اقتباس:
المشاركة الأصلية كتبت بواسطة أحمد المصرى
شخصيتنا الرائعة والنشيطة .. همس الليل عدنا بالاسئلة والحوار ونبداء بها
الدنيا مليئة بالاحلام وأيضا تأخذنا الايام
حلم تتمنيه للوطن العربى
حلم تتمنى لبلدك
حلم تتمنيه لنفسك
"
"
أجمل الاوقات التى تكونى فيها فى سعادة وسرور ما هى ؟؟
"
"
أكثر شىء يؤثر فيك داخل بيتك وقت الزعل ؟؟
"
"
مشاهد تتمنى أن تختفى من مجتمعنا ؟؟؟
"
"
موقف أثر فى نفسك كثيراُ
:
نصيحة تكتبيها لإصحاب القرار فى الوطن العربى
لنا عودة
مساء جميل لكــِ
تقبلى منى كل الود والاحترام
|
السلام عليكم احمد
الله يحفظك ويخليك على كلامك الطيب عنى
بسم الله نبتدى
الحلم اللى اتمناه لوطنى العربى
هو ان يكون عندنا ما يسمى بالاتحاد العربى بين كل البلدان العربية زى ما حصل بين دول اوربا وما سمى بالاتحاد الاوربى
الحلم اللى اتمناه لبلدى مصر
نفسى تكون مصر احلى واجمل بلد فى الدنيا زى دول شمال اوربا جمال ونضافة ورفاهية وراحة واقتصاد جيد وحاجات تانية كتير يارب تحصل حتى لو كم سنة ادام شوية المهم تحصل باذن الله
الحلم اللى اتمناه لنفسى
زى ما قولت قبل كده حلم بسيط جدا هو ان ربنا ييسر لى الحال انا والانسان اللى بحبه نكون اسرة صغيرة هادية وجميلة ومتفاهمة.
اجمل الاوقات اللى اكون فيها سعيدة
وقت ما بشوف السعادة وراحة البال عند كل اللى احبهم
وقت ما بشوف حد نفسه يحقق حاجة معينة والاقيه حققها ومبسوط بيها
وقت ما اجيب لعبة او هدية بسيطة لحد ما ولاد اخواتى والاقيه فرحان اوى بيها واشوف الفرحة بعيونه وهو يلعب بها بكون اكتر سعادة
اكتر شىء يوثر بيا فى بيتى وقت الزعل؟
هو سؤال محير فضلت افكر فيه كتير
لانى اصلا مش بزعل من حد او يمكن بزعل بس الزعل مش بيدوم وبنساه
حتى لما بكون زعلانة بزعل مع نفسى ومش بحسس حد فى البيت انى زعلانة او مضايقة من حاجة وبمارس حياتى بشكل عادى جدا علشان مفيش حد يحس بتغير عليا
مشاهد تتمنى ان تختفى من مجتمعنا؟؟
مشاهد كتييييير اوى ما كنتش فى مجتمعنا ودخلت علينا حديثا
*وهى ان البنات بئت اقل حياءا
* وتلاعب الشباب بمشاعر البنات باسم الحب
*والمصحلة اشوفها بئت زيادة عن اللزوم عندنا
وحاجات تانية كتيرة
موقف اثر بنفسك كثيرا؟
مواقف كتير بتأثر فيا لان بطبعى حساسة شوية بس اكتر شىء لما بكون محتاجة اتكلم مع حد ومش لاقياه
وافتكرت موقف كمان حصل قريب ادام عيونى وكنت هعيط من المنظر وهو ان جارنا الله يسامحه شفته يزق ابوه فى الشارع
بصراحة موقف صعب جدا لما اشوف عقوق ادام عيونى ومش قادرة اعمل حاجة
نصيحة تكتبها لاصحاب القرار فى الوطن العربى؟
اتقوووووووووووووا الله فى الشعب المحكوووم
احمد المصرى
سعدت بالاسئلة جداااااا
ومنتظرة البقية
حفظك الله من كل شر
05-19-2008, 12:50 AM
رد: ضيفه تميزت بهدوئها الدائم والحضورها الراقي .. همس الليل
