سؤال لكل وزير بمصر
سوال لكل وزير وصاحب سلطة بمصر مش كفاية كدة وتتقو اللة فى عملكم ؟
س2 انت بتعمل اية وانت قاعد فى مكتب الوزارة بتقراء الجرائد وتشرب فنجان القهوة وتروح ولا اية ؟
س3 انت بينك وبين نفسك راضى عن ادائك امام اللة وامام الشعب الى انت من واقع الدستور انت شغال عندهم ؟
بجد كدة حرام حرام حرام عليكو الشعب مش عارف يلاقيها منين ولا منين
من معالى السيد وزير البيئة الى مخلى شوارع مصر مليئة بالزبالة ولا السحابة السوداء الى جعلانها جزء من حياتنا اليومية حقيقى انجاز يا دكتور حقيقى انت دكتور
ولا من معالى وزير الاسكان الى موفر الاسكان للشباب بالمجان الشقة بس 120000 الف جنية للشباب اصحاب الدخل المتوسط وفى المدن الجديدة يعنى فى الصحراء لا رخيصة برضة يادكتور واللة حقيقى شيفين شغلكو تمام وزعلانين ان مصر فى الاونة الاخيرة كثر فيها جرائم الاغتصاب دة بفضل انجزاتك
ولا من معالى السيد الاستاذ الدكتور وزير الاقتصاد حقيقى دية الوزارة الى محدش فهمها بس بجد دة وزير صاحب فكر ممكن نكون مش فهمينة فى عصرنا الحالى عارفين لما كنا بنقول على المخرج يوسف شاهين افلامة مش مفهومة وهو يرد يقول ان افلامة هتتفهم بعد ميت سنة اهو معالى الوزير متبع نفس الاستراتيجية كل يوم نسمع على اساس اننا شعب جاهل وعبيط اننا حققنا انجاز ما بعدة انجاز فى الاقتصاد المصرى بس لازم نفرض ضرائب على شان نوسع النشاط الاقتصادى يا دكتور خلاص الى فاضل كدة ان الى يمشى فى الشارع يدفع ضرائب والى يتنفس يدفع ضرائب والى اتجرء واكل وجبة ودخل الحمام يدفع ضرائب هو انتو بتدونا كام على شان كدة وفى الاخر فين الضرائب دية فى شوارع مكسرة ولا تعليم عدل ولا صرف صحى عدل ولا كهرباء ولا اية طيب انا طالب رائى معاليك انت راضى كدة على بلدك
ولا بقى الباشا الكبير معالى وزير الدخلية اية رائيك فى الامن والامان اية رائيك فى اداء جهازك اية رائيك فى الفكر الى بتعلموة للطالب فى اكاديمية الشرطة اضرب الظالم والمظلوم انت تكون السيد على الشعب اية رائيك فى كل شهر فى وفاة مواطن على ايد رجال الشرطة اية رائيك فى التعذيب فى الاقسام اية رائيك فى بلطجة رجال الشرطة على الشعب فى فرض اتوات شهرية على سائقين المركبات اية رائيك فى معاملة المواطنين البسطاء فى الاقسام هو دة فخر التدريب الجاد والتسلح بالقيمة العلمية والعملية الى انتو هرينا بية فى كل تخرج من الاكاديمية ضابط مبيعرفش يعمل محضر اجراءات الضيط غير صحيحة مهو متعلم على البلطجة وانة باشا عظيم الا بالحق البشوية انتهت معالى الوزير فكر واستراتيجية عيزكو فى خلال شهر مفييش حشيش فى البلد سمعين اوامر معاليك يا فندم البرشام والبدرة والبانجو بقى فى متناول الجميع ولا انت شايف اية
اخيرا وليس اخرا بس بجد علشان انا زهقت معالى الوزيرة وزيرة القوى العاملة وفرة 150000الف فرصة عمل بمصر من نقاش ومبيض محارة وافراد نظافة يسلام حقيقى وزارة القوى العاملة يعنى اصحاب الشهادات حاجة من الاثنين لايخليهم فى بيوتهم اما ان يكونوا عمال نظافة وزرة وحكومة صالحة للشعب المصرى
رسالة لكل وزير احنا مش عيزين دكاترة على شان الظاهر هما مش فاهمين حاجة عيزين ناس لهم فكر واصحاب عقول مفكرة والشعب المصرى مش جاهل ولا احمق علشان تعملوة بالاستخفاف دة وفى يوم الفلوس والجاة الى انتى عملة ليك ولاولادك هيزول وهيبقى الذكرة الخالدة الى كل يوم الشعب بيدعو عليكم فتقو اللة فى الشعب وحاول تفكروووووووو
07-26-2010, 01:56 PM
سوال لكل وزير بمصر
رد: سوال لكل وزير بمصر
