يا قمر ياللي في السما منور أوقاتنا في ليالينا
وماشي معانا كل لحظة و خطوة من خطاوينا
تسعدنا كل ليلة و أنت و إحنا فينا ما فينا
واللي يشوفك يتخدع فيك و عمره ما يعرف
إن دمعك في اساسه منبعه عيونا و مأقينا
نفسي يا قمر أطلع عندك في علاك
و أشوف بصتك للدنيا ولينا
يمكن ساعتها أقدر أفهمك
و أعرف أنت ليه شاكينا
دة إحنا يا قمر حبك
دوب قلوبنا وأنهك مأسينا
ومن وجع قلوبنا عليك
نسينا الدنيا نسينا حتي أسامينا
لازم تسامح ياقمر وتغفر
دة إنت فوق في السما مش زيينا
طيب إحنا بشر غلاطين
وأنت برضه غلط تساوينا
ربي وربك خلقنا كدة
إحنا نغلط و إنت تداوينا
بنورك وعطرك و جمالك
بحبنا ليك ياقمر إحتوينا
لو كل الدنيا عملت زيك
يا قمر وعاندت تغرق مرافينا
عارف إن جرحك ماله دوا
بس عشمك في ربنا وفينا
وكلامي مش جي علي هواك
بس دة أخر ما بإيدينا
إنسي يا قمر وعيش
ودي دنيا وكله من اللي علينا
وعجبي
11-10-2010, 02:43 PM
يا قمر ليالينا
