مصطنع.

محاكمات العصابة الاخوانجية المتأسلمة ..نقطة تاريخية فارقة جدا جدا...عشان كده هتسمعوا الخونة من الخلايا النائمة تدعوا للمصالحة لانقاذ اسيادهم...هيكملوا جرائمهم الخسيسة لحين استسلام اسيادهم فى اميركا و اوروبا و اسرائيل..و لما السيد بيهدى..كلبه كمان بيهدى.

الله المستعان

Mohamed Gaber

[طارق سرور]

تسلسل رائع للاحداث وملخص لما نحن فيه الان

شكراااااااا على الطرح والمعلومات القيمة اختى نوووور

[توتى العمدة]

نور

افاده قيمه ورائعه
تسلمين اختى الطيبه الجميله

[حنين الفريدي]

الله المستعان

الدعاء يخذل كل متكبر ومتجبر

القوة الحق لله وحده كن مع الله ذو القوة المتين

ولا تبالي بما يفعل المبطلون

الله يحمينا واياكم من كل شر

سلمت يمناك استاذة نور