أكلات روعة

[همس الحب]

طريقة عمل كوسة وفلفل محشين




المقادير:21كيلو ارزكميئة ضئيلة من اللحم المفرومخضرة محشةطماطم حمراءتوابلتوابل لحم ورق لورى ملح فلفل اسود)

• الطبخ:الكوسة نخططها من الخارج ب المقورة كدة شكلها يبقى احسن
  اما الفلفل بشوف ناس مقطعاة ب السكينة افضل طريقة لية
  نمسك العنق بتاع الفلفلاية ونضغط لجوة بشويش ثم نشدة للخارج
  هتصبح ضيقة ب الشكلل دة والرز مش يقع
  بس بشرط متمليش الفلفلاية اوى عند الحشو والكوساية كمان
  ببعد غسيل الارز جيدا نقطع علية بصلة نية ونضع خضرة المحشى
  علية وكمو ن وندعكهم ببعض كويس ودة سر جمال المحشى ويا سلام بقة لو حطيطى مع التسبيكة ورق لورى وتوابل لحم مممممممممم لذيذ ونخلط كلة مع بعض ثم نحشى الكوسة ومنملهاش ع الاخر عشان مش تفرقع منك
  وحطى ف ارضية الحلة شرائح بصل وطماطم وبعدين رصى الكوسة وبعدين رصى الفلفل
  ومعيار المياة يكون اقل من نصف الحلة بقليل عشان الكوسة بتنزل مية
  ودة حبيباتى الرز اللى اتبقى هحط علية قلب الكوسة
  وحبة زيت وحبة ملح عشان قلب الكوسة مش كان علية ملح
  طريقة عمل الكبسه السعودى باللحمه بالصور والتفصيل الممل
  
  
  
  
  المقادير:دى البهارات
  
  
  • واحدة لمون ناشف
    -بابريك
    ا-معلقتين كركم
    -حبهان
    -ورق لوره
    -قرنفل
    جزره مبشوره
    طماطمتين صغيرين متقطعين صغير
    بصلتين متقطعين صغير
    وزبيب ولوز
    ورز بسمتى اصفر مغسول ومنقوع نص ساعه نص كيلو
    وكيس مرقه فوريه وكيس صلصه
    ودى بهارات الكبسه
    ولحمه مسلوقه وهنستخدم كمان شوربتها
  • التحضير:هنا حطيت زيت وسمنه فى الحله
    وبعدين حطيت البصل يتشوح
    وبعدين حطيت البهارات الصحيحه هو مش باين منها الا اللمونه هههههه
    وبعدين الطماطم والصلصه ونقلب كويس
    وحطيت الجزر المبشور ونقلب برده
    وبعدين البهارات البودر وبهارات الكبسه حطيت معلقتين صغيرين
    وحطيت الشوربه بس مش كلها حطيت معاها شوية مايه والمرقه
    وبقيت شوية شوربه عملت بيهم شوربة لسان عصفور
    هنا غليت الشوربه بس الكاميرا مشبره من البخار
    وحطيت الرز عليها وقلبته
  • الطبخ:وهنا لما الرز اتشرب خالص نقلته على اصغر عين وحطيت الشياطه
    على ماالرز يستوى بقى جبت اللوز وحطيت عليه مايه مغليه عشان اقشره
    وهنا قشرته وقطعته شرايح
    وبعدين جبت طاسه وحطيت فيها سمنه وزيت
    وبعدين حطيت اللحمه تتشوح
    وشيلتها بعد ماتشوحت وحطيت مكانها اللوز والزبيب
    وطلعتهم على منديل مطبخ
    وكان الرز استوى وعملت الشوربه وادى شكلهم بقى
    دى الشوربه واللمون اساسى طبعا
    ودى الكبسه وحطيت اللحمه على وش الرز واللوز والزبيب
  
  
  
  طريقة عمل كفتة الارز
  
  
  
  
  
