بفلوسك يا ابن الإيـه
جى الكرسى برجليه
ودا كرسى عموله بيقدر
يتعرف ع اللى شاريه
بفلوسك وانت الخايب
ح تقب وتصبح نايب
وتعبى وتملا زكايب
والكوم ح تحط عليه
بفلــوسك تبقى السيد
ونعيّد يــــوم مـا تعيّد
ونعلق نـــــور ونــأيد
وعدوك نـــدعى عليه
فى المجلس جنب أخواتك
دفعة منظر وحيـــاتــك
نواب كــدا زى حالاتك
لو فهموا ح ينجحوا ليه
وزرا وبهوات ح ترافق
وأكيــد ح تكيـــد وتنافق
وح تبقى تملــى موافق
منتش عارف على ايه
علـــى أدك مش متثقف
عنددى مش راح نتوقف
غير نـــــايم أو بتسقف
آخــــرك مش ح تعديه
غصبن عنّا وبرضانـــا
ح تجوب أرضنا وفضانا
هيبه ومركــــز وحصانه
ادعــــى لــه الله يخـليــه
اتمـــرغ يـــاللا يـــاباشا
الهط دى الفتـــــه بغاشه
ونحـــاسبك كلا وحـاشا
ماتجيش يــــاسعادة البيه
"سامى النويهى"
11-04-2010, 06:01 PM
بفلوسك يا ابن الإيـه
رد: بفلوسك يا ابن الإيـه
