ديوان شعر المحاورة - سعيد الحمالي

[لمسة دفء]

الـــــعــــــوفــــــي:
يا سلامي سلام ٍ مثـل بـرق المخيلـه 000 قوم خيل المخيله يـا سعيـد الحمالـي
جاك بندر يسل السيف يركـض بخيلـه 000 سل سيفـك وبارزنـي ووص العيالـي

----------
الــــحــــمــــالــــي:
مرحبا بك يا بنـدر فالقصـور الظليلـه 000 لكن الموت سيـلٍ مـا يجيلـه خيالـي
إركض إركض بخيلك جاك راعي الكحيله 000 لكن إن طعت شوري خل مشيك عدالـي

-----------
الـــــعــــــوفــــــي:
كيف تسفه علـوم اللـي يـدوّر دليلـه 000 شرهتي للرجال اللي تعـرف الرجالـي
يمكن ان الولد ضيّـع سلـوم القبيلـه 000 استشرتـه وقفّـى دون رد السـؤالـي

-----------
الــــحــــمــــالــــي:
أنت قربت نارك عنـد خشـم الفتيلـه 000 لكن النـار لا تحرقـك يابـن الحلالـي
والأوادم تصـرف حسـب دم الفصيلـه 000 وأنت والله ظنـي فيـك رجـل مثالـي

-----------
الـــــعــــــوفــــــي:
كيف تنسى علومي بيـن يـومٍ وليلـه 000 بيننا علم خافـي ميـر تـوّه طرالـي
ما يعرف الفضيله كـود راع الفضيلـه 000 وانت صقرٍ نعرفه من صقـور الجبالـي

----------
الــــحــــمــــالــــي:
ما نسيتك ولكنـي مـا احـب الهزيلـه 000 وأنت تشري رخيصٍ عقب ما بعت غالي
شاعرٍ لا بخصتـه زيـن كمـل ذبيلـه 000 ودك إنه ما يلبس له شمـاغ وعقالـي

-------------
الـــــعــــــوفــــــي:
ما يعرف الجزيلـه غيـر راع الجزيلـه 000 حسب راع الطلب حنا نقدنـا الريالـي
ما ينقّص حقوق الناس غيـر الهبيلـه 000 ودك انه يسّـرح مـع رعيّـة حلالـي

------------
الــــحــــمــــالــــي:
كل هرجٍ وله معنـى وزبـدة حصيلـه 000 دوك بـراد مـر ودوك بـراد حـالـي
ومن نقص حق مسلم ربنا هـو كفيلـه 000 ومن حسبني مكاسب بأحسبه رأس مالي

-------------
الـــــعــــــوفــــــي:
الخفيفـه خفيفـه مـا تعـوّد ثقيـلـه 000 هيد مبغى قهاوي يـا كريـم السبالـي
البنادم محاسـب وانـت منتـه وكيلـه 000 احسب احساب خلق الله وتلقى مجالـي

-----------
الــــحــــمــــالــــي:
صاحبـي لا تغثـرب بالكبـود العليلـه 000 الأوايـل أوايـل والتـوالـي تـوالـي
شرهتي كلها لأهـل اليمانـي الطويلـه 000 مالنا شرهـة تلحـق قصـار الحبالـي

--------------
الـــــعــــــوفــــــي:
أثر تمره حشف وايضا ينقّـص فكيلـه 000 فرق بين اليمين وفرق بيـن الشمالـي
هيه ثلث الجزيـره للرجـال الاصيلـه 000 كبرت الديره بفعـل اليديـن الطوالـي

--------------
الــــحــــمــــالــــي:
دلة الكيف فاحت هيـل مـع زنجبيلـه 000 وانت عندي مكانك بين صفـر الدلالـي
الجزيره تحت حكم السيـوف الصقيلـه 000 وارتفع صوت بعض الناس لالي يالالي

[لمسة دفء]

فـــــــــــــــــــازع:
من هجوسن لها بالطيب صوله وجولـه 000 يسلامي علي الشعـار فـي كـل ديـره
يسعيـد الحمالـي لـو كتمنـا نقـولـه 000 الحقيقه يابـو ناصـر وبالخيـر خيـره