  المقادير كيلو رز مغسول ومتصفى كويس
  
  
  • ملح
    وبهارات
    وفلفل اسود
    ربطة خضار
    3 بصلات صغيرين
    راس ثوم
    لففل احمر واخضر
    كيلو لحمة
  • التحضير:كيلو لحمة بس مصورتهاش علشان جبتها من عند الجزار وفرمت على طول بس يفضل تكون اللحمة كبيرة
    قطع كل المكونات على بعضها على الارز على اللحمة وتفرميها حوالى 3 مرات عند الجزار مش فى البيت
    ونصبعهم زى كدة
  • الطبخ:ونقليها فى زيت غزير زى كدة
    ونعمل تقلية بالبصل والطماطم زى كدة
    ولما تسبك نضيف عليهم الشربة ولما تغلى نضيف الكفتى كدة
    ولما تطيب بالف هنا وشفا وادى صورة نهائية ليها
  
  
  
  
  
  
  الكمية تكفي:4 أشخاص
  
  • وقت التحضير:30 دقيقة
  • وقت الطهي:60 دقيقة
  • المقادير:ربع كيلو لحم مفروم
    1 بصله متوسطه
    2 قطعه صدور دجاج او بمزاجك حسب القطع اللى عاوزاها وقطعيها شرايح
    كيلو الا ربع كوسه وقطعيه حلقات رفيعه
    للبشاميل:كوب لبن
    3معالق دقيق- معلقتين ونص سمن
    ملح فلفل
  • التحضير:الطريقه:اول حاجه هتعصجى اللحمه كالتالى
    البصله تبشريها وتحطيها مع سمنه وعالبوتاجاز عدل لحد ماتصفر
    وبعدين تحطى اللحمه المفرومه وطبعا اوووعى تحطى مايه
    انتى وطى عليها وهى هتنزل مايتها وكل شويه قلبيوحطى شويه فلفل
    واما تستووووى حطى الملح وخلى بالك من الملح لانك هتحطى ملح ف البشاميل
    ناخد بالناااا
    ويبقى كده خلصنا من تعصيج اللحمه
    نيجى للكوسه ولصدور الفراخ
    هتجيبى حته سمنه او معلقه زيت از يو لايك ام العريف
    وهتشوحى الكوسه فيها لحد ماتكش وخدى بالك تقعدى تقلبى فيها لانها ممكن تتلسع ووطى النار عليها لحد ماتستوى
    وممكن تحطى عليها رشه ملح رشه صغيره جدااا انا بقولك اهو ورشه صغيره اووووى فلفل اسوس.اسود يعنى
    وفى طاسه تانيه هتجيبى حته سمنه او معلقه زيت وتشوحى صدور البانيه اللى انتى مقطعاها شرااايح
    لحد ماتتحول كلها للون ابيض كما فى الشكل هع هع هع
    لسعه الطاسه بسبب بنوتى اللى زقزقت وروحتلها
    جت سليمه الحمد لله
    يلا نكمل
    ونعمل البشاميل بقى
    معلقتين ونص السمنه بتاعتنا و4 دقيق ولوو حسيتى ان الدقيق كلكع زودى سمنه تانى صغيرين
    لحد ماتحسى انها بقت لينه كده
    واول ماتحسي انه اصفر شويه كده اوعى تحرقيه
    قومى هوووب حطى اللبن بتاعك وياه بقى لو اللبن ده ساقع او دافى خالص مش سخن يعنى وقلبتى بسرعه مش هتلاقى اى كولكيعه اصلا
    وبعدين حطى الفلفل والملح بتوعك وخلى بالك ان اللحمه المفرومه عليها ملح
  • الطبخ:نكمل بقى هنحط الكوسه بتاعتنا المتشوحه واللى شبه مستويه تحت ونحط فوقيها الفراخ من اليمين واللحمه من الشمال ههههه
    وبعدين نغطيها بالكووسه الباقيه
    ونحط فوقيها البشاميل
    ودى قبل ماتدخل
  طريقة عمل المحشى
  
  
  
