لو خسرتك ماخسرت العمر والدنيا متاع
لوو خسرتك ما خسرت العمر و الدنيا متاع
و أدري إني لوو خسرتك ما خسرت إلا القليل
بس فكر زين .. تعرف من خسر فينا و ضاع
و تعرف إنك لوو تلف الأرض و تدور بديل
والله إن تبطي .. و لوو لفيت البقاع
و لوو تسوي وش تسوي مانت لاقي لي مثيل
وين تلقئ مثل شخصي شخص .. و طباعي طباع
وين تلقئ مثل قلبي قلب أو مثلي خليل
البشر واحد نعم .. لكن فرق الإنطباع
يجعلك يمي تميل و يم غيري ما تميل
يا رفيقي إنتبه .. و أحسن لي الإستماع
لــلــمواقف دور في كشف المزيف و الأصيل
و أنت ما قصرت فيني .. موقفك جدا ً شجاع
طعنتك بــ الظهر كانت فعلا ً إثبات ودليل
بيض الله وجهك .. اللي ساتره تحت القناع
و رايتك بيضا معاي و يا عسئ عمرك طويل
يعني أعطيك الثقه .. و تردها لي بــ لووي الذراع
ياخي ما شاء الله عليك أبدعت في رد الجميل
مدري كيف أشكرك .. مردي كيف ارد الصاع صاع
كنت احسبك عزيز المفس و بــ الأخير تطلع لي ذليل
و أنا ما رظيت .. أصدق فيك قدر المستطاع
من غبائي كنت اسكت و أعذرك و اثر الحصيل
جرح قلب .. ميزته في كل يووم إتساع
و دمع عين ينهمر من ضيقتي في كل ليل
والله إني كنت احبك حب .. و اتبعك إتباع
كنت لأجل أرظي غرورك بس أسوي المستحيل
كنت اعمئ فيك .. لا لا كنت ميت للخناع
كنت مدري كيف لكن كنت صادق معاك حيل
كنت أمارس معاك في غرامي لك .. سياسة الإنصياع
و كنت لاغي معك فكرة اعتزل اوو استقيل
اندفعت بــ كل ما فيني .. و سوء الإندفاع
يجبر الإنسان أحيانا ً يفكر بــ الرحيل
صدمتي فيك .. إنك خليتني أفكر بــ إقتناع
إن قتل النفس راحه لوو أنا كنت القتيل
إنفجر راسي من التفكير .. و ازداد الصداع
كيف أنا بــ أفتك من جرحك و دوشة قال و قيل
صرت سيره في حلووق الناس و تاليهــ الضياع
أنتحر معقول !؟؟ .. يالله وش هذ الغليل
رحمتك يارب لا من ضاقت .. إمنحني الوساع
إنت حسبي في الزمان الجاير و نعم الوكيل
لا غدئ مستقبلي و الضياع .. أطراف النزاع
و صفحة الماضي سواد و شيء من هذا القبيل
فــ لازم انسئ لأجل .. أنهي بــ داخلي هذا الصراع
و لازم اتقوئ عشان احقق ذاك النصر الجليل
و طالما الهجوم .. أفضل وسيله لــلــ دفاع
مستحيل أرضخ لوو إن الحمل يا ربعي ثقيل
و البخيل اللي نساني .. و أشترئ فيني و باع
[ يـــــذلـــــف ] الله لآ يرده و الله بــجرحي كفيل
و إن سأل عني .. و جاكم بعد فترة إنقطاع
علمووه إني نسيته بس أنا ماني بخيل
طالما كان السبب .. في قوتي قبل الوداع
بلغوه أقل شيء بــ خالص الشكر الجزيل
01-28-2013, 03:22 PM
لو خسرتك ماخسرت العمر والدنيا متاع
