احساس ماهوب خداع

[طارق سرور]

السلام عليكم ورحمة الله وبركاته






اوجعتك البارح وانا منك موجوع
والشوق لامنه طغى جاب الاوجاع

اوجعتني بحساسك اللي به دموع
اللي خذاني في نسيم ومرباع

ويسج بي واضيع ويغير النوع
ويصب لي من زعفرانه والانواع

ويسولف بهمسه وانا فيه مطموع
ومن الحلى بالمختصر صرت طماع

احساسك المرهف به الذوق مزروع
واسلوبك يبين مع الطيب زراع

فن قلت احبك صار مليون موضوع
واليا سكت الحب في دنيته ضاع

واليا تولفت العنا سار مجموع
في صدري اللي ضاري بالتجماع

الحب والاهات والشوق واللوع
والهم والحرمان والوقت مرتاع

وانا عليك احن ياكل دلوع
وانته عليك تشوف وشهو التدلاع

تحيك في نفسي وانا اقول مسموع
واطاوعك والقلب غنى ليا طاع

اتلمس احساسك ولاهوب مصنوع
واليا لمسك احساس ماهوب خداع

البارحه واوجاعنا كانت شموع
ولعتها بيديك مابين الاضلاع

ولعتني وتقول انا منك موجوع
وانا اتأسف لك على كل الاوجاع
وسلامتكم

[ندى الورد]

جميله الكلماااات أخى طااااااارق
ماأجمل تلك المشاعر التى
خطها لنا قلمك الجميل هنا


كم كانت كلماتك رائعه فى معانيها

دائمآ فى صعود للقمه

لك تحيااااتى

[طارق سرور]

شكرااااااااا لمرورك الرائع اختى ندى الورد

[الحب الصامت]

طرح قيم يا طارق .. بارك الله فيك .

كُنت هنا

الحب الصامت

[طارق سرور]

شكراااااااااا لمرورك الرائع أخى الحب الصامت