بالصلاه ع النبي

[ساجده]

كتب على سلامة ,


بالصلاه ع النبي
احنا عندنا اسمه ايه ده
احسن واحد يحلل مبارايات
ويحط التشكيل
الاساسي والبديل
ويقولك امتي تلعب براسين حربه
وامتي تلعب من غير راس
ولو ضميرك مش مرتاح
وعندك احساس
بلاش تشوط ع التلات خشبات
وعندنا اسمه ايه ده
احسن مهندس خبير
بيرمش بس للبير
يطلع غاز وبترول
وينزل دهب م الحنفيات
وعندنا اسمه ايه ده
احسن سمكري ف التلاتين سنه الاخيره
تخش من مجري العيون علي عين الصيره
هاتعرفه من مناخيره
ومن شكل العربيات
وعندنا اسمه ايه دا
مجرم قانون دولي ودستور
وايده خفيفه قوي ف التعديلات
يشيل من هنا ويحط هنا
جواهرجي ياربي
ملقاط
وعندنا اسمه ايه ده
احسن واحد يحط الفول علي الطعميه
ويعمل سندوتشات
وعندنا اسمه ايه ده احسن دكتور
مسالك وعظام وقلب وغرام
من نظره عينيك يعرف
كل الحاجات
ولا روشته ولا ابره ولا تحليل
ولا اشاعات
وعندنا اسمه ايه ده
احسن حانوتي اثار
ولو جاله برد
ابو الهول يموت
وتنتحر الاهرامات
وعندنا اسمه ايه ده
احسن كاتب
واحسن مخرج رقص
واحسن جزار كوارع وعكاوي وحلويات
وعندنا اسمه ايه ده
ملوش حل في الزراعه
فواكه وحبوب وخضراوات
يقول للارض قمح
تقوله حاضر
ونخبر ونعمل بسكويت
وفينو بسمسم وبقصمات
وعندنا اسمه ايه ده
صاحب القهوه
كلنا نتيتم ونتشرد
لو بعد الشر
زي الناس ما بتموت
مات
ياخي انا مش عارف
لما احنا عندنا
اسمه ايه ده
واسمه ايه ده
امال اسمها ايه دي
مصر
مبتتقدمش ليه
وتعبت
وزهقت
وداخت
ولفت السبع لفات

[marmer]

علية الصلاة والسلام

شكل على سلامة

ما بيحب الكورة هههههههه

اختيار جميل زيك

تسلمى ساجدتى

[قطة شقية]

عليه الصلاة والسلام
موضوع جميل ساجدة
واختيار رائع

[أحمد اسماعيل]

عليه افضل الصلاة واتم السلام


بلدنا كلها خبراء هههههههه



ساجده


يسلمووا على روعة الطرح

دعواتى لك بالصحة والعافية