جرس الباب

[ساجده]

جرس الباب

كتب على سلامة
الله يكون ف عون
اللى ملهوش أصحاب..
يجرى لما يسمع جرس الباب..
يفتح يلاقى المكوجى
يفتح يلاقى وصل النور
يفتح يلاقى شوية برد..
ويفتح وما يلاقيش حد..
يرجع يدوّر ف الدفاتر القديمة
وألبوم الصور
ويقرا للمرة الألف
نفس الجواب..
الله يكون ف عون
اللى مفيش معاه
غير شوية عناوين..
وأرقام تليفونات
مايعرفش أصحابها مين..
ووردة دبلت ف قلب الكتاب..
ياه..
معقول يجى يوم يا قلبى
ونتسول شوية ونس..
معقول ليالى البوح يصيبها الخرس..
ياترى شكلهم إيه يا قلبى
اليومين الجايين..
ويا ترى هاتميل على مين
لما تحب ترتاح..
إياك تبطل تحب
واوعى ف يوم تنتظر اللى راح
ومش راجع..

[نور]

كما تعودنا منك
غاليتى ساجدة
بوح ساخر لواقع قاسى
نعانى فيه من الكثير ومن ضياع الحلم
لكن هناك امل ننتظره ليلوح لنا بفجر جديد
سلمت غاليتى
حروف معبرة وواقعية للغاية
خالص شكرى وودى

[طارق سرور]

شكراااااااااا اختى ساجده على الزجل الممتع

[ساجده]

مشكورين على مروركم العطر