  
  الكمية تكفي:6 أشخاص
  
  
  • وقت التحضير:30 دقيقة
  • وقت الطهي:60 دقيقة
  • المقادير:كرنب
    رز
    طماطم
    بصل
    زيت
    شبت
    بقدونس
    كسبرة
    صلصة
  • التحضير:اول حاجه قطعت البصل بتاعى قطع صغيره وحطيتو فى زيت وعالحله عدل لحد مالونه يصفر واحس انه دبل كده
    وبعد كده عصرت الطماطم
    وبعدين قطعت الخضره بتاعتى صغنت خالص..شبت بقدونس كسبره //طبعا كل ده وانا بقلب فى البصل ليتلسع منى
    بس واما لاقيت بقى البصل خلاص اتظبط وبقى لوز كده قومت بقى حطيت الطماطم بتاعتى جواه
    وحطيت معاه معلقه صلصه طماطم علشان لونه يحمر بس ونستنى لما تتسبك وبعدين
    قومت هنا بقى حطيت الخضره بتاعتى
    وقلبتها و طبعا غلوه وقومت طافيه البوتاجاز علطوول
    وبعدين ضفت الرز وقلبت كله مع بعضه وسبتها تبرد شويه
  • الطبخ:السسسسسسسسسسسسسسر بقى
    شايفين الصوص الاحمر او الدمعه يعنى اللى انا مبيناها فى المعلقه دىدى يا اوختى ياحلوه كده تاخديها وتقومى حطاها فى طبق بلاستيك او تحطيها فى اى حاجه يعنى
    وتسقى بيها المحشى بعد ماتحشيه
    بسب بقى ياستى وقومت بقى راصه شويه ورق كرنب فى الحله من تحت
    وبعدين قومت لفه المحشى بتاعى
    معلش انا اكمنى بطيئه ملحقتش اصورلكم بحشيه ازاى
    بس هتلاقى اللينك اللى ادتهولكم فوق للفتوكه الداعيه ربها عامله الطريقه للى ماتعرفهاش
    وبعدها ماننساااااش نحط سرنا وطبعا تسقى المحشى بقى بالشوربه بتاعتك يادوبك تغطى وش المحشى
    وتسيبيها تغلي جامد لمده ربع ساعه وبعدين وطى النار علشان طبعا
    طريقة عمل بطاطس بيوريه
    
    
    
    
    المقادير:كيلو بطاطس
    
    
    • نص كوبايه لبن
      معلقتين زبده
      نص كيلو لحمه متعصجه
    • التحضير:نسلق البطاطس ونهرسها كويس
      نضيف اللبن والزبده وملح وفلفل ونقلب كويس
    • الطبخ:نحط نص الكميه في صينيه مدهونه زبده واللحمه العصاج ونص الكميه التاني
      وتدخل الفرن
    • ملاحظات:1- تقشر وتقطع البطاطس حلقات قبل سلقها علشان نضمن انها كلها مسلوقه كويس و مايبقاش قلبها ني 2- ممكن وضع فصين توم مع سلق البطاطس بيدي ريحه ونكهه حلوه
      وطبعا اي اعشاب عطريه حاببينها زي الروز ماري او الزعتر او الريحان
      3- ممنوع نهائيا منعا باتا ضرب البطاطس في الخلاط او بالميكسر او بالخفاقه او باي شئ الي
      لازم تتهرس بالشوكه
      لان البطاطس بتعمل عرق وبتمزلق
      وانا نبهت من الموضوع ده في البطاطس الكروكيت وناس برضه ضربتها في الكبه وجم يشتكوا
      ممكن بس الهراسه باتعه البطاطس المخرمه دي
      4- البطاطس تتهرس وهي سخنه ماتتركنش خاااااااااااالص
      ونحط الزبده واللبن عليها برضه وهي سخنه علشان تندمج كويس
      5- العصاج بصلصه او بدون زي ماتحبوا
      6- ممكن نحط للبطاطس بيضه لكن بيضه واحده فقط لانهالما بتبرد بتجمد ووتبقي كتله واحده
      انا عن نفسي مش باحب البيض فيها لكن اللي خايفه تفك منها ممكن بيضايه مش مشكله
      7- لازم نسيبها تهدي شويه قبل مانقطعها علشان تطلع خرط كده ومش تتفتفت
      8- الوش علشان يتحمر كويس ويبقي حلو ممكن نحطله بيضه مضروبه مع شويه لبن او قشطه او زبده او سمنه او حتي معلقه بشامل فايض من عندنا
    