---------
ســــــعــــــيــــــد:
من هجوسن تحب الطيب واهل الرجولـه 000 مرحبـا بالنشامـا والوجيـه السفيـره
لاجل عينك حضرنـا والركـاب معقولـه 000 وكان عنـدك علـوم قودهـا بالبصيـره

---------
فـــــــــــــــــــازع:
البقـا بالمرحـب بيـن جولـه وجولـه 000 اعرفك ماتضايق لـو تطـول المسيـره
ياسعيد انت شاعـر تستحـق البطولـه 000 لاتحـط الصغيـره فـي مكـان الكبيـره

----------
ســــــعــــــيــــــد:
الجمل لا بـرك يقـدر يشيـل الحمولـه 000 غيـر بـر المـزارع لا يعـود شعيـره
إن طلعنا الجبل يسهـل علينـا نزولـه 000 لا تصغّـر كبيـر ولا تكبّـر صغـيـره

----------
فـــــــــــــــــــازع:
لاتعجـل ونفسـك لاتـعـود عجـولـه 000 من يشيرك يابو ناصر لـزوم استشيـره
اسمع العلم واقري العلم لاجـا بصولـه 000 وان عرفت السوالـف لاتبيـح السريـره

----------
ســــــعــــــيــــــد:
بأمهلك وأمتر الميدان عرضـه وطولـه 000 عندك الصبح كله ليـن وقـت الظهيـره
صل فرضك وتمه في رجـاء الله قبولـه 000 والعشيـر السنافـي مايبـور بعشيـره

---------
فـــــــــــــــــــازع:
مر سوق الذهب وتشوف كل امحصولـه 000 ياسعيـد الحمالـي لازم انـك تـديـره
لاتمـر القوافـل ليـن تدفـع عمـولـه 000 ماتدقق علي اللـي دوم يشعـب بعيـره

---------
ســــــعــــــيــــــد:
أحمد اللي عطاني كنـز ماسـه و لولـه 000 مغتني عن سمير ومغتني عـن سميـره
والعموله على اللي مـا تشيلـه رجولـه 000 ومن نوى الحرب يشري له سلاح وذخيره

--------
فـــــــــــــــــــازع:
قالو انك تشوف ولا ذكـر فيـك حولـه 000 ادفعـك لاسهـل وتـروح يـم الوعيـره
ماعقت الـك خليـت العقـود امحلولـه 000 لاتخلينـي ازعـل ثـم ازيـد السعيـره

---------
ســــــعــــــيــــــد:
قالوا انك تعض ولـك سنـون مهلولـه 000 ولك عيون عن رجال الوفـاء مستذيـره
إن زعلتوا عوافـي يالبطـون الأكولـه 000 ولو تزيد أبشر بحوسة مريـر المريـره

---------
فـــــــــــــــــــازع:
يالحمالـي تحملهـا وا جتـك امحمولـه 000 كنت احسب العيون اصحاح وليا ضريره
كبتن الطايره تحتـه كـراس امخمولـه 000 خملوهـا لعيـن الكبتـن الله يجـيـره

----------
ســــــعــــــيــــــد:
يالرشيـدي جملكـم لا تميـل عـدولـه 000 وإنتبـه ياعميلـي للرحـا المستـديـره
كبتـن الطايـره ينظـر بعيـنٍ كسولـه 000 ما يقند دماغه غيـر مـن كـاس بيـره

-----------
فـــــــــــــــــــازع:
قلتلك علم يـوم العلـم جـاك ابحلولـه 000 بس راسـك عنيـد ولا تهـاب المغيـره
المطـر بعـد مايرعـد سحابـه نزولـه 000 لاتجي بالشعيب اللـي يشيلـك جريـره

[أحمد اسماعيل]

سلوى ... رائع الطرح رائع


اسعدك الله وكتب لك السلامة

دعواتى لك بالصحة والعافية

[لمسة دفء]

أحمد

سلمت على مرورك المميز


دعواتى لك بكل خير