    اللى فوق يستوي ومايتظلمش سعيدة قوي
  طريقة عمل ورقه لحمه بالخضار
  
  
  
  
  المقادير:لحمة صغيرة
  
  
  • بصل
    طماطم
    بطاطس
    كوسةوممكن اضافه اى خضار تحبيه
    جزر بتنجان اى نوع بس نصيحه بلاش الفاصوليا لانها بتعمل طعم غريب فيها اوكى
    ورق فويل
    الملح والفلفل الاسود واى بهارات تحبيبها
  • التحضير:هنا نلخبط كل المقدار على بعض بعد اضافه الملح والفلفل الاسود واى بهارات تحبيبها
    ونحضر الورق الفويل
    ونحط الخليط كله على بعض
    وطبعاااااااااااااا بدوووون سمن خاااالص وحتلاقيها تجننننن وخفيييفه واللحمه بتنزل صوصها والريحه واوووووو
    ونقفلها كويس جدا
    ونحطها على صينيه او على الصاج بتاعه الفرن على درجه حراره 200 وحتستوى واللحمه بتستوى فيها بسرعه جدا
    وكانت الريحه قالبه الدنيا
  
  طريقة عمل البفتيك الكرسبى الجااااااااااااامد
  
  
  
  
  المقادير:7 شرايح لحمه بوفتيك تقطيع جزار محترف رفيعه وحلوه ذيكم
  
  
  • بيضه وعليها ملح وفلفل اسود وعصره ليمون
    بقسماط مطحون
    دقيق ابيض وعليه شويه نشا
    بصله مبشوره ناعم وعليها 2 معلقه كاتشب وفلفل اسود وملح
  • التحضير:نجيب اللحمه ونخلطها بالبصله والكاتشب وملح وفلفل
    وسيبيها على الاقل ساعتين منقوعهايوه طبعا
    وبعد كده حضرى بقه البيض والبقسماط والدقيق اللى عليه ايه نشا
    ركزو معايا
    وبعد ما تكون اتنقعت كويس ناخدها ونخلطها بالدقيق وبعدين البيض وبعدين اغمريها بالبقسماط كويس جدا عشان تكون كرسبى
    اللى بيحب الحراق اخلطى مع الدقيق شويه شطه حلوووووين وحتمووتى ياسوسو من الولعه.
  • الطبخ:كده جهزناها على القلى
    قبل القلى اغريزيها بالسكينه عشان متنكمش وتستوى كويس
    ونحضر الطاسه
    ولازم نوطى النار عشان تستوى كويس وتتحمر كويس
    ونطلعها على مناديل لتشرب الزيت
    وعملت جامبها مكرونه بالصلصه واضافت على الصلصه مكعب مرقه اللحم
  ♥احلي فراخ محشية من مطبخي هتاكلي صوابعك وراها♥
  
  
  
  
  المقادير:(جزرة كبيرة مبشورة)
  
  
  • (بصلة متوسطة مقطة حتت صغيرة)
    (نصف ملعقة ملح)
    (نصف ملعقة كمون)
    (نصف معلقة بهارات كبسة)
    و القوانص
    رز
  • التحضير:(للرز)
    الاول نجيب البصل و الجزر
    و نحطهم في حلة و نضيف عليهم
    ( معلقة سمنة)
    (شوية زيت)
    و نقلبهم مع بعض لحد ما يخدوا لون اصفر
    و بعدين نحط القوانص بعد ما نكون غسلناها كويس اوي
    و نسيبها تتحمر معاها 5 دقايق و بعدين نضيف كوباية ماية
    و نسيبها تغلي و نضيف الملح و الكمون و بهارات الكبسة
    ودا هيبقي شكلها
  • الطبخ:(و نسيب الماية تغلي عشان نضييف الرز)
    ♥
    و لما نضيف الارز نسيب النار عالية لحد ما الماية تتشرب
    وبعدين نوطي النار و نخليها خفيفة
    عشان يستوي
    (لمدة نصف ساعة)
    (و لما الارز يستوي نحضر الفرختين بتوعنا اللي هتحشوا)
    لازم نغسلهم كويس اوي قبل ما نبتدي نحشيهم
    انا بجيب معلقة كبيرة ملح
    وبحطها جوا الفراخ و بادعكها كويس
    و بجيب لمونة و ادعكها برضو مع الملح
    و الطريقة دي بتخلي الفرخة لما تستوي تكون ناعمة معاكي
    و كمان متخدش وقت في السوا
    (لانها خدت نص ساعة بس)
    و هنا الرز في نص السوا
    ♥
    و هنا خلاص استوي
    والقوانص في النص شايفين جميلة ازاي
    و نبدا نحشي الفرخة بالارز
    (ولازم الماية اللي هنحطها فيها تكون مغليه كويس اوي)
    (عشان متتفتحش منك)
    (ومتسيبهاش مدة كبيرة سيبيها نص ساعة بص)
    و اول ما تطلعيها سيبيها تبرد شوية
    وبعدين اقليها بمعلقة سمنة و شوية زيت
    و دا شكلها النهائي
  
  طريقة عمل البيتزا
  
  
  
  
  
  
  
  • وقت الطهي:30 دقيقة
  • المقادير:2 كوبدقيق1/8 كوبزيت ذرةعدد 1بيضةمقدارذرة ملحمقدارقطعة خميرةمقدارماء دافئمقداربسطرمة2 ثمراتفلفل أخضر كبيرةمقدارجبن روميمقدارجبن شيدرمقدارجبن موزاريلامقدارزيتون أسود مخليمقدارشرائح طماطم رقيقة3 ملعقةزيت ذرة كبيرةعدد 1بصلة متوسطة مفرومةعدد 3عصير طماطم1 ملعقةدقيق كبيرةمقدارملح وفلفل وبهارات
  • التحضير:1- وضع ملعقة سكر للخميرة وبعض الماء الدافئ لتخمر
    2- يتم عمل العجين وذلك بإضافة الملح للدقيق ثم إضافةالخميرة للدقيق وإضافة الزيت والبيضة وتعجن جيدا ويضاف له الماء الدافئ إذا احتاج له حتى تنفصل العجينة عن يديك ولا تلتصق بها، وتترك لتخمر وترتفع.
    3- يتم عمل الصلصة وذلك بوضع الزيت في الحلة ووضع البصل المفروم معه ويقلب حتى يصبح لونه ذهبيا ثم يضاف الدقيق ثم عصير الطماطم ويترك ليغلي لدقائق ثم يضاف الملح والتوابل ويترك لتبرد.
    4- يفرم البسطرمة والفلفل الأخضر والأجبان ويقطع الزيتون.
    5- توضع 3 م ك زيت ذرة في الصينيةثم تفرد عليها العجين بسمك 1 سم وتترك لتخمر في الصينية.
    6- توزع الصلصة في الصينية بالتساوي بحيث تغطي العجين.
    7- يرش على الوجه -بالتساوي- البسطرمة أو اللحم المعصج أو التونة (بعد تصفية الزيت منها وتفتيتها) ثم الفلفل الأخضر ثم الأجبان ثم الزيتون ثم حلقات الطماطم ثم يساوى الوجه باليد بالضغط الخفيف جدا .
  • الطبخ:توضع الصينية في الفرن على درجة حرارة متوسطة حتى يحمر قعرها وجوانبها ثم تشعل الشواية لتحمير الوجه وتقدم ساخنة.
  
  طريقة عمل الكفتة سريعة وهايلة
  
  
  
  
  المقادير:1/2 كيلولحم مفروم2 ملعقةبرغل كبيرةعدد 1بصلة متوسطةعدد 2فص ثومعدد 4عيدان بقدونسمقدارملح فلفل بهارات
  
  
  • التحضير:يسلق البرغل و يصفى
  • الطبخ:يفرم البصل و الثوم و البقدونس و البرغل+التوابل فى الكبة
    تعجن المكونات السابقة مع اللحم و تصبع الكفتة و توضع فى صينية مدهونة بقليل من الزيت
    تغطى الصينية بورق الالومنيوم وتوضع على النار لمدة 15 دقيقة
    تحمر الكفتة على النار عند موعد الاكل
  طريقة عمل الفراخ البانيه بطريقة جديدة
  
  
  
  
  المقادير:مقدارصدور فراخمقدارفلفل وطماطم وليمونمقداربصل وملح وبهارات1 علبةزباديمقدارزيت او سمن
  
  
  • التحضير:هل فكرتى فى ان تتبلى البانية بدون بيض ؟؟؟؟!!!!!!!!
    هل فكرتى فى طعم جديد للبانيه
    على ضمانتى ……………
    أضيفى الزبادى الى الفراخ سوف يعطيعا لون محمر سريعاً … وسوف يجعل البانيه طرررررررررررى عند المضغ ….. وسوف يضيف مزازة الى الفراخ مما يجعلها تشهى مع الأرز أو المكرونه أو حتى البطاطس المحمرة …………
    نبدأ ؟؟؟؟؟؟؟؟؟؟؟؟؟؟؟؟؟
    حاولى ان يوم تنظيف الفراخ يكون يوم مستقل
    حاولى ان تجعلى قطع البانيه متساوية …
    وطبعاً الباقى من قطع الصدور….. سوف نستفيد منه
    عند الإنتهاء من تسوية حجم الصدور …
    نجهز التدبيلة الجديدة
    بوضع كل المكونات فى الخلاط الا الفراخ والبقسماط ونضربهم جيداا
    ويمكن الإستغناء عن البيض نهائياً .
    ونضع الصدور فى التتبيلة لمدة ساعة …….
    بعد ان تتشبع بالخلطة الجديدة (المضاف اليها الزبادى)
    نضعها فى البقسماط الخاص بالتحمير
    مع الضغط على الفراخ جيداً للتأكد انها تشبعت من البقسماط
    حتى لا تحترق من الداخل
  • الطبخ:نضع الزيت فى المقلاة ثم نضع بعض عصير الليمون لاضافة نكهة خاصة
    ثم نضع الصدور ونقوم بتحميرها جيدا من الجانبين
    طريقة عمل لحم كباب حلة
    
    
    
    المقادير:1/2 كيلولحمعدد 1بصلة متوسطةعدد 1فص ثوممقدارسمنمقدارملح وفلفل وبهارات
    
    
    • التحضير:1- يقطع اللحم مكعبات صغيرة أو كبيرة حسب رغبتك.
      2- يفرم البصل والثوم فرما خشنا
    • الطبخ:1- يشوح البصل لمدة دقيقة ثم يضاف له اللحم ويقلب حتى يتغير لون اللحم إلى الون الغامق ثم تقلل النار تحته
      2- يضاف للحم نصف كوب ماء كل فترة حتى لا ينشف اللحم.
      3- عندما يبدأ اللحم في تمام النضج يضاف له التوابل كلها ويترك حتى يكتمل نضجه.
      4- بعد إغلاق النار من تحته توضع ملعقة سمن كبيرة في طبق صغير من الألومنيوم ويوضع عليها قطعة فحم مشتعل ويوضع الطبق بسرعة على اللحم في الحلة وتغطى الحلة لمدة 10 دقائق ثم يغرف اللحم ساخنا.

[توتى العمدة]

]

[طارق سرور]

لا لا لا أنا جوعت بجد

إيه الروعة ده والوصفات إللى تسحر

يعطيك العافية اختى همس الحب

[نور]

ييممممممممممممم
رووووووووووووعة
سلمت احلى همس
طرح اكثر من رائع
دام عطاءك المميز
ودمت بكل الخير